Acts 3
3
De hagaieiangi o taane balagelage
1Dahi laangi gai Peter ma John ne hulo gi de temple i de daa tolu i muli de hualaangi,#3.1 tolu i muli de hualaangi: de Beebaa Greek e hai ange bolo go ssiva aoaa. go de masavaa e dalodalo ai. 2Gai e dahi daane ne balagelage mai i dono haanau gu sabaia mai ma gu hagadagodo i gaogao de haitoga o de temple i laangi alodahi. Deenei de haitoga e hagaingoo ange laa bolo go de Haitoga Mahamaha. Gai ia e noho ma e dangidangi i mee ngadi gaavange mai i daho dangada e ulu laa i de temple. 3Gai ga gidee huu e ia Peter ma John gu loomai e ulu i de temple, gai ia ga dangidangi ange gi gilaau i hanu mee ngadi gaavange. 4Gai Peter ma John ga haaina ia, gai Peter ga hai ange gi de ia, “Galo mai mage diiloo gimaau!” 5Gai taane laa ga galo ange ga haaina gilaau, ia ne maanadu i ono lodo bolo ia e kave naa hanu mee mai i olaau daha.
6Aagai Peter ga hai ange gi de ia, “Au e deai donu agu selevaa be ni goolo, gai au e gaavadu gi de goe de mee e dahi i ogu daha: i de ingoo o Iesu Klisdo o Nazareth, hidi age seesee!” 7Gai Peter ga poo dono lima madau ga hagaduu age ia gi lunga, gai de masavaa laa donu huu gai gu hanu mahi i lodo luoono alohi vae ma lodo luoono gubu vae. 8Gai taane laa ga hidi age ga duu gi lunga, gai ia ga seesee ga ulu madali gilaau i de temple. Gai ia ne seesee ga lellele gi lunga ga tuhi de Maadua. 9Gai dangada alodahi ne gidee ia e seesee ma de tuhi de Maadua, 10gai gilaadeu ne madea bolo ia go taane nogo noho laa ma e dangidangi i mee ngadi gaavange i de haitoga o de temple e hagaingoo ange laa go de Haitoga Mahamaha. Gai gilaadeu gu llele mouli ma de maatagu i mee gu hai ange laa gi de ia.
De agoago o Peter i de temple
11Gai de masavaa o taane nogo balagelage laa ne daohi ai Peter ma John, gai dangada alodahi ga saavini mai gi olaadeu daha i de mommee e hagabinga ange laa go de Velanda o Solomon, gilaadeu gu kona de llele mouli. 12Gai ga gidee huu e Peter mee nei, gai ia ga hai ange gi dangada, “Denga daane o Israel, gu aha gu llele ai naa oodou mouli i mee nei? Gai gu aha gu haaina ai naa goodou gimaau, e dagodo be go gimaau ne haia ga seesee taane nei i omaau sauaa ma omaau danuaa donu huu? 13De Maadua o Abraham, ma Isaac aama Jacob, de Maadua o odaadeu dubuna madagidagi, gu hagamahamaha dono dangada hai hegau go Iesu, go de ia oodou ne gaavange ga daa gi magau ma de hagangadi mee i mada i mua o Pilate, e dee galemu donu dana hagatale de hagaola ia.#Exo 3.6, 15 14Aagai goodou ne hagangadi mee de Ia Dabu ma de Ia Heohi laa, gai ne dangidangi ange gi hagasao ina mai gi goodou dahi daane daa dangada.#Mat 27.15-23; Mark 15.6-14; Luke 23.13-23; John 19.12-15 15Goodou ne daa ga magau Tagi o de mouli, gai de Maadua ne hagamouli age ia mai i de magau. Gai gimaadeu ni dangada e daalaa hagadonu dagodo o mee nei. 16Gai go de gai ange gi de ingoo o Iesu, o taane oodou e gidee nei ma de iloo ne ieiangi ai. Gai go de ingoo o Iesu ma de gai ange gi de ia ne haia ga ieiangi taane nei, bei doodou hai ne gidee ai nei.
17Denga daina, au e iloo bolo goodou ma oodou dagi ne hai de mee nei i hiidinga doodou dee tonu. 18Aagai de Maadua ne hagassula mee aana gu tala madagidagi i daho denga pelaabisi alodahi, bolo dana Klisdo e hagaduasala naa. 19Deenei ai, goodou daahuli oodou lodo gi sooloa ai oodou haisala, gai gi humai ai de masavaa o de ilaage i daho Tagi Maolunga, 20gai ia ga hai ai gi humai Iesu, go de Klisdo gu hili adu laa gi goodou. 21Gai ia e noho donu i de langi ga dae ai gi de laangi e hagahoou ai mee alodahi, go mee a de Maadua gu tala i daho ono pelaabisi dabu madagidagi. 22Moses ne hagadaba, ‘Tagi Maolunga, doodou Maadua, e hagasula age naa dahi pelaabisi mai i magavaa o oodou dangada bei ogu dagodo. Gai goodou hagalaangona mee alodahi aana e tala adu gi goodou. 23Gai dangada alodahi e dee hagallongo ange gi muna a de pelaabisi e daa naa gi maakau ga aau gee mai i daho dangada.’ #Lev 23.29; Deut 18.15, 18-19
24Gai denga pelaabisi alodahi mai i Samuel, ma gilaadeu ne loomai i ono dua, ne tala dagodo o denga laangi nei. 25Goodou go dama a denga pelaabisi, aagai niiodou de hagatoo donu hagaheloongoi a de Maadua ne hai madali oodou maadua madagidagi, bei dana hai gu tala ange ai laa gi Abraham, ‘Henua i lalo alodahi e manuuia naa i hiidinga o doo aamuli.’ #Gen 22.18; 26.4 26De masavaa a de Maadua ne hagamouli age ai dono dangada hai hegau, gai ia ne hai ia gi humai gi goodou i mua e hagamanuuia ai goodou, gai ia ga hai ai gi hulo gee goodou alodahi i oodou hegau baubau.”
Currently Selected:
Acts 3: DBD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Acts 3
3
De hagaieiangi o taane balagelage
1Dahi laangi gai Peter ma John ne hulo gi de temple i de daa tolu i muli de hualaangi,#3.1 tolu i muli de hualaangi: de Beebaa Greek e hai ange bolo go ssiva aoaa. go de masavaa e dalodalo ai. 2Gai e dahi daane ne balagelage mai i dono haanau gu sabaia mai ma gu hagadagodo i gaogao de haitoga o de temple i laangi alodahi. Deenei de haitoga e hagaingoo ange laa bolo go de Haitoga Mahamaha. Gai ia e noho ma e dangidangi i mee ngadi gaavange mai i daho dangada e ulu laa i de temple. 3Gai ga gidee huu e ia Peter ma John gu loomai e ulu i de temple, gai ia ga dangidangi ange gi gilaau i hanu mee ngadi gaavange. 4Gai Peter ma John ga haaina ia, gai Peter ga hai ange gi de ia, “Galo mai mage diiloo gimaau!” 5Gai taane laa ga galo ange ga haaina gilaau, ia ne maanadu i ono lodo bolo ia e kave naa hanu mee mai i olaau daha.
6Aagai Peter ga hai ange gi de ia, “Au e deai donu agu selevaa be ni goolo, gai au e gaavadu gi de goe de mee e dahi i ogu daha: i de ingoo o Iesu Klisdo o Nazareth, hidi age seesee!” 7Gai Peter ga poo dono lima madau ga hagaduu age ia gi lunga, gai de masavaa laa donu huu gai gu hanu mahi i lodo luoono alohi vae ma lodo luoono gubu vae. 8Gai taane laa ga hidi age ga duu gi lunga, gai ia ga seesee ga ulu madali gilaau i de temple. Gai ia ne seesee ga lellele gi lunga ga tuhi de Maadua. 9Gai dangada alodahi ne gidee ia e seesee ma de tuhi de Maadua, 10gai gilaadeu ne madea bolo ia go taane nogo noho laa ma e dangidangi i mee ngadi gaavange i de haitoga o de temple e hagaingoo ange laa go de Haitoga Mahamaha. Gai gilaadeu gu llele mouli ma de maatagu i mee gu hai ange laa gi de ia.
De agoago o Peter i de temple
11Gai de masavaa o taane nogo balagelage laa ne daohi ai Peter ma John, gai dangada alodahi ga saavini mai gi olaadeu daha i de mommee e hagabinga ange laa go de Velanda o Solomon, gilaadeu gu kona de llele mouli. 12Gai ga gidee huu e Peter mee nei, gai ia ga hai ange gi dangada, “Denga daane o Israel, gu aha gu llele ai naa oodou mouli i mee nei? Gai gu aha gu haaina ai naa goodou gimaau, e dagodo be go gimaau ne haia ga seesee taane nei i omaau sauaa ma omaau danuaa donu huu? 13De Maadua o Abraham, ma Isaac aama Jacob, de Maadua o odaadeu dubuna madagidagi, gu hagamahamaha dono dangada hai hegau go Iesu, go de ia oodou ne gaavange ga daa gi magau ma de hagangadi mee i mada i mua o Pilate, e dee galemu donu dana hagatale de hagaola ia.#Exo 3.6, 15 14Aagai goodou ne hagangadi mee de Ia Dabu ma de Ia Heohi laa, gai ne dangidangi ange gi hagasao ina mai gi goodou dahi daane daa dangada.#Mat 27.15-23; Mark 15.6-14; Luke 23.13-23; John 19.12-15 15Goodou ne daa ga magau Tagi o de mouli, gai de Maadua ne hagamouli age ia mai i de magau. Gai gimaadeu ni dangada e daalaa hagadonu dagodo o mee nei. 16Gai go de gai ange gi de ingoo o Iesu, o taane oodou e gidee nei ma de iloo ne ieiangi ai. Gai go de ingoo o Iesu ma de gai ange gi de ia ne haia ga ieiangi taane nei, bei doodou hai ne gidee ai nei.
17Denga daina, au e iloo bolo goodou ma oodou dagi ne hai de mee nei i hiidinga doodou dee tonu. 18Aagai de Maadua ne hagassula mee aana gu tala madagidagi i daho denga pelaabisi alodahi, bolo dana Klisdo e hagaduasala naa. 19Deenei ai, goodou daahuli oodou lodo gi sooloa ai oodou haisala, gai gi humai ai de masavaa o de ilaage i daho Tagi Maolunga, 20gai ia ga hai ai gi humai Iesu, go de Klisdo gu hili adu laa gi goodou. 21Gai ia e noho donu i de langi ga dae ai gi de laangi e hagahoou ai mee alodahi, go mee a de Maadua gu tala i daho ono pelaabisi dabu madagidagi. 22Moses ne hagadaba, ‘Tagi Maolunga, doodou Maadua, e hagasula age naa dahi pelaabisi mai i magavaa o oodou dangada bei ogu dagodo. Gai goodou hagalaangona mee alodahi aana e tala adu gi goodou. 23Gai dangada alodahi e dee hagallongo ange gi muna a de pelaabisi e daa naa gi maakau ga aau gee mai i daho dangada.’ #Lev 23.29; Deut 18.15, 18-19
24Gai denga pelaabisi alodahi mai i Samuel, ma gilaadeu ne loomai i ono dua, ne tala dagodo o denga laangi nei. 25Goodou go dama a denga pelaabisi, aagai niiodou de hagatoo donu hagaheloongoi a de Maadua ne hai madali oodou maadua madagidagi, bei dana hai gu tala ange ai laa gi Abraham, ‘Henua i lalo alodahi e manuuia naa i hiidinga o doo aamuli.’ #Gen 22.18; 26.4 26De masavaa a de Maadua ne hagamouli age ai dono dangada hai hegau, gai ia ne hai ia gi humai gi goodou i mua e hagamanuuia ai goodou, gai ia ga hai ai gi hulo gee goodou alodahi i oodou hegau baubau.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.