Lil e Efescurenđe 5
5
Džuvdipe ano svetlo
1Gija, dićhen te aven sar o Dol, golese so sen lese mangle čhave. 2Živin ano manglipe, sar so o Hrist manglja amen thaj korkoro pes dija amenđe sar šukar mirisno anipe thaj žrtva e Devlese.
3Al taro blud, dži jekh melalipe il pohlepa ma ni te den gođi maškare tumende – sar so e Devlese manušenđe dolikuil. 4Maškare tumende te ma aven ladžutne lafura, dilo vaćaripe il prosta šale golese so gova tumenđe ni dolikuil! Umesto gova, hvalin e Devle. 5Golese, kava šukar te džanen kaj nijekh bludniko, ni duxovno melalo, ni pohlepno so si isto sar kova savo klanjil pe e idolurenđe, ni ka avol le kotor ano Carstvo e Hristeso thaj e Devleso.
6Khoni te ma xoxavol tumen čuče lafurencar, golese so baše gova avol e Devlesi holi pe kola save naj poslušna. 7Ma te avol tumen khanči kale manušencar. 8Vaćarav tumenđe golese so nekad sena kalipe, al akana sen svetlo ano Gospod. Golese, živin sar čhavore e svetlose. 9Golese so o bijanipe taro kava svetlo anol ane tumende samo šukaripe, pravednost thaj čačipe.
10Roden so si šukar e Devlese. 11Ma te avol tumen kotor ane beskorisna buća taro kalipe, nego anen len ano svetlost. 12Golese so si ladž čak i te vaćarol tare kova so e manuša ćeren čorale. 13Al sa avol jasno kana gova anol pe ko svetlo. 14Golese sa so ikalol pe ko svetlost, postanil svetlost. Golese vaćarol pe:
“Ušti, tu savo sove!
Ušti tare mule
thaj o Hrist ka osvetlil tut.”
15Golese, pazin sar živin: na sar dile manuša, nego sar e gođaver manuša. 16Šukar koristin i prilika, golese so kala đivesa si bilačhe. 17Golese ma aven bigođaće, nego pindžaren so manđol o Dol. 18Ma maton moljasa golese so gova inđarol ano dilikano džuvdipe, nego pheren tumen Duxosa. 19Vaćaren maškare tumende ane psalmura, ane đilja taro slavljenje thaj ane duxovna đilja. Sa e ilesa đilaben e Gospodese thaj slavin le! 20Uvek baše sa zahvalin e Devlese amare Dadese ano alav amare Gospodeso e Isuseso e Hristeso.
21Pokorin tumen jekh averese ani dar anglo Hrist.
E romnja thaj e roma
22Romnjalen! Pokorin tumen tumare romenđe sar so pokorin tumen e Gospodese. 23Golese so, o rom si šoro e romnjako, sar so si o Hrist šoro e Khanđirako. I Khanđiri si e Hristeso telo – a o Hrist si e Khanđirako Spasitelj. 24Isto sar i Khanđiri so pokoril pe e Hristese, gija i e romnja te pokorin pe pe romenđe ane sa.
25Romalen! Manđen tumare romnjen sar so thaj o Hrist manglja i Khanđiri thaj dija po džuvdipe laće. 26O Hrist ćerda gova te bi avola i Khanđiri sveto. Thoda la ano paj thaj ćerda la thodi kana vaćarda laće po Lafi. 27O Hrist ćerda gova te bi ikalola angle peste i Khanđiri sar lačhi bori sava naj nisave mane, ni bore, ni nisavo nedostatko, nego si sveto thaj bizi mana. 28Gija si dužna e roma te manđen pe romnjen sar pe telura. Ko manđol pe romnja, korkoro pes manđol. 29Golese, khoni ni mrzil po telo, nego dol le te xal thaj brinil pe lese, gija sar so o Hrist brinil pe e Khanđiraće. 30Thaj amen sam kotora lese telose. 31Ano Sveto lil pisil: “Golese o murš ka ačhavol pe dade thaj pe da thaj pe romnjasa ka phandol pe thaj von duj ka aven jekh telo.” 32Gova si baro garajipe thaj vaćarav tumenđe kaj gova odnosil pe po Hrist thaj i Khanđiri. 33Gija i dži jekh tumendar trubul te manđol pe romnja sar so manđol korkoro pes thaj i romni trubul te poštujil pe rome.
