गलतियो पत्र 5

स्वतंत्र्यताह सुरक्षित मिलो

1मसीहा माय स्वतंत्रता केरीन आमूह स्वतंत्र किरील हि सेवट: यात्यतच स्थिर रीवू, एने गुलाम जुवाखाली पोशा जुपल्यु जावू मा.

2देखू, मी पौलुसस तुमूह किथे केध्दीह खतना केरही, तर मसीहा माय लाभ एय नाहं. 3तेभी मी एक उन्जू खतना केरणार जतवून आपथु कि ताह व्यवस्था प्रमाणे मानेतू लागी. 4तुमूह ज्या व्यवस्था खेरो ठेरहू इच्छिता, मसीहा तारीन आलेग एने अनुग्रहा पासून बुंदे पोडील हि. 5काहाकाय आत्मान कामा केरीन आमु विश्वासान, आशा केरतालून धार्मिकता वाट देखताला. 6मसीह यीशु नाहं खतना एने ना बेखतना काही कामा हि, पुण केवळ विश्वास, जो प्रेमा द्वारे प्रभाव टाकथू. 7तुमूह तर हाजकेरीन भोक्ती माय दोवळतीन एतो. ऐवी तान ताह उभराखील कि सत्याह मानू मा. 8ओहलो लिकाडतालु तुमरो बोलवनाचान फायरीन नाहं. 9जारिक खमीर आखा खमीर केर देणे. 10मी प्रभुह तुमरो विषयाम विश्वास मेलीकि तुमरो दिहरो विचार रेहू नाहं; पुण जो तुमूह बिवाड्त्लू, तो कूण काहा नाह रेत दण्ड भोगी. 11पुण हे बायहो; केध्दीह मी एविवूर खतना सुवार्ता करने, तो एवीजाहू त्रास आपील जाथू हाषकी क्रुस ची ठोकर खाणे रेंय. 12हाजो एय कि जे तुमरे पोर डाव मेलतेन, ते आपणा शरीरुच काटीन टाकणे.

13हे बायहो, तुमूह स्वातंत्र एणेन केरता हादील गीया हि; पुण इही होवो कि हे स्वातंत्र्याच्या शारीरिक कामान केरता वावा आपुह मा, नापून प्रेमाकेरिन एक दिहरान दास बना. 14काहाकाय व्यवस्था पुण प्रेमाकेरिन ज्याह एकुच वातू माय पुरो एईन जातेह, “तू आपणो शेजाऱ्यावर आपणो हारका प्रेम केर.” 15पुण तुमूह एक दिहीरान चावता एने खाइन टाकणु, तर परस्परांच्या आथान एकादिहरा संहार एईन नाहा केरीन हाचकेरिन मेलणु.

पवित्र आत्मान द्वारा चालणो

16पुण मी किथे, आत्मान नुसार चालू तर शरीरान देहवासना कायताहा रीतीमाय पुरो नाहं केरणार. 17काहाकाय शरीर आत्मान विरोदात एने आत्मा शरीरान विरोधामाय (लालसायुहू) करने, एने हे एक दिहरान विरोधामाय हि, जानकेरता कि जे तुमूह केरूह इच्छिमाय ते केरूह शकणार नाहं. 18एने केध्दीह तुमूह आत्मान चालवनयाने चालणु तर व्यवस्था अधीन नाहं. 19शरीरान काम तर प्रगट हि, म्हणजे व्यभिचार, खराब काम, लुच्चे पणा, 20मूर्ती पूजा, जादू, वैर, लेडाणे, इर्षा, राग, विरोध, आकठो, विधर्म, 21हेवो, दारो, रिकामीहि एने यान सारकोस उन्जू कामे हि, ज्ञान विषय माय तुमरो उपेरीन केईन आपथु, काहाकाय पेल्ला कियेल हि कि, इही कामे केरणारा बोगवानान राज्यान वारिस एय नाहं. 22पुण आत्मा चे फोल प्रेम, आनंद, शान्ति, धीर, कृपा, हाजोपण, विश्वास, 23नम्रता, एने सौम्यता हि; इही काम विरुद्ध व्यवस्था नाहं. 24एने जे मसीह यीशु चे हि, तान शरीराह तान लालसायुहू एने वासना हेरी क्रुस उपेर सोडवीत आपील हि.

25केध्दीह आमु आत्मा द्वारे जीवतालू हि, तर आत्मा च्या नुसार चालू. 26आमु कोठी एय नाहं पुण एक दिहीराह चिडवू नाहा, एने दिहरापुर हेवो केरूह मा.

Currently Selected:

गलतियो पत्र 5: NLXNT

Highlight

Copy

Compare