2 कुरिन्थियो 8

मोनान उदारता से दान आपु

1ऐवी हे बायहो, मी तुमूह बोगवानान ता कृपेची समाचार आपथु जी मासेदोनियावर एने कलीसिया एनी हि. 2कि संकटा च्या मोठली परिक्षाम तान मोठू आनंद एने हजू दरिद्र्यामाय तान उदारता जादा वादीनगियो हि. 3तान विषयी मारी हि गवाही हि कि तास आपणो सामर्थ्यान बोरीन सामर्थ्यचे पुण बाहेर, आपील हि. 4एने आवो दाने माय एने पवित्र माणहान सेवा भागीदार ला कृपेने विषयातमाय, आमूह पोशा-पोशा जादा विनंती केरील, 5एने जोहलो आमु आशा केरील एती, तोहोलोच नाहं पुण तास प्रभुह पोशा बोगवानान ईच्छा आमूह पुण स्वताह आपील. 6तान केरता आमु तीतुस ला होमजाडील, कि जोहलो तान पेल्ला चालू केरील एती, तोहोलोच तामाय आवो दानाआ कामाकेरता पुण पुरो केरीन लेजी. 7ज्यानकेरता जोहला तुमूह प्रत्येक वातून म्हणजे विश्वास, वाचन, ज्ञान एने आखा प्रकारान प्रयत्नात, एने प्रेमामाय जे आमरे पोररीन केरणू, वोदणु, तोहोलोच आवो दानाआ कामाम पुण वोदनेन जा.

8मी आज्ञा रीतीपूर तर नाहं, पुण दिहीरा उत्साहाने तुमरो प्रेमाह खेरो पणाने पारखाणे किथे. 9तुमूह आपणा प्रभु यीशु मसीहान कृपा मालूम हि कि तो श्रीमंत येतो पुण तो तुमरीकेरता गरीब एनो, म्हणजे तान गरीब एय गीयो तुमूह श्रीमंत एने जुवी. 10आवो वातून मारा मोन किथे: हे तुमरीकेरता हाजो हि, जे एक वोरोन नाहं फक्त आवो कामान केरीन, पुण आवो वातूह आवाडावने धेरनु पुण पेल्ला आवा एता, 11तामुळे ऐवी आवो कामाकेरता पुरो केरू कि जोहलो रोकीन देरणे तुमूह तियार एता, तोहोलोच आपणेआपने परिस्थितीनुसार हे पुण पुरो केरू. 12काहाकाय जर मोनान तियारी हि, तानकेरीन दान पुण होवकोयत जातेह, जे तान आहने हि केव्ही तानहोस नाहं जे तान आहने नाहं. 13हे नाहं कि दिहीराह आराम एने तुमूह दुख जूळनू, 14पुण हारकोच फुसणे आवो टाइम तुमरो वातुहू, तान थोडो ला कामाम आवूह, म्हणजे तान वातुहू पुण तुमरो थोडो होनारो कामान केरता आवील जुवी म्हणजे बरोबर एईन जाहू. 15जोहलो लेखील हि, “ज्यान जुलुम टुलू किरील तान कायीच निकेलना नाहं एने ज्यान थोडो टुलू किरील तान काही थोडो निकेलनो नाहं.”

तीतुस एने तहेऱ्या कामकेरणारे

16बोगवान धन्यवादीत एय, ज्यान तुमरीकेरता तीस दया तीतुसच्या हृदयाम टाकील हि. 17कि तान आमरा होमजडणे मानीन लीईल पुण जादा उत्साही एईन तो तुमरेहे-यो आवा हि. 18आमु ताहेऱ्यो ता बायाक पुण मोकलील हि तान नाव सुवार्तान विषयी आखा कलीसिया माय पसरीलिय हि; 19एने ओलख नाहं, पुण तो कलीसियान द्वारे निवाड पुण किरील गीयो कि आवो दानाआ कामान वजसे आमरेहेयो आवणे जुवी. आमु हि सेवा तान केरता करने कि प्रभुन महिमा एने आमरा मोनान तियारी प्रकट एईन जाणेन जुवी. 20आमु आवो वातून होमंबालीन रेणे कि आवो उदारतेच्या कामानबरामाय ज्यान सेवा आमु करने, कूण आमरे पोररीन दोष लागाडू नाहा. 21काहाकाय ज्या वातू फक्त प्रभु आहानीच नाहं, तर माणहा हेऱ्या पुण हाजी हि आमु तान चिंता करने. 22आमु ताहेऱ्यो आपणो बायाक पुण मोकलील हि ज्याह आमु पोशा-पोशा पारखिल्यु जादा वातीमाय उत्साही देखील; हि पुण ऐवी तुमरे पोर तान मटली खात्री हि, ज्यानकेरता कि तो उंजू जादा उत्साही हि. 23जर कूण तीतुसच्या विषयी फुसणेन तर तो मारो हेरी हि; एने मारो एखठाच बायाक काम केरताला हि, एने जर आमरा पान्यानबारमाय फुसहु तर ते कलीसिया वजेसे मोकलील एने मसीहान महिमा हेते. 24केरीन आपणा प्रेम एने आमारो तो गर्व जो तुमरो विषयी हि कलीसियान ओगाण पुरो केरीन ताह देखाड.

Currently Selected:

2 कुरिन्थियो 8: NLXNT

Highlight

Copy

Compare