Zacarías 10
10
Jehová ya scoltay ta libre te pueblo yu'une
1C'ambeyahic ha'al te Jehová
ta yorahil ya x'ach'ub ya'binal te';
te Jehová ya yac' taluc tsantsehwal,
ya ya'beyex bayel ha'al
soc yaxal ha'mal ta sq'uinal jujutuhl.
2Te loc'ombahetic ya xlo'loywanic
soc te jna'ojeletic ya yilic te bin lotil;
ya yalbe sc'oblal wayichil te mayuc scuentahil
soc tojol te sc'opic scuenta smuc'ubtesel q'uinal ya'iyic.
Ha yu'un bayuc nax ya xbahtic te pueblo
hich te bin ut'il jtsohb tuminchijetic,
soc ay swocolic ta scaj te mayuc jcanan yu'unique.
3Tihl hahchel sc'ahc'al co'tan ta stojol te jcananetic,
ya ca'be castigo te jtsobawetique.
Te Jehová te scuentahinej spisil
ya scanantay te jtsohb tuminchijetic yu'un,
ha te sna Judá,
ha tulan cawu yu'un guerra ya xc'ohtic yu'un.
4Ta Judá ya xloc' tal
te ton yu'un xuhc na,
te ts'apbil-te' yu'un nahilpac',
tey ya xloc' a te t'ihmalte' yu'un guerra,
soc spisil te jtsobawetique.
5Hich ya xc'ohtic te bin ut'il soldadohetic ta guerra
te ya sts'o'ic ta teq'uel te contra ta ahch'al ta callehetic;
ya yaq'uic guerra, como ya xjoquinotic yu'un Jehová,
soc ya stahic q'uexlal te mach'atic cajajtic ta cawu.
6Ya ca'be yip te sna Judá,
ya jcoltay te sna José.
Ya cac' te ya suhtic talel,
como ya jna'be yo'bolil sbahic.
Hich ya xc'ohtic te bin ut'il ma ba jp'ajojix,
como ho'on Jehovahon te Dioson yu'unic,
ya ca'iybeyic te sc'opique.
7Te Efraín hich ya xc'oht te bin ut'il soldado,
soc tse'el yo'tan hich te bin ut'il ta scuenta vino;
te yal-snich'nab ya me yilic
soc ha tse'el yo'tanic yu'un,
tse'el yo'tanic ta scuenta Jehová.
8Ya quic'ticlan talel ta scuenta xuxubtayel
soc ya jtsobticlan, como la jcoltayiquix;
hich ya xp'ohlic te bin ut'il ta nahil to.
9Aunque la jpucticlan bahel ta yohlil te pueblohetic,
aunque namal ayic, ya me sna'onic tey a,
ya xcuxajic soc te yal-snich'nabic
soc ya suhtic xan talel.
10Ya quic'ticlan loq'uel ta Egipto,
soc ya jtsobticlan talel ta Asiria,
ya quic'ticlan tal ta sq'uinal Galaad soc Líbano,
ma ba tic' ya x'ochic a.
11Ya sohlic bahel ta mar yu'un wocol,
ya jlajimbe yip te stselajan mar
soc ya xtaquij spisil sc'ubulil te muc'ul-ha' Nilo.
Ya xjimbot cohel te stoybahil Asiria
soc ya xch'ay te bastón yu'un Egipto.
12Ya ca'be yipic ta scuenta Jehová,
soc ya xbehenic ta scuenta te jbihile,
xchi te Jehová.
Currently Selected:
Zacarías 10: TZH
Highlight
Copy
Compare
Share
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.
