प्रेरितान कामे 21

यरूशलेम ने यात्रा

1ताहे-या आमु ताहे-या आलेग एईन नाव उघाडील, तेवी मीठ मार्गाने कोसास आवा, एने दिहरा एक दिह रुदास माय एने तारीन पतरा जाईल. 2ताहारी एक नाव फेनिकेसमाय जातालून जुडी, एने आमु तापुर चेडिन ताह उगडीन आपील. 3ताहे-या आमूह साइप्रस देखा, तेवी ताह आमु डाखरीउगी टाकील, एने सिरीया उगे जाइन सोराला उतरील; केरू ताहारी नावीम रीन माहु उतारू एता. 4चेलान हेरी आमु ताहारी सात दिह रेणा. तास आत्मान द्वारे आमूह हिकाळनेल पौलुसाह कियील कि यरूशलेम ला पाय पुण मेलूह मां. 5तेवी ता दिह पुरो एईन गीया, तेवी आमु तारीन निकालनु एने आखा बायकू एने सोरा हेरी आमूह नेगरान बाहेर ताहवोर पोचाडील; एने आमु मांडा टेकिन समुन्द्र मेरापूर प्रार्थना केरील, 6ओवतो एक दिहरा तारीन सेटो एईन, आमु नावीम चीढील एने ते पोशा आपणो गिर गीया.

7ओवतो आमु सोरा फायरीन जल प्रिनास केरीन प्रलमेसात पुचील एने बायहो जाणाह सलाम केरीन तान हेरी दुय दिह रेणा. 8दिहीरा एक दिह आमु तारीन चालीन कैसरात आवूह एने फिलीप सुवर्तान घेरामाय जो सात मायरीन एक एतो जाइन तान गिर रेणा.

9तान चार कुवारी सोरी पवित्र एती ता भविष्य आवाज केरतीन एता. 10ताहे-या आमु ताहारी मोक्तास दिह रेणा, तेवी ताहारी अगब नावान एक भविष्यवक्ता यहूदीफायरीन आवा. 11तो आमुफाय आवीन पौलुसाचे कोमेरपोट्टो लियील एने आपणा आथ पाय धुवू लागिल एने कियील, पवित्र आत्मा हे किथी हि कि ज्या माणाहान हे कमरबंध हि ताह यरूशलेम माय ज्याह प्रकारे यहूदी ती एने दिहरी जात्यूह होपीन आपती. 12ताहे-या आमु हि वात होमेल्नी तेवी माणहान ताह ताच रेणेन विनंती केरील एने कियेल यरूशलेम ला जाहू मा. 13पुण पौलुसुसाने उत्तर आपील, तुमूह काय केरणू कि रेडीन रेडीन मारा मोन दुखाडतेहे? मी तर प्रभु यीशुन नावाकेरता यरूशलेमेन नाय तर बांधणेकेरता म्हणजे मोरने केरता पुण कि तियार हि. 14ताहे-या तो होंबलेह आमु हे केयीन ठावको रेणा “प्रभुन ईच्छा पुरो होवो.” 15आवो दिह ओवतो आमु तियारी केरील एने यरूशलेमाम जाईल. 16कैसरारीन पुण काही चेला आमरा हेरी आवा एने आमूह म्नासो नावान साइप्रसतील एक जुनो चेला एतो ताफाय लीन आवा कि आमु तान न्या रिजी.

पौलुसान यरूशलेम माय आवणो

17ताहे-या आमु यरूशलेमेन पुचनु तेवी बायहो मोठली आनंदम आमूह मिलना. 18दिहीरा एक दिह पौलुस आमूह याकूबाफाय लीन गीयो ताहारी आखा डाय डाया वर्ग एक्ठाच एता. 19ताहे-यो तान ताह नमस्कार केरीन जे जे काम बोगवान तान सेवान द्वारे दिहरी जातीमाय किरील एता एक एक केरीन आखा कियील, 20तान हे बोगवानान महिमा किरील, ओवतो तो कियील, हे बायहो, तू दिखिह हि कि यहूदीयान एजारो विश्वास किरील हि एने आखा व्यवस्थाह धुन मानणारे हि. 21ताह तारो विषयातमाय हिकाडील गीया हि, तू दिहरी जातीमाय रेणारे यहूदीयान मुसान त्याग केरीन केरता हिकाडणे एने किथे कि आपणो सोरो खतना केरूह नाहा एने परिपाठाप्रमाणे चालू नाहा. 22तर ओवतो काय किरील जाणे? माणहे अवश्य होमबोलणार कि तू आवा हि. 23तान केरता जे आमूह किथे हे केरू आमरा न्या चार माणुह हि तान केरता मान्ता किरील हि. 24ताह लीन तां हेर्यो स्वताह शुद्ध केर; एने तान केरता खेर्चो आप, का ता टाली केरावती. तेवी आखा जाण लेती, का ज्यू वातू ताह तार विषय माय हिकाडील एत्यू, तान कायीच जेड नाह सोतो पुण तू भी व्यवस्थाह मानीन तान अनुसार चालणे 25पुण ता दिहरी जातीन विषयी तान केरता विश्वास किरील हि, आमु निर्णय लेईल हेते एने लेखीन मोकलील हेते का मूर्तीन ओगांण चेढाविल माह एने रक्ताह से एने गेलु दाबीन मारील माह से एने व्यभिचार से वाचीन रेवू 26तेवी पौलुस ता माणहाह लीन. एने दिहीरा एक दिह तान हेरी शुद्ध एईन. मंदिरामाय गीयो एने ताहारी केयीन आपील कि शुद्ध ला एक दिह म्हणजे तामायरीन प्रत्येक जाणाह अर्पण लेणेवोर दिह केवी पुरो एय.

मंदिरामाय पौलुसान देराणेन

27ताहे-यो तो सात दिह पुरो एने पोर एता तर आशियान यहूदी ज्याच पौलुसाह मंदिरामाय देखीन आखा माणहाह खिजवाळणे एने खेचीन ताह देरील. 28“हे इस्राएल माय वाला मदत केरू, ज्यो तोच माणुह हि, जो माणहान, एने व्यवस्था, एने ज्या जागान विरूधमाय प्रत्येक जागीपोर आखा माणहाह हिकाडीह, न्यावोर का यूनानीह भी मंदिरामाय लावीन तो ज्या पवित्रस्थानाह अपवित्र किरील हि” 29तान पेल्ला इफीसीयोकर त्राफिमाय तान हेरी नगरात पेल्ला एता एने होमजाडणे एता कि पौलुस ताह मंदिरामाय लीन आवा एतो. 30तेवी पुरो सेहेरामाय गाबराय गीयो एनो एने माणहे दोवळीन याहारू आवा एने पौलुसाह देरीन मंदिरान बाहेर लेहेकीन लावील एने जेल्दी बायणो बंद किरील जाणे. 31ताहे-यो तो ताह मारीन टाकणे एता तेवी ते शिपाई एने सरदाराला माहिती जुडी कि पुरो यरूशलेमाम गडबड उडनी. 32तेवी ते जेल्दी शिपायान एने सुभेदाराह लीन ताफाय बुंदे दोवळतीन आवा एने तान शिपायांच्या सरदाराला एने सैनिकान देखीन पौलुसाह मारनु झोडणे सोडीन आपील. 33तेवी शिपायांच्या सरदाराने आहने आवीन ताह देरावीन लीईल एने दुय हाकली केरीन बांधणेन केरता आज्ञा आपील फुसहु लागिल, हा कूण हि एने याने काय किरील हि? 34पुण गेर्दी मायरीन कूण काय ते कूण काय आयेडते रेणा, एने जेवी गर्दीमाय तो हेचकेरीन खेरो न्याय होमजी नाह शेकील ते ताह गेर्दीम लीन जाणेन आज्ञा केरील. 35ताहे-यो तो पाय-यापोर पोचना तेवी इही एय गीयो कि गर्दीमुळे शिपायांनी ताह विसीन लीन गीया. 36कारण माणहान गेर्दी हे आयेडतेन तान पासाण चालतो एती, तान नाश केरीन द्या. 37जेव्ही ते पौलुसाह गढीत लीन जाहू एता, तेवी तान शिपायांच्या सरदाराला कियील, “काय माहु आज्ञा आपथो का कि मी ताह काही केहू?” ताह कियील, “काय तुवाह यूनानी भाषा आवी का? 38काय तू तो मिस्री नाहं, जो आवो दिहान पेल्ला बंद, उघाडीन चार हजार देणाराह जेंगलामाय लीन गीयो?” 39पौलुस कियील, “मी तर किलकीयातील तार्शीस यहूदी हि, मी तुवाह विनंती करने कि माहु माणहाहे-यो वातू केरूह द्या.” 40जेवी तो आज्ञा आपील, तेवी पौलुस पाय-यापोर उबरीन रीन माणहाह आथा केरीन इशारू केरील. जेवी ता ठावका एना तेवी तो इब्री भाषामय बोलणे लागिल.

Currently Selected:

प्रेरितान कामे 21: NLXNT

Highlight

Copy

Compare