Machitilo 27
27
1PAMENE pechiti tiime mu wato kuya ku Italiya ŵesungisya Paulo na ŵambi ŵomangiwa kuli kenturiyo zina lake Yuliyo, wa mpingo wa Augusto. 2Lomba poloŵa mu wato wa ku Adramutiyo wisakakuya ku minzi ya mchinsinsi cha Asiya tiponesesya wato, Aristarko Mmakedoniya wa ku Tessalonika enze nase pamo. 3Mmawa mwake tifwika nopimvukila pa Sidoni: na Yuliyo emchitira Paulo paweme nomzomezya kutandala ku viuza vyake novumukako. 4Lomba tikaimileko kuya ku lyondo tilambalala kunsei kwa Kupro, pakuti mpepo yenze kuntanzi. 5Nase tikapule pa chimana choteezyana na Kilikiya na Pamfuliya tifwika ku Mura wa mLukiya. 6Kwamene kenturiyo kwechifwanga wato wa ku Alesandriya ukuya ku Italiya notiikamo. 7Nase petenzekuya patonto patonto nsiku zinyinji na kuza kovupa poteezyana na Knido mpepo itilesya kufwikapo, nase tilambalala kunsei kwa Krete kufupi na Salmone; 8nipo polamba mchinsinsi kovupa tifwika pachite zina lake pa Chau Chiweme; pafupi pala penze munzi wa Laseya.
9Ikapite nsita ikuru na ulwendo lomba wipingulwa pelipita kale Siku lolitana vilyo Paulo eŵachenjezya 10noŵanenera, Mwantumwe, nuŵona kuti ulwendo uyu uuŵe na milase nochenekeka kukuru, nte ku wato weka na viya vya wine sembe soti ku moyo wasu. 11Sembe kenturiyo emmvwila chiyoŵa na mwine wa wato kupula malizu aŵo enenewa na Paulo. 12Nipo pakuti pa chau sipenze paweme kulalapo pa mwera, winji wipingulana kuimapo noponesesya wato, kati kaya akafwike ku Foinika nonkalako pa mwera; pamene ni pa chau cha pa Krete, polola ku mpoto na kuli mzambwe. 13Lomba peikunta konasya mpepo ya ku mwera elinga kuti yaŵazila yechipangwa, evuula chingoŵa na kuya mmbali mwa Krete mfupi na chinsinsi. 14Sembe kansita katonto kufuma kwamene chikunta chinkuka chokukuma choitiwa Urakulo: 15nawo wato ukamangiwe ntiwikuma kulola mpepo tileka nokankiwa. 16Nipo poutukirako kunsei kwa katunda zina lake Kauda tivupa pokamangisya kawato: 17naŵo akakaimye echitirako myando yotang'isya nokulunga wato; eyopa kuti angasintukile pa Surti, ni pechisisya mizati notwaliwa tetyo. 18Lomba petenzovupa ngako na chinkuka mmawa mwake ŵeyambopoza viya mmanzi; 19na mazo ŵepoza na manja ŵaŵo vyoyoŵera vya wato. 20Apo zuŵa na ntandara ziliyoŵoneka nsiku zinyinji, na chinkuka chikuru chenze pali seo, chigomezyo chonse chakuti tipulukwe lomba chisila. 21Nipo pepenze nsita ikuru yosalya kantu pamene apo Paulo epanama pakati paŵo echiti, Mwantumwe, angati mwinimvwila neo nosaima pa Krete, sembe muliyoŵona milase nochenekeka uku. 22Lomba numchimulani nkazikani mitima: pakuti paŵeve kutaiwa moyo mwa mweo, sembe wato weka. 23Pakuti wapanama pali neo usiku wa lero malaika wa Mlungu unili wake, wamene soti unutumikila, 24wati, Paulo, usayopa; ukapaname pa menso pa Kaisari: ŵona, Mlungu wakupa ŵonse aŵa auli naŵo pamo mu wato. 25Teti, mwantumwe, nkazikani mitima: panumchetekera Mlungu kuti paze paŵe nga ni mwaninenera. 26Lomba tisintukile pa chitunda chakuti.
27Pamene pewichiza usiku wakumi na kane, petenzotenukatenuka mchimana cha Adriya, nga ni pakati posiku achiyoŵa elukana kuti opanamila kusilya. 28Elinga manzi nofwanga mikwamba makumi aŵiri: nipo akapiteko patonto elinga soti nofwanga mikwamba kumi na isano. 29Naŵo poyopa tingasintukile kaya pa luuku lwa myala evisolomosya vingoŵa vine ku chipuna nopupila kucha. 30Lomba pamene achiyoŵa pesakopuzumukamo mu wato nokasisya kawato mchimana, ngosakowamya vingoŵa ku mutu wa wato, 31Paulo enena na kenturiyo na manjolinjoli, Aŵa akakanonkala mu wato simpulukwa. 32Pamene apo manjolinjoli etenda myando yomangira kawato kaye. 33Pekwenzekucha Paulo eŵapapatira ŵonse kuti ŵalye echiti, Zuŵa la lero ni lakumi na kane limwankala na njala yanu, ŵosaŵona kantu. 34Ni panumpapatirani kuti mulye: pakuti ichi ni chomchizyani: pakuti siliti litaike leka limo sisi la mmitu mwanu. 35Lomba akanene teti eula mitanda nomuŵonga Mlungu pa menso pa ŵonse noisuna, eyamba kulya. 36Pamene apo ŵonse echinchila, naŵo soti echilya. 37Nase tonse ta mu wato tenze myanda iŵiri na makumi asano na aŵiri na mpuzyo asano na umo. 38Naŵo akakute epepusya wato popoza mapira mchimana. 39Nipo kukache aliyochiziŵa charo: lomba eŵona chinkoloŵondo cha mseche noyeruzyana kano angasamisyepo wato. 40Akatendepo myando ya vingoŵa evisiya mchimana; nsita yamene ila emangulula myando yopindululila, nokwezeka chinyula cha kuntanzi ku mpepo, notintimika ku chinsinsi. 41Sembe pachimzilamo pa nkumano ya vimana viŵiri esamisya wato; mutu wake wifyakama noloŵera wosasung'unzika, sembe chipuna chiyambong'anuka na mpamvu ya magapigapi. 42Lomba manjolinjoli echiti aŵapaye a mnsinga, kano umo wa aŵo anganyaye nopuzumuka. 43Sembe kenturiyo popangwompuzumusya Paulo eŵalesya pa nzeru zyaŵo; esuzula kuti aŵo oziŵonyaya aponepo notangulofwika kusilya: 44na aŵo ŵosalamo ŵambi pa vikupa, ŵambi pa viyake vyofuma mu wato. Teti yenzepo kuti ŵonse epuzumukila kusilya.
Currently Selected:
Machitilo 27: MA23
Highlight
Share
Copy
Want to have your highlights saved across all your devices? Sign up or sign in
Mapangano Alomba © Bible Society of Zambia, 1923.
Machitilo 27
27
1PAMENE pechiti tiime mu wato kuya ku Italiya ŵesungisya Paulo na ŵambi ŵomangiwa kuli kenturiyo zina lake Yuliyo, wa mpingo wa Augusto. 2Lomba poloŵa mu wato wa ku Adramutiyo wisakakuya ku minzi ya mchinsinsi cha Asiya tiponesesya wato, Aristarko Mmakedoniya wa ku Tessalonika enze nase pamo. 3Mmawa mwake tifwika nopimvukila pa Sidoni: na Yuliyo emchitira Paulo paweme nomzomezya kutandala ku viuza vyake novumukako. 4Lomba tikaimileko kuya ku lyondo tilambalala kunsei kwa Kupro, pakuti mpepo yenze kuntanzi. 5Nase tikapule pa chimana choteezyana na Kilikiya na Pamfuliya tifwika ku Mura wa mLukiya. 6Kwamene kenturiyo kwechifwanga wato wa ku Alesandriya ukuya ku Italiya notiikamo. 7Nase petenzekuya patonto patonto nsiku zinyinji na kuza kovupa poteezyana na Knido mpepo itilesya kufwikapo, nase tilambalala kunsei kwa Krete kufupi na Salmone; 8nipo polamba mchinsinsi kovupa tifwika pachite zina lake pa Chau Chiweme; pafupi pala penze munzi wa Laseya.
9Ikapite nsita ikuru na ulwendo lomba wipingulwa pelipita kale Siku lolitana vilyo Paulo eŵachenjezya 10noŵanenera, Mwantumwe, nuŵona kuti ulwendo uyu uuŵe na milase nochenekeka kukuru, nte ku wato weka na viya vya wine sembe soti ku moyo wasu. 11Sembe kenturiyo emmvwila chiyoŵa na mwine wa wato kupula malizu aŵo enenewa na Paulo. 12Nipo pakuti pa chau sipenze paweme kulalapo pa mwera, winji wipingulana kuimapo noponesesya wato, kati kaya akafwike ku Foinika nonkalako pa mwera; pamene ni pa chau cha pa Krete, polola ku mpoto na kuli mzambwe. 13Lomba peikunta konasya mpepo ya ku mwera elinga kuti yaŵazila yechipangwa, evuula chingoŵa na kuya mmbali mwa Krete mfupi na chinsinsi. 14Sembe kansita katonto kufuma kwamene chikunta chinkuka chokukuma choitiwa Urakulo: 15nawo wato ukamangiwe ntiwikuma kulola mpepo tileka nokankiwa. 16Nipo poutukirako kunsei kwa katunda zina lake Kauda tivupa pokamangisya kawato: 17naŵo akakaimye echitirako myando yotang'isya nokulunga wato; eyopa kuti angasintukile pa Surti, ni pechisisya mizati notwaliwa tetyo. 18Lomba petenzovupa ngako na chinkuka mmawa mwake ŵeyambopoza viya mmanzi; 19na mazo ŵepoza na manja ŵaŵo vyoyoŵera vya wato. 20Apo zuŵa na ntandara ziliyoŵoneka nsiku zinyinji, na chinkuka chikuru chenze pali seo, chigomezyo chonse chakuti tipulukwe lomba chisila. 21Nipo pepenze nsita ikuru yosalya kantu pamene apo Paulo epanama pakati paŵo echiti, Mwantumwe, angati mwinimvwila neo nosaima pa Krete, sembe muliyoŵona milase nochenekeka uku. 22Lomba numchimulani nkazikani mitima: pakuti paŵeve kutaiwa moyo mwa mweo, sembe wato weka. 23Pakuti wapanama pali neo usiku wa lero malaika wa Mlungu unili wake, wamene soti unutumikila, 24wati, Paulo, usayopa; ukapaname pa menso pa Kaisari: ŵona, Mlungu wakupa ŵonse aŵa auli naŵo pamo mu wato. 25Teti, mwantumwe, nkazikani mitima: panumchetekera Mlungu kuti paze paŵe nga ni mwaninenera. 26Lomba tisintukile pa chitunda chakuti.
27Pamene pewichiza usiku wakumi na kane, petenzotenukatenuka mchimana cha Adriya, nga ni pakati posiku achiyoŵa elukana kuti opanamila kusilya. 28Elinga manzi nofwanga mikwamba makumi aŵiri: nipo akapiteko patonto elinga soti nofwanga mikwamba kumi na isano. 29Naŵo poyopa tingasintukile kaya pa luuku lwa myala evisolomosya vingoŵa vine ku chipuna nopupila kucha. 30Lomba pamene achiyoŵa pesakopuzumukamo mu wato nokasisya kawato mchimana, ngosakowamya vingoŵa ku mutu wa wato, 31Paulo enena na kenturiyo na manjolinjoli, Aŵa akakanonkala mu wato simpulukwa. 32Pamene apo manjolinjoli etenda myando yomangira kawato kaye. 33Pekwenzekucha Paulo eŵapapatira ŵonse kuti ŵalye echiti, Zuŵa la lero ni lakumi na kane limwankala na njala yanu, ŵosaŵona kantu. 34Ni panumpapatirani kuti mulye: pakuti ichi ni chomchizyani: pakuti siliti litaike leka limo sisi la mmitu mwanu. 35Lomba akanene teti eula mitanda nomuŵonga Mlungu pa menso pa ŵonse noisuna, eyamba kulya. 36Pamene apo ŵonse echinchila, naŵo soti echilya. 37Nase tonse ta mu wato tenze myanda iŵiri na makumi asano na aŵiri na mpuzyo asano na umo. 38Naŵo akakute epepusya wato popoza mapira mchimana. 39Nipo kukache aliyochiziŵa charo: lomba eŵona chinkoloŵondo cha mseche noyeruzyana kano angasamisyepo wato. 40Akatendepo myando ya vingoŵa evisiya mchimana; nsita yamene ila emangulula myando yopindululila, nokwezeka chinyula cha kuntanzi ku mpepo, notintimika ku chinsinsi. 41Sembe pachimzilamo pa nkumano ya vimana viŵiri esamisya wato; mutu wake wifyakama noloŵera wosasung'unzika, sembe chipuna chiyambong'anuka na mpamvu ya magapigapi. 42Lomba manjolinjoli echiti aŵapaye a mnsinga, kano umo wa aŵo anganyaye nopuzumuka. 43Sembe kenturiyo popangwompuzumusya Paulo eŵalesya pa nzeru zyaŵo; esuzula kuti aŵo oziŵonyaya aponepo notangulofwika kusilya: 44na aŵo ŵosalamo ŵambi pa vikupa, ŵambi pa viyake vyofuma mu wato. Teti yenzepo kuti ŵonse epuzumukila kusilya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mapangano Alomba © Bible Society of Zambia, 1923.