Romans 15
15
Klisdo taadeu hagaago danuaa
1Gidaadeu e mmahi laa i de gai gi golomagi ina odaadeu lodo i gilaadeu e baageaa, gai gi dee hagamalangilangi ina donu huu gidaadeu. 2Dahi ma dahi gi hagamalangilangi ina tangada ange laa gi danuaa ange ai gi tangada ange laa, gai gi hagadagadaga age ai dono gai. 3Go hiidinga Klisdo tee hagamalangilangi donu huu ia, gai gu sisi e hai ange, “Gilaadeu e hagadogaa ina goe, e hagadogaa donu hogi au.” #Psa 69.9 4Gai mee alodahi ne sisi laa madagidagi ne sisi e agoago ai gidaadeu, gi tuu ai gidaadeu gi makaga, ma de lo taane i taadeu iloo de Beebaa Dabu, gai gi dahi ai adaadeu tali.
5Gai de Maadua o de golomagi lodo ma de lodo mmahi gi gaavadu gi goodou de lodo daudahi, bei dagodo lodo o Klisdo Iesu, 6gai gi buni ai oodou lodo i doodou tuhi de Maadua, ma Tamana o taadeu Dagi Maolunga go Iesu Klisdo.
7Deenei ai, goodou hagadau abodonu, bei de hai a Klisdo ne abodonu adu ai gi goodou, gi maua ai e goodou i de hagamahamaha de Maadua. 8Gai au e tala adu gi goodou bolo Klisdo ne hai ga se dangada hai hegau niio de gau Ssuu, e hagaago mai ai bolo de Maadua e hai hegau i de mee abodonu, gai e hagadonu ai denga hagatoo donu ange gi denga dubuna madagidagi, 9gai denga Gentile ga hagamahamaha ai de Maadua i hiidinga dono abodonu, bei de hai gu sisi ai laa,
“Deenei ai, au e tuhi goe i magavaa o denga Gentile,
au e daahili ma de tuhi doo ingoo.” #2 Sa 22.50; Psa 18.49
10Gai gu hai ange hogi,
“Denga Gentile, goodou malangilangi madali ono dangada.” #Deut 32.43
11Gu hai ange hogi,
“Denga Gentile alodahi, goodou duuhia Tagi Maolunga,
gai dangada alodahi gi duuhia ia.” #Psa 117.1
12Gai Isaiah gu hagadaba hogi,
“De mogobuna o Jesse e humai naa,
ia e hanage naa ga dagi denga Gentile;
gai go ia de tali hagalodolodo a denga Gentile.” #Isa 11.10
13Gai de Maadua o de tali hagalodolodo gi haia gi honu doodou malangilangi ma doodou nnoho paba i doodou hagadonusia, gai gi hagadagadaga age ai doodou tali hagalodolodo i ssauaa o de Hagasaalunga Dabu.
Paul tangada agoago o denga Gentile
14Denga daina, au e iloo abodonu bolo goodou e abodonu mmao, goodou e hoohonu i de iloo mee, ma de maua i de hagadau agoago goodou. 15Gai au e lo taane donu i de sisi adu dagodo o hanu mee e hagamaanadu adu ai goodou, go hiidinga o tuuhanga gu gaamai nei gi de au i de abodonu o de Maadua, 16go dogu hai ga se dangada hai hegau niio Klisdo Iesu ange gi denga Gentile. Ia gu gaamai gi de au tuuhanga hegau o tangada haimeedabu, gai au ga tala de longo danuaa a de Maadua, gi maua ai i de hai denga Gentile gi se ssigidaumaha e hagamalangilangi ina de Maadua, gu hagadabu i daho de Hagasaalunga Dabu.
17Deenei ai, au e maua i de tuhi agu hegau ange gi de Maadua, i dogu noho i lodo o Klisdo Iesu. 18Go hiidinga au e dee maua donu i de basa i hanu mee gee ange, go mee donu huu a Klisdo ne hagahai hegau i ogu daha, i agu muna ma agu hegau gi hagallongo ange ai denga Gentile gi de ia, 19ma hagailonga mmahi ma mee hagalele mouli, i ssauaa o de Hagasaalunga o de Maadua. Gai au gu agoago de longo danuaa o Klisdo alodahi, mai i Jerusalem ga dae ai gi Illyricum, 20ma de agoago i de longo danuaa go dagu mee e hagaduu ngae ange laa aagena, au e dee agoago i mommee gu langona ai e dangada agoago o Klisdo, gi dee hagaduulia ai e au i honga tagelo a dahi dangada gee gu lava laa i de hagaduu. 21Go hiidinga gu sisi e hai ange,
“Gilaadeu tigi tala ange aagena ono dagodo e gidee naa ia,
gai gilaadeu tigi langona e tonu ange naa.” #Isa 52.15
De hagatau a Paul e hano gi Rome
22Deenei de hiidinga gu dee modu ai nei tee sula dogu hanadu gi oodou daha.#Rom 1.13 23Gai iainei gu lava agu hegau i denga mommee nei, gai go hiidinga hogi gu ni ngadau lagolago oogu ne lodo ai e hanadu gi oodou daha. 24Au e tali hagalodolodo bolo gidaadeu e hedae naa donu i dogu hanadu e hano gi Spain, gai goodou ga bale mai ai au i dogu hano gi kilaa, i dua dogu damaa noho ange i oodou daha. 25Iainei gai au gu dai hano gi Jerusalem e bale ange ai dangada o de Maadua i kilaa.#1 Co 16.1-4 26De nohoanga dabu i Macedonia ma Achaia ne malangilangi i de daohi age dahi bale, ange gi de gau hagaau aloha i magavaa o dangada o de Maadua i Jerusalem. 27Gai gilaadeu ne malangilangi donu i de hai de hegau nei, ni muna abodonu denga Gentile e muli ange donu gi gilaadeu. Go hiidinga noo denga Gentile gu kave hogi denga manuuia i de baasi gi de hagasaalunga madali de gau Ssuu, gai e heohi donu delaadeu bale ange de gau Ssuu i mee bee nei.#1 Co 9.11 28Gai ga lava naa huu dagu hegau nei, ma de kave gi dae sseene gu daohi age laa, gai au ga hanadu ai loo ga daa adu gi oodou daha, i mua dogu hano gi Spain. 29Au e iloo bolo de masavaa naa huu oogu e dae adu ai gi oodou daha, gai au e hanadu naa i de manuuia laumalie mai i daho Klisdo.
30Denga daina, au e dangidangi adu gi goodou, i de ingoo o Tagi Maolunga go Iesu Klisdo ma de aloha o de Hagasaalunga ⌊Dabu⌋, goodou balea mai au i talodalo ange gi de Maadua i ogu hiidinga, 31gi ola mai ai au i gilaadeu e dee hagadonusia i Judea, gai de bale aagu e kave gi Jerusalem, gi se mee e hagamalangilangi ina dangada o de Maadua i kilaa, 32gai gi maua ai e au i de hanadu gi oodou daha i de malangilangi, i de hagatau a Maadua, gai au ga damaa hagamabu ange ai i oodou daha.
33De Maadua o de baba gi noho i oodou daha alodahi. Amen.
Currently Selected:
Romans 15: DBD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Romans 15
15
Klisdo taadeu hagaago danuaa
1Gidaadeu e mmahi laa i de gai gi golomagi ina odaadeu lodo i gilaadeu e baageaa, gai gi dee hagamalangilangi ina donu huu gidaadeu. 2Dahi ma dahi gi hagamalangilangi ina tangada ange laa gi danuaa ange ai gi tangada ange laa, gai gi hagadagadaga age ai dono gai. 3Go hiidinga Klisdo tee hagamalangilangi donu huu ia, gai gu sisi e hai ange, “Gilaadeu e hagadogaa ina goe, e hagadogaa donu hogi au.” #Psa 69.9 4Gai mee alodahi ne sisi laa madagidagi ne sisi e agoago ai gidaadeu, gi tuu ai gidaadeu gi makaga, ma de lo taane i taadeu iloo de Beebaa Dabu, gai gi dahi ai adaadeu tali.
5Gai de Maadua o de golomagi lodo ma de lodo mmahi gi gaavadu gi goodou de lodo daudahi, bei dagodo lodo o Klisdo Iesu, 6gai gi buni ai oodou lodo i doodou tuhi de Maadua, ma Tamana o taadeu Dagi Maolunga go Iesu Klisdo.
7Deenei ai, goodou hagadau abodonu, bei de hai a Klisdo ne abodonu adu ai gi goodou, gi maua ai e goodou i de hagamahamaha de Maadua. 8Gai au e tala adu gi goodou bolo Klisdo ne hai ga se dangada hai hegau niio de gau Ssuu, e hagaago mai ai bolo de Maadua e hai hegau i de mee abodonu, gai e hagadonu ai denga hagatoo donu ange gi denga dubuna madagidagi, 9gai denga Gentile ga hagamahamaha ai de Maadua i hiidinga dono abodonu, bei de hai gu sisi ai laa,
“Deenei ai, au e tuhi goe i magavaa o denga Gentile,
au e daahili ma de tuhi doo ingoo.” #2 Sa 22.50; Psa 18.49
10Gai gu hai ange hogi,
“Denga Gentile, goodou malangilangi madali ono dangada.” #Deut 32.43
11Gu hai ange hogi,
“Denga Gentile alodahi, goodou duuhia Tagi Maolunga,
gai dangada alodahi gi duuhia ia.” #Psa 117.1
12Gai Isaiah gu hagadaba hogi,
“De mogobuna o Jesse e humai naa,
ia e hanage naa ga dagi denga Gentile;
gai go ia de tali hagalodolodo a denga Gentile.” #Isa 11.10
13Gai de Maadua o de tali hagalodolodo gi haia gi honu doodou malangilangi ma doodou nnoho paba i doodou hagadonusia, gai gi hagadagadaga age ai doodou tali hagalodolodo i ssauaa o de Hagasaalunga Dabu.
Paul tangada agoago o denga Gentile
14Denga daina, au e iloo abodonu bolo goodou e abodonu mmao, goodou e hoohonu i de iloo mee, ma de maua i de hagadau agoago goodou. 15Gai au e lo taane donu i de sisi adu dagodo o hanu mee e hagamaanadu adu ai goodou, go hiidinga o tuuhanga gu gaamai nei gi de au i de abodonu o de Maadua, 16go dogu hai ga se dangada hai hegau niio Klisdo Iesu ange gi denga Gentile. Ia gu gaamai gi de au tuuhanga hegau o tangada haimeedabu, gai au ga tala de longo danuaa a de Maadua, gi maua ai i de hai denga Gentile gi se ssigidaumaha e hagamalangilangi ina de Maadua, gu hagadabu i daho de Hagasaalunga Dabu.
17Deenei ai, au e maua i de tuhi agu hegau ange gi de Maadua, i dogu noho i lodo o Klisdo Iesu. 18Go hiidinga au e dee maua donu i de basa i hanu mee gee ange, go mee donu huu a Klisdo ne hagahai hegau i ogu daha, i agu muna ma agu hegau gi hagallongo ange ai denga Gentile gi de ia, 19ma hagailonga mmahi ma mee hagalele mouli, i ssauaa o de Hagasaalunga o de Maadua. Gai au gu agoago de longo danuaa o Klisdo alodahi, mai i Jerusalem ga dae ai gi Illyricum, 20ma de agoago i de longo danuaa go dagu mee e hagaduu ngae ange laa aagena, au e dee agoago i mommee gu langona ai e dangada agoago o Klisdo, gi dee hagaduulia ai e au i honga tagelo a dahi dangada gee gu lava laa i de hagaduu. 21Go hiidinga gu sisi e hai ange,
“Gilaadeu tigi tala ange aagena ono dagodo e gidee naa ia,
gai gilaadeu tigi langona e tonu ange naa.” #Isa 52.15
De hagatau a Paul e hano gi Rome
22Deenei de hiidinga gu dee modu ai nei tee sula dogu hanadu gi oodou daha.#Rom 1.13 23Gai iainei gu lava agu hegau i denga mommee nei, gai go hiidinga hogi gu ni ngadau lagolago oogu ne lodo ai e hanadu gi oodou daha. 24Au e tali hagalodolodo bolo gidaadeu e hedae naa donu i dogu hanadu e hano gi Spain, gai goodou ga bale mai ai au i dogu hano gi kilaa, i dua dogu damaa noho ange i oodou daha. 25Iainei gai au gu dai hano gi Jerusalem e bale ange ai dangada o de Maadua i kilaa.#1 Co 16.1-4 26De nohoanga dabu i Macedonia ma Achaia ne malangilangi i de daohi age dahi bale, ange gi de gau hagaau aloha i magavaa o dangada o de Maadua i Jerusalem. 27Gai gilaadeu ne malangilangi donu i de hai de hegau nei, ni muna abodonu denga Gentile e muli ange donu gi gilaadeu. Go hiidinga noo denga Gentile gu kave hogi denga manuuia i de baasi gi de hagasaalunga madali de gau Ssuu, gai e heohi donu delaadeu bale ange de gau Ssuu i mee bee nei.#1 Co 9.11 28Gai ga lava naa huu dagu hegau nei, ma de kave gi dae sseene gu daohi age laa, gai au ga hanadu ai loo ga daa adu gi oodou daha, i mua dogu hano gi Spain. 29Au e iloo bolo de masavaa naa huu oogu e dae adu ai gi oodou daha, gai au e hanadu naa i de manuuia laumalie mai i daho Klisdo.
30Denga daina, au e dangidangi adu gi goodou, i de ingoo o Tagi Maolunga go Iesu Klisdo ma de aloha o de Hagasaalunga ⌊Dabu⌋, goodou balea mai au i talodalo ange gi de Maadua i ogu hiidinga, 31gi ola mai ai au i gilaadeu e dee hagadonusia i Judea, gai de bale aagu e kave gi Jerusalem, gi se mee e hagamalangilangi ina dangada o de Maadua i kilaa, 32gai gi maua ai e au i de hanadu gi oodou daha i de malangilangi, i de hagatau a Maadua, gai au ga damaa hagamabu ange ai i oodou daha.
33De Maadua o de baba gi noho i oodou daha alodahi. Amen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.