1 Corinthians 3
3
Tee heloongoi o dangada i de nohoanga dabu
1Aagai au, e denga daina, e dee maua i de basa adu gi goodou bei dagodo o dangada e noho de Hagasaalunga i olaadeu daha, aagai e basa ange gi dangada goi daudali i lodo o de angaanga, bei denga gaagaa i lodo o Klisdo. 2Au ne haangai adu goodou i vai uu, e dee go gai makaga, go hiidinga goodou tigi heohi ange gi mee nei. Uaa, goodou goi tigi heohi ange donu aagena,#Heb 5.12-13 3go hiidinga goodou goi hai donu huu lodo o de angaanga. Gai e dee anaa hiidinga oodou e llodo gaiaa ai naa ma de hagadaumee i oodou magavaa: goodou e dee nnoho naa huu i lodo o de angaanga, ma de hai hegau bei dagodo o dangada? 4Goodou e dee hagaago mai naa bolo goodou e bei donu huu dangada, i de hagadaba a dahi dangada, “Au e daudali ange i a Paul,” gai tangada ange laa e hagadaba, “Au e daudali ange i Apollos”?#1 Co 1.12
5Goai go Apollos? Gai goai go Paul? Gimaau ngaadahi ni dangada hai hegau donu huu, ne haia ga maua e goodou i de hagadonusia, bei de hai a Tagi Maolunga gu gaavange ai gi dahi ma dahi dono duuhanga. 6Au ne doo gai Apollos ne hagamaluulu, gai go de Maadua ne haia ga somo.#Acts 18.4-11, 24-28 7Tangada doo ma tangada hagamaluulu e dee hagamogomogo, aagai go de Maadua e haia laa ga somo e hagamogomogo. 8Tangada doo ma tangada hagamaluulu e hedae donu huu, gai gilaau e kave naa hagaoanga o alaau hegau. 9Gai gimaau ni dangada e hai hegau madali de Maadua; gai goodou go de veelenga a de Maadua aama de hale o de Maadua.
10Au ne hagaduu tagelo bei dagodo o de labagau heiangi, i tuuhanga a de Maadua gu gaamai laa gi de au i dono abodonu, gai dahi dangada ange e hagaduu ange gi honga tagelo laa. Gai dahi ma dahi gi diiloo gi danuaa dana hai e hagaduu ange ai gi honga tagelo laa. 11Gai e deai ange donu se dangada e maua i de hagadagodo dahi dagelo gee ma tagelo gu lava laa i de hagadagodo, go Iesu Klisdo. 12Gai noo dahi dangada e hagaduu i honga tagelo nei i goolo, be go selevaa, be go hadu hagamogomogo, be go laagau, aabe go helii ma lau mmasa — 13dagodo hegau a dahi ma dahi e ssula danuaa mai naa; i hiidinga e hagaago mai naa i de Laangi laa, de ahi e hai naa ga iloo ono dagodo. Gai de ahi e hagatale ange naa ga tilo be aahee dagodo hegau a dahi ma dahi. 14Noo hegau a dahi dangada ne hagaduu ange laa gi honga tagelo laa tee vvela, gai ia e kave naa dahi hagaoanga. 15Gai noo hegau a tangada e odi i de dudu i de ahi, gai ia e deai sono hagaoanga; aagai ia e ola mai i de hagaduasala, bei dagodo o tangada gu ola mai i de ahi.
16Goodou tigi tonu ange naa donu bolo goodou go de temple o de Maadua, gai de Hagasaalunga o de Maadua e noho i oodou lodo?#1 Co 6.19; 2 Co 6.16 17Gai noo dahi dangada e oha de temple o de Maadua, gai de Maadua e daa donu ia gi magau. Go hiidinga de temple o de Maadua e dabu, gai go goodou donu de temple laa.
18Gai tangada gi dee hagasengalia donu huu ia. Noo dahi goodou e maanadu bolo ia se dangada heiangi i de mouli nei, gai ia gi se dangada senga, gi heiangi abodonu ai ia. 19Go hiidinga de heiangi o henua i lalo nei e bei de lodo senga i daho de Maadua. Gai gu sisi e hai ange, “Ia e hagahaisala naa tangada heiangi i ana hegau vaivai dagodo.” #Job 5.13 20Gai gu sisi hogi e hai ange, “Tagi Maolunga e iloo dagodo maanadu a tangada heiangi, bolo e deai donu haigamaiana.” #Psa 94.11 21Deenei ai, tangada gi dee duuhia dangada! Go hiidinga mee alodahi niiodou: 22e dee hilihili be go Paul, be go Apollos, be go Cephas, be go henua i lalo, be go de mouli, be go de magau, be go de masavaa go iainei, aabe go de masavaa e humai — mee nei alodahi niiodou, 23gai goodou nii Klisdo, gai Klisdo nii de Maadua.
Currently Selected:
1 Corinthians 3: DBD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
1 Corinthians 3
3
Tee heloongoi o dangada i de nohoanga dabu
1Aagai au, e denga daina, e dee maua i de basa adu gi goodou bei dagodo o dangada e noho de Hagasaalunga i olaadeu daha, aagai e basa ange gi dangada goi daudali i lodo o de angaanga, bei denga gaagaa i lodo o Klisdo. 2Au ne haangai adu goodou i vai uu, e dee go gai makaga, go hiidinga goodou tigi heohi ange gi mee nei. Uaa, goodou goi tigi heohi ange donu aagena,#Heb 5.12-13 3go hiidinga goodou goi hai donu huu lodo o de angaanga. Gai e dee anaa hiidinga oodou e llodo gaiaa ai naa ma de hagadaumee i oodou magavaa: goodou e dee nnoho naa huu i lodo o de angaanga, ma de hai hegau bei dagodo o dangada? 4Goodou e dee hagaago mai naa bolo goodou e bei donu huu dangada, i de hagadaba a dahi dangada, “Au e daudali ange i a Paul,” gai tangada ange laa e hagadaba, “Au e daudali ange i Apollos”?#1 Co 1.12
5Goai go Apollos? Gai goai go Paul? Gimaau ngaadahi ni dangada hai hegau donu huu, ne haia ga maua e goodou i de hagadonusia, bei de hai a Tagi Maolunga gu gaavange ai gi dahi ma dahi dono duuhanga. 6Au ne doo gai Apollos ne hagamaluulu, gai go de Maadua ne haia ga somo.#Acts 18.4-11, 24-28 7Tangada doo ma tangada hagamaluulu e dee hagamogomogo, aagai go de Maadua e haia laa ga somo e hagamogomogo. 8Tangada doo ma tangada hagamaluulu e hedae donu huu, gai gilaau e kave naa hagaoanga o alaau hegau. 9Gai gimaau ni dangada e hai hegau madali de Maadua; gai goodou go de veelenga a de Maadua aama de hale o de Maadua.
10Au ne hagaduu tagelo bei dagodo o de labagau heiangi, i tuuhanga a de Maadua gu gaamai laa gi de au i dono abodonu, gai dahi dangada ange e hagaduu ange gi honga tagelo laa. Gai dahi ma dahi gi diiloo gi danuaa dana hai e hagaduu ange ai gi honga tagelo laa. 11Gai e deai ange donu se dangada e maua i de hagadagodo dahi dagelo gee ma tagelo gu lava laa i de hagadagodo, go Iesu Klisdo. 12Gai noo dahi dangada e hagaduu i honga tagelo nei i goolo, be go selevaa, be go hadu hagamogomogo, be go laagau, aabe go helii ma lau mmasa — 13dagodo hegau a dahi ma dahi e ssula danuaa mai naa; i hiidinga e hagaago mai naa i de Laangi laa, de ahi e hai naa ga iloo ono dagodo. Gai de ahi e hagatale ange naa ga tilo be aahee dagodo hegau a dahi ma dahi. 14Noo hegau a dahi dangada ne hagaduu ange laa gi honga tagelo laa tee vvela, gai ia e kave naa dahi hagaoanga. 15Gai noo hegau a tangada e odi i de dudu i de ahi, gai ia e deai sono hagaoanga; aagai ia e ola mai i de hagaduasala, bei dagodo o tangada gu ola mai i de ahi.
16Goodou tigi tonu ange naa donu bolo goodou go de temple o de Maadua, gai de Hagasaalunga o de Maadua e noho i oodou lodo?#1 Co 6.19; 2 Co 6.16 17Gai noo dahi dangada e oha de temple o de Maadua, gai de Maadua e daa donu ia gi magau. Go hiidinga de temple o de Maadua e dabu, gai go goodou donu de temple laa.
18Gai tangada gi dee hagasengalia donu huu ia. Noo dahi goodou e maanadu bolo ia se dangada heiangi i de mouli nei, gai ia gi se dangada senga, gi heiangi abodonu ai ia. 19Go hiidinga de heiangi o henua i lalo nei e bei de lodo senga i daho de Maadua. Gai gu sisi e hai ange, “Ia e hagahaisala naa tangada heiangi i ana hegau vaivai dagodo.” #Job 5.13 20Gai gu sisi hogi e hai ange, “Tagi Maolunga e iloo dagodo maanadu a tangada heiangi, bolo e deai donu haigamaiana.” #Psa 94.11 21Deenei ai, tangada gi dee duuhia dangada! Go hiidinga mee alodahi niiodou: 22e dee hilihili be go Paul, be go Apollos, be go Cephas, be go henua i lalo, be go de mouli, be go de magau, be go de masavaa go iainei, aabe go de masavaa e humai — mee nei alodahi niiodou, 23gai goodou nii Klisdo, gai Klisdo nii de Maadua.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.