Zechariah 13
13
De hagagilimalali mai i haisala
1“De laangi laa gai e dahi naa vai e sali age e hagagilimalali ai haisala ma hakino gee o de huaabodu o David aama dangada e nnoho i Jerusalem.
2E hagadaba Tagi o denga hagabuulinga hebagi: De laangi laa gai au e aau naa ingoo o denga diinonga mai i de henua, gi dee aahe ange ai dangada gi manadua. Gai au e hai naa hogi gi hulo gee mai i honga de henua denga pelaabisi ma hagasaalunga hakino gee. 3Gai noo dahi dangada e basa pelaabisi, gai luoono maadua ne hagadili ina ia gi hai ange, ‘E heohi donu doo daa gi magau, go hiidinga koe gu hadu muna i de ingoo o Tagi Maolunga.’ Gai de masavaa naa huu oona e basa pelaabisi ai, gai luoono maadua donu e velo naa ia ga magau.
4De laangi laa gai denga pelaabisi e dookaa naa i de tala mee gu hagaago ange gi gilaadeu i de midi. Gilaadeu e dee kahu naa i malo daladala o de pelaabisi e daahanga ai dangada. 5Dahi ma dahi e hagadaba naa, ‘Au e dee se pelaabisi. Au se dangada hai veelenga, i hiidinga au ne mouli i de gelegele mai i dogu gauligi.’ 6Gai noo dahi dangada e ssili ange gi de ia, ‘Ni maanuga aha i lo too dua naa?’ gai ia e hai ange naa, ‘Ni mee nii ogu soa ne hagalagolagohia ai au.’
De magau o de ia hagaloosi
7“De gadilaasa, alahage, hai baasi ange gi dogu dangada hagaloosi,
gai hai baasi ange gi tangada e baa mai gi de au!
go Tagi o denga hagabuulinga hebagi e hagadaba.
Daia gi magau tangada hagaloosi,
gi mavaevae saele ai denga ssiibi,
gai au e hagaabo naa dogu lima e hai baasi ange ai gi denga ssiibi gauligi.#Mat 26.31; Mark 14.27
8E hagadaba Tagi Maolunga:
E lua naa diba i diba e dolu o dangada
e daa ga maakau i honga de henua alodahi,
gai dahi diba i diba e dolu e doe.
9Gai au e hai naa tahi diba i diba e dolu nei gi hulo laa lo te ahi;
gai au ga hagagilimalali ai gilaadeu bei denga selevaa,
ma de hagatale ange olaadeu dagodo bei denga goolo.
Gilaadeu e hagaagahi naa dogu ingoo,
gai au ga basa ange gi gilaadeu.
Au e hagadaba naa, ‘Gilaadeu go ogu dangada,’
gai gilaadeu e hagataba naa,
‘Tagi Maolunga go taadeu Maadua.’ ”
Currently Selected:
Zechariah 13: DBD
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
