Zacarías 8
8
Halbil te ya yich' xan pasel Jerusalén
1Tal ta jtojol te sc'op Jehová te scuentahinej spisil, hich la yal:
2Bayel xut'et co'tan ta stojol Sión,
soc bayel ilimba te xut'et co'tan yu'un.
3Hich yaloj te Jehová:
Ya suhton tal ta Sión
soc ya xnahinon ta Jerusalén.
Te Jerusalén ha pueblo yu'un bin Smelelil
ya xc'oht sbihil,
soc te wits yu'un Jehová te scuentahinej spisil,
ha Ch'ul Wits ya xc'oht sbihil.
4Hich yaloj te Jehová te scuentahinej spisil:
Te mamaletic soc me'eletic
ya xhuhcajic yan buelta ta callehetic ta Jerusalén,
tuhlultuhl yich'oj ta sc'abic snahbate'ic
ta scaj te bayelix te ya'bilalique.
5Te callehetic yu'un te pueblo
ya xnojic ta queremetic soc ach'ixetic
te ya x'ixtajic tey a.
6Hich yaloj te Jehová te scuentahinej spisil:
Aunque te mach'atic hilemic yu'un te pueblo
hich ya yilic te ma xhu' ta pasel ini ta hich ora,
¿yu'un bal c'ax wocol ya quil te ho'one?
xchi te Jehová te scuentahinej spisil.
7Hich yaloj te Jehová te scuentahinej spisil:
Ya jcoltay te pueblo cu'un
ta stojol te q'uinal banti ya xloc' tal c'ahc'al
soc te q'uinal ta stojol smahlib c'ahc'al;
8ya quic'ticlan tal
yu'un ya xnahinic ta Jerusalén.
Ha pueblo cu'un ya xc'ohtic,
soc ho'on Dioson yu'unic ya xc'ohon
ta smelelil soc ta scuenta spasel bin toj.
9Hich yaloj te Jehová te scuentahinej spisil:
A'beyahic yip ac'abic,
ha'ex te yac awa'iybelic te c'opetic ini
te yac yalbelic te jalwanejetic,
te hich yac yalbelic a c'alal ta bin ora
la yich' a'beyel te yich'o-ip c'alal ora
ta cha'pasel te sna Jehová te scuentahinej spisil.
10Como ta nahil to mayuc stojol a'tel
yu'un winiquetic o chambahlametic,
soc mayuc lamal q'uinal la ya'iy
te mach'a loc' bahel o te och talel,
ta scaj te contra,
como la jca'be scontrahin sbahic spisil.
11Pero yo'tic ma hichuc ya jpasbeyiquix
te mach'atic hilemic yu'un te pueblo
te bin ut'il la jpas ta nahil,
xchi te Jehová te scuentahinej spisil.
12Yu'un ya yich' ts'umbeyel lamal q'uinal:
ya me yac' sit te sts'usubilic,
ya sitin te awal-ts'unubil ta q'uinal,
soc ya yac' sts'ujulel te ch'ulchan;
ya ca'be yu'untayic spisil ini
te mach'atic hilemic yu'un te pueblo.
13Hich te bin ut'il bohloben c'oblalil
c'ohemex ta yohlil te nacionetic,
pueblohex Judá soc pueblohex Israel,
ha nix hich ya jcoltayex soc ha bendición ya xc'ohex.
¡Ma me xiwex!
¡A'beyahic yip ac'abic! xchi.
14Como hich yaloj te Jehová te scuentahinej spisil: Hich te bin ut'il la jnop te ya ca'beyic bin chopol te ame'atatic c'alal la shachbonic quilimba, soc ma ba la jsuht jc'op, 15ha nix hich la jnopix te ya jpasbe yo'tic te bin lec te Jerusalén soc te sna Judá; ma me xiwex. 16Ha ya sc'an te yac apasic ini: Talel c'axel smelelil yac ac'opon abahic, a'iyahic chahpanwanej ta smelelil soc ta scuenta bin ya yac' lamal q'uinal ta ochibaletic yu'un te pueblohetic awu'unique. 17Ma me ayuc mach'a ya snop ta yo'tan te bin chopol ta scontrahinel te spat-xuhc, ma me xamulanic yalel ta jamal lot, como ya jp'aj spisil ini, xchi te Jehová.
18Tal ta jtojol te sc'op Jehová te scuentahinej spisil, hich la yal: 19Hich yaloj te Jehová te scuentahinej spisil: Te scomel we'elil ta schanebal u, ta yo'ebal, shuquebal soc ta slajunebal u, ya xc'atp'uj ta tse'el-o'tanil soc yutsil-o'tanil, soc ta muc'ul q'uinetic yu'un te sna Judá. Ha yu'un c'uxuc ta awo'tanic te bin smelelil soc te lamal q'uinale.
20Hich yaloj te Jehová te scuentahinej spisil:
Ya to xtalic pueblohetic
soc mach'atic nahinemic ta bayel pueblohetic.
21Te mach'atic nahinemic ta jun pueblo
ya xtalic ta stojol yan pueblo, hich me ya yalic:
¡Conic ta sc'ambeyel bendición te Jehová,
ya jlehtic te Jehová te scuentahinej spisil, xchihic.
Ha nix hichon ya xbohon ec!
xchihic te yantique.
22Ya xtal ta Jerusalén bayel pueblohetic
soc nacionetic te ay yipic
ta slehel te Jehová te scuentahinej spisil,
soc ta sc'ambeyel bendición.
23Hich yaloj te Jehová te scuentahinej spisil: Ta hich ora, ay lajuntuhl jyanlumetic te bayel ta chahp sc'opic, ya stsacbe sti'il sc'u' jtuhl judio, hich ya yalbeyic: Ac'a jt'unatcotic bahel te ha'exe, como la jca'iycotic te sjoquinejex te Diose, xchihic.
Currently Selected:
Zacarías 8: TZH
Highlight
Copy
Compare
Share
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.
