Romans 3
3
De Maadua e hai hegau i de mee abodonu
1Gai se aha o tangada Ssuu e dubu ange ai laa? Gai aahee haigamaiana o de tuu dagaholiage? 2E lagolago donu mee o de gau Ssuu e dubu ange ai! Tahi mee: de Maadua ne gaavange ana muna donu gi gilaadeu.
3Gai noo hanu e dee hai hegau i de mee abodonu? Gai e maua naa delaadeu dee hai hegau i de muna abodonu, i de hai gi dee hai haigamaiana de hai hegau o de Maadua i de mee abodonu? 4E dee maua donu! De Maadua e heohi, aagai dangada alodahi ni dangada hadu muna. Gai gu sisi e hai ange,
“Koe e hagaheohi donu i doo masavaa e basa ai,
ma de kii i de masavaa aau e hagamodu ai muna.” #Psa 51.4
5Gai noo odaadeu baubau e hai ga sula danuaa mai de heohi o Maadua, gai aahee ai adaadeu muna ange gi mee nei? E maua e gidaadeu i de hagataba bolo de Maadua e dee heohi dana hagaduasala gidaadeu i dono bole? (Au e basa bei de hai o dangada e pasa ai.) 6E dee maua donu! Gai dee hee ai de hai a de Maadua e maua ai i de hagamodu muna o henua i lalo? 7Aagai noo go dogu dee hai hegau i de mee abodonu e haia ga sula danuaa mai de hai hegau o de Maadua i de mee abodonu ma de hai gi kii ange dono hagamahamaha, gai gu aha ia gu hagamodu ai nei bolo au se dangada haisala? 8Gai gu aha gidaadeu gu dee hai ai de baubau gi sula danuaa mai ai tanuaa? — bei de hai a hanu dangada e tala ai naa bolo aanei amaadeu muna e tala. Gai e heohi donu delaadeu hagaduasala.
E deai donu se dangada e heohi
9Aahee ai adaadeu muna ange gi mee nei? E maua e gidaadeu de gau Ssuu i de hagataba bolo gidaadeu e kii ange tanuaa? E dee maua donu! Gidaadeu gu lava i de hagaago danuaa mai bolo de gau Ssuu ma denga Gentile alodahi gu too ange gi lalo ssauaa o de haisala, 10bei de hai gu sisi ai laa,
“E deai donu se dangada e heohi, e deai donu;
11e deai donu se dangada e donu ange;
e deai donu se dangada e saalaa de Maadua.
12Dangada alodahi gu hulo gee mai i de haiava,
gilaadeu alodahi gu deai olaadeu haigamaiana;
gu deai donu se gilaadeu e haia de mee danuaa,
gu deai donu se dangada daudahi.#Psa 14.1-3; 53.1-3
13Olaadeu holomanga e bei denga daanunga e maahuge laa;
olaadeu alelo e daahanga dangada.
Mee hagammau o denga labodo hagammau
i lalo olaadeu malaungudu.#Psa 5.9; 140.3
14Olaadeu ngudu e hoohonu i denga muna baubau ma de mmala.#Psa 10.7
15Gai e moolau naa donu delaadeu daa dangada ga maakau;
16gilaadeu e oha ma de vaivai hai dangada
i mommee alodahi olaadeu e hulo aagena,
17gilaadeu e dee tonu ange gi dagodo o de nnoho paba.#Isa 59.7-8
18Gai e deai donu se madagu i de Maadua i olaadeu daha.” #Psa 36.1
19Gidaadeu e iloo bolo muna alodahi o de hainga e basa ange gi dangada e nnoho laa i lalo de hainga, gi dee maua ai e dahi dangada daudahi i de hagaheohi donu huu ia, gai henua i lalo alodahi gi too ange gi de hagaduasala a de Maadua. 20Go hiidinga e deai donu se dangada e maua i de hai gi heohi ia i daho de Maadua i dono daudali i de hainga; gai de hainga e hai gi iloo e dangada dagodo o de haisala.#Psa 143.2; Gal 2.16
De hagaheohi i de gai
21Aagai iainei de Maadua gu hagaago mai bolo ia e hagaheohi dangada, aagai e dee go delaadeu daudali i de hainga. Gai de hainga ma denga pelaabisi gu tala hagadonu dagodo o de mee nei. 22Gai de hagaheohi nei ne gaavange gi dangada alodahi i delaadeu hagadonu Iesu Klisdo. Gai e dee dagodo geegee donu dangada,#Gal 2.16 23go hiidinga dangada alodahi gu haisala gai gu dee maua i de kave de mahamaha o de Maadua, 24gai dangada gu hagadanuaa i de mee ngadi gaavange go dono abodonu, i de hagaoanga a Klisdo Iesu gu hagao laa. 25De Maadua ne gaavange Iesu ga hai ai ssigidaumaha i ono dodo, e tala ai haisala o dangada e kai ange gi de ia. Ssigidaumaha nei e hagaago mai bolo de Maadua e heohi, i hiidinga ia ne golomagi ono lodo, ga hagadee anga ange gi denga haisala i mua. 26De mee nei ne hai e hagaago mai ai dono heohi i de masavaa nei, gai ia e hagaheohi tangada e gai ange gi Iesu.
27Gai e maua ai naa e gidaadeu i de tuhi donu huu gidaadeu? E dee maua donu! Gai dee hee ai naa de hainga odaadeu e daudali ai? Go de hainga o denga hegau? E deai, go de hainga o de gai. 28Deenei ai, gidaadeu e iloo bolo go de gai o tangada e hagaheohi ai, e dee go dono daudali i de hainga a Moses. 29E aha, de Maadua se Maadua donu huu niio de gau Ssuu, e dee se Maadua hogi niio denga Gentile? Uaa, ia se Maadua donu hogi niio denga Gentile, 30go hiidinga e dahi donu huu Maadua; gai ia e hagaheohi gilaadeu e tuu dagaholiage ma gilaadeu e dee tuu dagaholiage i de gai.#Deut 6.4; Gal 3.20 31Gai e maua ai naa e gidaadeu i de tili hainga a Moses i hiidinga gidaadeu gu hagaheohi i odaadeu kai? E dee maua donu! Aagai gidaadeu gi hagasula ina de hainga.
Currently Selected:
Romans 3: DBD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Romans 3
3
De Maadua e hai hegau i de mee abodonu
1Gai se aha o tangada Ssuu e dubu ange ai laa? Gai aahee haigamaiana o de tuu dagaholiage? 2E lagolago donu mee o de gau Ssuu e dubu ange ai! Tahi mee: de Maadua ne gaavange ana muna donu gi gilaadeu.
3Gai noo hanu e dee hai hegau i de mee abodonu? Gai e maua naa delaadeu dee hai hegau i de muna abodonu, i de hai gi dee hai haigamaiana de hai hegau o de Maadua i de mee abodonu? 4E dee maua donu! De Maadua e heohi, aagai dangada alodahi ni dangada hadu muna. Gai gu sisi e hai ange,
“Koe e hagaheohi donu i doo masavaa e basa ai,
ma de kii i de masavaa aau e hagamodu ai muna.” #Psa 51.4
5Gai noo odaadeu baubau e hai ga sula danuaa mai de heohi o Maadua, gai aahee ai adaadeu muna ange gi mee nei? E maua e gidaadeu i de hagataba bolo de Maadua e dee heohi dana hagaduasala gidaadeu i dono bole? (Au e basa bei de hai o dangada e pasa ai.) 6E dee maua donu! Gai dee hee ai de hai a de Maadua e maua ai i de hagamodu muna o henua i lalo? 7Aagai noo go dogu dee hai hegau i de mee abodonu e haia ga sula danuaa mai de hai hegau o de Maadua i de mee abodonu ma de hai gi kii ange dono hagamahamaha, gai gu aha ia gu hagamodu ai nei bolo au se dangada haisala? 8Gai gu aha gidaadeu gu dee hai ai de baubau gi sula danuaa mai ai tanuaa? — bei de hai a hanu dangada e tala ai naa bolo aanei amaadeu muna e tala. Gai e heohi donu delaadeu hagaduasala.
E deai donu se dangada e heohi
9Aahee ai adaadeu muna ange gi mee nei? E maua e gidaadeu de gau Ssuu i de hagataba bolo gidaadeu e kii ange tanuaa? E dee maua donu! Gidaadeu gu lava i de hagaago danuaa mai bolo de gau Ssuu ma denga Gentile alodahi gu too ange gi lalo ssauaa o de haisala, 10bei de hai gu sisi ai laa,
“E deai donu se dangada e heohi, e deai donu;
11e deai donu se dangada e donu ange;
e deai donu se dangada e saalaa de Maadua.
12Dangada alodahi gu hulo gee mai i de haiava,
gilaadeu alodahi gu deai olaadeu haigamaiana;
gu deai donu se gilaadeu e haia de mee danuaa,
gu deai donu se dangada daudahi.#Psa 14.1-3; 53.1-3
13Olaadeu holomanga e bei denga daanunga e maahuge laa;
olaadeu alelo e daahanga dangada.
Mee hagammau o denga labodo hagammau
i lalo olaadeu malaungudu.#Psa 5.9; 140.3
14Olaadeu ngudu e hoohonu i denga muna baubau ma de mmala.#Psa 10.7
15Gai e moolau naa donu delaadeu daa dangada ga maakau;
16gilaadeu e oha ma de vaivai hai dangada
i mommee alodahi olaadeu e hulo aagena,
17gilaadeu e dee tonu ange gi dagodo o de nnoho paba.#Isa 59.7-8
18Gai e deai donu se madagu i de Maadua i olaadeu daha.” #Psa 36.1
19Gidaadeu e iloo bolo muna alodahi o de hainga e basa ange gi dangada e nnoho laa i lalo de hainga, gi dee maua ai e dahi dangada daudahi i de hagaheohi donu huu ia, gai henua i lalo alodahi gi too ange gi de hagaduasala a de Maadua. 20Go hiidinga e deai donu se dangada e maua i de hai gi heohi ia i daho de Maadua i dono daudali i de hainga; gai de hainga e hai gi iloo e dangada dagodo o de haisala.#Psa 143.2; Gal 2.16
De hagaheohi i de gai
21Aagai iainei de Maadua gu hagaago mai bolo ia e hagaheohi dangada, aagai e dee go delaadeu daudali i de hainga. Gai de hainga ma denga pelaabisi gu tala hagadonu dagodo o de mee nei. 22Gai de hagaheohi nei ne gaavange gi dangada alodahi i delaadeu hagadonu Iesu Klisdo. Gai e dee dagodo geegee donu dangada,#Gal 2.16 23go hiidinga dangada alodahi gu haisala gai gu dee maua i de kave de mahamaha o de Maadua, 24gai dangada gu hagadanuaa i de mee ngadi gaavange go dono abodonu, i de hagaoanga a Klisdo Iesu gu hagao laa. 25De Maadua ne gaavange Iesu ga hai ai ssigidaumaha i ono dodo, e tala ai haisala o dangada e kai ange gi de ia. Ssigidaumaha nei e hagaago mai bolo de Maadua e heohi, i hiidinga ia ne golomagi ono lodo, ga hagadee anga ange gi denga haisala i mua. 26De mee nei ne hai e hagaago mai ai dono heohi i de masavaa nei, gai ia e hagaheohi tangada e gai ange gi Iesu.
27Gai e maua ai naa e gidaadeu i de tuhi donu huu gidaadeu? E dee maua donu! Gai dee hee ai naa de hainga odaadeu e daudali ai? Go de hainga o denga hegau? E deai, go de hainga o de gai. 28Deenei ai, gidaadeu e iloo bolo go de gai o tangada e hagaheohi ai, e dee go dono daudali i de hainga a Moses. 29E aha, de Maadua se Maadua donu huu niio de gau Ssuu, e dee se Maadua hogi niio denga Gentile? Uaa, ia se Maadua donu hogi niio denga Gentile, 30go hiidinga e dahi donu huu Maadua; gai ia e hagaheohi gilaadeu e tuu dagaholiage ma gilaadeu e dee tuu dagaholiage i de gai.#Deut 6.4; Gal 3.20 31Gai e maua ai naa e gidaadeu i de tili hainga a Moses i hiidinga gidaadeu gu hagaheohi i odaadeu kai? E dee maua donu! Aagai gidaadeu gi hagasula ina de hainga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.