Machitilo 26
26
1AGRIPPA emnenera Paulo, Nayamikizya unene weka. Lomba Paulo etambikizya kwanja kwake nolikanila:
2Nulinga kuti nina shuko, mfumu Agrippa, panulikanila pa menso panu lero zya ivyo vyonse vyakunisimikizya Ayuda: 3ngakongako pakuti muziŵisya misango yonse na milandu ya mwa Ayuda: ni panumsengani kunimvwila kosisikanya. 4Mankalilo ŵangu chitatikile posaza wangu, wamene wenze chivyalikwilo mu mtundu wangu na pa Yerusalemi, oŵaziŵa Ayuda ŵonse; 5onisingalwa kuyambila potatika, akazomera kuchita untoni, wakuti nenze Mfarisayo mwa chipatuko chokosesya dango cholambilo wasu. 6Lomba napanama pano kupinguliwa zya chigomezyo cha chipango chichitika na Mlungu kwa amausu wasu: 7chamene chiyugomezya kufwikako mitundu yasu kumi na iŵiri, yumtumikila Mlungu na ntina usiku na mzuŵa. Zya chigomezyo ichi ni zyanusimikizyiwa na Ayuda, mfumu! 8Ni chinji pamulinga ni chosazomereka Mlungu kuusya akufwa? 9Neo nane nilingilila neka kuti nochita vinyinji vususya zina la Yesu Mnazarayo. 10Ichi chinichita soti mu Yerusalemi: niŵazalizya asanto anyinji mtumbolimboli, nikapoke nsaka kwa akuru a ansembe, naŵo pechipaiwa nizomerezyako. 11Nenzoŵalanga kaŵirikaŵiri mmasunagoge ŵonse noŵapimfya kuchita msikila; niŵaŵenkera ngako noŵasulusya mpaka ku minzi ya chilwendo. 12Pamene apo penenzekuya ku Damasko na nsaka na tetulo vya akuru a ansembe, 13zuŵa pa mutu, mfumu, niŵona pa njira kuŵala kufumila kumulu, kupula kuyezima kwa zuŵa, kwinisakatira nonizinga na aŵo enenzekuya naŵo. 14Nipo tikawe tonse pansi nichimvwa lizu luninenera mChihebrayo, Saulo, Saulo, unizuzyiranji? ni chokosa kwako kujinyisya mnyonkozyo. 15Nichiti, Nimwe ŵani, Asikuru? Asikuru enena, Nine Yesu uuzuzya. 16Lomba uka upaname na mendo ŵako: pakuti nakuŵonekera lona kuti nikuŵike mtumiki na ntoni ya ivyo viwaniŵonamo, na vila viniti nikuŵonekeremo; 17kukupokesya ku ŵantu na kwa a Mitundu anukutumirako, 18ukaŵatunamisye menso kuti afutatile mfinzi noloŵa mchiŵalilo, nofuma mu mpamvu ya Satana kumyarukira Mlungu, apokere kulekelewa kwa mpulupulu nopyani mwa ŵala otuŵishiwa ponichetekera neo. 19Teti, mfumu Agrippa, nteninyanyaizya ku mensompenya ŵala ŵa kumulu: 20lomba niŵaŵirizyira aŵo a ku Damasko poyamba, na mu Yerusalemi na mcharo chonse cha Yudaya, na ku Mitundu nayo, kwakuti alape nomyarukira Mlungu nochita milimo iweme yowamila kuyaruka mitima. 21Chikomo chake Ayuda ni pechinikata mchipupilo nosakonipaya. 22Nane poyavyiwa na Mlungu nukoselela kuza na lero kwachitira untoni atonto na akuru, wosanena kantu kambi sembe vila vyechinena aŵirizi ŵala na Musa kuti vize viŵepo; 23vyakuti Kristo uyo azatamanishiwe, na kuŵa wotatika pozyuka kwa akufwa kuŵirizya kuŵala ku ŵantu na kwa a Mitundu.
24Lomba penzolikanila teti Festo enena kwa mparazanga, Ulufunte, Paulo; mano ŵako akuru okufuntisya. 25Sembe Paulo echiti, Niliyofunta, Festo mwaŵomvwika; lomba nunenesya malizu a vyendi ŵosisikanya. 26Pakuti mfumu yuziŵa ivi, anulaŵira naŵo kokaŵalala: nane nuziŵa kuti keka kantu ka ivi ni kofisama kwaŵo; pachiliyochitike ichi kunsei. 27We mfumu Agrippa, kansi muzomera aŵirizi ŵala? nuziŵa muzomera. 28Agrippa naye emnenera Paulo, Poniŵeteka patonto usakonichisya Mkristo. 29Paulo echiti, Nupangwa kwa Mlungu kuti patonto kano panyinji nte mweo mweka sembe ŵonse naŵo onimvwa lero apale neo, sembe nte nsinga izi.
30Lomba mfumu iima na mmbili na Berinike na aŵo ŵenzenkezi naŵo pamo: 31akafumemo elaŵizyana kuti, Uyu muntu aliyochita kantu kowamila imfwa kano nsinga. 32Naye Agrippa echiti kwa Festo, Uyu sembe wamangululiwa, angati aliyekuti naniye kwa Kaisari.
Currently Selected:
Machitilo 26: MA23
Highlight
Share
Copy
Want to have your highlights saved across all your devices? Sign up or sign in
Mapangano Alomba © Bible Society of Zambia, 1923.
Machitilo 26
26
1AGRIPPA emnenera Paulo, Nayamikizya unene weka. Lomba Paulo etambikizya kwanja kwake nolikanila:
2Nulinga kuti nina shuko, mfumu Agrippa, panulikanila pa menso panu lero zya ivyo vyonse vyakunisimikizya Ayuda: 3ngakongako pakuti muziŵisya misango yonse na milandu ya mwa Ayuda: ni panumsengani kunimvwila kosisikanya. 4Mankalilo ŵangu chitatikile posaza wangu, wamene wenze chivyalikwilo mu mtundu wangu na pa Yerusalemi, oŵaziŵa Ayuda ŵonse; 5onisingalwa kuyambila potatika, akazomera kuchita untoni, wakuti nenze Mfarisayo mwa chipatuko chokosesya dango cholambilo wasu. 6Lomba napanama pano kupinguliwa zya chigomezyo cha chipango chichitika na Mlungu kwa amausu wasu: 7chamene chiyugomezya kufwikako mitundu yasu kumi na iŵiri, yumtumikila Mlungu na ntina usiku na mzuŵa. Zya chigomezyo ichi ni zyanusimikizyiwa na Ayuda, mfumu! 8Ni chinji pamulinga ni chosazomereka Mlungu kuusya akufwa? 9Neo nane nilingilila neka kuti nochita vinyinji vususya zina la Yesu Mnazarayo. 10Ichi chinichita soti mu Yerusalemi: niŵazalizya asanto anyinji mtumbolimboli, nikapoke nsaka kwa akuru a ansembe, naŵo pechipaiwa nizomerezyako. 11Nenzoŵalanga kaŵirikaŵiri mmasunagoge ŵonse noŵapimfya kuchita msikila; niŵaŵenkera ngako noŵasulusya mpaka ku minzi ya chilwendo. 12Pamene apo penenzekuya ku Damasko na nsaka na tetulo vya akuru a ansembe, 13zuŵa pa mutu, mfumu, niŵona pa njira kuŵala kufumila kumulu, kupula kuyezima kwa zuŵa, kwinisakatira nonizinga na aŵo enenzekuya naŵo. 14Nipo tikawe tonse pansi nichimvwa lizu luninenera mChihebrayo, Saulo, Saulo, unizuzyiranji? ni chokosa kwako kujinyisya mnyonkozyo. 15Nichiti, Nimwe ŵani, Asikuru? Asikuru enena, Nine Yesu uuzuzya. 16Lomba uka upaname na mendo ŵako: pakuti nakuŵonekera lona kuti nikuŵike mtumiki na ntoni ya ivyo viwaniŵonamo, na vila viniti nikuŵonekeremo; 17kukupokesya ku ŵantu na kwa a Mitundu anukutumirako, 18ukaŵatunamisye menso kuti afutatile mfinzi noloŵa mchiŵalilo, nofuma mu mpamvu ya Satana kumyarukira Mlungu, apokere kulekelewa kwa mpulupulu nopyani mwa ŵala otuŵishiwa ponichetekera neo. 19Teti, mfumu Agrippa, nteninyanyaizya ku mensompenya ŵala ŵa kumulu: 20lomba niŵaŵirizyira aŵo a ku Damasko poyamba, na mu Yerusalemi na mcharo chonse cha Yudaya, na ku Mitundu nayo, kwakuti alape nomyarukira Mlungu nochita milimo iweme yowamila kuyaruka mitima. 21Chikomo chake Ayuda ni pechinikata mchipupilo nosakonipaya. 22Nane poyavyiwa na Mlungu nukoselela kuza na lero kwachitira untoni atonto na akuru, wosanena kantu kambi sembe vila vyechinena aŵirizi ŵala na Musa kuti vize viŵepo; 23vyakuti Kristo uyo azatamanishiwe, na kuŵa wotatika pozyuka kwa akufwa kuŵirizya kuŵala ku ŵantu na kwa a Mitundu.
24Lomba penzolikanila teti Festo enena kwa mparazanga, Ulufunte, Paulo; mano ŵako akuru okufuntisya. 25Sembe Paulo echiti, Niliyofunta, Festo mwaŵomvwika; lomba nunenesya malizu a vyendi ŵosisikanya. 26Pakuti mfumu yuziŵa ivi, anulaŵira naŵo kokaŵalala: nane nuziŵa kuti keka kantu ka ivi ni kofisama kwaŵo; pachiliyochitike ichi kunsei. 27We mfumu Agrippa, kansi muzomera aŵirizi ŵala? nuziŵa muzomera. 28Agrippa naye emnenera Paulo, Poniŵeteka patonto usakonichisya Mkristo. 29Paulo echiti, Nupangwa kwa Mlungu kuti patonto kano panyinji nte mweo mweka sembe ŵonse naŵo onimvwa lero apale neo, sembe nte nsinga izi.
30Lomba mfumu iima na mmbili na Berinike na aŵo ŵenzenkezi naŵo pamo: 31akafumemo elaŵizyana kuti, Uyu muntu aliyochita kantu kowamila imfwa kano nsinga. 32Naye Agrippa echiti kwa Festo, Uyu sembe wamangululiwa, angati aliyekuti naniye kwa Kaisari.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mapangano Alomba © Bible Society of Zambia, 1923.