Romans 4
4
De gai o Abraham
1Gai aahee ai adaadeu muna ange gi dagodo o mee a Abraham, taadeu dubuna madagidagi, ne gidee? 2Noo Abraham ne hagaheohi i daho de Maadua i ana hegau, gai e hanu donu mee aana e tuhi ai ia, aagai ia e dee maua i de tuhi ia i mada luu mada o de Maadua i mee nei. 3Gai aahee muna a de Beebaa Dabu gu tala laa? “Abraham ne hagadonusia de Maadua, gai de mee nei gu dau ia gi se dangada e heohi.” #Gen 15.6; Gal 3.6
4De hagaoanga o tangada hai hegau e dee dau bolo se mee ngadi gaavange, aagai go dono hagaoanga. 5Aagai tangada e dee hai hegau, gai ia e hagadonusia de Maadua e hagaheohi ina laa de gau baubau, gai dono gai e dau ia gi se dangada e heohi, 6David ne hagamanuuia hogi tangada a de Maadua gu dau bolo gu heohi, gai e dee go hiidinga o ana hegau:
7“E manuuia tangada a de Maadua gu degi ange gi ono haisala,
gai ono haisala gu haoli.
8E manuuia tangada a Tagi Maolunga
e dee dau ange ono haisala gi de ia.” #Psa 32.1-2
9E aha, de manuuia nei se mee ange donu huu gi de gau Ssuu, aabe se mee ange hogi gi denga Gentile? Gidaadeu gu hagataba bolo de gai o Abraham ne hai ia gi dau bolo se dangada e heohi. 10Gai dee hee de masavaa oona ne dau ai gi se dangada e heohi? Go dua aabe go mua dono tuu dagaholiage? E dee go dua, aagai go mua dono tuu dagaholiage! 11Gai dono tuu dagaholiage se hagailonga, e maaga ai dono hai ga se dangada e heohi i de gai, i de masavaa oona tigi tuu dagaholiage ai. Deenei ai, go ia tamana o dangada alodahi e hagadonusia aagai tigi tuu dagaholiage. Gilaadeu gu dau gi ni dangada e heohi i olaadeu kai.#Gen 17.10 12Gai go ia hogi tamana o dangada e dee tuu dagaholiage laa donu huu i olaadeu angaanga, gai e daudali hogi i de gai o taadeu dubuna go Abraham, i de masavaa oona tigi tuu dagaholiage ai.
13Gai de hagatoo donu ange gi Abraham ma dono aamuli, bolo henua i lalo alodahi e bolo ange naa gi gilaadeu gi henua ai, tee hai i hiidinga o de hainga, aagai ne hai i hiidinga o delaadeu hagaheohi i de gai.#Gen 17.4-6; 22.17-18; Gal 3.29 14Gai noo de hagatoo donu a de Maadua se mee ange donu huu gi gilaadeu e daudali i de hainga, gai de gai gu dee hai hegau gai de hagatoo donu laa gu deai ono haigamaiana.#Gal 3.18 15De hainga e hai ga humai de lili ⌊o de Maadua⌋, aagai noo e deai se hainga, aagai e deai hogi se haisala.
16Deenei ai, de hagatoo donu nei e maua donu huu i de gai, gai gi se mee ai e maua i de abodonu ma de hagatoo donu ange gi hagadiilinga alodahi o Abraham — e dee ange donu huu gi gilaadeu e daudali i de hainga, aagai ange hogi gi gilaadeu e kai bei dagodo o Abraham. Ia go tamana odaadeu alodahi.#Gal 3.7 17Gai gu sisi e hai ange, “Au gu hai goe go tamana o denga huaahenua soa” #Gen 17.5 — i mada luu mada o de Maadua aana ne hagadonusia laa, go de Maadua e gaavange laa de mouli gi gilaadeu e maakau ma de basa ga hai gi hanu mee tigi ai laa.
18Gai Abraham ne hagadonusia ma de tali hagalodolodo, i de masavaa e dagodo ai be e deai donu haigamaiana dana tali hagalodolodo, bolo ia e hai go tamana o denga huaahenua soa; bei de hai gu tala ange ai laa, “Deelaa naa hogi de soa o doo aamuli.” #Gen 15.5 19Gai Abraham tee baageaa donu dono gai i dana maanadu dagodo o dono angaanga gu dai magau laa, i hiidinga ia gu lau ono ngadau, aabe go dana maanadu bolo Sarah se hine e dee maua i de hagadili.#Gen 17.17 20Gai ia tee lua lodo donu i dana hagadonu de hagatoo donu a de Maadua, aagai dono gai ne mmahi mmao aama de hagamahamaha de Maadua, 21ia ne hagadonusia bolo de Maadua e maua i de hagassula ana mee gu lava i de hagatoo donu. 22Deelaa ai, “dono gai ne hai ia gi dau bolo se dangada e heohi.” #Gen 15.6 23Gai muna e hai ange laa, “dono gai ne hai ia gi dau bolo se dangada e heohi” tee sisi ange donu huu gi de ia, 24aagai mai hogi gi gidaadeu — go gidaadeu gu dau hogi bolo ni dangada e heohi i taadeu hagadonu de ia ne hagamouli ina age Iesu taadeu Dagi Maolunga i de magau. 25Ia ne gaavange e daa gi magau i hiidinga odaadeu haisala, gai ne mouli age ange e hagaheohi ai gidaadeu.#Isa 53.4-5
Currently Selected:
Romans 4: DBD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Romans 4
4
De gai o Abraham
1Gai aahee ai adaadeu muna ange gi dagodo o mee a Abraham, taadeu dubuna madagidagi, ne gidee? 2Noo Abraham ne hagaheohi i daho de Maadua i ana hegau, gai e hanu donu mee aana e tuhi ai ia, aagai ia e dee maua i de tuhi ia i mada luu mada o de Maadua i mee nei. 3Gai aahee muna a de Beebaa Dabu gu tala laa? “Abraham ne hagadonusia de Maadua, gai de mee nei gu dau ia gi se dangada e heohi.” #Gen 15.6; Gal 3.6
4De hagaoanga o tangada hai hegau e dee dau bolo se mee ngadi gaavange, aagai go dono hagaoanga. 5Aagai tangada e dee hai hegau, gai ia e hagadonusia de Maadua e hagaheohi ina laa de gau baubau, gai dono gai e dau ia gi se dangada e heohi, 6David ne hagamanuuia hogi tangada a de Maadua gu dau bolo gu heohi, gai e dee go hiidinga o ana hegau:
7“E manuuia tangada a de Maadua gu degi ange gi ono haisala,
gai ono haisala gu haoli.
8E manuuia tangada a Tagi Maolunga
e dee dau ange ono haisala gi de ia.” #Psa 32.1-2
9E aha, de manuuia nei se mee ange donu huu gi de gau Ssuu, aabe se mee ange hogi gi denga Gentile? Gidaadeu gu hagataba bolo de gai o Abraham ne hai ia gi dau bolo se dangada e heohi. 10Gai dee hee de masavaa oona ne dau ai gi se dangada e heohi? Go dua aabe go mua dono tuu dagaholiage? E dee go dua, aagai go mua dono tuu dagaholiage! 11Gai dono tuu dagaholiage se hagailonga, e maaga ai dono hai ga se dangada e heohi i de gai, i de masavaa oona tigi tuu dagaholiage ai. Deenei ai, go ia tamana o dangada alodahi e hagadonusia aagai tigi tuu dagaholiage. Gilaadeu gu dau gi ni dangada e heohi i olaadeu kai.#Gen 17.10 12Gai go ia hogi tamana o dangada e dee tuu dagaholiage laa donu huu i olaadeu angaanga, gai e daudali hogi i de gai o taadeu dubuna go Abraham, i de masavaa oona tigi tuu dagaholiage ai.
13Gai de hagatoo donu ange gi Abraham ma dono aamuli, bolo henua i lalo alodahi e bolo ange naa gi gilaadeu gi henua ai, tee hai i hiidinga o de hainga, aagai ne hai i hiidinga o delaadeu hagaheohi i de gai.#Gen 17.4-6; 22.17-18; Gal 3.29 14Gai noo de hagatoo donu a de Maadua se mee ange donu huu gi gilaadeu e daudali i de hainga, gai de gai gu dee hai hegau gai de hagatoo donu laa gu deai ono haigamaiana.#Gal 3.18 15De hainga e hai ga humai de lili ⌊o de Maadua⌋, aagai noo e deai se hainga, aagai e deai hogi se haisala.
16Deenei ai, de hagatoo donu nei e maua donu huu i de gai, gai gi se mee ai e maua i de abodonu ma de hagatoo donu ange gi hagadiilinga alodahi o Abraham — e dee ange donu huu gi gilaadeu e daudali i de hainga, aagai ange hogi gi gilaadeu e kai bei dagodo o Abraham. Ia go tamana odaadeu alodahi.#Gal 3.7 17Gai gu sisi e hai ange, “Au gu hai goe go tamana o denga huaahenua soa” #Gen 17.5 — i mada luu mada o de Maadua aana ne hagadonusia laa, go de Maadua e gaavange laa de mouli gi gilaadeu e maakau ma de basa ga hai gi hanu mee tigi ai laa.
18Gai Abraham ne hagadonusia ma de tali hagalodolodo, i de masavaa e dagodo ai be e deai donu haigamaiana dana tali hagalodolodo, bolo ia e hai go tamana o denga huaahenua soa; bei de hai gu tala ange ai laa, “Deelaa naa hogi de soa o doo aamuli.” #Gen 15.5 19Gai Abraham tee baageaa donu dono gai i dana maanadu dagodo o dono angaanga gu dai magau laa, i hiidinga ia gu lau ono ngadau, aabe go dana maanadu bolo Sarah se hine e dee maua i de hagadili.#Gen 17.17 20Gai ia tee lua lodo donu i dana hagadonu de hagatoo donu a de Maadua, aagai dono gai ne mmahi mmao aama de hagamahamaha de Maadua, 21ia ne hagadonusia bolo de Maadua e maua i de hagassula ana mee gu lava i de hagatoo donu. 22Deelaa ai, “dono gai ne hai ia gi dau bolo se dangada e heohi.” #Gen 15.6 23Gai muna e hai ange laa, “dono gai ne hai ia gi dau bolo se dangada e heohi” tee sisi ange donu huu gi de ia, 24aagai mai hogi gi gidaadeu — go gidaadeu gu dau hogi bolo ni dangada e heohi i taadeu hagadonu de ia ne hagamouli ina age Iesu taadeu Dagi Maolunga i de magau. 25Ia ne gaavange e daa gi magau i hiidinga odaadeu haisala, gai ne mouli age ange e hagaheohi ai gidaadeu.#Isa 53.4-5
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.