Matthew 15
15
Dahulinga ma agoago a denga dubuna madagidagi
(Mark 7.1-13)
1Gai hanu Pharisee ma de gau sisi ne loomai i Jerusalem, gi daho Iesu ga ssili ange gi de ia, 2“Gu aha au dangada agoago gu oha ai naa denga dahulinga a denga dubuna madagidagi? Gilaadeu e dee hhui olaadeu lima i mua de gaimee!”
3Iesu ne hai ange gi gilaadeu, “Gai gu aha goodou gu oha ai naa hogi muna a de Maadua, gai ga daudali i oodou dahulinga donu? 4De Maadua gu hagadaba, ‘Hagadubu ina doo damana ma doo dinana,’ gai ‘Tangada e basa hagangadi mee ina dono damana aabe go dono dinana e daa donu gi magau.’ #Exo 20.12; 21.17; Deut 5.16; Lev 20.9 5Aagai goodou e hagataba, ‘Tangada e hai ange gi dono damana, aabe go dono dinana, “Au gu gaavange gi de Maadua de mee e heohi i dagu gaavadu gi de goe,” 6gai e danuaa donu dana dee hagadubu dono damana ma dono dinana.’ Deenei ai, goodou gu hai gi dee hai hegau de hainga a de Maadua i oodou dahulinga donu. 7Goodou e daahangadia dangada! E heohi donu muna a Isaiah gu tala ai oodou dagodo, i dana hagadaba,
8‘De huaadangada nei e hagadubu au i olaadeu ngudu,
aagai olaadeu lodo e mmao gee donu i de au;
9e deai donu haigamaiana delaadeu daumaha mai gi de au,
gilaadeu e agoago hainga a dangada e dagodo be go muna a de Maadua.’ ” #Isa 29.13
Mee e haia ga dee gilimalali tangada
(Mark 7.14-23)
10Aagai Iesu ne hagahi dangada ga hai ange gi gilaadeu, “Goodou hagalaangona muna nei ga haia gi tonu ange goodou aagena. 11E dee go mee e hhao gi lo te ngudu o tangada e haia ga dee gilimalali ia, aagai go mee e ssao mai i lo tono ngudu, e haia ga dee gilimalali ia.”
12Ana dangada agoago ne loomai ga hai ange gi de ia, “Koe gu iloo bolo denga Pharisee gu llili i delaadeu langona au muna?”
13Iesu ne hai ange, “Manu ssomo hugadoo e dee go dogu Damana ne dooa e odi naa donu i de unuunusi age. 14Goodou aude anga ange, gilaadeu ni dagi e dee kide, e dagina de gau dee kide. Noo dahi dangada dee gide e dagidahi dangada dee gide, gai gilaau ngaadahi e too ange donu gi dahi geelinga.” #Luke 6.39
15 Peter ne hai ange gi Iesu, “Daalaa mai gi gimaadeu de hagadoonunga o de mee hagasengasenga laa.”
16Iesu ne hai ange, “Goodou tigi tonu ange naa donu hogi? 17Goodou e dee iloo laa bolo mee e hhao gi lo te ngudu o tangada e hulo gi lo te dinae, ga lava ga ssao ga hulo gee? 18Aagai mee e ssao mai i lo te ngudu o tangada e loomai i lodo o tangada, aanei mee e haia ga dee gilimalali tangada.#Mat 12.34 19Gai aanei mee e loomai i lodo o tangada: go maanadu baubau, ma de daa tangada gi magau, ma de gaiaa de bodu o dahi, ma de hai be se manu, ma de gaiaa, ma de hadu muna i de tala hagadonu, aama de tala hagabaubau dahi. 20Aanei mee e haia ga dee gilimalali tangada, aagai de gaimee i lima e dee hhui e dee maua donu i de hai gi dee gilimalali tangada.”
De gai o dahi hahine Canaan
(Mark 7.24-30)
21Iesu ne hano gee mai i kilaa ga hano gi de ungaamee o Tyre ma Sidon. 22Gai tilo, dahi hahine Canaan ne humai ga oo ga dangidangi ange gi de ia, ga hai ange, “Tagi Maolunga, Tama a David! Lodo aloha mai gi de au; dagu damaa hine gu iai de hagasaalunga baubau, gai ia gu duasala mmao.”
23Aagai ia tee basa ange gi de ia. Gai ana dangada agoago gu tae mai ga usuusu ange ia, ga hai ange, “Haia de hine naa gi hano, go hiidinga ia e daudali mai i gidaadeu ma e hagalongaa ai.”
24Aagai Iesu ga hai ange gi gilaadeu, “Au ne hai donu huu gi humai gi denga ssiibi gu dee maaleva laa i daho de gau Israel.”
25Aagai de hine laa ga humai ga ino gi lalo i ono mada i mua ga dangidangi ange, “Tagi Maolunga, balea mai au!”
26Iesu ne hai ange gi de ia, “E dee heohi de kave gai a denga dama e tili ange gi denga gaaduu.”
27De hine laa ne hai ange, “Ni muna abodonu e Tagi Maolunga, aagai denga gaaduu e gai donu hogi amuamu mee e too iho i teebele o de gau aamua.”
28Aagai Iesu ga hai ange gi de hine laa, “De hine, doo gai e laumalie mmao! Gu hai donu gi bei dau dangidangi.” Aagai de hagasaalunga baubau gu hano gee i daho dana damaa hine i de masavaa laa donu huu.
De hagaieiangi o dangada soa
29Iesu ne hano gee i de mommee laa ga hano laa gaogao de Vai o Galilee. Gai ia ne hanage i dahi duuduu ga noho i kilaa. 30Gai dangada soa mmao gu loomai gi ono daha, ma de gaamai de gau baagia, ma de gau dee kide, ma de gau balagelage, ma de gau e dee maua i de pasa, aama denga hagadaagangaa magi ange laa, gai ga hagadaakodo i gaogao luoono vae, gai ia ga hagaieiangi gilaadeu. 31Gai dangada soa gu llele mouli i delaadeu gidee tangada e dee basa laa gu basa, tangada baagia gu ieiangi, tangada balagelage gu seesee, gai tangada dee gide gu gidee. Gai gilaadeu ga tuhi de Maadua o Israel.
De haangai o de haamano
(Mark 8.1-10)
32Iesu ne hagahi hogi ana dangada agoago ga hai ange, “Au gu lodo aloha i de gau soa nei, go hiidinga gu dolu laangi olaadeu ne nnoho ai i ogu daha, gai gu deai hogi alaadeu gai. Au e dee lodo e hai gilaadeu gi hulo i de masavaa olaadeu e hiikai ai, ana vakaa ga ssili mada gilaadeu i delaadeu seesee e hulo i honga de haiava.”
33Ana dangada agoago ne ssili ange gi de ia, “Gai go hee e hai ai hanu pelaoaa lagolago e haangai ai dangada soa nei?”
34Iesu ne ssili ange hogi gi gilaadeu, “E hia pelaoaa i oodou daha?”
Gilaadeu ne hai ange gi de ia, “E hidu, gai e hia hogi mamu vaaligi.”
35Gai Iesu ne hai dangada soa laa gi nnoho gi honga de gelegele. 36Gai ia ga poo mai denga pelaoaa e hidu aama mamu laa, ga dalodalo, ga dohidohi ga gaavange gi ana dangada agoago, gai ana dangada agoago ga duha ange gi de hagabuulingaa dangada laa. 37Gai dangada alodahi ne gaimee ga boobosu. Gai denga dangada agoago ga hagabudu mee ne doe ga hhao ai e hidu gede. 38E haamano daane ne gaimee i mee nei, gai e hanu hogi haahine ma gauligi. 39Gai Iesu ga hai gi hulo dangada, gai ia ga gage i de boose ga hano ai gi de mommee go Magadan.
Currently Selected:
Matthew 15: DBD
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Matthew 15
15
Dahulinga ma agoago a denga dubuna madagidagi
(Mark 7.1-13)
1Gai hanu Pharisee ma de gau sisi ne loomai i Jerusalem, gi daho Iesu ga ssili ange gi de ia, 2“Gu aha au dangada agoago gu oha ai naa denga dahulinga a denga dubuna madagidagi? Gilaadeu e dee hhui olaadeu lima i mua de gaimee!”
3Iesu ne hai ange gi gilaadeu, “Gai gu aha goodou gu oha ai naa hogi muna a de Maadua, gai ga daudali i oodou dahulinga donu? 4De Maadua gu hagadaba, ‘Hagadubu ina doo damana ma doo dinana,’ gai ‘Tangada e basa hagangadi mee ina dono damana aabe go dono dinana e daa donu gi magau.’ #Exo 20.12; 21.17; Deut 5.16; Lev 20.9 5Aagai goodou e hagataba, ‘Tangada e hai ange gi dono damana, aabe go dono dinana, “Au gu gaavange gi de Maadua de mee e heohi i dagu gaavadu gi de goe,” 6gai e danuaa donu dana dee hagadubu dono damana ma dono dinana.’ Deenei ai, goodou gu hai gi dee hai hegau de hainga a de Maadua i oodou dahulinga donu. 7Goodou e daahangadia dangada! E heohi donu muna a Isaiah gu tala ai oodou dagodo, i dana hagadaba,
8‘De huaadangada nei e hagadubu au i olaadeu ngudu,
aagai olaadeu lodo e mmao gee donu i de au;
9e deai donu haigamaiana delaadeu daumaha mai gi de au,
gilaadeu e agoago hainga a dangada e dagodo be go muna a de Maadua.’ ” #Isa 29.13
Mee e haia ga dee gilimalali tangada
(Mark 7.14-23)
10Aagai Iesu ne hagahi dangada ga hai ange gi gilaadeu, “Goodou hagalaangona muna nei ga haia gi tonu ange goodou aagena. 11E dee go mee e hhao gi lo te ngudu o tangada e haia ga dee gilimalali ia, aagai go mee e ssao mai i lo tono ngudu, e haia ga dee gilimalali ia.”
12Ana dangada agoago ne loomai ga hai ange gi de ia, “Koe gu iloo bolo denga Pharisee gu llili i delaadeu langona au muna?”
13Iesu ne hai ange, “Manu ssomo hugadoo e dee go dogu Damana ne dooa e odi naa donu i de unuunusi age. 14Goodou aude anga ange, gilaadeu ni dagi e dee kide, e dagina de gau dee kide. Noo dahi dangada dee gide e dagidahi dangada dee gide, gai gilaau ngaadahi e too ange donu gi dahi geelinga.” #Luke 6.39
15 Peter ne hai ange gi Iesu, “Daalaa mai gi gimaadeu de hagadoonunga o de mee hagasengasenga laa.”
16Iesu ne hai ange, “Goodou tigi tonu ange naa donu hogi? 17Goodou e dee iloo laa bolo mee e hhao gi lo te ngudu o tangada e hulo gi lo te dinae, ga lava ga ssao ga hulo gee? 18Aagai mee e ssao mai i lo te ngudu o tangada e loomai i lodo o tangada, aanei mee e haia ga dee gilimalali tangada.#Mat 12.34 19Gai aanei mee e loomai i lodo o tangada: go maanadu baubau, ma de daa tangada gi magau, ma de gaiaa de bodu o dahi, ma de hai be se manu, ma de gaiaa, ma de hadu muna i de tala hagadonu, aama de tala hagabaubau dahi. 20Aanei mee e haia ga dee gilimalali tangada, aagai de gaimee i lima e dee hhui e dee maua donu i de hai gi dee gilimalali tangada.”
De gai o dahi hahine Canaan
(Mark 7.24-30)
21Iesu ne hano gee mai i kilaa ga hano gi de ungaamee o Tyre ma Sidon. 22Gai tilo, dahi hahine Canaan ne humai ga oo ga dangidangi ange gi de ia, ga hai ange, “Tagi Maolunga, Tama a David! Lodo aloha mai gi de au; dagu damaa hine gu iai de hagasaalunga baubau, gai ia gu duasala mmao.”
23Aagai ia tee basa ange gi de ia. Gai ana dangada agoago gu tae mai ga usuusu ange ia, ga hai ange, “Haia de hine naa gi hano, go hiidinga ia e daudali mai i gidaadeu ma e hagalongaa ai.”
24Aagai Iesu ga hai ange gi gilaadeu, “Au ne hai donu huu gi humai gi denga ssiibi gu dee maaleva laa i daho de gau Israel.”
25Aagai de hine laa ga humai ga ino gi lalo i ono mada i mua ga dangidangi ange, “Tagi Maolunga, balea mai au!”
26Iesu ne hai ange gi de ia, “E dee heohi de kave gai a denga dama e tili ange gi denga gaaduu.”
27De hine laa ne hai ange, “Ni muna abodonu e Tagi Maolunga, aagai denga gaaduu e gai donu hogi amuamu mee e too iho i teebele o de gau aamua.”
28Aagai Iesu ga hai ange gi de hine laa, “De hine, doo gai e laumalie mmao! Gu hai donu gi bei dau dangidangi.” Aagai de hagasaalunga baubau gu hano gee i daho dana damaa hine i de masavaa laa donu huu.
De hagaieiangi o dangada soa
29Iesu ne hano gee i de mommee laa ga hano laa gaogao de Vai o Galilee. Gai ia ne hanage i dahi duuduu ga noho i kilaa. 30Gai dangada soa mmao gu loomai gi ono daha, ma de gaamai de gau baagia, ma de gau dee kide, ma de gau balagelage, ma de gau e dee maua i de pasa, aama denga hagadaagangaa magi ange laa, gai ga hagadaakodo i gaogao luoono vae, gai ia ga hagaieiangi gilaadeu. 31Gai dangada soa gu llele mouli i delaadeu gidee tangada e dee basa laa gu basa, tangada baagia gu ieiangi, tangada balagelage gu seesee, gai tangada dee gide gu gidee. Gai gilaadeu ga tuhi de Maadua o Israel.
De haangai o de haamano
(Mark 8.1-10)
32Iesu ne hagahi hogi ana dangada agoago ga hai ange, “Au gu lodo aloha i de gau soa nei, go hiidinga gu dolu laangi olaadeu ne nnoho ai i ogu daha, gai gu deai hogi alaadeu gai. Au e dee lodo e hai gilaadeu gi hulo i de masavaa olaadeu e hiikai ai, ana vakaa ga ssili mada gilaadeu i delaadeu seesee e hulo i honga de haiava.”
33Ana dangada agoago ne ssili ange gi de ia, “Gai go hee e hai ai hanu pelaoaa lagolago e haangai ai dangada soa nei?”
34Iesu ne ssili ange hogi gi gilaadeu, “E hia pelaoaa i oodou daha?”
Gilaadeu ne hai ange gi de ia, “E hidu, gai e hia hogi mamu vaaligi.”
35Gai Iesu ne hai dangada soa laa gi nnoho gi honga de gelegele. 36Gai ia ga poo mai denga pelaoaa e hidu aama mamu laa, ga dalodalo, ga dohidohi ga gaavange gi ana dangada agoago, gai ana dangada agoago ga duha ange gi de hagabuulingaa dangada laa. 37Gai dangada alodahi ne gaimee ga boobosu. Gai denga dangada agoago ga hagabudu mee ne doe ga hhao ai e hidu gede. 38E haamano daane ne gaimee i mee nei, gai e hanu hogi haahine ma gauligi. 39Gai Iesu ga hai gi hulo dangada, gai ia ga gage i de boose ga hano ai gi de mommee go Magadan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.