रोमियो 14

आपणा बाहाका पोर दोष मा लागाडही

1जो विश्वासान कमजोर हि, ताह आपणे आहनी केरू, तान विकल्पांना निर्णय केरीन नाह. 2एकास विश्वास हि कि आखा काही खाणु उचित हि, पुण जो विश्वासामाय दुर्बल हि तो शोक केरनेनुज खाहोव. 3जो खाहोव तान खाणाराआ तुच्छ माणुह नाहा, एने जो खाणे नाहं तान तान खाणाराआ तुच्छ माणहु नाहा; कारण बोगवान आखा काही बोणाविल हि. 4तू कूण हि जो दिहरान दासाचा दोष देखाडणार? तान स्थिर रेणे केव्ही पोडीन जाणे तान स्वामीई संबध मेली; पुण ते स्थिर कइदेद जाहू काहाकाय प्रभु ताह स्थिर रेहू शकणे.

5कूण एक दिहा दिहीरा दिहारीन होवटो मोहोत्व आपथु, एने कूण आखा दिहान एक हारका माणने प्रत्येक जनाने आपणो मोनाम खात्री केरीन ली. 6जो कूण दिहा पालने, तो प्रभुह होमोलनु, जो खाहोव, तो प्रभु केरता खाहोव, कारण तो बोगवानान धन्यवाद करने. 7कारण आपानेमाय कूण स्वताह केरता जीविह नाहं एने कूण स्वताह केरता मोरतालू नाहं. 8जर आमु जीवतालू हि, तर प्रभु केरता जीवतालो हि; एने जर मोरतालू हि, तर प्रभु केरता मोरतालू हि; सेवट आमु जीवहु कि मोरहु, आमु प्रभुन हि. 9काहाकाय मसीह तान केरता मरण जूळनो एने जीवतालू एनो कि तो मुरीलताहा एने जीवतालो दुयूह प्रभु हि. 10तू आपणो बाहाकपुर का दोष लागाडणे? केव्ही पोशा तू आपणो बायाक का तुच्छ माणने? आमु आखा बोगवानान न्यायासनासमोर उबरीयेल रेहू हि. 11काहाकाय लेखील हि,

“प्रभु किथे मी जीवतालू हि तेवी मोर ओगाण प्रत्येक जन मांडा डेकाडीनजाय, एने प्रत्येक जीभ बोगवानानाह अंगीकार केरूह.”

12“तान केरता आमरा मायरीन प्रत्येक जन बोगवानाह आप आपणा हिशोब आपण्यू.”

आपणा बाहाकान ठोकरान कारण मा बोणु

13ताने केरीन आपु यानओंगान एक दिहरापुर दोष लागाडू मा, पुण तुमूह ठेरिनीन ली कि कूण आपणो बाहाक काजे जेठ केव्ही ठोकर खाणेन काहाकाय बोणावूहु नाहा. 14माहु मालूम हि एने प्रभु यीशु माय माहु खात्री हि कि काल्ली वस्तु स्वताह हाजो नाहं, पुण जो ताह अशुद्ध होमजनेस ताकेरिन अशुद्ध हि. 15जर तारो बाहाक तारो भोजन करीन कारणाने नाराज एतो, तर तू प्रेमाकेरिन चालतो नाहं; जानकेरता मसीह मोरणु, ताह तू आपणो खाइलूच कारणाने नष्ट केरूह मां. 16सेवट, तुमरीकेरता जे हाजो हि तान निंदा केरूह मा. 17काहाकाय बोगवानान राज्य खाणु केव्ही पिणे याम नाहं, तर धार्मिकता, शान्ति एने आत्मा द्वारे जुळणार आनंद हि, जो पवित्र आत्मा माय जुडणे. 18जो कूण आवो रीतीमाय मसीहान सेवा करने, तो बोगवानानाह दिखेह एने माणहाह हाजो पोटील हि. 19तान केरता आमु ता वातीमाय रमून रिजी ताहेरी भेटी घोडो एने एक दिहरान हुदार एय. 20रोटाकेरता बोगवानान केरीन बिगाडावने मां, आखा काही शुद्ध तर हि, पुण ता माणहान केरीन वाईट हि जो माणुह ताह अडखळण आवी इह्केरीन खाहोव. 21हाजो तर हे हि कि नाहं माहा खाण्यू एणेन अंगूररस पिनार, एने काही इही केरूह मां ज्यासे तारो बायाक ठोकर लागी. 22तारो जो विश्वास हि, ताह बोगवानान ओगांण आपणाच मोनाम मेलील. धन्य हि जो ता वातीमाय ज्याह, तो हाजो होमजनेस, आपणो स्वताह दोषी ठेरावीन नाहं, 23पुण जो शक देरीन खाहोव तो दोषी ठेरहू, कारण विश्वासान खाणे नाहं; एने जे काही विश्वासान नाहं, ते पाप हि.

Currently Selected:

रोमियो 14: NLXNT

Highlight

Copy

Compare