2 Corintios 2
2
1Ha scuentahil te la jnop te ma ba ya xtal quilex scuenta yu'un ma ba ya ca'beyex amel awo'tanic yan buelta. 2Como teme ho'on ya ca'beyex amel awo'tanic, ¿mach'a ya xhu' ya smuc'ubtesbon q'uinal ya ca'iy ta patil, ma bal ha'uc te mach'a la jca'be smel yo'tan? 3Hich la jts'ihbabeyex scuenta yu'un te c'alal ya xc'ohon ma ba ya ya'bonic jmel co'tan te mach'atic sc'oblal ya ya'bon stse'elil co'tan. Sch'uhunej co'tan te ha awu'unic ya xc'oht te stse'elil co'tane. 4Como bayel yacon ta mel-o'tan soc pich'il co'tan soc yacon ta oq'uel a te la jts'ihbabeyex, ma yu'unuc te ya ca'beyex amel awo'tanic, ha nax yu'un te ya ca'beyex ana'ic te bayel c'uxex ta co'tane.
Pablo la spasbe perdón te mach'a la sta smul
5Teme ay mach'a la yac'on ta mel-o'tan, ma ho'ucon nax jtuquel te la yac'on ta mel-o'tan, ay nix la yaq'uex ta mel-o'tan ta apisilic, (teme ma ba ya xjelawon ta c'op ta atojolic). 6Tic'uc a te castigo te tsobolex la awa'beyique. 7Ya sc'an te yac apasbeyiquix perdón soc yac awa'beyiquix smuc'ul yo'tan, scuenta yu'un ma ba ya xtsalot yu'un c'ax bayel mel-o'tan. 8Ha yu'un hawocolicuc, a'beyahic yil yan buelta te c'ux yac awa'iyic ta awo'tanic, 9como ha scuentahil te la jts'ihbabeyex, yu'un ya jtsajex quil teme yac ach'uhunic spasel ta spisil. 10Te mach'a yac apasbeyic perdón, ha nix hichon ya jpasbe perdón. Te bin ut'il la jpasbe perdón, teme ay nix bin la jpasbe perdón yu'un, ha'ex ta acuentahic te la jpasbe perdón ta stojol Cristo, 11scuenta yu'un ma ba ya stsalotic a te Satanás, como jna'ojtic te bin ya spas ta lo'loywanej stuquel.
Pablo ma ba jun yo'tan ta Troas
12Te c'alal c'ohon ta Troas ta yalel te lec yach'il c'op yu'un Cristo, aunque la jquil te la sjambon ti'nahil te Cajwaltic, 13ma ba jun co'tan ayon, yu'un ma ba la jta tey a te quermano Tito. Ha yu'un la jpatbe hilel yo'tanic te mach'atic tey ay a, bohon ta Macedonia.
Ya ca'iytic tsalaw ta scuenta Cristo
14Pero wocol yal Dios, te ha spisil ora ya yac' ca'iytic tsalaw ta scuenta Cristo, soc te ha ta jcuentatic ya yac' ta ilel ta bayuc te sumet yic' yu'un sna'beyel sba. 15Como ta stojol Dios ha sumet yic' Cristo c'ohemotic ta stojol te mach'atic ya xcolic soc te mach'atic ya xch'ayique. 16Ta stojol te mach'atic ya xch'ayic, ha yic' scuenta lajel c'ohemotic yu'unic; ta stojol te yantic, ha yic' scuenta cuxlejal. ¿Mach'a a te ya xhu' yu'un spasel ini? 17Te ho'otcotic ma hichuc ayotcotic te bin ut'il tsobolic te ya schonic te sc'op Dios scuenta spasel ganar; ho'otcotic smelelil ya xc'opojotcotic ta stojol Dios ta scuenta Cristo, te bin ut'il ticombilotcotic yu'un Dios.
Currently Selected:
2 Corintios 2: TZH
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.