Bis Dinyingululu di musamu
Dinyingululu di musamu
Lik ateende migaande mibeyi. Wu mareege re mugaande wu musamu wu Lik, wugoneyambile mu monyu wu Sesu mu mutambe, mu difu dyandi ne mu bufwangugulu bwandi.
Bisalu na vage Bakime re mugaande wu mubeyi wu Lik. Wo wugonenyigule dibaandu di Dibuundu ne nave bakime batsaamune musamu wandi. Banyigule wo kinde gu Serusalem kere mu miseengi mi mu batuungu, ne mu batseengi tsitseenge mubu wulugu re Mediterané. Nane re nave vage yawu yisalu giveegu yawu ne Sesu (Lik 24.47-48 ne Bisalu na vage Bakime 1.8): Mu wuloonze musamu wumunyi gu batu ba bakotu bootsu ne bivive byootsu, gu bangyebe ne gu bivuunde, gu bikiti ne gu masaandi.
Mu wuteende mugaande wandi, Lik ayende gu wutombe batu bababile bimweenyi bi maambu mene magonenyigugule yandi. Mu tsine bambure ba maambu magonenyigule yandi, Lik abile yabene vane, mumbare agoneyambile re: «yetu». (Ranganu gu 16.10-17, 20.5-21.18, ne 21.1 nguu ne 28.16.)
Mugaande wurungulu wupasu mu makabu mame:
Bibuku 1 ne 2: Gu dibaandu di mugaande wu Bisalu na vage Bakime, Sesu amake gu yulu ve mbare Nzambi (1.9). Ve yulu vane asebebile nawu vane munoongu wumoosi ga ve kale, te asindigile bakime Dinyunyi Disuungeme, diruge gu Nzambi. Dinyunyi dyene digwaarisenge yawu mu wuloonze maambu mamanene mavage Nzambi. Baande gu dibaandu kwanga ne gu disukusulu di mugaande wu Bisalu na vage Bakime, Dinyunyi Disuungeme didutenge batu bamoone mu wulaande Sesu.
Bibuku 3-7: Bayikitsi ba Sesu babile basifu. Ne vane, Pyere yane bakime bamosi baloonzenge basifu musamu wumunyi re Sesu re Wusoolu ne Nzambi, re Maate ne Muyobulitsi wuviingulungu ne basifu. Dibuli di batu babalaandenge Sesu divure wufunyugu. Te bivuunde bi basifu basesiinge musamu wene.
Bibuku 8-12: Batu babasiinge Sesu bayendenge bambure bootsu: gu Sudé, gu Samari ne gu mawusu gune. Baloonzenge keke Musamu wumunyi gu babasaandi basifu. Dyo bile dyaambu didinene dimoone, mumbare mu dikyesi dyene basifu bataasenge nde re ke yawu piinze barungule wuyabe Nzambi yi ngyenze. Te Sesu Wusoolu ne Nzambi asiingise batu tsiinge bootsu mu wubile ne yinoongu ne Nzambi. Mabuli ma bakeriti maburu nisi mu bambure tsi batu babasaandi basifu, mo mabile maputegene ne basifu ne babasaandi basifu. Nguu ne mu yibuku 12, Pyere kime re wugoneyulunu mbili gu mugaande.
Bibuku 13-28: Baande mu yibuku gi digumi ne bireeru, wugoneyulunu keke Pol kime. Dibuundu di Antyos yi Siri disoole yandi ne disindige yane bambaatsi bamosi muloonze musamu wumunyi mu bambure bootsu ba buloongu. Bibuku byene bigonenyigule minyalu myandi mi yisalu. Bigonenyigule na tsaamugu musamu wu munyi mu batseengi tsi mu batuungu ba mubu wu Mediterané kwanga ne gu Rome, divule dikumenge mu dikyesi dyene.
Currently Selected:
Bis Dinyingululu di musamu: SNQ
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES