Machitilo 22
22
1AKWASU na ausu wasu, munimvwile panulikanila lomba kwanu.
2Naŵo akamvwe kuti elaŵira naŵo mChihebrayo epulamo nomyalala: naye echiti,
3Ne nine Muyuda, wovyalikwa pa Tarso wa mKilikiya, sembe wolelewa mmunzi uno pa mendo a Gamaliyeli, woyeruzyiwa mwa misango yokosa ya dango la ausu wasu, wompimpilila Mlungu, nga ni mmulili mweo lero: 4nane nenzoŵatamanisya a Njira iyi koŵapaya, noŵamanga noŵatwala mtumbolimboli analume na anakazi. 5Naye mkuru wa ansembe soti anganichitire untoni, na nsaka yonse ya akuru, amene kwinipokera tulata kwaŵo kuya nato kwa akwaŵo; nane nichiya ku Damasko kuti nikaze naŵo ku Yerusalemi ŵomangiwa ŵala soti ŵenze kulakwa, kuti azalangiwe. 6Lomba yenzepo penenzekuya nopanamila ku Damasko, nga ni zuŵa pa mutu, kovurumukizya kuŵala kukuru kwifuma kumulu nonisakatira. 7Neo nichiwa pansi, nichimvwa lizu luninenera, Saulo, Saulo, unizuzyiranji? 8Niyasuka, Nimwe ŵani, Asikuru? Naye eniuzya, Nine Yesu wa ku Nazarete uutamanya. 9Aŵo ŵenze nane pamo ekuŵona chendi kuŵala, lomba aliyolimvwa lizu la uyo elaŵira nane. 10Neo nichiti, Nichitenji, Asikuru? Asikuru eniuzya, Uka nkoya ku Damasko; kwamene kwati akakuuzye vyonse viikiwa uvichite. 11Pamene penenze wosaŵona na mchinzi woŵala kula nikunshiwa na manja a aŵo enenze naŵo nofwika ku Damasko. 12Lomba muyake Ananiya, wolambila kwa dango, wa mbili iweme kwa Ayuda ŵonse onkala kwamene, 13enizila, epanama pali neo noninenera, Mkwasu Saulo, muŵone soti. Nane pamene pa nsita ila niŵinusya menso kumuŵona. 14Naye echiti, Mlungu wa ausu wasu wamsalulani muziŵe chipangwilo chake, nomuŵona Ula Wolungama, na kumvwa lizu la pakanwa pake. 15Pakuti mwakuŵa ntoni yake ku ŵantu ŵonse ya ivyo vimwiŵona novimvwa. 16Lomba mulembukiranji? imani mabtiziwe, nosuka viipa vyanu, noita zina lake. 17Nipo yenzepo kuti nikawerere ku Yerusalemi penenzosenga mchipupilo nikomoka, 18nomuŵona yeve olaŵira nane, Puvyofuma mu Yerusalemi: chikomo sati amvwile kwako untoni wa neo. 19Nane nichiti, Asikuru, ŵeve ŵeka oziŵa kuti niŵamanga mtumbolimboli noŵakwapula mma sunagoge ŵonse amene ŵala emzomerani: 20pewivwishiwa mlopa wa Stefano, ntoni yanu, nane nenzepo nozomerezyana naŵo nosunga nyula zya aŵo empaya. 21Yeve eniuzya, Nkoya: pakuti nize nikutume kutali kwa a Mitundu.
22Emteyera matu mpaka pa lizu ili; lomba etumpula malizu ŵaŵo na kuti, Chifumyeponi pa charo ichi choteti: pakuti sichuwamila kuŵa moyo. 23Penzokuwa ŵeve novula minjira yaŵo nofuntula lukungu, 24chilolo chiuzya kuti alovyewe mu linga, nonena kuti amkonshe na vitimbo, kuti chiziŵe chikomo chenzomkuwilila. 25Lomba akamkanze kwakuti akwapuliwe Paulo emnenera kenturiyo epanama pafupi, Kansi chuyana na dango kukwapula muntu Muroma kwa mangwazi? 26Naye kenturiyo akamvwe echiya ku chilolo nochiuzya kuti, Musakochitanji? pakuti uyu ni Muroma. 27Nipo chilolo chichiza nonena naye, Niuzye, kansi niwe Muroma? Echiti, Inde. 28Chilolo chiyasuka, Na ndalama zinyinji nisita neo wanoŵene uyu. Naye Paulo echiti, Sembe ne nine Muroma chivyalikwilo. 29Pamene apo ŵala ŵechiti timkonsinshe lomba pano emleka: na chilolo soti chiyopa, pechiziŵa kuti ni Muroma, na pakuti chammanga.
30Lomba mmawa mwake pechisakoziŵisya chikomo chechisimikizyiwa na Ayuda chimmangulula noŵauzya akuru a ansembe na ŵonse ansaka alongane; nacho chisika naye Paulo nomuŵika pa menso paŵo.
Currently Selected:
Machitilo 22: MA23
Highlight
Share
Copy
Want to have your highlights saved across all your devices? Sign up or sign in
Mapangano Alomba © Bible Society of Zambia, 1923.
Machitilo 22
22
1AKWASU na ausu wasu, munimvwile panulikanila lomba kwanu.
2Naŵo akamvwe kuti elaŵira naŵo mChihebrayo epulamo nomyalala: naye echiti,
3Ne nine Muyuda, wovyalikwa pa Tarso wa mKilikiya, sembe wolelewa mmunzi uno pa mendo a Gamaliyeli, woyeruzyiwa mwa misango yokosa ya dango la ausu wasu, wompimpilila Mlungu, nga ni mmulili mweo lero: 4nane nenzoŵatamanisya a Njira iyi koŵapaya, noŵamanga noŵatwala mtumbolimboli analume na anakazi. 5Naye mkuru wa ansembe soti anganichitire untoni, na nsaka yonse ya akuru, amene kwinipokera tulata kwaŵo kuya nato kwa akwaŵo; nane nichiya ku Damasko kuti nikaze naŵo ku Yerusalemi ŵomangiwa ŵala soti ŵenze kulakwa, kuti azalangiwe. 6Lomba yenzepo penenzekuya nopanamila ku Damasko, nga ni zuŵa pa mutu, kovurumukizya kuŵala kukuru kwifuma kumulu nonisakatira. 7Neo nichiwa pansi, nichimvwa lizu luninenera, Saulo, Saulo, unizuzyiranji? 8Niyasuka, Nimwe ŵani, Asikuru? Naye eniuzya, Nine Yesu wa ku Nazarete uutamanya. 9Aŵo ŵenze nane pamo ekuŵona chendi kuŵala, lomba aliyolimvwa lizu la uyo elaŵira nane. 10Neo nichiti, Nichitenji, Asikuru? Asikuru eniuzya, Uka nkoya ku Damasko; kwamene kwati akakuuzye vyonse viikiwa uvichite. 11Pamene penenze wosaŵona na mchinzi woŵala kula nikunshiwa na manja a aŵo enenze naŵo nofwika ku Damasko. 12Lomba muyake Ananiya, wolambila kwa dango, wa mbili iweme kwa Ayuda ŵonse onkala kwamene, 13enizila, epanama pali neo noninenera, Mkwasu Saulo, muŵone soti. Nane pamene pa nsita ila niŵinusya menso kumuŵona. 14Naye echiti, Mlungu wa ausu wasu wamsalulani muziŵe chipangwilo chake, nomuŵona Ula Wolungama, na kumvwa lizu la pakanwa pake. 15Pakuti mwakuŵa ntoni yake ku ŵantu ŵonse ya ivyo vimwiŵona novimvwa. 16Lomba mulembukiranji? imani mabtiziwe, nosuka viipa vyanu, noita zina lake. 17Nipo yenzepo kuti nikawerere ku Yerusalemi penenzosenga mchipupilo nikomoka, 18nomuŵona yeve olaŵira nane, Puvyofuma mu Yerusalemi: chikomo sati amvwile kwako untoni wa neo. 19Nane nichiti, Asikuru, ŵeve ŵeka oziŵa kuti niŵamanga mtumbolimboli noŵakwapula mma sunagoge ŵonse amene ŵala emzomerani: 20pewivwishiwa mlopa wa Stefano, ntoni yanu, nane nenzepo nozomerezyana naŵo nosunga nyula zya aŵo empaya. 21Yeve eniuzya, Nkoya: pakuti nize nikutume kutali kwa a Mitundu.
22Emteyera matu mpaka pa lizu ili; lomba etumpula malizu ŵaŵo na kuti, Chifumyeponi pa charo ichi choteti: pakuti sichuwamila kuŵa moyo. 23Penzokuwa ŵeve novula minjira yaŵo nofuntula lukungu, 24chilolo chiuzya kuti alovyewe mu linga, nonena kuti amkonshe na vitimbo, kuti chiziŵe chikomo chenzomkuwilila. 25Lomba akamkanze kwakuti akwapuliwe Paulo emnenera kenturiyo epanama pafupi, Kansi chuyana na dango kukwapula muntu Muroma kwa mangwazi? 26Naye kenturiyo akamvwe echiya ku chilolo nochiuzya kuti, Musakochitanji? pakuti uyu ni Muroma. 27Nipo chilolo chichiza nonena naye, Niuzye, kansi niwe Muroma? Echiti, Inde. 28Chilolo chiyasuka, Na ndalama zinyinji nisita neo wanoŵene uyu. Naye Paulo echiti, Sembe ne nine Muroma chivyalikwilo. 29Pamene apo ŵala ŵechiti timkonsinshe lomba pano emleka: na chilolo soti chiyopa, pechiziŵa kuti ni Muroma, na pakuti chammanga.
30Lomba mmawa mwake pechisakoziŵisya chikomo chechisimikizyiwa na Ayuda chimmangulula noŵauzya akuru a ansembe na ŵonse ansaka alongane; nacho chisika naye Paulo nomuŵika pa menso paŵo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mapangano Alomba © Bible Society of Zambia, 1923.