1. Samuilo 8
8
E Izraelcura roden e caro
1Kana o Samuilo phurajlo, čhuta pe čhaven te aven sudije ano Izrael. 2Leso phureder čhavo akhardola Joil, a dujto Avija, thaj solduj sesa sudije ani Beer-Ševa. 3Al e čhave ni sesa sar o dad. Sesa pohlepna parenđe, lena mito thaj preirina i pravda.
4Golese ćidije pe sa e izraelska starešine thaj đele ko Samuilo ani Rama, 5pa vaćarde lese: “Eke, phuraljan, a ćire čhave naj sar so san tu. Golese, de amen caro te avol amaro sudija, gija sar so si ke sa avera narodura.”
6E Samuilese ni sasa šukar gova so phende: “De amen caro te avol amaro sudija”, pa gija vov molisajlo e GOSPODESE.
7A o GOSPOD phenda lese: “Šun sa so phenen tuće e manuša. Golese so von ni čhudije samo tut, nego von čhudije man sar pumare caro. 8Sar so ćerde manđe taro đive kana ikaldem len andaro Egipat dži avđive, ačhavena man thaj služisade avere devlenđe, gija akana ćeren i tuće. 9Golese šun len, al zurale opomeni len. Vaćar lenđe sa so ka ćerol o caro savo ka vladil lencar.”
10O Samuilo vaćarda sa kala e GOSPODESE lafura e narodose, save lestar rodije e caro, 11thaj phenda: “Akh so ka ćerol o caro savo ka vladil tumencar: Ka ćerol tumare čhave te aven vojnikura. Nesaven lendar ka čhuvol ane lese marimase vordona, averen te brinin pe baše lese grasta a e tritonen te prasten angle lese vordona. 12Nesaven ka čhuvol te aven zapovednikura pe milja (1 000) manuša, nesaven te aven zapovednikura pe pinda (50) manuša, nesaven te orin lese njive, nesaven te ćiden leso điv, nesaven te ćeren lese oružje bašo maripe thaj oprema baše lese vordona e marimase. 13Ka lol tumare čhejen te ćeren lese mirisura, te ćiraven lese thaj te pećen lese. 14Ka lol tumare emlačhe poljura, e vinogradura, e maslinjakura thaj ka dol len pire službenikurenđe. 15Ka lol dešto kotor tare tumaro điv thaj tumare drakha thaj ka dol le pire evnuhurenđe thaj službenikurenđe. 16Ka lol tumare slugen thaj e sluškinjen lese te služin thaj tumare emšukar guruven thaj heren. 17Ka lol i o dešto kotor tari tumari cikni stoka, a tumen ka aven lese robura. 18Gova đive ka roven bašo caro save birisaden, al o GOSPOD tegani ni ka uslišil tumen.”
19Al e manuša ni manglje te šunen e Samuilo thaj vaćarde: “Na! Amen manga e caro! 20I amen te ava sar sa avera narodura, te avol amen caro savo ka avol amaro sudija thaj vođa, thaj savo ka vodil amaro maripe.”
21Kana o Samuilo šunda sa so o narodo rodija, vaćarda gova e GOSPODESE.
22A o GOSPOD phenda e Samuilese: “Šun len thaj de len e caro.”
Tegani o Samuilo vaćarda e Izraelcurenđe: “Nek dži jekh tumendar iril pe ane piro foro.”
Currently Selected:
1. Samuilo 8: GSP
Highlight
Copy
Compare
Share
Want to have your highlights saved across all your devices? Sign up or sign in
