Mark 16
16
De mouli age
(Mat 28.1-8; Luke 24.1-12; John 20.1-10)
1Gai ga ui huu de laangi o Sabbath, gai Mary Magdalene ma Mary tinana o James, aama Salome ga hagao hanu mee hagamanongi e hulo ai e hagasulu de angaanga o Iesu. 2Gai boo taiao huu o tahi laangi o de uvigi,#16.2 tahi laangi o de uvigi e bei go de laangi dabu. i dua de sula age o de laa, gai gilaadeu ne hulo gi taanunga. 3Gai gilaadeu ne hagadau ssili, ga hagataba, “Goai e hagadigelia gee de hadu i ma te haitoga o taanunga?”
4Gai de masavaa olaadeu ne tae ai gi kilaa, gai gilaadeu gu gidee bolo de hadu laumalie laa gu lava i de hagadige gee. 5Gai gilaadeu ga hulo ga ulu gi lo te daanunga laa, gai gilaadeu gu gidee dahi dama daane e gahu i de malo tea lloa, ma e noho i de baasi madau; gai gilaadeu gu maatagu.
6Gai ia ga hai ange gi gilaadeu, “Goodou aude maatagu. Goodou e ssala Iesu taane Nazareth, ne daudau laa i de laagau lui. Ia gu mouli age! Ia e dee maleva i kinei. Goodou kalo ange diiloo de mommee oona ne hagadagodo ai. 7Gai goodou hulo daalaa ange gi ana dangada agoago aama Peter: ‘Ia gu hano i oodou mada i mua gi Galilee. Go kilaa oodou e gidee ai ia, bei dana hai gu tala adu ai gi goodou.’ ” #Mat 26.32; Mark 14.28
8Gai denga haahine laa ga ssao ga hulo gee mai i taanunga laa, go hiidinga gilaadeu gu maatagu ma de llele olaadeu mouli. Gai gilaadeu tee tala ange mee laa gi dahi dangada, i hiidinga delaadeu maatagu.
De hakide ange o Iesu gi Mary Magdalene
(Mat 28.9-10; John 20.11-18)
9 # 16.9 Hanu beebaa Greek ange laa e dee dagodo ai de gubu e 9-20. [Dua de mouli age o Iesu i taiao o tahi laangi o de uvigi,#16.9 tahi laangi o de uvigi e bei go de laangi dabu. gai ia ne hakide ange gi Mary Magdalene i mua. Deenei de hine aana ne hai laa ga hulo gee e hidu hagasaalunga baubau mai i ono daha. 10Gai Mary ne hano ga tala ange gi gilaadeu nogo hulo saele madali Iesu, i de masavaa e hinangalosaa ai olaadeu lodo ma de tangi. 11Aagai de masavaa alaadeu ne langona ai bolo Iesu gu mouli age, gai Mary gu gidee ia, gai gilaadeu tee hagadonusia ana muna.
De hakide ange o Iesu gi e dogolua dangada agoago
(Luke 24.13-35)
12Dua mee laa gai Iesu ne hakide ange hogi gi e dogolua i olaadeu magavaa, i de masavaa olaau e seesee ai i tua de aduhale, gai ia ne hagadagodo gee ia. 13Gai gilaau ne aahe ga hulo ga tala ange gi olaau soa ange laa, aagai gilaadeu tee hagadonusia hogi alaau muna.
De hagasauaa a Iesu tinoangahulu ma dogodahi
(Mat 28.16-20; Luke 24.36-49; John 20.19-23; Acts 1.6-8)
14Muli mai gai Iesu ne hakide ange gi tinoangahulu ma dogodahi, i de masavaa olaadeu e gaimee ai. Gai ia ga hagasee gilaadeu i delaadeu dee hagadonusia, ma de makaga olaadeu lodo, go hiidinga gilaadeu tee hagadonusia muna a dangada ne gidee ia i dua dono mouli age.
15Gai ia ga hai ange gi gilaadeu, “Goodou hulo gi henua i lalo alodahi ga agoago ange ai de longo danuaa gi dangada alodahi. 16Gai be goai e hagadonusia ga babudaisi gai ia e hagamouli. Aagai be goai e dee hagadonusia, gai ia e hagaduasala donu. 17Gai denga hagailonga nei e hai i daho olaadeu e hagadonusia: gilaadeu e hai naa ga hulo denga hagasaalunga baubau i dogu ingoo; gilaadeu e pasa naa i muna henua gee; 18gilaadeu e booboo naa denga labodo hagammau, ma de unu mee hagammau, gai mee nei e dee maua donu i de hagammae gilaadeu; gilaadeu e dugu ange naa olaadeu lima gi honga o denga magi, gai gilaadeu e ieiangi donu.”
De gaavage o Iesu gi de langi
(Luke 24.50-53; Acts 1.9-11)
19Gai ga lava huu muna a Tagi Maolunga go Iesu, ange gi ana dangada agoago, gai ia gu gaavage gi de langi, ga noho i de baasi madau o de Maadua. 20Gai ana dangada agoago ne hulo ga agoago i mommee alodahi. Aagai Tagi Maolunga ne hai hegau madali gilaadeu aama de hagadonu alaadeu muna i denga hagailonga alaadeu e hai.]
Currently Selected:
Mark 16: DBD
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Mark 16
16
De mouli age
(Mat 28.1-8; Luke 24.1-12; John 20.1-10)
1Gai ga ui huu de laangi o Sabbath, gai Mary Magdalene ma Mary tinana o James, aama Salome ga hagao hanu mee hagamanongi e hulo ai e hagasulu de angaanga o Iesu. 2Gai boo taiao huu o tahi laangi o de uvigi,#16.2 tahi laangi o de uvigi e bei go de laangi dabu. i dua de sula age o de laa, gai gilaadeu ne hulo gi taanunga. 3Gai gilaadeu ne hagadau ssili, ga hagataba, “Goai e hagadigelia gee de hadu i ma te haitoga o taanunga?”
4Gai de masavaa olaadeu ne tae ai gi kilaa, gai gilaadeu gu gidee bolo de hadu laumalie laa gu lava i de hagadige gee. 5Gai gilaadeu ga hulo ga ulu gi lo te daanunga laa, gai gilaadeu gu gidee dahi dama daane e gahu i de malo tea lloa, ma e noho i de baasi madau; gai gilaadeu gu maatagu.
6Gai ia ga hai ange gi gilaadeu, “Goodou aude maatagu. Goodou e ssala Iesu taane Nazareth, ne daudau laa i de laagau lui. Ia gu mouli age! Ia e dee maleva i kinei. Goodou kalo ange diiloo de mommee oona ne hagadagodo ai. 7Gai goodou hulo daalaa ange gi ana dangada agoago aama Peter: ‘Ia gu hano i oodou mada i mua gi Galilee. Go kilaa oodou e gidee ai ia, bei dana hai gu tala adu ai gi goodou.’ ” #Mat 26.32; Mark 14.28
8Gai denga haahine laa ga ssao ga hulo gee mai i taanunga laa, go hiidinga gilaadeu gu maatagu ma de llele olaadeu mouli. Gai gilaadeu tee tala ange mee laa gi dahi dangada, i hiidinga delaadeu maatagu.
De hakide ange o Iesu gi Mary Magdalene
(Mat 28.9-10; John 20.11-18)
9 # 16.9 Hanu beebaa Greek ange laa e dee dagodo ai de gubu e 9-20. [Dua de mouli age o Iesu i taiao o tahi laangi o de uvigi,#16.9 tahi laangi o de uvigi e bei go de laangi dabu. gai ia ne hakide ange gi Mary Magdalene i mua. Deenei de hine aana ne hai laa ga hulo gee e hidu hagasaalunga baubau mai i ono daha. 10Gai Mary ne hano ga tala ange gi gilaadeu nogo hulo saele madali Iesu, i de masavaa e hinangalosaa ai olaadeu lodo ma de tangi. 11Aagai de masavaa alaadeu ne langona ai bolo Iesu gu mouli age, gai Mary gu gidee ia, gai gilaadeu tee hagadonusia ana muna.
De hakide ange o Iesu gi e dogolua dangada agoago
(Luke 24.13-35)
12Dua mee laa gai Iesu ne hakide ange hogi gi e dogolua i olaadeu magavaa, i de masavaa olaau e seesee ai i tua de aduhale, gai ia ne hagadagodo gee ia. 13Gai gilaau ne aahe ga hulo ga tala ange gi olaau soa ange laa, aagai gilaadeu tee hagadonusia hogi alaau muna.
De hagasauaa a Iesu tinoangahulu ma dogodahi
(Mat 28.16-20; Luke 24.36-49; John 20.19-23; Acts 1.6-8)
14Muli mai gai Iesu ne hakide ange gi tinoangahulu ma dogodahi, i de masavaa olaadeu e gaimee ai. Gai ia ga hagasee gilaadeu i delaadeu dee hagadonusia, ma de makaga olaadeu lodo, go hiidinga gilaadeu tee hagadonusia muna a dangada ne gidee ia i dua dono mouli age.
15Gai ia ga hai ange gi gilaadeu, “Goodou hulo gi henua i lalo alodahi ga agoago ange ai de longo danuaa gi dangada alodahi. 16Gai be goai e hagadonusia ga babudaisi gai ia e hagamouli. Aagai be goai e dee hagadonusia, gai ia e hagaduasala donu. 17Gai denga hagailonga nei e hai i daho olaadeu e hagadonusia: gilaadeu e hai naa ga hulo denga hagasaalunga baubau i dogu ingoo; gilaadeu e pasa naa i muna henua gee; 18gilaadeu e booboo naa denga labodo hagammau, ma de unu mee hagammau, gai mee nei e dee maua donu i de hagammae gilaadeu; gilaadeu e dugu ange naa olaadeu lima gi honga o denga magi, gai gilaadeu e ieiangi donu.”
De gaavage o Iesu gi de langi
(Luke 24.50-53; Acts 1.9-11)
19Gai ga lava huu muna a Tagi Maolunga go Iesu, ange gi ana dangada agoago, gai ia gu gaavage gi de langi, ga noho i de baasi madau o de Maadua. 20Gai ana dangada agoago ne hulo ga agoago i mommee alodahi. Aagai Tagi Maolunga ne hai hegau madali gilaadeu aama de hagadonu alaadeu muna i denga hagailonga alaadeu e hai.]
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.