Eclesiastés 1
1
Tojol spisil
1Ha te bin la yalticlan te Jp'ijubteswanej, te snich'an David, te ajwalil ta Jerusalén.
2Tojol, tojol, xchi te Jp'ijubteswanej.
Mero tojol, tojol ta spisil, xchi.
3¿Bin ya xloc' yu'un a te winic
yu'un spisil te ya'tel ya spas ta ye'tal ch'ulchan?
4Jcaj ts'umbalil ya xc'ax, jcaj ts'umbalil ya xtal,
pero stalel ya xhil te q'uinale.
5Ya xloc' tal te c'ahc'al soc ya xmahl te c'ahc'al,
soc ya suj sba ta suhtel bahel ta lugar banti hahch tal.
6Te ic' ya shu'xiyot bahel ta sur,
soc ya suht sba ta stojol norte;
xjoyet ya xbehen,
ya xcha'suht xan banti hahch tal.
7Spisil te muc'ul-ha'etic ya xbaht ta mar,
pero ma xnoj te mare.
Te banti hahch tal te muc'ul-ha'etic,
tey ya xcha'suhtic xan bahel a
yu'un ya x'oquin xan bahel.
8Ta spisil ya yac' luhbel,
c'ax hich a te ya xhu' yalbel te winique.
Ma xluhb te sitil ta yilel,
soc ma xluhb chiquinil ta ya'iyel.
9Te bin c'ohemix ta pasel,
ya xcha'c'oht xan ta pasel,
te bin pasbilix, ya xc'oht xan ta pasel;
mayuc bin yach'il ay ta ye'tal ch'ulchan.
10¿Ay bal bin ay te hich ya xhu' ta halel:
Ilawil, yach'il ini, te xchihe?
Nameyix ay, te c'alal ma to ayucotic a.
11Mayuc ta na'el te bin c'ohemix ta pasel,
soc te bintic ya to xc'oht ta pasel
mayuc ta na'el yu'un te mach'atic patil ya xtalique.
Te bintic yiloj te Jp'ijubteswanej
12Ho'on te Jp'ijubteswanejon, ayon ta ajwalil yu'un Israel ta Jerusalén. 13La jca'telin yilel soc slehel ta scuenta p'ijil-o'tanil spisil bin ya yich' pasel ta ye'tal ch'ulchan. Ha tulan a'tel a'bot yu'un Dios te yal-snich'nab ants-winiquetic scuenta yu'un ya x'a'tejic a. 14La jquil spisil te bintic ya yich' pasel ta ye'tal ch'ulchan; ilawil, tojol nax ay spisil, ha snutsel ic' c'ohem.
15Te bin ts'otol ma xhu' ta tojobtesel;
te bin ma ts'acaluc ma xhu' ta ahtayel.
16Hich la jcal ta co'tan: Ilawil, muc' c'ohemon soc c'ax hich jp'ijil a te bin ut'il spisil mach'atic nahil c'axic ta ajwalil ta Jerusalén. Jnopoj bayel p'ijil-o'tanil soc te bintic ay ta na'el, xchihon. 17La jcac' co'tan ta sna'beyel sba te p'ijil-o'tanil soc nix te locahijel soc te bin sonsohil. La jna' te ha nix snutsel te iq'ue. 18Como
te banti ay bayel p'ijil-o'tanil
ay bayel wocol;
teme ya xp'ohl te bintic ay ta na'el,
ya xp'ohl te wocole.
Currently Selected:
Eclesiastés 1: TZH
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.