Acts 13
13
Tahi sailago o Barnabas ma Saul
1De masavaa laa gai e hanu pelaabisi ma dangada agoago i de nohoanga dabu o Antioch: go Barnabas, ma Simeon e hagaingoo ange laa hogi go Niger, ma Lucius taane Cyrene, ma Manaen (se dangada ne madua age madali Herod, de tetrarch), aama Saul. 2Gai de masavaa olaadeu ne daumaha ange ai gi Tagi Maolunga, ma de hagahiikai, aagai de Hagasaalunga Dabu ga hai ange, “Goodou vaaea gee Barnabas ma Saul, ange gi de hegau aagu gu dai hagahi ange gilaau aagena.” 3Gai ga odi huu de masavaa olaadeu e hagahiikai ai ma de dalodalo, gai gilaadeu ga dugu ange olaadeu lima gi honga o Saul ma Barnabas ga hai gilaau gi hulo.
Saul ma Barnabas i Cyprus
4Gai de Hagasaalunga Dabu ne hai gilaau gi hulo gi Seleucia, gai gilaau ne dele mai i kilaa ga hulo gi Cyprus. 5Gai ga tae huu gilaau gi Salamis, gai gilaau ga agoago hogi muna a de Maadua i denga synagogue o de gau Ssuu i kilaa. Gai gilaau ne kave hogi a John Mark gi balea ange ai gilaau.
6Gai de masavaa olaau ne hagadaga saele ai i de modu laa ga tae gi Paphos, gai gilaau gu hedae ange gi dahi daane hai huuhuaa mee i kilaa. Ia se dangada Ssuu, gai se pelaabisi hadu muna, dono ingoo go Bar-Jesus. 7Taane laa ne noho i daho Sergius Paulus, de goobenaa o de vaaenga laa, ia se daane iloo mee. Gai ia ne aalu mai Barnabas ma Saul gi loange, go hiidinga ia gu lodo e hagallongo muna a de Maadua. 8Aagai Elymas taane hai huuhuaa mee (deenei dono ingoo i muna Greek) ne hai baasi ange gi gilaau ma de hagatale de hai de goobenaa gi dee hagadonusia. 9Aagai a Saul, e hagaingoo ange laa hogi go Paul, gu honu i de Hagasaalunga Dabu, gai ia ga haaina ia, 10ga hai ange, “Koe se dama nii de ia hagabaubau laa, gai se ia donu e hai baasi ange gi de mee heohi alodahi. Koe e honu i mee alodahi e daahangadia dangada ma de vaivai dagodo. Koe tigi tuu donu dau hagahaisala dagodo o Tagi Maolunga? 11Iainei gai de lima o Tagi Maolunga gu hai baasi adu gi de goe. Koe e dee gide naa i hanu laangi.”
De masavaa laa donu huu gai gu hano iho de gohu gi ono elunga; gai ia ga hano ga haahaa saele dahi dangada gi boogia dono lima gi dagina ai ia. 12Gai ga gidee huu e de goobenaa o de vaaenga laa mee gu hai laa, aagai ia gu hagadonusia hogi, go hiidinga ia gu lele ono mouli i agoago a Tagi Maolunga.
Paul ma Barnabas i Antioch o Pisidia
13Gai a Paul ma ono soa ne dele mai i Paphos ga hulo gi Perga i Pamphylia, go kilaa o John ne hano gee ai i olaadeu daha ga ahe gi Jerusalem. 14Gai gilaadeu ne maalanga mai i Perga ga hulo gi Antioch i Pisidia. Gai de laangi huu o Sabbath gai gilaadeu ne ulu i synagogue ga nnoho gi lalo. 15Gai dua huu de dau o de hainga ma muna a denga pelaabisi, gai denga dagi o synagogue ga aalu ga hai ange gi gilaadeu, “Denga daina, noo e hanu oodou muna e hagalodo mmahi ange ai dangada, gai goodou daalaa mai.”
16Gai Paul ne hidi age ga daodaohi ange dono lima ga hai ange, “Denga daane o Israel, ma goodou e maatagu i de Maadua, goodou nnoho mai hagalaangona! 17De Maadua o de gau Israel ne hilihili odaadeu dubuna madagidagi ga hai gilaadeu gi hagadili gi soa, i de masavaa olaadeu nogo nnoho ai i de henua go Egypt, gai ia ne hagassao mai gilaadeu i dono lima sauaa.#Exo 1.7; 12.51 18Gai ia ne golomagi ono lodo i gilaadeu, i e madahaa ngadau i de vao.#Num 14.34; Deut 1.31 19Ia ne daa ga maakau e hidu huaahenua i Canaan, ga gaavange delaadeu henua gi odaadeu dubuna gi henua ai.#Deut 7.1; Josh 14.1 20Gai mee laa ne hai i e 450 ngadau.#Jdg 2.16; 1 Sa 3.20
Dua mee laa gai ia ne gaavange gi gilaadeu de gau hagamodu muna, ga dae ai gi de masavaa o de pelaabisi go Samuel. 21Gai gilaadeu ne dangidangi i dahi hodooligi; aagai de Maadua ga gaavange gi gilaadeu a Saul, tama daane a Kish, ia se daane mai i de aamuli o Benjamin. Gai ia ne dagi gilaadeu i e madahaa ngadau.#1 Sa 8.5; 10.21 22Gai de Maadua ne tili hogi a Saul, gai ga hili David ga hai ai delaadeu hodooligi. Gai ia ne tala dagodo o David, ga hagadaba, ‘Au gu gidee bolo David, tama daane a Jesse, se daane e hagamalangilangi ina ogu lodo; ia e daudali i ogu lodo alodahi.’ #1 Sa 13.14; 16.12; Psa 89.20
23Gai de Maadua e hai naa gi humai de Ia Hagaola go Iesu gi Israel, mai i daho ono hagadiilinga, bei dana hai gu hagatoo donu ai laa. 24I mua de humai o Iesu, gai a John ne agoago ange dangada o Israel alodahi, i dagodo o de dahuli o de lodo aama de babudaisi.#Mark 1.4; Luke 3.3 25Gai ga baa ange huu gi lava hegau a John, gai ia ga hagadaba, ‘Goodou e maanadu bolo au goai? E dee go au de ia gu dai humai laa. Aagai e humai naa dahi dangada i ogu dua, gai au e dee bau ange gi de tala mee e noonooa ai ono mee vae.’ #Mat 3.11; Mark 1.7; Luke 3.16; John 1.20, 27
26Denga daina, go dangada de aamuli o Abraham, aama dangada alodahi e maatagu i de Maadua, muna o de hagamouli nei ne gaamai gi gidaadeu. 27Gai dangada ne nnoho i Jerusalem ma olaadeu dagi ne hagassula donu muna a denga pelaabisi e dau laa i laangi o Sabbath alodahi, i delaadeu hagabuu ange ssala gi de ia, i hiidinga gilaadeu tee madea ia be ne tonu ange gi muna laa. 28Gilaadeu tee gidee dahi mee daudahi e heohi ai de daa o Iesu gi magau, aagai gilaadeu ne dangidangi ange gi Pilate gi daia donu ia gi magau.#Mat 27.22-23; Mark 15.13-14; Luke 23.21-23; John 19.15 29Gai ga lava huu i delaadeu hai mee alodahi gu sisi ai laa ono dagodo, gai gilaadeu ga dugu iho dono angaanga i de laagau lui ga hagadagodo i lo te daanunga.#Mat 27.57-61; Mark 15.42-47; Luke 23.50-56; John 19.38-42 30Aagai de Maadua ne hagamouli age ia mai i de magau; 31gai ia ne hakide ange gi dangada ne loomai madali ia i Galilee gi Jerusalem i hanu laangi lagolago, go gilaadeu e daalaa hagadonu ono dagodo ange gi dangada iainei.#Acts 1.3
32Gai gimaadeu e tala adu gi goodou denga longo danuaa: mee a de Maadua gu hagatoo donu ange ai gi odaadeu dubuna madagidagi, 33ia gu hagassula donu i odaadeu daha, denga dama, i dana hagamouli age Iesu. Bei de hai gu sisi ai laa i de lua Psalm:
‘Go koe dagu Dama Daane;
anailaa nei gai go au doo Damana.’ #Psa 2.7
34Gai dagodo o dana hagamouli age Iesu mai i de magau, gi dee ahe ange ai dono angaanga gi bobo, gai de Maadua gu hagadaba,
‘Au e gaavadu gi de goe denga manuuia dabu abodonu,
gu hagatoo donu ange laa gi David.’ #Isa 55.3
35Gai ia e hagadaba hogi i dahi Psalm gee,
‘Koe e dee dugu ange donu de angaanga
o dau Ia dabu gi bobo.’ #Psa 16.10
36Dua de hai a David ga bei lodo o de Maadua i dono atangada, gai ia ne magau ga danu madali ono maadua madagidagi, gai dono angaanga ne bobo, 37aagai de ia a de Maadua ne hagamouli age laa tee bobo donu dono angaanga.
38Deenei ai, denga daina, au e lodo goodou gi iloo bolo go daho Iesu e maua ai i de tala oodou haisala. 39Gai dangada alodahi e hagadonusia ia e ilaage mai ai i haisala alodahi, gai go de hagaheohi oodou e dee maua laa i de kave i doodou daudali i de hainga a Moses. 40Deenei ai, goodou dagidiiloo gi dee tuu adu gi goodou mee a denga pelaabisi gu tala laa,
41‘Tilo, goodou de gau doo mee,
gi llele oodou mouli ma de maakau;
go hiidinga au e hai naa dahi hegau i oodou laangi,
gai goodou e dee hagadonu naa donu,
e dee galemu donu de daalaa adu a dahi gi goodou!’ ” #Hab 1.5
42Gai de masavaa olaau ne ssao ai gi haho, gai dangada ga dangidangi ange gilaau gi aahe mai ange gi daalaa ange muna laa gi gilaadeu i Sabbath e mua mai. 43Gai de masavaa huu ne mavaevae ai dangada, gai de gau Ssuu ma denga Gentile soa gu daumaha ange laa gi de Maadua ne daudali ange i a Paul ma Barnabas, gai gilaau ga agoago ange gilaadeu ga hagammahi ange gilaadeu gi duudagi ina donu huu delaadeu seesee i de abodonu o de Maadua.
44Gai de laangi huu o Sabbath i ono dua, gai gu dai odi mai donu dangada i de aduhale laa e hagallongo muna a de Maadua. 45Gai de masavaa huu a de gau Ssuu ne gidee ai dangada soa laa, gai gilaadeu gu llodo gaiaa, gai gilaadeu ne hagadaumee ange gi muna a Paul e tala laa ma de hagahadu muna ana muna.
46Gai Paul ma Barnabas ne pasa ange gi gilaadeu i de lo taane, ga hai ange, “Ne heohi donu de tala adu gi goodou muna a de Maadua i mua, gai go hiidinga goodou ne kino ai, ma de maanadu bolo goodou e dee heohi ange gi de mouli e dee ngado mai, deenei ai, iainei gimaau ga hulo gi denga Gentile. 47Go hiidinga deenei de mee a Tagi Maolunga gu tala mai gi gidaadeu, e hagadaba:
‘Au gu hai goe gi se maalama ange gi denga Gentile,
gai koe ga kave ai de hagaola gi de bido laa o henua i lalo.’ ” #Isa 42.6; 49.6
48Gai ga langona huu e denga Gentile muna nei, gai gilaadeu gu malangilangi ma de tuhi muna a Tagi Maolunga; gai alodahi gu hagamodu ange gi de mouli e dee ngado mai gu hagadonusia.
49Gai muna a Tagi Maolunga gu dele hogi i de mommee laa alodahi. 50Aagai de gau Ssuu ga hagabasa denga haahine maolunga e daumaha ange laa gi de Maadua, ma denga dagi o de aduhale laa, gai gilaadeu ga vaivai hai a Paul ma Barnabas ga alualu gilaau gi hulo gee mai i delaadeu ungaamee. 51Aagai Paul ma Barnabas ga luuluu gelegele i olaau vae e hai baasi ange ai gi gilaadeu, gai gilaau ga hulo gi Iconium.#Mat 10.14; Mark 6.11; Luke 9.5; 10.11 52Gai dangada gu hagadonusia laa i Antioch gu malangilangi mmao ma de hoohonu i de Hagasaalunga Dabu.
Currently Selected:
Acts 13: DBD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Acts 13
13
Tahi sailago o Barnabas ma Saul
1De masavaa laa gai e hanu pelaabisi ma dangada agoago i de nohoanga dabu o Antioch: go Barnabas, ma Simeon e hagaingoo ange laa hogi go Niger, ma Lucius taane Cyrene, ma Manaen (se dangada ne madua age madali Herod, de tetrarch), aama Saul. 2Gai de masavaa olaadeu ne daumaha ange ai gi Tagi Maolunga, ma de hagahiikai, aagai de Hagasaalunga Dabu ga hai ange, “Goodou vaaea gee Barnabas ma Saul, ange gi de hegau aagu gu dai hagahi ange gilaau aagena.” 3Gai ga odi huu de masavaa olaadeu e hagahiikai ai ma de dalodalo, gai gilaadeu ga dugu ange olaadeu lima gi honga o Saul ma Barnabas ga hai gilaau gi hulo.
Saul ma Barnabas i Cyprus
4Gai de Hagasaalunga Dabu ne hai gilaau gi hulo gi Seleucia, gai gilaau ne dele mai i kilaa ga hulo gi Cyprus. 5Gai ga tae huu gilaau gi Salamis, gai gilaau ga agoago hogi muna a de Maadua i denga synagogue o de gau Ssuu i kilaa. Gai gilaau ne kave hogi a John Mark gi balea ange ai gilaau.
6Gai de masavaa olaau ne hagadaga saele ai i de modu laa ga tae gi Paphos, gai gilaau gu hedae ange gi dahi daane hai huuhuaa mee i kilaa. Ia se dangada Ssuu, gai se pelaabisi hadu muna, dono ingoo go Bar-Jesus. 7Taane laa ne noho i daho Sergius Paulus, de goobenaa o de vaaenga laa, ia se daane iloo mee. Gai ia ne aalu mai Barnabas ma Saul gi loange, go hiidinga ia gu lodo e hagallongo muna a de Maadua. 8Aagai Elymas taane hai huuhuaa mee (deenei dono ingoo i muna Greek) ne hai baasi ange gi gilaau ma de hagatale de hai de goobenaa gi dee hagadonusia. 9Aagai a Saul, e hagaingoo ange laa hogi go Paul, gu honu i de Hagasaalunga Dabu, gai ia ga haaina ia, 10ga hai ange, “Koe se dama nii de ia hagabaubau laa, gai se ia donu e hai baasi ange gi de mee heohi alodahi. Koe e honu i mee alodahi e daahangadia dangada ma de vaivai dagodo. Koe tigi tuu donu dau hagahaisala dagodo o Tagi Maolunga? 11Iainei gai de lima o Tagi Maolunga gu hai baasi adu gi de goe. Koe e dee gide naa i hanu laangi.”
De masavaa laa donu huu gai gu hano iho de gohu gi ono elunga; gai ia ga hano ga haahaa saele dahi dangada gi boogia dono lima gi dagina ai ia. 12Gai ga gidee huu e de goobenaa o de vaaenga laa mee gu hai laa, aagai ia gu hagadonusia hogi, go hiidinga ia gu lele ono mouli i agoago a Tagi Maolunga.
Paul ma Barnabas i Antioch o Pisidia
13Gai a Paul ma ono soa ne dele mai i Paphos ga hulo gi Perga i Pamphylia, go kilaa o John ne hano gee ai i olaadeu daha ga ahe gi Jerusalem. 14Gai gilaadeu ne maalanga mai i Perga ga hulo gi Antioch i Pisidia. Gai de laangi huu o Sabbath gai gilaadeu ne ulu i synagogue ga nnoho gi lalo. 15Gai dua huu de dau o de hainga ma muna a denga pelaabisi, gai denga dagi o synagogue ga aalu ga hai ange gi gilaadeu, “Denga daina, noo e hanu oodou muna e hagalodo mmahi ange ai dangada, gai goodou daalaa mai.”
16Gai Paul ne hidi age ga daodaohi ange dono lima ga hai ange, “Denga daane o Israel, ma goodou e maatagu i de Maadua, goodou nnoho mai hagalaangona! 17De Maadua o de gau Israel ne hilihili odaadeu dubuna madagidagi ga hai gilaadeu gi hagadili gi soa, i de masavaa olaadeu nogo nnoho ai i de henua go Egypt, gai ia ne hagassao mai gilaadeu i dono lima sauaa.#Exo 1.7; 12.51 18Gai ia ne golomagi ono lodo i gilaadeu, i e madahaa ngadau i de vao.#Num 14.34; Deut 1.31 19Ia ne daa ga maakau e hidu huaahenua i Canaan, ga gaavange delaadeu henua gi odaadeu dubuna gi henua ai.#Deut 7.1; Josh 14.1 20Gai mee laa ne hai i e 450 ngadau.#Jdg 2.16; 1 Sa 3.20
Dua mee laa gai ia ne gaavange gi gilaadeu de gau hagamodu muna, ga dae ai gi de masavaa o de pelaabisi go Samuel. 21Gai gilaadeu ne dangidangi i dahi hodooligi; aagai de Maadua ga gaavange gi gilaadeu a Saul, tama daane a Kish, ia se daane mai i de aamuli o Benjamin. Gai ia ne dagi gilaadeu i e madahaa ngadau.#1 Sa 8.5; 10.21 22Gai de Maadua ne tili hogi a Saul, gai ga hili David ga hai ai delaadeu hodooligi. Gai ia ne tala dagodo o David, ga hagadaba, ‘Au gu gidee bolo David, tama daane a Jesse, se daane e hagamalangilangi ina ogu lodo; ia e daudali i ogu lodo alodahi.’ #1 Sa 13.14; 16.12; Psa 89.20
23Gai de Maadua e hai naa gi humai de Ia Hagaola go Iesu gi Israel, mai i daho ono hagadiilinga, bei dana hai gu hagatoo donu ai laa. 24I mua de humai o Iesu, gai a John ne agoago ange dangada o Israel alodahi, i dagodo o de dahuli o de lodo aama de babudaisi.#Mark 1.4; Luke 3.3 25Gai ga baa ange huu gi lava hegau a John, gai ia ga hagadaba, ‘Goodou e maanadu bolo au goai? E dee go au de ia gu dai humai laa. Aagai e humai naa dahi dangada i ogu dua, gai au e dee bau ange gi de tala mee e noonooa ai ono mee vae.’ #Mat 3.11; Mark 1.7; Luke 3.16; John 1.20, 27
26Denga daina, go dangada de aamuli o Abraham, aama dangada alodahi e maatagu i de Maadua, muna o de hagamouli nei ne gaamai gi gidaadeu. 27Gai dangada ne nnoho i Jerusalem ma olaadeu dagi ne hagassula donu muna a denga pelaabisi e dau laa i laangi o Sabbath alodahi, i delaadeu hagabuu ange ssala gi de ia, i hiidinga gilaadeu tee madea ia be ne tonu ange gi muna laa. 28Gilaadeu tee gidee dahi mee daudahi e heohi ai de daa o Iesu gi magau, aagai gilaadeu ne dangidangi ange gi Pilate gi daia donu ia gi magau.#Mat 27.22-23; Mark 15.13-14; Luke 23.21-23; John 19.15 29Gai ga lava huu i delaadeu hai mee alodahi gu sisi ai laa ono dagodo, gai gilaadeu ga dugu iho dono angaanga i de laagau lui ga hagadagodo i lo te daanunga.#Mat 27.57-61; Mark 15.42-47; Luke 23.50-56; John 19.38-42 30Aagai de Maadua ne hagamouli age ia mai i de magau; 31gai ia ne hakide ange gi dangada ne loomai madali ia i Galilee gi Jerusalem i hanu laangi lagolago, go gilaadeu e daalaa hagadonu ono dagodo ange gi dangada iainei.#Acts 1.3
32Gai gimaadeu e tala adu gi goodou denga longo danuaa: mee a de Maadua gu hagatoo donu ange ai gi odaadeu dubuna madagidagi, 33ia gu hagassula donu i odaadeu daha, denga dama, i dana hagamouli age Iesu. Bei de hai gu sisi ai laa i de lua Psalm:
‘Go koe dagu Dama Daane;
anailaa nei gai go au doo Damana.’ #Psa 2.7
34Gai dagodo o dana hagamouli age Iesu mai i de magau, gi dee ahe ange ai dono angaanga gi bobo, gai de Maadua gu hagadaba,
‘Au e gaavadu gi de goe denga manuuia dabu abodonu,
gu hagatoo donu ange laa gi David.’ #Isa 55.3
35Gai ia e hagadaba hogi i dahi Psalm gee,
‘Koe e dee dugu ange donu de angaanga
o dau Ia dabu gi bobo.’ #Psa 16.10
36Dua de hai a David ga bei lodo o de Maadua i dono atangada, gai ia ne magau ga danu madali ono maadua madagidagi, gai dono angaanga ne bobo, 37aagai de ia a de Maadua ne hagamouli age laa tee bobo donu dono angaanga.
38Deenei ai, denga daina, au e lodo goodou gi iloo bolo go daho Iesu e maua ai i de tala oodou haisala. 39Gai dangada alodahi e hagadonusia ia e ilaage mai ai i haisala alodahi, gai go de hagaheohi oodou e dee maua laa i de kave i doodou daudali i de hainga a Moses. 40Deenei ai, goodou dagidiiloo gi dee tuu adu gi goodou mee a denga pelaabisi gu tala laa,
41‘Tilo, goodou de gau doo mee,
gi llele oodou mouli ma de maakau;
go hiidinga au e hai naa dahi hegau i oodou laangi,
gai goodou e dee hagadonu naa donu,
e dee galemu donu de daalaa adu a dahi gi goodou!’ ” #Hab 1.5
42Gai de masavaa olaau ne ssao ai gi haho, gai dangada ga dangidangi ange gilaau gi aahe mai ange gi daalaa ange muna laa gi gilaadeu i Sabbath e mua mai. 43Gai de masavaa huu ne mavaevae ai dangada, gai de gau Ssuu ma denga Gentile soa gu daumaha ange laa gi de Maadua ne daudali ange i a Paul ma Barnabas, gai gilaau ga agoago ange gilaadeu ga hagammahi ange gilaadeu gi duudagi ina donu huu delaadeu seesee i de abodonu o de Maadua.
44Gai de laangi huu o Sabbath i ono dua, gai gu dai odi mai donu dangada i de aduhale laa e hagallongo muna a de Maadua. 45Gai de masavaa huu a de gau Ssuu ne gidee ai dangada soa laa, gai gilaadeu gu llodo gaiaa, gai gilaadeu ne hagadaumee ange gi muna a Paul e tala laa ma de hagahadu muna ana muna.
46Gai Paul ma Barnabas ne pasa ange gi gilaadeu i de lo taane, ga hai ange, “Ne heohi donu de tala adu gi goodou muna a de Maadua i mua, gai go hiidinga goodou ne kino ai, ma de maanadu bolo goodou e dee heohi ange gi de mouli e dee ngado mai, deenei ai, iainei gimaau ga hulo gi denga Gentile. 47Go hiidinga deenei de mee a Tagi Maolunga gu tala mai gi gidaadeu, e hagadaba:
‘Au gu hai goe gi se maalama ange gi denga Gentile,
gai koe ga kave ai de hagaola gi de bido laa o henua i lalo.’ ” #Isa 42.6; 49.6
48Gai ga langona huu e denga Gentile muna nei, gai gilaadeu gu malangilangi ma de tuhi muna a Tagi Maolunga; gai alodahi gu hagamodu ange gi de mouli e dee ngado mai gu hagadonusia.
49Gai muna a Tagi Maolunga gu dele hogi i de mommee laa alodahi. 50Aagai de gau Ssuu ga hagabasa denga haahine maolunga e daumaha ange laa gi de Maadua, ma denga dagi o de aduhale laa, gai gilaadeu ga vaivai hai a Paul ma Barnabas ga alualu gilaau gi hulo gee mai i delaadeu ungaamee. 51Aagai Paul ma Barnabas ga luuluu gelegele i olaau vae e hai baasi ange ai gi gilaadeu, gai gilaau ga hulo gi Iconium.#Mat 10.14; Mark 6.11; Luke 9.5; 10.11 52Gai dangada gu hagadonusia laa i Antioch gu malangilangi mmao ma de hoohonu i de Hagasaalunga Dabu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.