Números 7
7
Mahtaniletic yu'un yaq'uel ta stojol Dios scajtajib ta chiq'uel mahtanil
1Te c'alal hu' yu'un stehc'anel te Nahilpac' Templo te Moisés, la smal ta aceite soc la sch'ultes soc spisil te biluquetic yu'une. Ha nix hich la smal ta aceite soc la sch'ultes te scajtajib ta chiq'uel mahtanil soc te biluquetic yu'un. 2Ha yu'un te príncipaletic yu'un Israel, ha te jtsobawetic ta jujuchahp sna te sme'static, ha te príncipaletic yu'un te jujuchahp sts'umbal Israel te scuentahinejic te mach'atic la yich'ic ahtayel, nohpojic tal 3soc la yich'ic talel te mahtaniletic yu'unic ta stojol Jehová: ha waqueb carretahetic te macalic soc lahchaycoht (12) j'a'tel-wacaxetic, ta chebcheb príncipaletic la yaq'uic jun carreta, soc jcoht j'a'tel-wacax ta jujutuhl; la yaq'uic ta stojol te Nahilpac' Templo.
4Te Jehová hich la yalbe te Moisés: 5Ich'beya, ha ya xtuhun yu'un te a'tel ta Nahilpac' Templo yu'un tahojibal. A'beya te levitahetic, ha chican bin ya'telic ta jujutuhl, xchi.
6Ha yu'un te Moisés la yich' te carretahetic soc te j'a'tel-wacaxetic, la yac'ticlambe te levitahetique. 7La yac'ticlambe cheb carreta soc chancoht j'a'tel-wacax te snich'nab Gersón, ha chican te ya'telic; 8la yac'ticlambe chaneb carreta soc waxac-coht j'a'tel-wacax te snich'nab Merari, ha chican te ya'telic te cuentahimbil yu'un Itamar te snich'an sacerdote Aarón. 9Yan te snich'nab Coat mayuc bin la ya'be como ha ay ta scuentahic sq'uechel bahel te ch'ul biluquetique.
10Te príncipaletic la yich'ic tal te mahtaniletic yu'un yaq'uel ta stojol Dios te scajtajib ta chiq'uel mahtanil te bin c'ahc'alil te la yich' malel ta aceite scuenta ch'ultesel. Te príncipaletic la yaq'uic hilel te mahtanil yu'unic ta stojol te scajtajib ta chiq'uel mahtanil. 11Te Jehová la yalbe te Moisés: Ya me yaq'uic te mahtanil yu'unic, jujutuhl príncipal ta jujun c'ahc'al, scuenta yaq'uel ta stojol Dios te scajtajib ta chiq'uel mahtanil, xchi.
12Te mach'a la yac' te mahtanil yu'un ta sba c'ahc'alil ha te Naasón snich'an Aminadab, te sts'umbal Judá. 13Te smahtan, ha jun plato pasbil ta plata te lajuneb shucwinic (130) siclo yalal;#7.13 1.43 kilos jun jarra pasbil ta plata te lajuneb schanwinic (70) siclo yalal,#7.13 770 gramos ha te siclo yu'un te ch'ul awilal, schebal nojelic ta lequil harina wots'bil soc aceite scuenta mahtanil harina; 14jun muc'ul cuchara pasbil ta oro te lajuneb siclo yalal#7.14 110 gramos nojel ta pom; 15jcoht jcolel toro, jcoht tat tuminchij, soc jcoht tat tuminchij te jun ya'bilal, scuenta scohtol chic'bil mahtanil; 16jcoht tat tentsun scuenta mahtanil yu'un stojel mulil; 17soc scuenta mahtanil yu'un lamal q'uinal: ha cha'coht j'a'tel-wacax, ho'coht tat tuminchij, ho'coht tat tentsun, soc ho'coht tat tuminchij te jujun ya'bilale. Ha te mahtanil yu'un Naasón, te snich'an Aminadab.
18Ta schebal c'ahc'al la yac' mahtanil yu'un te Natanael snich'an Zuar, príncipal yu'un Isacar. 19La yac' jun plato pasbil ta plata, lajuneb shucwinic (130) siclo yalal; jun jarra pasbil ta plata, lajuneb schanwinic (70) siclo yalal, ha te siclo yu'un te ch'ul awilal, schebal nojelic ta lequil harina wots'bil soc aceite scuenta mahtanil harina; 20jun muc'ul cuchara pasbil ta oro te lajuneb (10) siclo yalal nojel ta pom; 21jcoht jcolel toro, jcoht tat tuminchij, soc jcoht tat tuminchij te jun ya'bilal scuenta scohtol chic'bil mahtanil; 22jcoht tat tentsun scuenta mahtanil yu'un stojel mulil; 23soc scuenta mahtanil yu'un lamal q'uinal: ha cha'coht j'a'tel-wacax, ho'coht tat tuminchij, ho'coht tat tentsun, soc ho'coht tat tuminchij te jujun ya'bilal. Ha te mahtanil yu'un Natanael snich'an Zuar.
24Ta yoxebal c'ahc'al te Eliab snich'an Helón, príncipal yu'un snich'nab Zabulón, 25la yac' te mahtanil yu'un: jun plato pasbil ta plata, lajuneb shucwinic (130) siclo yalal; jun jarra pasbil ta plata, lajuneb schanwinic (70) siclo yalal, ha te siclo yu'un te ch'ul awilal, schebal nojelic ta lequil harina wots'bil soc aceite scuenta mahtanil harina; 26jun muc'ul cuchara pasbil ta oro te lajuneb (10) siclo yalal nojel ta pom; 27jcoht jcolel toro, jcoht tat tuminchij, soc jcoht tat tuminchij te jun ya'bilal, scuenta scohtol chic'bil mahtanil; 28jcoht tat tentsun scuenta mahtanil yu'un stojel mulil; 29soc scuenta mahtanil yu'un lamal q'uinal: ha cha'coht j'a'tel-wacax, ho'coht tat tuminchij, ho'coht tat tentsun, soc ho'coht tat tuminchij te jujun ya'bilal. Ha te mahtanil yu'un Eliab snich'an Helón.
30Ta schanebal c'ahc'al te Elisur snich'an Sedeur, príncipal yu'un snich'nab Rubén, 31la yac' te mahtanil yu'un: jun plato pasbil ta plata, lajuneb shucwinic (130) siclo yalal; jun jarra pasbil ta plata, lajuneb schanwinic (70) siclo yalal, ha te siclo yu'un te ch'ul awilal, schebal nojelic ta lequil harina wots'bil soc aceite scuenta mahtanil harina; 32jun muc'ul cuchara pasbil ta oro te lajuneb (10) siclo yalal nojel ta pom; 33jcoht jcolel toro, jcoht tat tuminchij, soc jcoht tat tuminchij te jun ya'bilal scuenta scohtol chic'bil mahtanil; 34jcoht tat tentsun scuenta mahtanil yu'un stojel mulil; 35soc scuenta mahtanil yu'un lamal q'uinal: ha cha'coht j'a'tel-wacax, ho'coht tat tuminchij, ho'coht tat tentsun, soc ho'coht tat tuminchij te jujun ya'bilal. Ha te mahtanil yu'un Elisur snich'an Sedeur.
36Ta yo'ebal c'ahc'al te Selumiel snich'an Zurisadai, príncipal yu'un snich'nab Simeón, 37la yac' te mahtanil yu'un: jun plato pasbil ta plata, lajuneb shucwinic (130) siclo yalal; jun jarra pasbil ta plata, lajuneb schanwinic (70) siclo yalal, ha te siclo yu'un te ch'ul awilal, schebal nojelic ta lequil harina wots'bil soc aceite scuenta mahtanil harina; 38jun muc'ul cuchara pasbil ta oro te lajuneb (10) siclo yalal nojel ta pom; 39jcoht jcolel toro, jcoht tat tuminchij, soc jcoht tat tuminchij te jun ya'bilal scuenta scohtol chic'bil mahtanil; 40jcoht tat tentsun scuenta mahtanil yu'un stojel mulil; 41soc scuenta mahtanil yu'un lamal q'uinal: ha cha'coht j'a'tel-wacax, ho'coht tat tuminchij, ho'coht tat tentsun, soc ho'coht tat tuminchij te jujun ya'bilal. Ha te mahtanil yu'un Selumiel snich'an Zurisadai.
42Ta swaquebal c'ahc'al te Eliasaf snich'an Deuel, príncipal yu'un snich'nab Gad, 43la yac' te mahtanil yu'un: jun plato pasbil ta plata, lajuneb shucwinic (130) siclo yalal; jun jarra pasbil ta plata, lajuneb schanwinic (70) siclo yalal, ha te siclo te ch'ul awilal, schebal nojelic ta lequil harina wots'bil soc aceite scuenta mahtanil harina; 44jun muc'ul cuchara pasbil ta oro te lajuneb (10) siclo yalal nojel ta pom; 45jcoht jcolel toro, jcoht tat tuminchij, soc jcoht tat tuminchij te jun ya'bilal scuenta scohtol chic'bil mahtanil; 46jcoht tat tentsun scuenta mahtanil yu'un stojel mulil; 47soc scuenta mahtanil yu'un lamal q'uinal: ha cha'coht j'a'tel-wacax, ho'coht tat tuminchij, ho'coht tat tentsun, soc ho'coht tat tuminchij te jujun ya'bilal. Ha te mahtanil yu'un Eliasaf snich'an Deuel.
48Ta shuquebal c'ahc'al te Elisama snich'an Amiud, príncipal yu'un snich'nab Efraín, 49la yac' te mahtanil yu'un: jun plato pasbil ta plata, lajuneb shucwinic (130) siclo yalal; jun jarra pasbil ta plata, lajuneb schanwinic (70) siclo yalal, ha te siclo yu'un te ch'ul awilal, schebal nojelic ta lequil harina wots'bil soc aceite scuenta mahtanil harina; 50jun muc'ul cuchara pasbil ta oro te lajuneb (10) siclo yalal nojel ta pom; 51jcoht jcolel toro, jcoht tat tuminchij, soc jcoht tat tuminchij te jun ya'bilal scuenta scohtol chic'bil mahtanil; 52jcoht tat tentsun scuenta mahtanil yu'un stojel mulil; 53soc scuenta mahtanil yu'un lamal q'uinal: ha cha'coht j'a'tel-wacax, ho'coht tat tuminchij, ho'coht tat tentsun, soc ho'coht tat tuminchij te jujun ya'bilal. Ha te mahtanil yu'un Elisama snich'an Amiud.
54Ta swaxaquebal c'ahc'al te Gamaliel snich'an Pedasur, príncipal yu'un snich'nab Manasés, 55la yac' te mahtanil yu'un: jun plato pasbil ta plata, lajuneb shucwinic (130) siclo yalal; jun jarra pasbil ta plata, lajuneb schanwinic (70) siclo yalal, ha te siclo yu'un te ch'ul awilal, schebal nojelic ta lequil harina wots'bil soc aceite scuenta mahtanil harina; 56jun muc'ul cuchara pasbil ta oro te lajuneb (10) siclo yalal nojel ta pom; 57jcoht jcolel toro, jcoht tat tuminchij, soc jcoht tat tuminchij te jun ya'bilal scuenta scohtol chic'bil mahtanil; 58jcoht tat tentsun scuenta mahtanil yu'un stojel mulil; 59soc scuenta mahtanil yu'un lamal q'uinal: ha cha'coht j'a'tel-wacax, ho'coht tat tuminchij, ho'coht tat tentsun, soc ho'coht tat tuminchij te jujun ya'bilal. Ha te mahtanil yu'un Gamaliel snich'an Pedasur.
60Ta sbalunebal c'ahc'al te Abidán snich'an Gedeoni, príncipal yu'un snich'nab Benjamín, 61la yac' te mahtanil yu'un: jun plato pasbil ta plata, lajuneb shucwinic (130) siclo yalal; jun jarra pasbil ta plata, lajuneb schanwinic (70) siclo yalal, ha te siclo yu'un te ch'ul awilal, schebal nojelic ta lequil harina wots'bil soc aceite scuenta mahtanil harina; 62jun muc'ul cuchara pasbil ta oro te lajuneb (10) siclo yalal nojel ta pom; 63jcoht jcolel toro, jcoht tat tuminchij, soc jcoht tat tuminchij te jun ya'bilal scuenta scohtol chic'bil mahtanil; 64jcoht tat tentsun scuenta mahtanil yu'un stojel mulil; 65soc scuenta mahtanil yu'un lamal q'uinal: ha cha'coht j'a'tel-wacax, ho'coht tat tuminchij, ho'coht tat tentsun, soc ho'coht tat tuminchij te jujun ya'bilal. Ha te mahtanil yu'un Abidán snich'an Gedeoni.
66Ta slajunebal c'ahc'al te Ahiezer snich'an Amisadai, príncipal yu'un snich'nab Dan, 67la yac' te mahtanil yu'un: jun plato pasbil ta plata, lajuneb shucwinic (130) siclo yalal; jun jarra pasbil ta plata, lajuneb schanwinic (70) siclo yalal, ha te siclo yu'un te ch'ul awilal, schebal nojelic ta lequil harina wots'bil soc aceite scuenta mahtanil harina; 68jun muc'ul cuchara pasbil ta oro te lajuneb (10) siclo yalal nojel ta pom; 69jcoht jcolel toro, jcoht tat tuminchij, soc jcoht tat tuminchij te jun ya'bilal scuenta scohtol chic'bil mahtanil; 70jcoht tat tentsun scuenta mahtanil yu'un stojel mulil; 71soc scuenta mahtanil yu'un lamal q'uinal: ha cha'coht j'a'tel-wacax, ho'coht tat tuminchij, ho'coht tat tentsun, soc ho'coht jcolel tat tuminchij te jujun ya'bilal. Ha te mahtanil yu'un Ahiezer snich'an Amisadai.
72Ta sbuluchebal c'ahc'al te Pagiel snich'an Ocrán, príncipal yu'un snich'nab Aser, 73la yac' te mahtanil yu'un: jun plato pasbil ta plata, lajuneb shucwinic (130) siclo yalal; jun jarra pasbil ta plata, lajuneb schanwinic (70) siclo yalal, ha te siclo yu'un te ch'ul awilal, schebal nojelic ta lequil harina wots'bil soc aceite scuenta mahtanil harina; 74jun muc'ul cuchara pasbil ta oro te lajuneb (10) siclo yalal nojel ta pom; 75jcoht jcolel toro, tat tuminchij, soc jcoht tat tuminchij te jun ya'bilal scuenta scohtol chic'bil mahtanil; 76jcoht tat tentsun scuenta mahtanil yu'un stojel mulil; 77soc scuenta mahtanil yu'un lamal q'uinal: ha cha'coht j'a'tel-wacax, ho'coht tat tuminchij, ho'coht tat tentsun, soc ho'coht tat tuminchij te jujun ya'bilal. Ha te mahtanil yu'un Pagiel snich'an Ocrán.
78Ta slahchayebal c'ahc'al te Ahira snich'an Enán, príncipal yu'un snich'nab Neftalí, 79la yac' te mahtanil yu'un: jun plato pasbil ta plata, lajuneb shucwinic (130) siclo yalal; jun jarra pasbil ta plata, lajuneb schanwinic (70) siclo yalal, ha te siclo yu'un te ch'ul awilal, schebal nojelic ta lequil harina wots'bil soc aceite scuenta mahtanil harina; 80jun muc'ul cuchara pasbil ta oro te lajuneb (10) siclo yalal nojel ta pom; 81jcoht jcolel toro, jcoht tat tuminchij, soc jcoht tuminchij te jun ya'bilal scuenta scohtol chic'bil mahtanil; 82jcoht tat tentsun scuenta mahtanil yu'un stojel mulil; 83soc scuenta mahtanil yu'un lamal q'uinal: ha cha'coht j'a'tel-wacax, ho'coht tat tuminchij, ho'coht tat tentsun, soc ho'coht tat tuminchij te jujun ya'bilal. Ha te smahtan Ahira snich'an Enán.
84Hich ay te mahtanil la yaq'uic te príncipaletic yu'un Israel scuenta yaq'uel ta stojol Dios te scajtajib ta chiq'uel mahtanil, te c'alal la yich' malel ta aceite scuenta ch'ultesel: ha lahchayeb platohetic pasbil ta plata, lahchayeb jarrahetic pasbil ta plata, soc lahchayeb cucharahetic pasbil ta oro. 85Te jujun plato lajuneb shucwinic (130) ciclo yalal, soc te jujun jarra lajuneb schanwinic (70) ciclo yalal. Ta spisil te plata pasbil a te platohetic soc jarrahetic wacbahc' (2,400) siclo yalal,#7.85 26.4 kilo ha te siclo yu'un te ch'ul awilal. 86Te lahchayeb cucharahetic pasbil ta oro nojel ta pom, lajuneb ciclo yalal jujun, hich te bin ut'il sp'isol yalal te ch'ul awilal. Ta spisil te oro yu'un te cucharahetic wacwinic (120) siclo yalal.#7.86 1.32 kilos 87Ta spisil te chambahlametic scuenta scohtol chic'bil mahtanil, ha lahchaycoht jcolel torohetic, lahchaycoht tat tuminchij, lahchaycoht tat tuminchij te jujun ya'bilal soc te mahtanil harina yu'une; soc lahchaycoht tat tentsun yu'un stojel mulil. 88Ta spisil te chambahlametic yu'un mahtanil scuenta lamal q'uinal, ha chaneb scha'winic (24) ta coht torohetic, oxwinic (60) ta coht tat tuminchij, oxwinic (60) ta coht tat tentsun, soc oxwinic (60) ta coht tat tuminchij te jujun ya'bilale. Ha te mahtanil la yich' aq'uel scuenta yaq'uel ta stojol Dios te scajtajib ta chiq'uel mahtanil ta patil te la yich' malel ta aceite scuenta ch'ultesel.
89C'alal ya x'och bahel Moisés ta Nahilpac' Templo yu'un tahojibal ta sc'oponel Dios, ya ya'iy te c'op te ya xc'oponot yu'un ta sba te yawil stahel perdón te ay ta sba te scaxahul Testigo-c'op ta yohlil te cheb querubinetic. Hich ya xc'oponot a.
Biblia Tzeltal Bachajon © Sociedad Bíblica de México, A.C., 2006.