प्रेरितान कामे 24

फेलिक्सने सामने पौलुस

1पाच दिहा बादमाय हनन्याह महायाजक केधह डाय डाया एने तितुर्ल्या नावान काय्ताहा वोकीला हेरी लीन आवा. तास सुभेदारान ओगाण पौलुसा पोर मजकूर केय देयील. 2ताहे-यो तो हादील गीयो तेवी तितुर्ल्या तापोर दोष लागाडील केहू लागिल: “हे महाराज फेलिक्स, तारेउखेरीन आमूह कियील स्वस्थता जुळणी हि” एने तारो प्रबम्धामाय आवो जाती केरता मोकता वाईट हुदारेह हि. 3आवहू प्रत्येक जागीपोर एने प्रत्येक प्ररकारान धन्यवाद हेरी होमोलनु. 4पुण जानकेरता कि तुवाह उंजू दुख आपुह ईच्छा नाहं, मी तुवाह विनंती करने कि कृपा केरीन आमरी दुय एक वात होयलू ले. 5कारण कि आमु आवो माणहाह उपद्रिनी, एने जगान आखा यहूदी माय बंद केरणार एने नासरीयान पंथानेन मुख्य सापडाविल हि. 6तो मंदिराम अशुद्ध केरूह इच्छाइयेल पुण आमु ताह देरावीन लीईल आमु ताह आमरा व्यावास्थान नुसार दण्ड आपील येतो, 7पुण सैन्य दलान सरदार लुसियास आवीन ताहबलपूर्वक आमरे आथा मायरीन साडाळ लीईल. 8एने शिपायांनी तारहेर्यो आवणेन आज्ञा आपील आवो आखा वातुहू ज्यान विषय माय आमु तापोर दोष लागाडणे तू खुदेन ताह चौकशी केरली. 9यहूदी माणहान पुण तान साथ आपील कियील, ज्याह वातू ज्याह प्रकारान हेते.

फेलिक्सने होम्बुर पौलुस उत्तर

10ताहेरया सुभेदाराने पौलुसाह बोलणेन खुणकेरिन देखाड्या तेवी तान उत्तर आपील, मी हे सेमजीन कि तू जादा वर्षामाय आवो जातीनी न्याय केरतीन हि आनंदमाय आपणा उत्तर आपतेन हि. 11तू स्वताह जीही शकणे कि ताहेरया तारीन मी यरूशलेम माय आराधना केरणेन केरता आवा माहु बारा दिहारीन जादा एय गीयो नाहं. 12ता माहु नाहं मंदिर रामाय, नाहं आराधनालय माय, नाहं नगरामाय कुणाहे-यो वाद केरतालोन केव्ही गेर्दी देखील. 13एने नाहं तर ते ता वातूह ज्यान ते ऐवी मारपुर दोष लागाळ हि, पारेओगाण खेरो प्रमाणित केरूह केरसेक्तालू. 14पुण मी पारेओगाण हे नाव लेणे कि ता पंथाला पाखंड केणु ताणुच रीतीपूर मी पूर्वजान बोगवानान सेवा केरणे अने ज्या वातू व्यवस्था एने भविष्यवक्तान पुस्तकामाय लिखील हि ता आखापूर विश्वास करने. 15एने बोगवानापोर आशा मेलीकि जे आपु पुण मेलतेन कि धर्मी एने अधर्मी दुयुन जीवतालू उठणे एय. 16जानकेरता मी स्वताह पुण यत्न करने कि बोगवाना उखेर माणहाउगी मारो विवेक कायम निर्दोष रीवू. 17जुलुम वर्षा ओवतो मी आपणो माणहाह दान पोचाडील एने भेट चेढावणे केरता आवूह एतो. 18तास माहु मंदिरामाय, शुद्ध दशेमाय, बिना गेर्दी हेरी एने बिना दंगा केरतालोन, भेट चेढावतालान देखील हि आशियान काही यहूदी एता ताह उचित एता. 19कि केध्दीह मारो विरोधामाय ताहेऱ्यो काही वातू रेंय तर न्या तुम्राओगाण मारपुर दोष लागाडू. 20केव्ही ज्यान स्वताह देखाणने कि ताहेरया मी महासभेमाय उबरील एतो तेवी तास मारामाय काल्ल्हा अपराध देखील. 21आवो एक वातूह सोडीन जी माहु तामाय उबरीयेल रेयीन आयडीन कियील एता मोरील मायरीन जीवतालू उठणेन विषय माय तारो ओगाण आज मुकदमो चालू हि. 22फेलिक्स ज्याह पोनथान हि वातू हाजो हाजो ओळखतेह एतो ताह हे केयीन आपील कि ताहेरया पलटणाचा सभेदार लुसियास आवी तेवी तुमरो वातून निर्णय केरूह. 23एने सुभेदाराह आज्ञा आपील कि पौलुसाह काही टाइम सुटकाम मेलीन राखणारा केरावी एने तान हेरीमरीन कोणीही पुण तान सेवा केरणेन थोबाडनेन नाहं.

पौलुसान फेलिक्स एने तान लाडी हेरी वातू

24काही दिहा बादमाय फेलिक्स आपणी बायकू सिला ला, जी यहूदी एती, हेरी लीन आवा एने पौलुसाह हादाडळीन ता विश्वासान विषय माय जो मसीह यीशु उपेर हि, ताफायरीन होमलील. 25ताहेरया तो धर्म, एने संयम, एने आवणारा न्यायान चर्चा केरतीन एतो, तेवी फेलिक्स भयभीत एईन, उत्तर आपील, ऐवी जा, टाइम देखीन तुवाह पोशा हादिन. 26ताह पौलुसाहे-यो काही रुपये जुडणेन पुण आशा एती जानकेरता उंजू हादाडळीन तान हेरी वातू केरतीन रेणे. 27पुण ताहेरया दुय वर्षा ओवतो तर पुर्कीयास फेस्तूस फेलिक्स, च्या जागीपोर आवा; एने फेलिक्स यहूदी माणहाह आनंद करीन ईच्छा पौलुसाह बोन्दिच सोडीन गीयो.

Currently Selected:

प्रेरितान कामे 24: NLXNT

Highlight

Copy

Compare