کولوسیپا 4
4
1سپونبوگون، کھیوجے ت شینا گّونلا اوسپا تانگ گیالّا چوشیگ، چیازیرنا کھیوجاگونلانگ نامکھے نانّگا جوگسکھانّی سپونبو یودکھانبو گیوس اینّوگ۔
دُعا گونی پھیا سپوسپا۔
2کھاگچان تھیستے دُعا چوچیسپو مانے پھانگ ماگوس۔ یانگ دُعا چوزانے، کھیوجے سامبا چونتے خُدا شُکر چوشیگ۔ 3خُدےلام پھیا زادتے مسیح سکورلا سانگوے تھابسپو شادنیانچیسلا نگاجے پھیانگ دُعا چوشیگ، کابوے جاستے نگا تسونّی نانّگا این۔ 4یانگ نگا تے لونبو سالپو چوستے شاد تھوبچیسلا دُعا چوشیگ، سالپو چوستے شادچیسپو نگے کھاگ اینوگ۔
5ایمان میدکھان گُون نیامپو ڈیل چو زانے کھونگون ایمانی نانّگا کھیونگچیسلا سکابس تھوبکھان تشانگما شیسرابس نیامپو کولشیگ۔ 6کھیوجے سپیرا لدیمو تانگ جامپو نیامپو تانگنا کھیوجے کھونگونلا لان تشانگما گیالّا چوستے تانگنیانین۔
ستینگجوگی لابجا تانگ سلام جوس۔
7تُخِکُس سی نگے سکورلا ناتشول تشانگما کھیوجاگونلا جیبسال چوستے شادّانوگ۔ کھو نی نگے چیسپا فونو ، جابستوگپا یانگ نگے ٹوپا مسیح نانّگا ایمان چان لاس چوکھانجیگ این۔ 8میگسالّی کھیوجاگونلا سپوسپا تانگچیس تانگ نگاجے ناسلوگّون ہاگو تھوبچیسّی پھیا، نگے کھو کھیوجاگون یودسا کالّاد۔ 9کھو نیامپو اُنیسِمُسانگ کالّاد، اُنیسِمُس ما ایمان چان جابستوگپا تانگ چیسپا فونو ، کھیوجارانگی ٹونے چیگ اینوگ۔ کھونگونی کھیوجا ایرو چوین یودکھان تشانگمے سکورلا شادین۔
10نگے ٹوپا تسونپا ارِسترخُس سی کھیوجاگونلا سلام جُوروگ، یانگ مرقُس برنباسی نوینگ#4:10 اگو یا انے بُوژا سلام کالدوگ۔ نگے کھیوجاگونلا سنگونلا لون کالکھان تسوگسلا، مرقُس کھیوجاگون یودسا یونگنا گاسوس جْوس ۔ 11یانگ حضرت عیسیٰ سی زیرکھان یوستوسّیانگ کھیوجا سلام کالدوگ۔ ایکا نگا نیامپو خُدے گیالثیدّی پھیا لاس چوکھانگونّی ٹونے یہُودی پا ایمان چان تینّا می سومکو مانے مید، یانگ کھونگونی نگا ماثانٹے سپوسپا تانگدوگ۔
12کھیوجے ٹوپا حضرت عیسیٰ مسیح جابستوگپا اِپفراسی کھیوجاگونلا سلام کالدوگ۔ یانگ کھوے کھیوجاگون ایمانی نانّگا لدانکھان تانگ لوکھیل گانگپو نیامپو خُدے تھوگّونگس تشانگمے نانّگا ستانپو دوگچیسّی پھیا توسگیون سنینگی تھیلنے دُعا جُوروگ۔ 13کھیوجا تانگ لودیکیہ تانگ ہییارّیپولیسّی ایمان چان گُونی پھیا کھوے ثانٹے لاس چوین یودکھانبوا نگے گواہ تانّگاد۔
14فونو دیماس تانگ نگاتانگی چیسپے امچھی لوکا نیسکوے کھیوجاگونلا سلام کالدوگ۔ 15لودیکیہ یودکھانّی فونو گُون، نگاتانگی سپونمو نیمپھا تانگ کھوے کھانگپے نانّگا تشوگسکھانّی عبادت خانہ لا سلام جُوروگ جوس۔
16ای ایگیبو کھیوجاگونّی سیلتے ستینگنے، لودیکیہ پے عبادت خانہ لانگ سیلچیسلا تونگشیگ۔ یانگ لودیکیہ پے عبادت خانہ لا ڈیسکھانّی تے ایگیبو کھیوجاگونّیانگ سیلشیگ۔
17مسیح فونو ارخِپُس سی لاگا ستادا زادکھانّی لاسپو کھوا ڈانڈا ڈوبچوگچیسلا زیر۔
18تا نگا حضرت پولُسی ایگے ڈیکھانبوے کانے نیگو کھیونگستے نگارانگی لاگڈیسّی نانّگا سلام کالّاد۔
نگا تسونلا یودکھانبو ایدتو چوستے نگے پھیا دُعا چوشیگ۔
خُدے شزدے کھیوجاگونلا تھوبشیگ۔
Currently Selected:
کولوسیپا 4: LBJNT
Highlight
Copy
Compare
Share
Want to have your highlights saved across all your devices? Sign up or sign in
Ladakhi Bible by The Love Fellowship is licensed under Creative Commons Attribution-ShareAlike 4.0 License.
