1. Samuilo 23
23
O David spasil o foro Keila
1Kana vaćarde e Davidese: “Ek e Filistejcura napadisade i Keila thaj čoren o điv andaro gumno”, 2vov pučlja e GOSPODE: “Te džav li te čalavav pe kala Filistejcura?”
A o GOSPOD phenda lese: “Dža, čalav pe Filistejcura thaj spasi o foro i Keila.”
3Al e Davidese manuša phende lese: “Amen sam ani dar i akate ano maškar e Judako, a kobor ka dara te đeljam ani Keila ke Filistejska marimase redura.”
4O David palem pučlja e GOSPODE, a o GOSPOD phenda lese: “Dža tele ani Keila, golese so me ka dav e Filistejcuren ane ćire vasta.”
5Gija o David pe manušencar đelo ani Keila, čalada pe Filistejcura thaj lija lenđe stoka. Vov mudarda bute Filistejcuren thaj spasisada e manušen save bešena odori.
O David palem našol taro Saul
6Kana o Aviatar, o čhavo e Ahimeleheso, našlo ko David ani Keila, anda pesa o svešteničko prsluko.
7Kana e Saulese javisade so o David đelo ani Keila, vaćarda: “O Dol predija le ane mingre vasta. O David zarobisada korkore pes kana đelo ano foro trujal savo isi zurale kapije.”
8Tegani o Saul akharda sa pe vojska thaj đelo tele ani Keila te okolil e Davide thaj lese manušen.
9Kana o David dodžanglja so o Saul manđol te ćerol lese bilačhipe, phenda e sveštenikose e Aviatarese: “An o prsluko.”
10Tegani o David phenda: “GOSPODE, Devla e Izraeleso, me, ćo sluga, šukar šundem kaj o Saul manđol te avol ani Keila thaj te uništil o foro baše mande. 11Ka preden li man e šorutne andari Keila ane lese vasta? Ka avol li o Saul sar so me, ćiro sluga, šundem? O GOSPODE, Devla e Izraeleso, moliv tut vaćar ćire slugase.”
A o GOSPOD phenda lese: “Va, ka avol.”
12Tegani o David pučlja: “Ka preden li e šorutne andari Keila man thaj mingre manušen ane vasta e Saulese?”
A o GOSPOD phenda: “Va, ka den.”
13Gija o David thaj lese manuša save sesa paše šovšel (600) džene, đele andari Keila, pa gothar stalno džana andaro than ko than. Kana šunda o Saul so o David našlo andari Keila, ni đelo odori.
14O David garavola pe ane pustinjska skrovištura thaj ane bregura ani pustinja Zif. O Saul rodija e Davide đivesencar, al o Dol ni predija e Davide ane lese vasta.
15Dži kaj o David sasa ano Horeš, ani pustinja Zif, dodžanglja so o Saul pojdisada te mudarol le. 16A o Jonatan, o čhavo e Sauleso, đelo ko David ano Horeš, thaj pomožisada le te araćhol zor ano Dol.
17Phenda lese: “Ma dara. Mo dad o Saul ni ka čhuvol po va pe tute. Tu ka ave o caro e Izraeleso, a me ka avav angluno manuš paše tute. Gova džanol čak i mo dad o Saul.”
18Von duj phanglje savez anglo GOSPOD. O David ačhilo ano Horeš, a o Jonatan đelo ćhere.
19Nesave manuša andaro Zif avile upre ani Giva ko Saul thaj phende: “O David garavol pe paše amende ane skrovištura ano Horeš, ko brego Hahila, južno taro Ješimon. 20Golese, carona, av tele kana manđe, a amaro si te da le tuće ane vasta.”
21O Saul vaćarda: “O GOSPOD te blagoslovil tumen so tumenđe žal manđe. 22Džan thaj vadži jekh drom dićhen sa. Dodžanen kaj o David džal thaj ko dikhlja le odori. Golese so vaćaren manđe e manuša kaj si but lukavo. 23Dodžanen sa tare thana ane save garavol pe, thaj irin tumen kana dodžanen sa šukar. Tegani me ka džav tumencar. Te si odori, ka arakhav le čak i te rodijem le maškare sa e familije ani Juda.”
24Gija von đele ano Zif angleder o Saul. O David thaj lese manuša sesa ani pustinja Maon, ani Arava, južno taro Ješimon. 25O Saul thaj lese manuša đele te roden le. Kana gova phende e Davidese, vov ulilo dži i bari stena thaj ačhilo ani pustinja Maon. Kana šunda gova o Saul, đelo ani pustinja Maon te rodol e Davide.
26O Saul đelo tari jekh rig e planinaći, a o David thaj lese manuša tari aver rig. O David siđarda te našol taro Saul, al o Saul thaj lese manuša manglje te okolin e Davide thaj lese manušen sar bi dolena len.
27Al jekh glasniko avilo thaj phenda e Saulese: “Siđar av! E Filistejcura napadisade i phuv!”
28Tegani o Saul ačhada te džal palo David thaj đelo pale Filistejcura. Golese gova than akhardol Sela-Hamahlekot.#23,28 Sela-Hamahlekot Kava značil: “Stena taro uladipe.” 29A o David đelo gothar upre ano En-Gedi, pa odori bešlo ane skrovištura.
Currently Selected:
1. Samuilo 23: GSP
Highlight
Copy
Compare
Share
Want to have your highlights saved across all your devices? Sign up or sign in
