Acts 12
12
De magau o James, Peter i lo te hale pono
1Deenei hogi de masavaa a de hodooligi go Herod ne hagaduasala ai hanu dangada i lo te nohoanga dabu. 2Ia ne daa ga magau James, taina daane o John, i de gadilaasa. 3Gai ga gidee huu e ia bolo de gau Ssuu gu malangilangi i dana hai de hegau nei, aagai ia ga poo hogi Peter ga nnoa. Gai mee nei ne hai i laangi o Taonga o Pelaoaa Dee Hagahua. 4Ia ne poo Peter ga hhao gi lo te hale pono, ga gaavange ia gi e haa hagabuulinga hebagi e dagihaa laa daane hebagi iai gi hagaloosia ange ia. Ia ne hagatau de hagasao mai Peter e hai dangada gi hagamodu ina ono muna, i dua Taonga Hagasili.#Exo 12.1-27
5Deelaa ai, Peter gu hhao gi lo te hale pono, gai de nohoanga dabu ne hagammahi ga dalodalo ange gi de Maadua i ono hiidinga.
De hagaola o Peter mai i lo te hale pono
6De boo i mua de hagasao mai a Herod Peter, gai Peter ne seni i magavaa o e dogolua daane hebagi ma de nnoa i e lua daula baalanga. Gai hanu daane hebagi e hagaloosi de haitoga o de hale pono laa. 7Gai tilo, dahi dangada de langi o Tagi Maolunga ne humai ga duu i kilaa, gai gu maalama de aabi i lo te hale pono laa, gai ia ga hagaili de gaogao o Peter ga hhango ange ia, ga hai ange, “Hagamoolau hidi age!” Gai denga daula baalanga e noonooa ai laa luoono lima gu maatala ga too.
8Gai tangada de langi laa ga hai ange gi de ia, “Gahu mage ulumagi ina oo mee vae.” Gai Peter ne hai ga bei ana muna. Gai tangada de langi laa ne hai ange gi de ia, “Haia doo malo laa daha mage sabinia ai doo angaanga mage daudali mai i de au.” 9Gai Peter ga daudali ange i de ia ga sao ai gi duaahaho; gai ia tee iloo donu be mee a tangada de langi laa ne hai ni muna abodonu be deai, ia ne maanadu bolo ia e hai dahi midi. 10Gai ga ui huu gilaau i tahi ma de lua hagabuulinga hagaloosi, gai gilaau gu tae gi de haitoga baalanga e huli ange laa gi de aduhale. Gai de haitoga laa gu ngadi mahuge donu huu. Aagai gilaau ga ssao ga hulo laa honga de haiava. De masavaa laa donu huu, gai tangada de langi gu hano gee mai i daho Peter.
11Gai de masavaa huu o Peter ne ala abodonu ai, gai ia ga hagadaba, “Iainei gai au gu iloo bolo ni mee abodonu Tagi Maolunga gu hai gi humai dono dangada de langi gi hagaola ina mai au i ssauaa o Herod, ma mai i mee alodahi a de gau Ssuu ne llodo e hai mai gi de au.”
12Gai de masavaa huu a Peter ne donu ange ai gi mee gu hai laa, gai ia ga hano gi de hale o Mary, tinana o John, e hagaingoo ange laa hogi go Mark. Go kilaa e hagabuni ai dangada soa ma e dalodalo. 13Gai Peter ne hano ga dugidugi de haitoga o de buibui, gai tamaa hine hai hegau go Rhoda ne hano ga hhuge de haitoga. 14Gai ia gu madea de leo o Peter, gai ia tee hhuge de haitoga i hiidinga de kona dono malangilangi. Gai ia ga savini gi lo te hale ga tala ange gi dangada bolo Peter gu duu i gaogao de haitoga o de buibui.
15Gai gilaadeu ne hai ange gi de ia, “Koe gu senga!” Aagai tamaa hine laa ne hagammahi ange bolo go Peter donu deelaa. Gai gilaadeu ga hai ange, “De mee naa go dono dangada de langi.”
16Gai Peter ne duudagi dana dugidugi de haitoga; gai de masavaa huu alaadeu ne hhuge ai de haitoga, gai gilaadeu gu gidee ia, gai gilaadeu gu llele mouli mmao. 17Gai Peter ga daodaohi ange dono lima, ga hai gilaadeu gi dee pasa, gai ia ga tala ange gi gilaadeu de hai a Tagi Maolunga ne hagasao mai ai ia i lo te hale pono. Ia ne hai ange hogi gi gilaadeu, “Goodou hulo daalaa ange gi James ma denga daina ange laa mee nei.” Aagai ia ga hano gee mai i kilaa ga hano gi dahi mommee gee.
18De masavaa huu ne ao ai de mee, gai gu kona tee paba o denga daane hebagi, go hiidinga gilaadeu gu dee gidee Peter. 19Gai de masavaa huu a Herod ne ssala ai Peter, gai tee gidee e ia. Gai ia ga hagadaba bolo gi daia gi maakau denga daane hebagi ne hagaloosia laa Peter. Gai ia ga hano gee mai i Judea ga hano gi Caesarea ga noho ai.
De magau o Herod
20De masavaa laa gai Herod gu lili i de gau Tyre ma de gau Sidon, gai gilaadeu ne hagabuni ga loomai e hedae ange gi de ia. Gai dua delaadeu maua de bale mai i daho Blastus, go dahi daane hai hegau o de hodooligi, gai gilaadeu ne dangidangi i de hagadanuaa olaadeu magavaa ma Herod, go hiidinga delaadeu henua e kave alaadeu gai mai i de henua o de hodooligi.
21Gai Herod ne gahu i ono malo hodooligi ga noho ai i honga dono nohoanga hodooligi i de laangi gu lava i de hagamodu, ga basa ai gi dangada. 22Gai dangada ne hevaalogi ga hagataba, “De leo nei go de leo o dahi diinonga, e dee go de leo o dahi dangada!” 23De masavaa laa donu huu gai tangada de langi o Tagi Maolunga ga hagaili Herod, gai denga ilo ga gai dono angaanga, gai ia gu magau, go hiidinga ia tee hagamahamaha de Maadua.
24Gai muna a de Maadua gu dele gi mommee lagolago aama de soa dangada e hagadonusia.
25Gai Barnabas ma Saul ga aahe mai i Jerusalem i de masavaa ne lava ai delaau hegau, ga gaamai a John, e hagaingoo ange laa hogi go Mark madali gilaau.
Currently Selected:
Acts 12: DBD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Acts 12
12
De magau o James, Peter i lo te hale pono
1Deenei hogi de masavaa a de hodooligi go Herod ne hagaduasala ai hanu dangada i lo te nohoanga dabu. 2Ia ne daa ga magau James, taina daane o John, i de gadilaasa. 3Gai ga gidee huu e ia bolo de gau Ssuu gu malangilangi i dana hai de hegau nei, aagai ia ga poo hogi Peter ga nnoa. Gai mee nei ne hai i laangi o Taonga o Pelaoaa Dee Hagahua. 4Ia ne poo Peter ga hhao gi lo te hale pono, ga gaavange ia gi e haa hagabuulinga hebagi e dagihaa laa daane hebagi iai gi hagaloosia ange ia. Ia ne hagatau de hagasao mai Peter e hai dangada gi hagamodu ina ono muna, i dua Taonga Hagasili.#Exo 12.1-27
5Deelaa ai, Peter gu hhao gi lo te hale pono, gai de nohoanga dabu ne hagammahi ga dalodalo ange gi de Maadua i ono hiidinga.
De hagaola o Peter mai i lo te hale pono
6De boo i mua de hagasao mai a Herod Peter, gai Peter ne seni i magavaa o e dogolua daane hebagi ma de nnoa i e lua daula baalanga. Gai hanu daane hebagi e hagaloosi de haitoga o de hale pono laa. 7Gai tilo, dahi dangada de langi o Tagi Maolunga ne humai ga duu i kilaa, gai gu maalama de aabi i lo te hale pono laa, gai ia ga hagaili de gaogao o Peter ga hhango ange ia, ga hai ange, “Hagamoolau hidi age!” Gai denga daula baalanga e noonooa ai laa luoono lima gu maatala ga too.
8Gai tangada de langi laa ga hai ange gi de ia, “Gahu mage ulumagi ina oo mee vae.” Gai Peter ne hai ga bei ana muna. Gai tangada de langi laa ne hai ange gi de ia, “Haia doo malo laa daha mage sabinia ai doo angaanga mage daudali mai i de au.” 9Gai Peter ga daudali ange i de ia ga sao ai gi duaahaho; gai ia tee iloo donu be mee a tangada de langi laa ne hai ni muna abodonu be deai, ia ne maanadu bolo ia e hai dahi midi. 10Gai ga ui huu gilaau i tahi ma de lua hagabuulinga hagaloosi, gai gilaau gu tae gi de haitoga baalanga e huli ange laa gi de aduhale. Gai de haitoga laa gu ngadi mahuge donu huu. Aagai gilaau ga ssao ga hulo laa honga de haiava. De masavaa laa donu huu, gai tangada de langi gu hano gee mai i daho Peter.
11Gai de masavaa huu o Peter ne ala abodonu ai, gai ia ga hagadaba, “Iainei gai au gu iloo bolo ni mee abodonu Tagi Maolunga gu hai gi humai dono dangada de langi gi hagaola ina mai au i ssauaa o Herod, ma mai i mee alodahi a de gau Ssuu ne llodo e hai mai gi de au.”
12Gai de masavaa huu a Peter ne donu ange ai gi mee gu hai laa, gai ia ga hano gi de hale o Mary, tinana o John, e hagaingoo ange laa hogi go Mark. Go kilaa e hagabuni ai dangada soa ma e dalodalo. 13Gai Peter ne hano ga dugidugi de haitoga o de buibui, gai tamaa hine hai hegau go Rhoda ne hano ga hhuge de haitoga. 14Gai ia gu madea de leo o Peter, gai ia tee hhuge de haitoga i hiidinga de kona dono malangilangi. Gai ia ga savini gi lo te hale ga tala ange gi dangada bolo Peter gu duu i gaogao de haitoga o de buibui.
15Gai gilaadeu ne hai ange gi de ia, “Koe gu senga!” Aagai tamaa hine laa ne hagammahi ange bolo go Peter donu deelaa. Gai gilaadeu ga hai ange, “De mee naa go dono dangada de langi.”
16Gai Peter ne duudagi dana dugidugi de haitoga; gai de masavaa huu alaadeu ne hhuge ai de haitoga, gai gilaadeu gu gidee ia, gai gilaadeu gu llele mouli mmao. 17Gai Peter ga daodaohi ange dono lima, ga hai gilaadeu gi dee pasa, gai ia ga tala ange gi gilaadeu de hai a Tagi Maolunga ne hagasao mai ai ia i lo te hale pono. Ia ne hai ange hogi gi gilaadeu, “Goodou hulo daalaa ange gi James ma denga daina ange laa mee nei.” Aagai ia ga hano gee mai i kilaa ga hano gi dahi mommee gee.
18De masavaa huu ne ao ai de mee, gai gu kona tee paba o denga daane hebagi, go hiidinga gilaadeu gu dee gidee Peter. 19Gai de masavaa huu a Herod ne ssala ai Peter, gai tee gidee e ia. Gai ia ga hagadaba bolo gi daia gi maakau denga daane hebagi ne hagaloosia laa Peter. Gai ia ga hano gee mai i Judea ga hano gi Caesarea ga noho ai.
De magau o Herod
20De masavaa laa gai Herod gu lili i de gau Tyre ma de gau Sidon, gai gilaadeu ne hagabuni ga loomai e hedae ange gi de ia. Gai dua delaadeu maua de bale mai i daho Blastus, go dahi daane hai hegau o de hodooligi, gai gilaadeu ne dangidangi i de hagadanuaa olaadeu magavaa ma Herod, go hiidinga delaadeu henua e kave alaadeu gai mai i de henua o de hodooligi.
21Gai Herod ne gahu i ono malo hodooligi ga noho ai i honga dono nohoanga hodooligi i de laangi gu lava i de hagamodu, ga basa ai gi dangada. 22Gai dangada ne hevaalogi ga hagataba, “De leo nei go de leo o dahi diinonga, e dee go de leo o dahi dangada!” 23De masavaa laa donu huu gai tangada de langi o Tagi Maolunga ga hagaili Herod, gai denga ilo ga gai dono angaanga, gai ia gu magau, go hiidinga ia tee hagamahamaha de Maadua.
24Gai muna a de Maadua gu dele gi mommee lagolago aama de soa dangada e hagadonusia.
25Gai Barnabas ma Saul ga aahe mai i Jerusalem i de masavaa ne lava ai delaau hegau, ga gaamai a John, e hagaingoo ange laa hogi go Mark madali gilaau.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.