1 Corinthians 4
4
De gau tala abodonu a Klisdo
1Gai tangada gi iloo de mee nei, gimaau ni dangada hai hegau niio Klisdo, gai ni dangada gu dugu ange aagena mee a de Maadua e dee iloo laa. 2E dahi ange mee, tangada e diiloo ange mee a dono dangada aamua, e hai gi se dangada e hai hegau i de mee abodonu. 3Aagai se mee donu e dee dau i ogu daha noo goodou aabe go dahi mommee hagamodu muna gu hagamodu ogu muna, gai au e dee hagamodu donu ogu muna. 4Tagi i ogu lodo e dee hagabaubau au, aagai au e dee hagadaba bolo au e dee haisala. Gai go Tagi Maolunga e hagamodu ina ogu dagodo. 5Deelaa ai, goodou gi dee hagamodu ina dahi mee i mua de humai o Tagi Maolunga, go de ia e hagaagona mai mee alodahi e hagammuni laa i lo te gohu, ma de hagaago mai maanadu alodahi i de lodo. Gai de Maadua ga tuhi ai dahi ma dahi.
6Denga daina, au ne hagadagodo ange de mee nei gi omaau dagodo ma Apollos gi tonu ange ai goodou, gai goodou ga agoago ai i omaau dagodo, gi dee hulo ai goodou laa honga mee gu sisi, gai gi dee duuhia ai e goodou dahi dangada, gai ga hai baasi ange gi tangada ange laa. 7Gai goai ne haia goodou gi dagodo gee ma tangada ange laa? Gai ni aha i oodou daha e dee ni mee ne ngadi gaavadu gi goodou? Gai noo ni mee ne ngadi gaavadu, gai gu aha goodou gu pasa hagassoenga ai naa, e dagodo be e dee ni mee ne ngadi gaavadu gi goodou?
8Goodou gu kave donu mee alodahi oodou e llodo ai! Gai goodou gu ni dangada donu e lava! Gimaadeu e dee ni hodooligi, gai goodou ni hodooligi donu! Mee naa goodou gi ni hodooligi abodonu, gi maua ai hogi e gimaadeu i de hodooligi madali goodou! 9Gai e dagodo be de Maadua gu dugu gimaadeu, de gau tala, gi de hagaodi hugadoo, bei dagodo o dangada gu hagamodu e daa gi maakau i madamada o dangada alodahi; de gau henua i lalo ma de gau de langi aama dangada alodahi. 10Gimaadeu gu bei de gau llodo ssenga i hiidinga o Klisdo, aagai goodou gu ni dangada heiangi i lodo o Klisdo. Gimaadeu e baageaa, aagai goodou e mmahi. Goodou e hagadubulia, aagai gimaadeu e dee hagadubulia. 11Iainei donu gai gimaadeu e hiikai ma de hieunu, gimaadeu e deai omaadeu malo, gai e hagailiilia ma teai semaadeu mommee e nnoho ai. 12Gimaadeu e hai hegau kona i omaadeu lima. De masavaa a dangada e hagamalaia ai gimaadeu, gai gimaadeu e hagamanuuia gilaadeu; de masavaa omaadeu e vaivai haia ai, gai gimaadeu e llodo mmahi;#Acts 18.3 13de masavaa omaadeu e hagabaubau ina ai, gai gimaadeu e dangidangi i de lodo maolalo. Gimaadeu gu bei dagodo o mee e kino ai dangada, gai gu bei dagodo o denga gainga i henua i lalo, ga dae mai ai gi de masavaa nei.
14Au tee sisi adu mee nei e hagadookaa ai goodou, aagai ne sisi e bale adu ai goodou i hiidinga goodou ni dama hagamogomogo niiagu. 15Gai ga soa naa donu dangada e agoago ina adu goodou i lodo o Klisdo, gai e dahi donu huu oodou damana. Go au doodou damana i lodo o Klisdo Iesu i hiidinga o de longo danuaa. 16Deenei ai, au e dangidangi adu goodou gi ago mai i de au.#1 Co 11.1; Php 3.17 17Aanei hiidinga aagu ne hai ai naa Timothy gi hanadu gi oodou daha, ia se dama hagamogomogo gai e hai hegau i de mee abodonu i lodo o Tagi Maolunga. Gai ia ga hagamaanadu adu ai gi goodou dagodo o dogu mouli i lodo o Klisdo, bei dagu hai ne agoago ai laa mee nei i denga nohoanga dabu i mommee alodahi.
18Hanu i goodou e hagamaolunga, gilaadeu e maanadu bolo au gu dee hanadu gi oodou daha. 19Aagai au gu dai hanadu naa donu, noo e dugua mai i daho Tagi Maolunga. Gai au ga tilo ai be dee hee maa de hagamaolunga ma de mmahi o de gau naa. 20Go hiidinga de nohoanga hodooligi o de Maadua e dee ni muna donu huu e tala, aagai go ssauaa mmahi. 21Gai dee hee doodou mee e llodo ai? Go dogu hanadu ma de laagau haaele, aabe go dogu hanadu i de aloha ma de daudonu?
Currently Selected:
1 Corinthians 4: DBD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
1 Corinthians 4
4
De gau tala abodonu a Klisdo
1Gai tangada gi iloo de mee nei, gimaau ni dangada hai hegau niio Klisdo, gai ni dangada gu dugu ange aagena mee a de Maadua e dee iloo laa. 2E dahi ange mee, tangada e diiloo ange mee a dono dangada aamua, e hai gi se dangada e hai hegau i de mee abodonu. 3Aagai se mee donu e dee dau i ogu daha noo goodou aabe go dahi mommee hagamodu muna gu hagamodu ogu muna, gai au e dee hagamodu donu ogu muna. 4Tagi i ogu lodo e dee hagabaubau au, aagai au e dee hagadaba bolo au e dee haisala. Gai go Tagi Maolunga e hagamodu ina ogu dagodo. 5Deelaa ai, goodou gi dee hagamodu ina dahi mee i mua de humai o Tagi Maolunga, go de ia e hagaagona mai mee alodahi e hagammuni laa i lo te gohu, ma de hagaago mai maanadu alodahi i de lodo. Gai de Maadua ga tuhi ai dahi ma dahi.
6Denga daina, au ne hagadagodo ange de mee nei gi omaau dagodo ma Apollos gi tonu ange ai goodou, gai goodou ga agoago ai i omaau dagodo, gi dee hulo ai goodou laa honga mee gu sisi, gai gi dee duuhia ai e goodou dahi dangada, gai ga hai baasi ange gi tangada ange laa. 7Gai goai ne haia goodou gi dagodo gee ma tangada ange laa? Gai ni aha i oodou daha e dee ni mee ne ngadi gaavadu gi goodou? Gai noo ni mee ne ngadi gaavadu, gai gu aha goodou gu pasa hagassoenga ai naa, e dagodo be e dee ni mee ne ngadi gaavadu gi goodou?
8Goodou gu kave donu mee alodahi oodou e llodo ai! Gai goodou gu ni dangada donu e lava! Gimaadeu e dee ni hodooligi, gai goodou ni hodooligi donu! Mee naa goodou gi ni hodooligi abodonu, gi maua ai hogi e gimaadeu i de hodooligi madali goodou! 9Gai e dagodo be de Maadua gu dugu gimaadeu, de gau tala, gi de hagaodi hugadoo, bei dagodo o dangada gu hagamodu e daa gi maakau i madamada o dangada alodahi; de gau henua i lalo ma de gau de langi aama dangada alodahi. 10Gimaadeu gu bei de gau llodo ssenga i hiidinga o Klisdo, aagai goodou gu ni dangada heiangi i lodo o Klisdo. Gimaadeu e baageaa, aagai goodou e mmahi. Goodou e hagadubulia, aagai gimaadeu e dee hagadubulia. 11Iainei donu gai gimaadeu e hiikai ma de hieunu, gimaadeu e deai omaadeu malo, gai e hagailiilia ma teai semaadeu mommee e nnoho ai. 12Gimaadeu e hai hegau kona i omaadeu lima. De masavaa a dangada e hagamalaia ai gimaadeu, gai gimaadeu e hagamanuuia gilaadeu; de masavaa omaadeu e vaivai haia ai, gai gimaadeu e llodo mmahi;#Acts 18.3 13de masavaa omaadeu e hagabaubau ina ai, gai gimaadeu e dangidangi i de lodo maolalo. Gimaadeu gu bei dagodo o mee e kino ai dangada, gai gu bei dagodo o denga gainga i henua i lalo, ga dae mai ai gi de masavaa nei.
14Au tee sisi adu mee nei e hagadookaa ai goodou, aagai ne sisi e bale adu ai goodou i hiidinga goodou ni dama hagamogomogo niiagu. 15Gai ga soa naa donu dangada e agoago ina adu goodou i lodo o Klisdo, gai e dahi donu huu oodou damana. Go au doodou damana i lodo o Klisdo Iesu i hiidinga o de longo danuaa. 16Deenei ai, au e dangidangi adu goodou gi ago mai i de au.#1 Co 11.1; Php 3.17 17Aanei hiidinga aagu ne hai ai naa Timothy gi hanadu gi oodou daha, ia se dama hagamogomogo gai e hai hegau i de mee abodonu i lodo o Tagi Maolunga. Gai ia ga hagamaanadu adu ai gi goodou dagodo o dogu mouli i lodo o Klisdo, bei dagu hai ne agoago ai laa mee nei i denga nohoanga dabu i mommee alodahi.
18Hanu i goodou e hagamaolunga, gilaadeu e maanadu bolo au gu dee hanadu gi oodou daha. 19Aagai au gu dai hanadu naa donu, noo e dugua mai i daho Tagi Maolunga. Gai au ga tilo ai be dee hee maa de hagamaolunga ma de mmahi o de gau naa. 20Go hiidinga de nohoanga hodooligi o de Maadua e dee ni muna donu huu e tala, aagai go ssauaa mmahi. 21Gai dee hee doodou mee e llodo ai? Go dogu hanadu ma de laagau haaele, aabe go dogu hanadu i de aloha ma de daudonu?
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.