Luke Hanu dagodo o de beebaa nei
Hanu dagodo o de beebaa nei
Luke ne sisi ange de Longo Danuaa nei gi Theophilus, ma denga Gentile alodahi i daha de ngadau e 60 a.d. Taane go Luke se dangada hai magi (Col 4.4), gai se Gentile. Ia tee adamaia age hegau ma de mouli o Iesu, gai ia ne ssala mee nei bei dana hai ne langona ai, i daho dangada ne gidee laa Iesu ma ana hegau (Luke 1.3). Luke se daane ne hai hegau madali a Paul ga dae ai gi de magau o Paul (2 Tim 4.11).
De Longo Danuaa a Luke e tala bolo Iesu go de Ia Hagamouli o Israel, aama dangada alodahi gu lava laa i de hagatoo donu. Gai de Hagasaalunga o de Maadua ne hagadabu Iesu, “gi daalaa ange de Longo Danuaa gi de gau hagaau aloha” (4.18). De Longo Danuaa nei e sisi ai dagodo o denga hagadaagangaa duasala o dangada, gai dagodo o de malangilangi e sisi laa i denga mada i taamada, go mada e tala ai de humai o Iesu. Gai mee nei e tala hogi i denga mada hagaodi, i de masavaa o Iesu ne gaavage ai gi de langi.
Luke ne sisi hogi dagodo o de dele de Longo Danuaa ma de soa dangada ne hagadonusia, i dua de gaavage o Iesu. Gai de mee nei e tala hogi i de beebaa go Acts.
E hanu mee e sisi i Luke e dee sisi i denga Longo Danuaa ange laa: go taahili a de gau de langi, ma de loomai o de gau hagaloosi ssiibi gi de haanau o Iesu, ma de noho o Iesu i de temple i dono masavaa e gauligi ai, ma de mee hagasengasenga o taane Samaria danuaa, aama de mee hagasengasenga o tama daane tee maleva laa. E lagolago hogi mommee i de Longo Danuaa nei e basa ai i dagodo o talodalo, ma de Hagasaalunga Dabu, ma hegau a denga haahine ne balea hegau a Iesu, aama de degi ange o de Maadua gi haisala o dangada.
Hanu gubu hagamogomogo: “Iesu ne hai ange gi de ia, ‘De hagamouli gu dae mai gi de hale nei anailaa nei, go hiidinga taane nei se mogobuna donu hogi niio Abraham. Go hiidinga Tama a Tangada ne humai e ssala ma de hagaola gilaadeu gu dee maaleva laa’ ” (19.9-10).
Denga vaevaaenga
Muna i taamada (1.1-4)
De haanau o John aama Iesu (1.5—2.52)
Hegau a John taane Babudaisi (3.1-20)
De babudaisi ma de hagatale o Iesu (3.21—4.13)
Hegau a Iesu i Galilee (4.14—9.50)
De humai o Iesu i Galilee ga hano gi Jerusalem (9.51—19.27)
Hegau a Iesu i de uvigi hagaodi i mommee e paa ange gi Jerusalem (19.28—23.56)
De mouli age, de hakide ange o Iesu gi hanu, aama dono gaavage gi de langi (24.1-53)
Currently Selected:
Luke Hanu dagodo o de beebaa nei: DBD
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.