Matthew 5
5
De agoago i honga de mounga
1Gai ga gidee huu e Iesu dangada soa laa, gai ia ga hanage ga noho i honga dahi duuduu. Gai ana dangada agoago ga loomai gi ono daha, 2gai ia ga daamada de agoago ange gilaadeu, ga hai ange:
De manuuia abodonu
(Luke 6.20-23)
3“E manuuia gilaadeu e hagaau aloha i de hagasaalunga;
niiolaadeu de nohoanga hodooligi o de langi!
4E manuuia gilaadeu e daemaha olaadeu lodo;#Isa 61.2
gilaadeu e hagamaamaane naa olaadeu lodo!
5E manuuia gilaadeu e daudonu;
go gilaadeu e henua i henua i lalo!
6E manuuia gilaadeu e hiikai ma de hieunu ange gi de heohi;
gilaadeu e hai naa ga boobosu!
7E manuuia gilaadeu e llodo aaloha;
gilaadeu e kave naa hogi de lodo aloha!
8E manuuia gilaadeu e gilimalali olaadeu lodo;#Psa 24.3-4
go gilaadeu e gidee de Maadua!
9E manuuia gilaadeu e hagadanuaa ina magavaa o dangada;
gilaadeu e hagabinga naa go dama a de Maadua!
10E manuuia gilaadeu e vaivai haia i hiidinga o de mee heohi;
niiolaadeu de nohoanga hodooligi o de langi!
11E manuuia goodou noo e pasa baubau dangada i goodou, ma de vaivai hai goodou, aama de tala denga hagadaagangaa muna hhadu, e hai baasi adu ai gi goodou i ogu hiidinga.#1 Pe 4.14 12Goodou llodo danuaa ma de malangilangi, go hiidinga e laumalie doodou hagaoanga i de langi. Gilaadeu ne vaivai hai donu hogi denga pelaabisi i mua.#2 Ch 36.16; Acts 7.52
Ssoolo ma de laama
(Mark 9.50; Luke 14.34-35)
13“Go goodou soolo o de henua. Aagai noo denga soolo gu dee mami soolo, gai dee hee ai naa de hai e hagaahe ange ai e hai gi mami soolo? Gu deai ono haigamaiana, gai go de tili ange donu huu gi de mommee e dagadagahia ai e dangada.
14Go goodou de maalama o henua i lalo. De aduhale e duu i honga de mounga e dee maua i de hagammuni.#John 8.12; 9.5 15Dangada e dee haula de laama ga haoli ange i lalo dahi bagede, aagai e dugu ange gi honga dono mommee, e hagamaalama ai dangada alodahi i de hale.#Mark 4.21; Luke 8.16; 11.33 16Goodou haia gi gidee e dangada de maalama i oodou daha naa, gai gi gidee ai e gilaadeu oodou hegau danuaa, gai gilaadeu ga tuhi ai doodou Damana i de langi laa.#1 Pe 2.12
De agoago i dagodo o de hainga
17“Goodou aude hagataba bolo au se humai e oha de hainga ma muna a denga pelaabisi. Au tee humai e oha de hainga, aagai au ne humai e hagasula de hainga. 18Ni muna abodonu aagu e hai adu nei gi goodou, de langi ma henua i lalo e llilo naa donu, aagai e deai donu se damaa hagailonga be se doonginga daudahi i de hainga e lilo, ga dae ai gi de odi mee nei i de hagassula.#Luke 16.17 19Deenei ai, be goai e dee daohia dahi hainga damaa mee nei, ma de agoago ange dangada gi dee haia mee nei, gai go ia hugadoo e maolalo i de nohoanga hodooligi o de langi. Aagai be goai e daudali ai ma de agoago mee nei, gai ia e hagabinga bolo e maolunga i de nohoanga hodooligi o de langi. 20Au e hai adu gi goodou, noo oodou heohi e dee kii ange i heohi o de gau sisi ma denga Pharisee, gai goodou e dee ulu donu i de nohoanga hodooligi o de langi.
De agoago i dagodo o de lili
(Luke 12.57-59)
21“Goodou gu langona bolo gu tala ange gi de gau madagidagi, ‘Aude daia tangada gi magau; aagai be goai e daia tangada ga magau e hagamodu donu ono muna.’ #Exo 20.13; Deut 5.17 22Aagai au e tala adu gi goodou, be goai e lili i dono daina,#5.22 be goai e lili i dono daina: hanu beebaa Greek ange laa e hagapuni ange i teai hiidinga. gai e hagamodu donu ono muna; gai e bei ai hogi, be goai e hai ange gi dono daina, ‘Raca’,#5.22 Raca se muna hagangadi mee dangada. gai e hagamodu ono muna i mada i mua o de hagabuulinga hagasaele. Gai be goai e hai ange gi dono daina, ‘Koe se boi donu’, gai e hagaduasala donu i de ahi.
23Deenei ai, noo koe gu kave dau sigidaumaha gi de mommee o ssigidaumaha, gai koe gu manadua bolo doo daina e dahi ana mee e hai baasi adu ai gi de goe, 24gai koe dugua dau mee ngadi gaavange i gaogao de mommee o ssigidaumaha, gai koe hannoo i mua hagadanuaa ina ooluu magavaa ma doo daina, gai koe ga aahe mai ga gaavange dau mee ngadi gaavange.
25Hagamoolau hagaheloongoi ina ooluu magavaa ma doo hagadaumee, i de masavaa ooluu e seesee ai e hulo gi de mommee hagamodu muna, ana vakaa ga gaavange e ia goe gi de ia hagamodu muna, gai de ia hagamodu muna ga gaavange goe gi tangada hagaloosi, gai koe gu tili ange gi lo te hale pono. 26Ni muna abodonu aagu e hai adu nei gi de goe: koe e dee sao mai naa donu ga dae ai gi dau hagao au muli alodahi.
De agoago i dagodo o de dagodo haisala
27“Goodou gu langona bolo gu tala e hai ange, ‘Aude dagodo haisala.’ #Exo 20.14; Deut 5.18 28Aagai au e hai adu gi goodou: be goai e galo ange gi dahi hahine e lodo ange gi de ia, gai ia gu dagodo haisala donu ma ia i ono lodo. 29Noo doo ganomada madau gu hagahaisala goe, aagai koe laoa mai dilia. E danuaa ange de tili dahi mee i doo angaanga i de maga ange o doo angaanga alodahi gi lo te ahi.#Mat 18.9; Mark 9.47 30Aagai noo doo lima madau gu hagahaisala goe, aagai koe duudia dilia. E danuaa ange de tili dahi oo lima, i de maga ange doo angaanga alodahi gi lo te ahi.#Mat 18.8; Mark 9.43
Agoago i dagodo o de maavae
(Mat 19.9; Mark 10.11-12; Luke 16.18)
31“Gai gu tala hogi e hai ange, ‘Be goai naa huu taane e maavae ange gi dono bodu, gai ia gi gaavange gi de ia dahi beebaa maavae.’ #Deut 24.1-4; Mat 19.7; Mark 10.4 32Aagai au e hai adu gi goodou, be goai e maavae ange gi dono bodu, deelaa donu huu go dono dagodo haisala, gai ia e hai de hine laa gi dagodo haisala. Gai be goai e hai bodu ange gi de hine gu maavae laa gu dagodo haisala donu.#Mat 19.9; Mark 10.11-12; Luke 16.18; 1 Co 7.10-11
De agoago i dagodo o denga hagatoo donu
33“Goodou gu langona gu tala ange gi de gau madagidagi, e hai ange, ‘Aude ngadi haia dahi hagatoo donu soe, aagai haia donu gi bei au hagatoo donu ssoe ange gi Tagi Maolunga.’ #Lev 19.12; Num 30.2; Deut 23.21 34Aagai au e hai adu gi goodou, goodou e dee hai donu dahi hagatoo donu soe; e dee hilihili be e hai i de langi, i hiidinga go de mommee iai de nohoanga o de Maadua;#Jms 5.12; Isa 66.1; Mat 23.22 35be gi hagatoo donu i henua i lalo, i hiidinga go de mommee e dugu ange aagena luoono vae; aabe go Jerusalem, i hiidinga go de aduhale o de Hodooligi maolunga.#Isa 66.1; Psa 48.2 36Aude hagatoo donu i doo biho, i hiidinga koe e dee maua donu i de hai dahi sina be se ngaangaaulu uli daudahi. 37Gai goodou hai ange donu huu, ‘Uaa’ be ‘Deai’; gai muna e kii ange i mee nei ni mee mai i daho de ia baubau laa.
De agoago i dagodo o de sui ange de baubau
(Luke 6.29-30)
38“Goodou gu langona bolo gu tala e hai ange, ‘De ganomada e sui ange i de ganomada, gai de niho e sui ange i de niho.’ #Exo 21.24; Lev 24.20; Deut 19.21 39Aagai au e hai adu gi goodou, goodou aude suuia ange hegau a tangada baubau, aagai noo dahi dangada e hagaili doo galaahuu madau, gai koe huli ange doo galaahuu ange laa gi de ia. 40Gai noo dahi dangada e lodo e gaavange goe gi de hainga, i hiidinga ia e lodo e kave doo malo gahu, gai koe gaavange hogi gi de ia doo malo laa daha. 41Gai noo dahi dangada e hagammahi adu koe gi hano madali ia i e dahi maele, gai koe hannoo madali ia i e lua maele. 42Gai koe gaavange gi tangada e dangidangi adu gi de goe i dahi mee, aude daohia au mee i tangada e lodo laa e hai hegau ai.
Aloha i doo hagadaumee
(Luke 6.27-28, 32-36)
43“Goodou gu langona bolo gu tala e hai ange, ‘Aloha i tangada e baa adu gi de goe, gai kino i doo hagadaumee.’ #Lev 19.18 44Aagai au e hai adu gi goodou, aaloha ange gi oodou hagadaumee,#5.44 Hanu beebaa Greek ange laa e hagapuni ange, hagamanuuia ina gilaadeu e hagamalaia ina goodou, gai haia ange tanuaa gi gilaadeu e kino i goodou. gai dalodalo i gilaadeu e vaivai haia goodou, 45gi ni dama ai goodou nii doodou Damana i de langi laa. Ia e hai gi dii de laa i honga o de gau baubau ma gilaadeu e danuaa, gai e hai gi pala iho de langi gi honga olaadeu e heohi, ma gilaadeu e dee heohi. 46Gai noo goodou e aaloha donu huu i gilaadeu e aaloha i goodou, gai e dahi ai naa oodou hagaoanga? E dee aanaa donu hogi hegau a de gau e hagabudulia taagisese e hai? 47Gai noo goodou e hagaboo ange donu huu gi oodou daina, gai e hanu ai oodou mee e dubu ange ai i de gau ange laa? E dee aanaa hogi hegau a denga Gentile e hai laa? 48Deenei ai, goodou gi heohi abodonu, bei doodou Damana i de langi ia e heohi abodonu.#Lev 19.2; Deut 18.13
Currently Selected:
Matthew 5: DBD
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Matthew 5
5
De agoago i honga de mounga
1Gai ga gidee huu e Iesu dangada soa laa, gai ia ga hanage ga noho i honga dahi duuduu. Gai ana dangada agoago ga loomai gi ono daha, 2gai ia ga daamada de agoago ange gilaadeu, ga hai ange:
De manuuia abodonu
(Luke 6.20-23)
3“E manuuia gilaadeu e hagaau aloha i de hagasaalunga;
niiolaadeu de nohoanga hodooligi o de langi!
4E manuuia gilaadeu e daemaha olaadeu lodo;#Isa 61.2
gilaadeu e hagamaamaane naa olaadeu lodo!
5E manuuia gilaadeu e daudonu;
go gilaadeu e henua i henua i lalo!
6E manuuia gilaadeu e hiikai ma de hieunu ange gi de heohi;
gilaadeu e hai naa ga boobosu!
7E manuuia gilaadeu e llodo aaloha;
gilaadeu e kave naa hogi de lodo aloha!
8E manuuia gilaadeu e gilimalali olaadeu lodo;#Psa 24.3-4
go gilaadeu e gidee de Maadua!
9E manuuia gilaadeu e hagadanuaa ina magavaa o dangada;
gilaadeu e hagabinga naa go dama a de Maadua!
10E manuuia gilaadeu e vaivai haia i hiidinga o de mee heohi;
niiolaadeu de nohoanga hodooligi o de langi!
11E manuuia goodou noo e pasa baubau dangada i goodou, ma de vaivai hai goodou, aama de tala denga hagadaagangaa muna hhadu, e hai baasi adu ai gi goodou i ogu hiidinga.#1 Pe 4.14 12Goodou llodo danuaa ma de malangilangi, go hiidinga e laumalie doodou hagaoanga i de langi. Gilaadeu ne vaivai hai donu hogi denga pelaabisi i mua.#2 Ch 36.16; Acts 7.52
Ssoolo ma de laama
(Mark 9.50; Luke 14.34-35)
13“Go goodou soolo o de henua. Aagai noo denga soolo gu dee mami soolo, gai dee hee ai naa de hai e hagaahe ange ai e hai gi mami soolo? Gu deai ono haigamaiana, gai go de tili ange donu huu gi de mommee e dagadagahia ai e dangada.
14Go goodou de maalama o henua i lalo. De aduhale e duu i honga de mounga e dee maua i de hagammuni.#John 8.12; 9.5 15Dangada e dee haula de laama ga haoli ange i lalo dahi bagede, aagai e dugu ange gi honga dono mommee, e hagamaalama ai dangada alodahi i de hale.#Mark 4.21; Luke 8.16; 11.33 16Goodou haia gi gidee e dangada de maalama i oodou daha naa, gai gi gidee ai e gilaadeu oodou hegau danuaa, gai gilaadeu ga tuhi ai doodou Damana i de langi laa.#1 Pe 2.12
De agoago i dagodo o de hainga
17“Goodou aude hagataba bolo au se humai e oha de hainga ma muna a denga pelaabisi. Au tee humai e oha de hainga, aagai au ne humai e hagasula de hainga. 18Ni muna abodonu aagu e hai adu nei gi goodou, de langi ma henua i lalo e llilo naa donu, aagai e deai donu se damaa hagailonga be se doonginga daudahi i de hainga e lilo, ga dae ai gi de odi mee nei i de hagassula.#Luke 16.17 19Deenei ai, be goai e dee daohia dahi hainga damaa mee nei, ma de agoago ange dangada gi dee haia mee nei, gai go ia hugadoo e maolalo i de nohoanga hodooligi o de langi. Aagai be goai e daudali ai ma de agoago mee nei, gai ia e hagabinga bolo e maolunga i de nohoanga hodooligi o de langi. 20Au e hai adu gi goodou, noo oodou heohi e dee kii ange i heohi o de gau sisi ma denga Pharisee, gai goodou e dee ulu donu i de nohoanga hodooligi o de langi.
De agoago i dagodo o de lili
(Luke 12.57-59)
21“Goodou gu langona bolo gu tala ange gi de gau madagidagi, ‘Aude daia tangada gi magau; aagai be goai e daia tangada ga magau e hagamodu donu ono muna.’ #Exo 20.13; Deut 5.17 22Aagai au e tala adu gi goodou, be goai e lili i dono daina,#5.22 be goai e lili i dono daina: hanu beebaa Greek ange laa e hagapuni ange i teai hiidinga. gai e hagamodu donu ono muna; gai e bei ai hogi, be goai e hai ange gi dono daina, ‘Raca’,#5.22 Raca se muna hagangadi mee dangada. gai e hagamodu ono muna i mada i mua o de hagabuulinga hagasaele. Gai be goai e hai ange gi dono daina, ‘Koe se boi donu’, gai e hagaduasala donu i de ahi.
23Deenei ai, noo koe gu kave dau sigidaumaha gi de mommee o ssigidaumaha, gai koe gu manadua bolo doo daina e dahi ana mee e hai baasi adu ai gi de goe, 24gai koe dugua dau mee ngadi gaavange i gaogao de mommee o ssigidaumaha, gai koe hannoo i mua hagadanuaa ina ooluu magavaa ma doo daina, gai koe ga aahe mai ga gaavange dau mee ngadi gaavange.
25Hagamoolau hagaheloongoi ina ooluu magavaa ma doo hagadaumee, i de masavaa ooluu e seesee ai e hulo gi de mommee hagamodu muna, ana vakaa ga gaavange e ia goe gi de ia hagamodu muna, gai de ia hagamodu muna ga gaavange goe gi tangada hagaloosi, gai koe gu tili ange gi lo te hale pono. 26Ni muna abodonu aagu e hai adu nei gi de goe: koe e dee sao mai naa donu ga dae ai gi dau hagao au muli alodahi.
De agoago i dagodo o de dagodo haisala
27“Goodou gu langona bolo gu tala e hai ange, ‘Aude dagodo haisala.’ #Exo 20.14; Deut 5.18 28Aagai au e hai adu gi goodou: be goai e galo ange gi dahi hahine e lodo ange gi de ia, gai ia gu dagodo haisala donu ma ia i ono lodo. 29Noo doo ganomada madau gu hagahaisala goe, aagai koe laoa mai dilia. E danuaa ange de tili dahi mee i doo angaanga i de maga ange o doo angaanga alodahi gi lo te ahi.#Mat 18.9; Mark 9.47 30Aagai noo doo lima madau gu hagahaisala goe, aagai koe duudia dilia. E danuaa ange de tili dahi oo lima, i de maga ange doo angaanga alodahi gi lo te ahi.#Mat 18.8; Mark 9.43
Agoago i dagodo o de maavae
(Mat 19.9; Mark 10.11-12; Luke 16.18)
31“Gai gu tala hogi e hai ange, ‘Be goai naa huu taane e maavae ange gi dono bodu, gai ia gi gaavange gi de ia dahi beebaa maavae.’ #Deut 24.1-4; Mat 19.7; Mark 10.4 32Aagai au e hai adu gi goodou, be goai e maavae ange gi dono bodu, deelaa donu huu go dono dagodo haisala, gai ia e hai de hine laa gi dagodo haisala. Gai be goai e hai bodu ange gi de hine gu maavae laa gu dagodo haisala donu.#Mat 19.9; Mark 10.11-12; Luke 16.18; 1 Co 7.10-11
De agoago i dagodo o denga hagatoo donu
33“Goodou gu langona gu tala ange gi de gau madagidagi, e hai ange, ‘Aude ngadi haia dahi hagatoo donu soe, aagai haia donu gi bei au hagatoo donu ssoe ange gi Tagi Maolunga.’ #Lev 19.12; Num 30.2; Deut 23.21 34Aagai au e hai adu gi goodou, goodou e dee hai donu dahi hagatoo donu soe; e dee hilihili be e hai i de langi, i hiidinga go de mommee iai de nohoanga o de Maadua;#Jms 5.12; Isa 66.1; Mat 23.22 35be gi hagatoo donu i henua i lalo, i hiidinga go de mommee e dugu ange aagena luoono vae; aabe go Jerusalem, i hiidinga go de aduhale o de Hodooligi maolunga.#Isa 66.1; Psa 48.2 36Aude hagatoo donu i doo biho, i hiidinga koe e dee maua donu i de hai dahi sina be se ngaangaaulu uli daudahi. 37Gai goodou hai ange donu huu, ‘Uaa’ be ‘Deai’; gai muna e kii ange i mee nei ni mee mai i daho de ia baubau laa.
De agoago i dagodo o de sui ange de baubau
(Luke 6.29-30)
38“Goodou gu langona bolo gu tala e hai ange, ‘De ganomada e sui ange i de ganomada, gai de niho e sui ange i de niho.’ #Exo 21.24; Lev 24.20; Deut 19.21 39Aagai au e hai adu gi goodou, goodou aude suuia ange hegau a tangada baubau, aagai noo dahi dangada e hagaili doo galaahuu madau, gai koe huli ange doo galaahuu ange laa gi de ia. 40Gai noo dahi dangada e lodo e gaavange goe gi de hainga, i hiidinga ia e lodo e kave doo malo gahu, gai koe gaavange hogi gi de ia doo malo laa daha. 41Gai noo dahi dangada e hagammahi adu koe gi hano madali ia i e dahi maele, gai koe hannoo madali ia i e lua maele. 42Gai koe gaavange gi tangada e dangidangi adu gi de goe i dahi mee, aude daohia au mee i tangada e lodo laa e hai hegau ai.
Aloha i doo hagadaumee
(Luke 6.27-28, 32-36)
43“Goodou gu langona bolo gu tala e hai ange, ‘Aloha i tangada e baa adu gi de goe, gai kino i doo hagadaumee.’ #Lev 19.18 44Aagai au e hai adu gi goodou, aaloha ange gi oodou hagadaumee,#5.44 Hanu beebaa Greek ange laa e hagapuni ange, hagamanuuia ina gilaadeu e hagamalaia ina goodou, gai haia ange tanuaa gi gilaadeu e kino i goodou. gai dalodalo i gilaadeu e vaivai haia goodou, 45gi ni dama ai goodou nii doodou Damana i de langi laa. Ia e hai gi dii de laa i honga o de gau baubau ma gilaadeu e danuaa, gai e hai gi pala iho de langi gi honga olaadeu e heohi, ma gilaadeu e dee heohi. 46Gai noo goodou e aaloha donu huu i gilaadeu e aaloha i goodou, gai e dahi ai naa oodou hagaoanga? E dee aanaa donu hogi hegau a de gau e hagabudulia taagisese e hai? 47Gai noo goodou e hagaboo ange donu huu gi oodou daina, gai e hanu ai oodou mee e dubu ange ai i de gau ange laa? E dee aanaa hogi hegau a denga Gentile e hai laa? 48Deenei ai, goodou gi heohi abodonu, bei doodou Damana i de langi ia e heohi abodonu.#Lev 19.2; Deut 18.13
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.