Matthew 14
14
De magau o John taane Babudaisi
(Mark 4.14-29; Luke 9.7-9)
1Laangi laa Herod, de tetrarch o Galilee, ne langona e ia longo o Iesu, 2gai ia ga hai ange gi ono dangada hai hegau, “Deenei donu taane babudaisi go John; ia gu mouli age! Aanei hiidinga gu hai ai nei denga sauaa hagalele mouli i ono daha.”
3Go hiidinga Herod ne poo John ga tili ange gi lo te hale pono i hiidinga o Herodias, de bodu o dono daina daane go Philip,#Luke 3.19-20 4i hiidinga John ne hai ange gi Herod, “E dee heohi doo hai bodu ange gi de hine naa.” #Lev 18.16; 20.21 5Gai Herod ne lodo e daa John gi magau, gai ia ne madagu i dangada, go hiidinga gilaadeu e hagataba bolo John se pelaabisi.
6Gai de boo huu o Herod, gai tamaa hine a Herodias ga anu i madamada o dangada e gaimee laa i taonga, gai Herod gu malangilangi mmao, 7gai ia ne hai dahi hagatoo donu soe, bolo ia e gaavange gi de ia mee alodahi oona e dangidangi ange ai. 8Gai tamaa hine laa ne hagabasa ina e dono dinana, gai ia ga hai ange, “Gaamai gi de au, de biho o John taane Babudaisi i honga de gumedi baabaa nei.” 9Gai de hodooligi gu dee baba; go hiidinga ia gu hagatoo donu i madamada o dangada e gaimee laa i taonga, gai ia ga hagadaba bolo gi haia gi bei tangidangi a tamaa hine laa. 10Gai Herod ga aalu ga tuu de ua o John i lo te hale pono. 11Gai dono biho gu gaamai i honga dahi gumedi baabaa ga gaavange gi tamaa hahine laa, gai ia ga kave ga gaavange gi dono dinana. 12Gai denga dangada agoago a John ga hulo ga kave de angaanga o John ga danu. Muli mai gai gilaadeu ga hulo ga tala ange gi Iesu.
De haangai o de limamano
(Mark 6.30-44; Luke 9.10-17; John 6.1-14)
13Gai ga langona huu e Iesu mee laa, gai ia ga gage i de boose ga hano gee mai i kilaa, ga hano gi dahi mommee e deai dangada iai. Aagai dangada soa gu langona, gai gilaadeu ga seesee mai i denga aduhale ga loomai gi ono daha. 14Gai ga dae huu Iesu gi de mommee laa ga hanage gi uda, gai ia gu gidee dangada soa mmao, aagai ia gu lodo aloha i gilaadeu ga hagaieiangi alaadeu magi.
15Gai ga ahiahi huu de mee, aagai ana dangada agoago ga loomai, ga hai ange, “De mommee nei e deai dangada iai, gai gu dai boo hogi de mee. Haia gi hulo dangada gi denga aduhale gi hagao ina ai alaadeu gai.”
16Iesu ne hai ange gi gilaadeu, “Gilaadeu e dee hulo; goodou hangaina ange gilaadeu!”
17Gilaadeu ne hai ange, “E lima donu huu pelaoaa ma e lua mamu i omaadeu daha.”
18Iesu ne hai ange gi gilaadeu, “Gaamai mee naa gi ogu daha i kinei.” 19Aagai ia ga hai dangada gi nnoho i honga denga helii, gai ia ga poo mai pelaoaa e lima ma mamu e lua laa, gai ia ga galo age gi de langi ga dalodalo, ga dohidohi, ga gaavange gi ana dangada agoago, gai gilaadeu ga duha ange gi dangada. 20Gai dangada alodahi gu gaimee ga boobosu. Gai ana dangada agoago ga hagabudu mee ne doe ga hhao ai e madaangahulu ma lua gede. 21Agu made ne limamano alodahi daane ne gaimee, gai e hanu hogi haahine ma gauligi.
De seesee o Iesu i honga de vai
(Mark 6.45-52; John 6.15-21)
22De masavaa laa donu huu gai Iesu ga hai ana dangada agoago gi kage i de boose, gi hulo i ono mada i mua gi de baasi gee o de vai, gai ia ga hai dangada gi hulo. 23Gai ga lava huu i dana hai gi hulo dangada, gai ia ga hanage gi de mounga e dalodalo ai. Gai ga ahiahi huu de mee, gai go ia donu huu e doe i kilaa, 24gai de boose laa gu mmao gee mai i de henua, gai e hagailiilihia saele i denga beau, go hiidinga de madangi mmahi e humai i madaa moni.
25Gai daha de haa aoaa huu i masavaa dagitilo i boo taiao, aagai Iesu ne seesee ga hano gi daho ana dangada agoago i honga de vai. 26Gai ga gidee huu e ana dangada agoago Iesu e seesee i honga de vai, gai gilaadeu gu maatagu mmao ga hagataba, “Se eidu deenei!”, gai gilaadeu ga oo i hiidinga delaadeu maatagu.
27De masavaa laa donu huu gai Iesu ga basa ange, ga hai ange, “Goodou gi lodo mmahi; go au donu deenei. Goodou gi dee maatagu!”
28Gai Peter ga hai ange, “Tagi Maolunga, noo go koe donu deenaa, aagai koe hai mai au gi seesee adu gi oo daha i honga de vai.”
29Iesu ne hai ange, “Humai!”
Gai Peter ga iho mai i de boose ga seesee i honga de vai e hano gi daho Iesu. 30Aagai ga gidee huu e ia de madangi mmahi, gai ia gu madagu ga daamada de abulu, gai ia ga oo ga hai ange, “Tagi Maolunga, hagaola ina mai au!”
31De masavaa laa donu huu gai Iesu ga haalo ange dono lima ga poo Peter, ga hai ange gi de ia, “E damaa mee mmao doo gai. Gu aha gu lua lodo ai naa goe?”
32Gai de masavaa huu olaau ne kage ai gi lo te boose, gai gu sili de madangi. 33Gai gilaadeu i lo te boose laa ne ino gi lalo ga daumaha ange gi Iesu, ga hai ange, “Ni muna abodonu, go koe donu Tama Daane a de Maadua.”
Iesu e hagaieiangi magi i Gennesaret
(Mark 6.53-56)
34Gai de masavaa olaadeu ne tae ai gi de baasi gee o de vai, gai gilaadeu ne tau age i Gennesaret. 35Gai dangada o de henua laa gu madea e gilaadeu Iesu, gai gilaadeu ga aalu gi gaamai denga magi i de henua laa alodahi. Gai dangada ga gaamai alaadeu magi alodahi gi de ia 36ga dangidangi ange ia gi dugua ange denga magi gi boogia ange de bido o dono malo laa daha. Gai dangada alodahi ne boogia ange ono malo gu ieiangi.
Currently Selected:
Matthew 14: DBD
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Matthew 14
14
De magau o John taane Babudaisi
(Mark 4.14-29; Luke 9.7-9)
1Laangi laa Herod, de tetrarch o Galilee, ne langona e ia longo o Iesu, 2gai ia ga hai ange gi ono dangada hai hegau, “Deenei donu taane babudaisi go John; ia gu mouli age! Aanei hiidinga gu hai ai nei denga sauaa hagalele mouli i ono daha.”
3Go hiidinga Herod ne poo John ga tili ange gi lo te hale pono i hiidinga o Herodias, de bodu o dono daina daane go Philip,#Luke 3.19-20 4i hiidinga John ne hai ange gi Herod, “E dee heohi doo hai bodu ange gi de hine naa.” #Lev 18.16; 20.21 5Gai Herod ne lodo e daa John gi magau, gai ia ne madagu i dangada, go hiidinga gilaadeu e hagataba bolo John se pelaabisi.
6Gai de boo huu o Herod, gai tamaa hine a Herodias ga anu i madamada o dangada e gaimee laa i taonga, gai Herod gu malangilangi mmao, 7gai ia ne hai dahi hagatoo donu soe, bolo ia e gaavange gi de ia mee alodahi oona e dangidangi ange ai. 8Gai tamaa hine laa ne hagabasa ina e dono dinana, gai ia ga hai ange, “Gaamai gi de au, de biho o John taane Babudaisi i honga de gumedi baabaa nei.” 9Gai de hodooligi gu dee baba; go hiidinga ia gu hagatoo donu i madamada o dangada e gaimee laa i taonga, gai ia ga hagadaba bolo gi haia gi bei tangidangi a tamaa hine laa. 10Gai Herod ga aalu ga tuu de ua o John i lo te hale pono. 11Gai dono biho gu gaamai i honga dahi gumedi baabaa ga gaavange gi tamaa hahine laa, gai ia ga kave ga gaavange gi dono dinana. 12Gai denga dangada agoago a John ga hulo ga kave de angaanga o John ga danu. Muli mai gai gilaadeu ga hulo ga tala ange gi Iesu.
De haangai o de limamano
(Mark 6.30-44; Luke 9.10-17; John 6.1-14)
13Gai ga langona huu e Iesu mee laa, gai ia ga gage i de boose ga hano gee mai i kilaa, ga hano gi dahi mommee e deai dangada iai. Aagai dangada soa gu langona, gai gilaadeu ga seesee mai i denga aduhale ga loomai gi ono daha. 14Gai ga dae huu Iesu gi de mommee laa ga hanage gi uda, gai ia gu gidee dangada soa mmao, aagai ia gu lodo aloha i gilaadeu ga hagaieiangi alaadeu magi.
15Gai ga ahiahi huu de mee, aagai ana dangada agoago ga loomai, ga hai ange, “De mommee nei e deai dangada iai, gai gu dai boo hogi de mee. Haia gi hulo dangada gi denga aduhale gi hagao ina ai alaadeu gai.”
16Iesu ne hai ange gi gilaadeu, “Gilaadeu e dee hulo; goodou hangaina ange gilaadeu!”
17Gilaadeu ne hai ange, “E lima donu huu pelaoaa ma e lua mamu i omaadeu daha.”
18Iesu ne hai ange gi gilaadeu, “Gaamai mee naa gi ogu daha i kinei.” 19Aagai ia ga hai dangada gi nnoho i honga denga helii, gai ia ga poo mai pelaoaa e lima ma mamu e lua laa, gai ia ga galo age gi de langi ga dalodalo, ga dohidohi, ga gaavange gi ana dangada agoago, gai gilaadeu ga duha ange gi dangada. 20Gai dangada alodahi gu gaimee ga boobosu. Gai ana dangada agoago ga hagabudu mee ne doe ga hhao ai e madaangahulu ma lua gede. 21Agu made ne limamano alodahi daane ne gaimee, gai e hanu hogi haahine ma gauligi.
De seesee o Iesu i honga de vai
(Mark 6.45-52; John 6.15-21)
22De masavaa laa donu huu gai Iesu ga hai ana dangada agoago gi kage i de boose, gi hulo i ono mada i mua gi de baasi gee o de vai, gai ia ga hai dangada gi hulo. 23Gai ga lava huu i dana hai gi hulo dangada, gai ia ga hanage gi de mounga e dalodalo ai. Gai ga ahiahi huu de mee, gai go ia donu huu e doe i kilaa, 24gai de boose laa gu mmao gee mai i de henua, gai e hagailiilihia saele i denga beau, go hiidinga de madangi mmahi e humai i madaa moni.
25Gai daha de haa aoaa huu i masavaa dagitilo i boo taiao, aagai Iesu ne seesee ga hano gi daho ana dangada agoago i honga de vai. 26Gai ga gidee huu e ana dangada agoago Iesu e seesee i honga de vai, gai gilaadeu gu maatagu mmao ga hagataba, “Se eidu deenei!”, gai gilaadeu ga oo i hiidinga delaadeu maatagu.
27De masavaa laa donu huu gai Iesu ga basa ange, ga hai ange, “Goodou gi lodo mmahi; go au donu deenei. Goodou gi dee maatagu!”
28Gai Peter ga hai ange, “Tagi Maolunga, noo go koe donu deenaa, aagai koe hai mai au gi seesee adu gi oo daha i honga de vai.”
29Iesu ne hai ange, “Humai!”
Gai Peter ga iho mai i de boose ga seesee i honga de vai e hano gi daho Iesu. 30Aagai ga gidee huu e ia de madangi mmahi, gai ia gu madagu ga daamada de abulu, gai ia ga oo ga hai ange, “Tagi Maolunga, hagaola ina mai au!”
31De masavaa laa donu huu gai Iesu ga haalo ange dono lima ga poo Peter, ga hai ange gi de ia, “E damaa mee mmao doo gai. Gu aha gu lua lodo ai naa goe?”
32Gai de masavaa huu olaau ne kage ai gi lo te boose, gai gu sili de madangi. 33Gai gilaadeu i lo te boose laa ne ino gi lalo ga daumaha ange gi Iesu, ga hai ange, “Ni muna abodonu, go koe donu Tama Daane a de Maadua.”
Iesu e hagaieiangi magi i Gennesaret
(Mark 6.53-56)
34Gai de masavaa olaadeu ne tae ai gi de baasi gee o de vai, gai gilaadeu ne tau age i Gennesaret. 35Gai dangada o de henua laa gu madea e gilaadeu Iesu, gai gilaadeu ga aalu gi gaamai denga magi i de henua laa alodahi. Gai dangada ga gaamai alaadeu magi alodahi gi de ia 36ga dangidangi ange ia gi dugua ange denga magi gi boogia ange de bido o dono malo laa daha. Gai dangada alodahi ne boogia ange ono malo gu ieiangi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.