Mark 15
15
Iesu i mada i mua o Pilate
(Mat 27.1-2, 11-14; Luke 23.1-5; John 18.28-38)
1Taiao age gai de gau haimeedabu maolunga ma denga dagi ma de gau sisi, aama de hagabuulinga hagasaele ne nnoa Iesu ga dagi ga kave ga gaavange gi Pilate.
2Gai Pilate ne ssili ange gi Iesu, “Go koe de Hodooligi o de gau Ssuu?”
Iesu ne hai ange gi de ia, “Deenaa aau e tala mai naa.”
3Gai ne lagolago mee a de gau haimeedabu maolunga ne hagabaubau ai Iesu, 4gai Pilate ne ssili ange hogi gi de ia, “E hanu au muna e basa ange ai gi mee nei? Tilo, gu lagolago mmao alaadeu mee e hagabaubau ai goe.”
5Aagai Iesu e dee basa ange donu, gai Pilate gu lele ono mouli.
De hagamodu muna o Iesu e daa gi magau
(Mat 27.15-26; Luke 23.13-25; John 18.39—19.16)
6Gai deenei tahulinga e hai i de masavaa o Taonga Hagasili, e hagasao mai dahi dangada i lo te hale pono o dangada e llodo ai laa. 7Gai e dahi daane, dono ingoo go Barabbas, i lo te hale pono madali dangada ne daia ga maakau dangada, i de masavaa ne hellumi ai dangada. 8Gai dangada soa ne loomai ga dangidangi ange gi Pilate, ia gi haia de hegau aana e hai i de laa tubua.
9Gai ia ne ssili ange gi gilaadeu, “Goodou e llodo au gi hagasao ina mai de Hodooligi o de gau Ssuu e gaavadu gi goodou?” 10Go hiidinga ia ne iloo bolo de gau haimeedabu maolunga ne gaavange Iesu, i hiidinga delaadeu lodo gaiaa. 11Aagai de gau haimeedabu maolunga ga hagabasa dangada gi haia Pilate gi hagasao ina mai Barabbas.
12Gai Pilate ga ssili ange gi dangada, “Gai se aha oodou e llodo au gi haia ange gi taane oodou e hagabinga laa bolo go de Hodooligi o de gau Ssuu?”
13Gai gilaadeu ne hevaalogi, ga hai ange, “Daudau ina ia i de laagau lui!”
14Pilate ne ssili ange gi gilaadeu, “Gai se baubau aha aana gu hai?”
Aagai dangada ga kii ange donu de hevaalogi ga hagataba, “Daudau ina ia i de laagau lui!”
15Deelaa ai, Pilate ne hagasao mai Barabbas, i hiidinga ia ne lodo e hagamalangilangi de hagabuulingaa dangada soa laa. Gai ia ga hai gilaadeu gi hagailiilihia Iesu, ga gaavange ia e daudau i de laagau lui.
De hagammae manava a denga daane hebagi Iesu
(Mat 27.27-31; John 19.2-3)
16Gai denga daane hebagi ne kave Iesu gi lo te buibui o de hale o de goobenaa, ga hagahi ga hagabuni mai denga daane hebagi alodahi. 17Gai gilaadeu ga hakahu ange ia i dahi malo purple, ga bini dahi hau manu duiduia ga hagauda ange gi honga dono biho. 18Gai gilaadeu ga daamada de hagaboo ange gi de ia, ga hai ange, “De laangi danuaa, de hodooligi o de gau Ssuu!” 19Gai gilaadeu ga hagailiili dono biho i de laagau ma de savasavale ange gi de ia, aama de duuduli ga ino ange gi de ia. 20Gai ga lava huu i delaadeu hagammae manava ia, gai gilaadeu ga hagaui de malo purple laa, gai ga hakahu ange ia i ono malo donu. Gai gilaadeu ga dagi ia ga kave e daudau i de laagau lui.
De daudau o Iesu i de laagau lui
(Mat 27.32-44; Luke 23.26-43; John 19.17-27)
21Gai dahi daane mai i Cyrene ne humai i dahi mommee i tua de aduhale, dono ingoo go Simon, go tamana o Alexander ma Rufus; gai gilaadeu ne hai gi de mahi ia gi sabaia de laagau lui.#Rom 16.13 22Gai gilaadeu ne dagi Iesu gi de mommee e hagaingoo ange laa go Golgotha (e bei go de Mommee o de Ivi o de Biho). 23Gai gilaadeu ne gaavange hanu uvaini e hilo ma myrrh ia gi unumia; gai ia tee lodo e unu mee laa. 24Gai gilaadeu ne daudau ia i de laagau lui i kilaa. Gai ga vaevae ono malo i olaadeu magavaa; gilaadeu ne dada ga tilo ai be aahee mee a dahi ma dahi e kave.#Psa 22.18
25Gai go ssiva i taiao#15.25 ssiva i taiao: de Beebaa Greek e hai ange go tolu aoaa. alaadeu ne daudau ai ia i de laagau lui. 26Gai muna ne sisi e hagabaubau ai ia, e hai ange, “De Hodooligi o de gau Ssuu.” 27Gai ne dogolua hogi daane gaiaa ne daudau i olaau laagau lui madali ia, dahi i dono baasi madau, gai dahi i dono baasi masui. [28Gai gu hagassula muna a de Beebaa Dabu gu tala laa e hai ange, “Ia ne daudau madali de gau gaiaa.”]#15.28 Hanu beebaa Greek ange laa e dee dagodo ai de gubu nei. #Isa 53.12 29Dangada ne loomai laa kilaa ne hagammae manava ia, ma de geugeu olaadeu biho, ga hai ange, “Aha! Go koe ne hagadaba bolo koe e oha de temple gai ga hagaduu age ange i e dolu donu huu laangi,#Psa 22.7; 109.25; Mark 14.58; John 2.19 30iho mai i de laagau lui ma gi hagaola ina goe!”
31De gau haimeedabu maolunga ma de gau sisi ne hagammae manava hogi ia, ga hagataba i olaadeu magavaa, “Ia e hagaola dangada ange laa, aagai e dee maua i de hagaola donu huu ia! 32Gai Klisdo, de Hodooligi o de gau Ssuu, gi iho mai i de laagau lui iainei, gi gidee ai e gidaadeu gai gidaadeu ga hagadonusia.” Gai luu daane ne daudau laa madali Iesu ne hagangadi mee hogi ia i alaau muna.
De magau o Iesu
(Mat 27.45-56; Luke 23.44-49; John 19.28-30)
33Gai de hualaangi huu,#15.33 hualaangi … tolu i de ahiahi: de Beebaa Greek e hai ange go de ono aoaa … ssiva aoaa. gai gu gohu honga de henua alodahi, ga dae ai gi tolu i de ahiahi. 34Gai ga daa huu tolu i de ahiahi, gai Iesu ga oo i de leo mmahi ga hagadaba, “Eloi, Eloi, lama sabachthani?”, e bei “Dogu Maadua, dogu Maadua, gu aha gu tili ai naa goe au?” #Psa 22.1
35Gai ga langona huu e hanu dangada e tuu laa i kilaa ana muna, gai gilaadeu ga hagataba, “Tilo, ia e hagaagahi Elijah.”
36Gai dahi daane ga savini ga hagasulu ange de galagala gi lodo uvaini mmala, ga hagalau ange gi dahi laagau ga gaavange gi Iesu gi unumia. Gai ia ga hai ange, “De kaba, gidaadeu ga tali e tilo be Elijah e humai laa e dugu iho ia!” #Psa 69.21
37Gai Iesu ga oo i de leo mmahi ga hai ana manava hagaodi.
38De masavaa laa gai de malo buibui i lo te temple gu mahanga iho i lunga ga sao gi lalo.#Exo 26.31-33 39Gai ga gidee huu e tagi o de lau, e duu laa i mada i mua o Iesu, dono hai ne magau ai, gai ia ga hagadaba, “Ni muna abodonu, taane nei go Tama Daane donu a de Maadua!”
40Gai e hanu hogi haahine e tuu i de mommee mmao, ma e tilo mai ai mee gu hai laa. Hanu i olaadeu magavaa go Mary Magdalene, ma Mary tinana o James gauligi ma Joses, aama Salome.#Luke 8.2-3 41Gilaadeu nei ne daudali ange i Iesu ga bale ange ia i Galilee. Gai ne soa ange haahine ne loomai madali ia gi Jerusalem i kilaa.
De danu o Iesu
(Mat 27.57-61; Luke 23.50-56; John 19.38-42)
42Gai de laangi laa go de laangi Hagadabena, e bei go de laangi i mua Sabbath. Gai ga ahiahi huu, 43gai Joseph taane Arimathea, go dahi daane hagadubu i daho de hagabuulinga hagasaele, gai se daane hogi e daalia de nohoanga hodooligi o de Maadua, ia ne lodo mmahi i de hano gi daho Pilate, ga dangidangi ange i de angaanga o Iesu. 44Gai Pilate gu lele ono mouli, i de moolau de magau o Iesu. Gai ia ga hagahi tagi o de lau ga ssili ange, be Iesu gu magau abodonu. 45Gai ga iloo huu e ia i daho tagi o de lau bolo Iesu gu magau, gai ia ga dugu ange de angaanga o Iesu gi Joseph. 46Gai Joseph ga hagao hanu malo linen, ga dugu iho de angaanga o Iesu, ga saabini i linen. Gai ia ga hagadagodo dono angaanga i lo te daanunga gu hoda laa gi lo te baba. Gai ia ga hagadige ange dahi hadu ga pono ai de haitoga. 47Gai Mary Magdalene ma Mary tinana o Joses ne gidee e gilaau de mommee ne hagadagodo ai de angaanga o Iesu.
Currently Selected:
Mark 15: DBD
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Mark 15
15
Iesu i mada i mua o Pilate
(Mat 27.1-2, 11-14; Luke 23.1-5; John 18.28-38)
1Taiao age gai de gau haimeedabu maolunga ma denga dagi ma de gau sisi, aama de hagabuulinga hagasaele ne nnoa Iesu ga dagi ga kave ga gaavange gi Pilate.
2Gai Pilate ne ssili ange gi Iesu, “Go koe de Hodooligi o de gau Ssuu?”
Iesu ne hai ange gi de ia, “Deenaa aau e tala mai naa.”
3Gai ne lagolago mee a de gau haimeedabu maolunga ne hagabaubau ai Iesu, 4gai Pilate ne ssili ange hogi gi de ia, “E hanu au muna e basa ange ai gi mee nei? Tilo, gu lagolago mmao alaadeu mee e hagabaubau ai goe.”
5Aagai Iesu e dee basa ange donu, gai Pilate gu lele ono mouli.
De hagamodu muna o Iesu e daa gi magau
(Mat 27.15-26; Luke 23.13-25; John 18.39—19.16)
6Gai deenei tahulinga e hai i de masavaa o Taonga Hagasili, e hagasao mai dahi dangada i lo te hale pono o dangada e llodo ai laa. 7Gai e dahi daane, dono ingoo go Barabbas, i lo te hale pono madali dangada ne daia ga maakau dangada, i de masavaa ne hellumi ai dangada. 8Gai dangada soa ne loomai ga dangidangi ange gi Pilate, ia gi haia de hegau aana e hai i de laa tubua.
9Gai ia ne ssili ange gi gilaadeu, “Goodou e llodo au gi hagasao ina mai de Hodooligi o de gau Ssuu e gaavadu gi goodou?” 10Go hiidinga ia ne iloo bolo de gau haimeedabu maolunga ne gaavange Iesu, i hiidinga delaadeu lodo gaiaa. 11Aagai de gau haimeedabu maolunga ga hagabasa dangada gi haia Pilate gi hagasao ina mai Barabbas.
12Gai Pilate ga ssili ange gi dangada, “Gai se aha oodou e llodo au gi haia ange gi taane oodou e hagabinga laa bolo go de Hodooligi o de gau Ssuu?”
13Gai gilaadeu ne hevaalogi, ga hai ange, “Daudau ina ia i de laagau lui!”
14Pilate ne ssili ange gi gilaadeu, “Gai se baubau aha aana gu hai?”
Aagai dangada ga kii ange donu de hevaalogi ga hagataba, “Daudau ina ia i de laagau lui!”
15Deelaa ai, Pilate ne hagasao mai Barabbas, i hiidinga ia ne lodo e hagamalangilangi de hagabuulingaa dangada soa laa. Gai ia ga hai gilaadeu gi hagailiilihia Iesu, ga gaavange ia e daudau i de laagau lui.
De hagammae manava a denga daane hebagi Iesu
(Mat 27.27-31; John 19.2-3)
16Gai denga daane hebagi ne kave Iesu gi lo te buibui o de hale o de goobenaa, ga hagahi ga hagabuni mai denga daane hebagi alodahi. 17Gai gilaadeu ga hakahu ange ia i dahi malo purple, ga bini dahi hau manu duiduia ga hagauda ange gi honga dono biho. 18Gai gilaadeu ga daamada de hagaboo ange gi de ia, ga hai ange, “De laangi danuaa, de hodooligi o de gau Ssuu!” 19Gai gilaadeu ga hagailiili dono biho i de laagau ma de savasavale ange gi de ia, aama de duuduli ga ino ange gi de ia. 20Gai ga lava huu i delaadeu hagammae manava ia, gai gilaadeu ga hagaui de malo purple laa, gai ga hakahu ange ia i ono malo donu. Gai gilaadeu ga dagi ia ga kave e daudau i de laagau lui.
De daudau o Iesu i de laagau lui
(Mat 27.32-44; Luke 23.26-43; John 19.17-27)
21Gai dahi daane mai i Cyrene ne humai i dahi mommee i tua de aduhale, dono ingoo go Simon, go tamana o Alexander ma Rufus; gai gilaadeu ne hai gi de mahi ia gi sabaia de laagau lui.#Rom 16.13 22Gai gilaadeu ne dagi Iesu gi de mommee e hagaingoo ange laa go Golgotha (e bei go de Mommee o de Ivi o de Biho). 23Gai gilaadeu ne gaavange hanu uvaini e hilo ma myrrh ia gi unumia; gai ia tee lodo e unu mee laa. 24Gai gilaadeu ne daudau ia i de laagau lui i kilaa. Gai ga vaevae ono malo i olaadeu magavaa; gilaadeu ne dada ga tilo ai be aahee mee a dahi ma dahi e kave.#Psa 22.18
25Gai go ssiva i taiao#15.25 ssiva i taiao: de Beebaa Greek e hai ange go tolu aoaa. alaadeu ne daudau ai ia i de laagau lui. 26Gai muna ne sisi e hagabaubau ai ia, e hai ange, “De Hodooligi o de gau Ssuu.” 27Gai ne dogolua hogi daane gaiaa ne daudau i olaau laagau lui madali ia, dahi i dono baasi madau, gai dahi i dono baasi masui. [28Gai gu hagassula muna a de Beebaa Dabu gu tala laa e hai ange, “Ia ne daudau madali de gau gaiaa.”]#15.28 Hanu beebaa Greek ange laa e dee dagodo ai de gubu nei. #Isa 53.12 29Dangada ne loomai laa kilaa ne hagammae manava ia, ma de geugeu olaadeu biho, ga hai ange, “Aha! Go koe ne hagadaba bolo koe e oha de temple gai ga hagaduu age ange i e dolu donu huu laangi,#Psa 22.7; 109.25; Mark 14.58; John 2.19 30iho mai i de laagau lui ma gi hagaola ina goe!”
31De gau haimeedabu maolunga ma de gau sisi ne hagammae manava hogi ia, ga hagataba i olaadeu magavaa, “Ia e hagaola dangada ange laa, aagai e dee maua i de hagaola donu huu ia! 32Gai Klisdo, de Hodooligi o de gau Ssuu, gi iho mai i de laagau lui iainei, gi gidee ai e gidaadeu gai gidaadeu ga hagadonusia.” Gai luu daane ne daudau laa madali Iesu ne hagangadi mee hogi ia i alaau muna.
De magau o Iesu
(Mat 27.45-56; Luke 23.44-49; John 19.28-30)
33Gai de hualaangi huu,#15.33 hualaangi … tolu i de ahiahi: de Beebaa Greek e hai ange go de ono aoaa … ssiva aoaa. gai gu gohu honga de henua alodahi, ga dae ai gi tolu i de ahiahi. 34Gai ga daa huu tolu i de ahiahi, gai Iesu ga oo i de leo mmahi ga hagadaba, “Eloi, Eloi, lama sabachthani?”, e bei “Dogu Maadua, dogu Maadua, gu aha gu tili ai naa goe au?” #Psa 22.1
35Gai ga langona huu e hanu dangada e tuu laa i kilaa ana muna, gai gilaadeu ga hagataba, “Tilo, ia e hagaagahi Elijah.”
36Gai dahi daane ga savini ga hagasulu ange de galagala gi lodo uvaini mmala, ga hagalau ange gi dahi laagau ga gaavange gi Iesu gi unumia. Gai ia ga hai ange, “De kaba, gidaadeu ga tali e tilo be Elijah e humai laa e dugu iho ia!” #Psa 69.21
37Gai Iesu ga oo i de leo mmahi ga hai ana manava hagaodi.
38De masavaa laa gai de malo buibui i lo te temple gu mahanga iho i lunga ga sao gi lalo.#Exo 26.31-33 39Gai ga gidee huu e tagi o de lau, e duu laa i mada i mua o Iesu, dono hai ne magau ai, gai ia ga hagadaba, “Ni muna abodonu, taane nei go Tama Daane donu a de Maadua!”
40Gai e hanu hogi haahine e tuu i de mommee mmao, ma e tilo mai ai mee gu hai laa. Hanu i olaadeu magavaa go Mary Magdalene, ma Mary tinana o James gauligi ma Joses, aama Salome.#Luke 8.2-3 41Gilaadeu nei ne daudali ange i Iesu ga bale ange ia i Galilee. Gai ne soa ange haahine ne loomai madali ia gi Jerusalem i kilaa.
De danu o Iesu
(Mat 27.57-61; Luke 23.50-56; John 19.38-42)
42Gai de laangi laa go de laangi Hagadabena, e bei go de laangi i mua Sabbath. Gai ga ahiahi huu, 43gai Joseph taane Arimathea, go dahi daane hagadubu i daho de hagabuulinga hagasaele, gai se daane hogi e daalia de nohoanga hodooligi o de Maadua, ia ne lodo mmahi i de hano gi daho Pilate, ga dangidangi ange i de angaanga o Iesu. 44Gai Pilate gu lele ono mouli, i de moolau de magau o Iesu. Gai ia ga hagahi tagi o de lau ga ssili ange, be Iesu gu magau abodonu. 45Gai ga iloo huu e ia i daho tagi o de lau bolo Iesu gu magau, gai ia ga dugu ange de angaanga o Iesu gi Joseph. 46Gai Joseph ga hagao hanu malo linen, ga dugu iho de angaanga o Iesu, ga saabini i linen. Gai ia ga hagadagodo dono angaanga i lo te daanunga gu hoda laa gi lo te baba. Gai ia ga hagadige ange dahi hadu ga pono ai de haitoga. 47Gai Mary Magdalene ma Mary tinana o Joses ne gidee e gilaau de mommee ne hagadagodo ai de angaanga o Iesu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.