Habakkuk 2
2
1Au e duu naa ga dagitilo,
au e noho naa i honga de mommee dagitilo;
e tilo ai be aahee ana muna e tala mai gi de au,
ma dagu hai e basa ange ai gi agu muna e nanu ai.
Muna a Tagi Maolunga ne basa ange ai
2Gai Tagi Maolunga ne hai mai gi de au:
“Siia de midi hagaago ange nei,
ma de sisi gi daakodo danuaa i honga denga duu hadu,
gi maua ai e tangada e savini mai laa kilaa i de dau.
3Gai de midi hagaago ange e tali dono masavaa;
de masavaa gu dae mai donu,
gai e dee mmule naa donu.
Gai ga mmule naa donu, gai koe daalia donu huu;
e dae mai naa donu, e dee mmule naa donu.#Heb 10.37
4Tilo, ia e lodo maolunga,
gai ono lodo e dee heohi;
aagai tangada heohi e mouli donu i dono gai.#Rom 1.17; Gal 3.11; Heb 10.38
5E dahi ange mee, denga uvaini e hagasenga ia;
ia e lodo maolunga gai e dee hagamabu donu.
Go hiidinga dono nnoo hagamau mee e bei de mommee o de gau maakau,
gai e bei de magau e dee maua laa gi lava ana dangada e kave;
ia e hagabudu denga huaahenua alodahi,
ma de hagadee kii denga huaadangada alodahi.
6E aha, dangada alodahi e dee hagammae manava naa
ma de hakadanga i de ia ga hagataba,
‘E vakaa naa tangada e hagabudulia denga goloa gaiaa
ma de hai gi lava ia i de mee ne hai gi de mahi!
Dee hee maa taulooloa de hai mee nei?’
7E aha, dangada oou e muli ange aagena e dee moolau naa de loomai?
Gilaadeu e dee loomai naa ga hagamadagu goe?
Gai gilaadeu e hai naa goe bei goloa e haia laa gi de mahi.
8Koe ne hai gi de mahi mee a denga huaahenua soa,
deelaa ai, dangada e doe i denga huaadangada e hai naa gi de mahi oo goloa.
Go hiidinga koe ne daa dangada ga maakau;
koe ne oha denga henua ma aduhale aama dangada alodahi e nnoho ai.
9E vakaa tangada e hagaduulia dono hale i mee e maua i hegau baubau,
ma de hili dono hoohanga i de mommee maolunga, gi noho baba ai ia!
10Koe ne hagatau dau hai e oha ai denga huaadangada soa,
ga hagadogaa ai doo huaabodu
ma de hagahai ngadaa ai doo mouli donu.
11Denga hadu o de buibui e oo naa ga hagabaubau goe,
gai denga laagau e hagaahe age naa muna laa.
12E vakaa naa tangada e hagaduulia dahi aduhale i de daa dangada ga maakau,
ma de hagaduu dahi aduhale i hegau baubau!
13Tilo, e aha, tee hagatau ina e Tagi o denga hagabuulinga hebagi
bolo hegau a dangada ni mee donu huu e dudu i de ahi,
gai denga huaahenua gi hagadaalea ange gi hanu ngadi mee?
14Go hiidinga henua i lalo e hhao naa ga honu
i de iloo mee o de mahamaha o Tagi Maolunga,
bei de hagahonu o tai i denga lausedi.#Isa 11.9
15E vakaa naa tangada e gaavange mee vii
gi dangada e paa ange gi de ia,
ma de hagaunu gilaadeu gi ssenga,
gai koe ga tilo ai delaadeu gilisau!
16Koe e dogaa naa, e dee hagadubulia.
Koe gi hagaunu ina donu huu goe, ma de hai gi gilisau goe!
De ubu mai i de lima madau o Tagi Maolunga
e hagadige mai naa gi de goe,
gai doo hagadubu e sui naa ga se hagangadi mee!
17Au hegau alasala ne hai ange gi Lebanon e hai naa ga manavasaa oo lodo,
gai dau daa ga maakau denga manu dolodolo e hai naa goe ga madagu,
i hiidinga dodo o dangada
ma dau vaivai hai denga henua ma aduhale
aama dangada alodahi e nnoho ai.
18Ni haigamaiana aha o dahi diinonga, noo se mee nii tangada ne hagaduu;
gai se diinonga baalanga e agoagona denga muna hhadu?
Gai tangada ne haia e tali hagalodolodo ange gi dana mee ne hagaduu;
gai denga diinonga aana e hai e dee maua i de pasa!
19E vakaa naa tangada e hai ange gi de laagau, ‘Alahage!’
gai e hai ange gi de hadu, ‘Hidi age!’
E aha, e maua de mee nei i de agoago ange ia?
Tilo, de hadu laa e haoli i goolo ma selevaa,
gai e dee manamanava.
20Aagai Tagi Maolunga e noho i dono temple dabu;
henua i lalo alodahi gi dee mmuu i ono mada i mua.”
Currently Selected:
Habakkuk 2: DBD
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.