प्रेरितान कामे 6

सात चेलाह निवडणेन

1ता दिहामाय ताहेरया चेलान संख्या वोदनेन एती, तेवी यूनानी बोलणारा एने इब्रानी बोलणारा यहूदायामाय एक विवाद उबरे रेणू, काहाकाय वस्तु माय दाडीन दिह सेवकाई तान विधवा बरोबर अपेक्षा एता. 2बारा चेला आखा कलीसियान एक्ठाच हादाडळीन कियील, “आमरे केरता बोगवानान वचनाव्यतिरिक्त भोजनाची सेवा केरणेन योग्य नाहं. 3तर, हे बायहो, प्रतिष्ठित पवित्र आत्मा एने होमजणार पुरो सात एदम्यान निवाड केरू, आमु ज्याह कामान केरता ताह अधिकारी बणावूहू. 4स्वता: ला प्रार्थनाम एने वचनमाय सेवान कामान केरता लागी रेहू.” 5ज्याह वातू माय आखा कलीसियान जुलुम आनंद एनो तर तास विश्वास एने पवित्र आत्मा माय पुरो माणहे स्तीफणुसएने फिलीप, निकानुर, तीमोन, पामिना एने यहूदीन इसाबे निकलाव अन्ताकियान ज्यान निवाड केरील. 6एने ज्याह माणहान पोशो तास प्रेरितांन सुमोर उबरीयेल किरील प्रेरितान प्रार्थना केरील एने तां पोर आथ मिलील. 7ज्यानहोस बोगवानान वचनान पोरचार एहू लागिल एने यरूशलेमाय चेलान संख्या जादा वोदनेन गीयी याजकांन एक मोठू समुदाय पुण ज्याह विश्वासाह मानू लागिल.

स्तीफणुसाह जेल

8स्तीफणुस एक ओहलो माणुह एतो, जो कृपा एने सामर्थ्य ज्यान परिपूर्ण एतो तो माणहान ओगाण मोठलो-मोठलो आश्चर्य कामे एने अदभूत चिन्हे प्रकट केरतीन एतो. 9पुण आराधनालय म्हणजे स्वातंत्र किरील माणहान सभागारान काही माणहे कुरने एने सिकांदरियान फायरीन, तोहोलोच किलकीया एने आशियारीन आवील स्तीफणुस एता ते तान विरोधामाय चर्चा केरूह लागिल. 10पुण तो ज्या बुद्धीसी एने आत्मा ने बोलीह एतो ते तान सुमोर उबरीयेल रेहू शकले नाहं. 11ओवतो तास काही माणहाह लालूच आपील केणेंन लागिल, आमु मुसा एने बोगवानान विरुद्धामाय एने निंदान वातू केतालान होमलील 12ज्यानहोस तास लोकसमुदया माय डाय डाया यहूदी अधिकारीन एने यहूदी धर्मशास्त्री एता ताह भोडकाविल ओवतो तास आवीन ताह दिरील एने आखामारीन मोठो यहूदी मोठली सभा सुमोर लावील. 13एने जुठ्या गवाहीदार उभा किरील, एने कियेल, ज्यो माणुह ज्याह पवित्र स्थानान एने व्यवस्था विरुद्ध बोलणेन सोडना नाहं. 14काहाकाय आमु ताह इही बोलतालुन होमलील कि हा नासरी यीशु नाव काडीन टाकूह एने मुसान आपुहू लागाडील आपील परिपाठ बोदलीन टाकूह. 15तेवी न्याय महासभा बुहील, आखा माणहे ताफाय हेसकेरिन दिखिह येतो ताह तान मुख स्वर्गदूताच्या मुयान होच देखानो.

Currently Selected:

प्रेरितान कामे 6: NLXNT

Highlight

Copy

Compare