Jestira 7
7
E Jestiraći gozba
1Gija o caro thaj o Haman palem avile ki gozba ki carica i Jestira.
2Dži kaj pilje mol dujto đive, o caro palem pučlja: “Carice Jestiro, so si ćiri molba? Ka avol tuće uslišime. Thaj so rode? Te si gova i opaš o carstvo, ka dol pe tuće.”
3I carica i Jestira vaćarda: “Te arakhljem milost ane ćire jakha, carona, thaj te si gova tuće palo manglipe, pokloni manđe džuvdipe – gova si mingri molba. Thaj ma mudar me narodo – gova rodav. 4Golese so, me thaj mingre manuša bićinde sam te ava mudarde, čhinde thaj uništime. Te sama bićinde te bi avasa robura thaj ropkinje, khanči ne bi vaćarava, golese so gasavo bilačhipe ne bi avola razlog o caro te uznemiril pe.”
5Pe gova o caro o Kserks pučlja e carica e Jestira: “Ko si gova? Kaj si gova manuš savo bi manđola te ćerol gija khanči?”
6I Jestira phenda: “Gova protivniko thaj dušmano si kava bilačho Haman!”
Pe gova e Hamane dolda bari dar anglo caro thaj angli carica.
7Tegani o caro o Kserks uštilo holjame, ačhada i mol thaj iklilo ano vrt e palatako. Al o Haman, kana dikhlja kaj o caro već odlučisada so ka ćerol lesa, ačhilo te molil e carica e Jestira baše piro džuvdipe. 8Baš kana o caro lija te iril pe andaro vrt e palatako andre kaj sasa i gozba, o Haman čhudija pe po than kaj pašlili i Jestira.
O caro dija vika: “Dal kava manuš manđol te pašljol e caricasa dži kaj sem me ćhere?”
Kana gova o caro vaćarda, e Hamane dolde thaj učharde leso muj. 9Tegani o Harvona, jekh tare evnuhura save služisade e caro, vaćarda: “Ek e vešala save o Haman vazdija e Mordehajese, kolese savo vaćarda e carose baši zavera. Uče si paše bištepandž (25) metra thaj ačhen pašo ćher e Hamaneso.”
O caro phenda: “Umlaven le pe gola vešala!”
10Thaj umlade e Hamane ke vešala save vov ćerda e Mordehajese.
Tegani e carosi holi nakhli.
Currently Selected:
Jestira 7: GSP
Highlight
Share
Copy
Want to have your highlights saved across all your devices? Sign up or sign in
