Machitilo 23
23
1LOMBA Paulo pololesisya ansaka echiti, Akwasu, nunkala pa menso pa Mlungu na chikumbutima chiweme mpaka na lero kumo. 2Nipo mkuru wa ansembe Ananiya esuzula aŵo ŵenze pafupi naye kumnyata pakanwa. 3Pamene apo Paulo enena naye, Mlungu akunyate, we chipupa chotuŵishiwa: kansi unkala kunipingula mwa dango, nouzya ninyatiwe kosusya dango? 4Nipo aŵo opanama pafupi echiti, Umpuvula kansi mkuru wa ansembe wa Mlungu? 5Paulo echiti, Niliyoziŵa, akwasu, kuti ni mkuru wa ansembe: pakuti kwilembewa, Usamnena viipa mkuru wa ŵantu ŵako. 6Lomba Paulo akaziŵe kuti chitwa chimo ni Asaduki na chiyake ni Afarisayo ekuwa pa nsaka, Akwasu, nine Mfarisayo, mwana wa Afarisayo: zya chilolero chozyuka kwa akufwa ni zinupinguliwa. 7Lomba akanene tetyo yenzepo ntota pa Afarisayo na Asaduki: na liumba lipambana. 8Chikomo Asaduki akuti kuzyuka paliye, na malaika, na mizimu: sembe Afarisayo ozomera vyonse viŵiri. 9Lomba chenzepo chiwawa chikuru: ŵambi alembi ŵene Afarisayo epanama nosusyana kuti, Situŵona kaipa mmuntu uyu: nga kati mzimu wilaŵira naye, kano malaika? 10Nipo pekenzepo kalekano kakuru chilolo, poyopa angampezule Paulo vizovizo, chiŵapanga manjolinjoli asike nomsompola pakati paŵo na kuza naye mu linga.
11Usiku wake Asikuru epanama pali yeve nonena, Nkazika mtima: pakuti nga ni umo muwanichitira untoni mu Yerusalemi tetyo ni muuti ukachitile untoni na ku Roma.
12Lomba kukache Ayuda echita fwingo, elilapizya kuti tisalya kano kumwa mpaka timpaye Paulo. 13Enzepo kupula makumi ŵane echita chiŵembu ichi. 14Naŵo echiza kwa akuru a ansembe na kwa akuruakuru echiti, Talilapizya njazi ikuru yasalaŵa kantu mpaka timpaye Paulo. 15Teti lomba mweo pamo na ansaka mkachiuzye chilolo kuti chisike naye kwanu nga musakopingula wino mlandu wake: nase pakaliyekuza tankalilatu kumpaya. 16Sembe mulisa wa Paulo echimvwa chiŵembu chaŵo, echiyoloŵa mu linga nomuuzya Paulo. 17Paulo naye eliitira umo wa akenturiyo echiti, Nkoyani na mlumbwana uyu ku chilolo; paali na malizu ochiuzya. 18Teti emuula na kuya naye ku chilolo echiti, Paulo uyo womangiwa waniita kwake noniuzya nize naye mlumbwana uyu kwanu, ana malizu olaŵira namwe. 19Nipo chilolo chimkata kwanja chichiya padera nomkonsha kunsei, Ni chinji chiusakoniuzya? 20Naye echiti, Ayuda apangana kumsengani kuza naye Paulo mailo ku nsaka, nga musakokonsinsha wino zyake. 21Namwe msanaka naŵo: pakuti omuŵendamila ŵala kupula makumi ŵane, alilapizya kusalya na kusamwa mpaka pati ampaye: lomba aluŵikiletu, nololera chipango chanu. 22Teti chilolo chimsuzula mlumbwana aye nompanga kuti, Usauzya muntu kuti waniziŵisya ivi. 23Lomba chiliitira akenturiyo aŵiri na kuti, Patulilani kaŵera manjolinjoli myanda iŵiri ŵaye mpaka ku Kaisariya, na aakavaro makumi asano na aŵiri, na amafumo myanda iŵiri, pa nsita yakatatu yosiku: 24nalete soti nyama zyokwerapo Paulo, na kuya naye nompanilila kwa Felike mmbili. 25Nacho chilemba kalata koteti:
26Klaudiyo Lusiya ku mmbili wozila Felike mtende. 27Uyu muntu ekatiwa na Ayuda, enze pafupi nopaiwa naŵo penizako na manjolinjoli nompokesya, penichimvwa kuti ni Muroma. 28Nane posakoziŵa chikomo chechimsimikizya nisika naye ku nsaka yaŵo. 29Nimfwanga osimikizyiwa na makonsho a dango laŵo, ntenze na mlandu wowamila kufwa kano kumangiwa. 30Apo pechiniuzya kuti paŵe chiŵembu chompangila uyu muntu, lomba pano ni panumtumizya kwanu, noŵapanga ŵomsimikizya naŵo azamkanikizye pa menso panu.
31Teti manjolinjoli umo mchiŵapangila emuula Paulo echiya naye usiku ku Antipatri. 32Lomba mmawa mwake esiyana naŵo aakavaro akamfwisye, naŵo ewerera ku linga. 33Ŵeve pechifwika ku Kaisariya empa mmbili kalata ako nompeleka Paulo soti kuli yeve. 34Akakapende ekonsha, Wafuma mcharonji? Nipo pechiziŵa kuti ni wa ku Kilikiya 35echiti, Ninene mlandu wako pati aze ayako a mlandu naŵo: naye epanga kuti asungiwe mng'anda ya nsaka ya Herode.
Currently Selected:
Machitilo 23: MA23
Highlight
Share
Copy
Want to have your highlights saved across all your devices? Sign up or sign in
Mapangano Alomba © Bible Society of Zambia, 1923.
Machitilo 23
23
1LOMBA Paulo pololesisya ansaka echiti, Akwasu, nunkala pa menso pa Mlungu na chikumbutima chiweme mpaka na lero kumo. 2Nipo mkuru wa ansembe Ananiya esuzula aŵo ŵenze pafupi naye kumnyata pakanwa. 3Pamene apo Paulo enena naye, Mlungu akunyate, we chipupa chotuŵishiwa: kansi unkala kunipingula mwa dango, nouzya ninyatiwe kosusya dango? 4Nipo aŵo opanama pafupi echiti, Umpuvula kansi mkuru wa ansembe wa Mlungu? 5Paulo echiti, Niliyoziŵa, akwasu, kuti ni mkuru wa ansembe: pakuti kwilembewa, Usamnena viipa mkuru wa ŵantu ŵako. 6Lomba Paulo akaziŵe kuti chitwa chimo ni Asaduki na chiyake ni Afarisayo ekuwa pa nsaka, Akwasu, nine Mfarisayo, mwana wa Afarisayo: zya chilolero chozyuka kwa akufwa ni zinupinguliwa. 7Lomba akanene tetyo yenzepo ntota pa Afarisayo na Asaduki: na liumba lipambana. 8Chikomo Asaduki akuti kuzyuka paliye, na malaika, na mizimu: sembe Afarisayo ozomera vyonse viŵiri. 9Lomba chenzepo chiwawa chikuru: ŵambi alembi ŵene Afarisayo epanama nosusyana kuti, Situŵona kaipa mmuntu uyu: nga kati mzimu wilaŵira naye, kano malaika? 10Nipo pekenzepo kalekano kakuru chilolo, poyopa angampezule Paulo vizovizo, chiŵapanga manjolinjoli asike nomsompola pakati paŵo na kuza naye mu linga.
11Usiku wake Asikuru epanama pali yeve nonena, Nkazika mtima: pakuti nga ni umo muwanichitira untoni mu Yerusalemi tetyo ni muuti ukachitile untoni na ku Roma.
12Lomba kukache Ayuda echita fwingo, elilapizya kuti tisalya kano kumwa mpaka timpaye Paulo. 13Enzepo kupula makumi ŵane echita chiŵembu ichi. 14Naŵo echiza kwa akuru a ansembe na kwa akuruakuru echiti, Talilapizya njazi ikuru yasalaŵa kantu mpaka timpaye Paulo. 15Teti lomba mweo pamo na ansaka mkachiuzye chilolo kuti chisike naye kwanu nga musakopingula wino mlandu wake: nase pakaliyekuza tankalilatu kumpaya. 16Sembe mulisa wa Paulo echimvwa chiŵembu chaŵo, echiyoloŵa mu linga nomuuzya Paulo. 17Paulo naye eliitira umo wa akenturiyo echiti, Nkoyani na mlumbwana uyu ku chilolo; paali na malizu ochiuzya. 18Teti emuula na kuya naye ku chilolo echiti, Paulo uyo womangiwa waniita kwake noniuzya nize naye mlumbwana uyu kwanu, ana malizu olaŵira namwe. 19Nipo chilolo chimkata kwanja chichiya padera nomkonsha kunsei, Ni chinji chiusakoniuzya? 20Naye echiti, Ayuda apangana kumsengani kuza naye Paulo mailo ku nsaka, nga musakokonsinsha wino zyake. 21Namwe msanaka naŵo: pakuti omuŵendamila ŵala kupula makumi ŵane, alilapizya kusalya na kusamwa mpaka pati ampaye: lomba aluŵikiletu, nololera chipango chanu. 22Teti chilolo chimsuzula mlumbwana aye nompanga kuti, Usauzya muntu kuti waniziŵisya ivi. 23Lomba chiliitira akenturiyo aŵiri na kuti, Patulilani kaŵera manjolinjoli myanda iŵiri ŵaye mpaka ku Kaisariya, na aakavaro makumi asano na aŵiri, na amafumo myanda iŵiri, pa nsita yakatatu yosiku: 24nalete soti nyama zyokwerapo Paulo, na kuya naye nompanilila kwa Felike mmbili. 25Nacho chilemba kalata koteti:
26Klaudiyo Lusiya ku mmbili wozila Felike mtende. 27Uyu muntu ekatiwa na Ayuda, enze pafupi nopaiwa naŵo penizako na manjolinjoli nompokesya, penichimvwa kuti ni Muroma. 28Nane posakoziŵa chikomo chechimsimikizya nisika naye ku nsaka yaŵo. 29Nimfwanga osimikizyiwa na makonsho a dango laŵo, ntenze na mlandu wowamila kufwa kano kumangiwa. 30Apo pechiniuzya kuti paŵe chiŵembu chompangila uyu muntu, lomba pano ni panumtumizya kwanu, noŵapanga ŵomsimikizya naŵo azamkanikizye pa menso panu.
31Teti manjolinjoli umo mchiŵapangila emuula Paulo echiya naye usiku ku Antipatri. 32Lomba mmawa mwake esiyana naŵo aakavaro akamfwisye, naŵo ewerera ku linga. 33Ŵeve pechifwika ku Kaisariya empa mmbili kalata ako nompeleka Paulo soti kuli yeve. 34Akakapende ekonsha, Wafuma mcharonji? Nipo pechiziŵa kuti ni wa ku Kilikiya 35echiti, Ninene mlandu wako pati aze ayako a mlandu naŵo: naye epanga kuti asungiwe mng'anda ya nsaka ya Herode.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mapangano Alomba © Bible Society of Zambia, 1923.