1 Corinthians 12
12
Duuhanga mai i daho de Hagasaalunga
1Denga daina, dagodo o denga duuhanga mai i daho de Hagasaalunga ⌊Dabu⌋, au e dee lodo goodou gi dee iloo dagodo o mee nei. 2Goodou e iloo bolo doodou masavaa ni Gentile ai, gai goodou ne hagasengalia i denga diinonga e dee maua laa i de pasa. 3Deenei ai, au e lodo goodou gi tonu ange bolo e deai donu se dangada e basa i ssauaa o de Hagasaalunga o de Maadua e hagadaba, “Iesu gu hagamalaia!”, gai e deai hogi se dangada e hagadaba, “Iesu go Tagi Maolunga,” noo ia e dee dagi i daho de Hagasaalunga Dabu.
4E lagolago donu hagadaagangaa duuhanga, aagai e dahi donu huu Hagasaalunga;#Rom 12.6-8 5e lagolago donu hagadaagangaa hegau, aagai Tagi Maolunga e dahi donu huu; 6e lagolago donu hagadaagangaa duuhanga hegau, aagai e dahi donu huu Maadua, e hagahai hegau ina mee nei alodahi i daho dahi ma dahi.
7Gai gu gaavange gi dahi ma dahi dono duuhanga, mai i daho de Hagasaalunga ⌊Dabu⌋ e hagadanuaa ai alodahi. 8De Hagasaalunga ne gaavange gi dahi muna o de heiangi, gai dahi go muna o de iloo mee mai i daho de Hagasaalunga mau, 9gai dahi go de gai mai i daho de Hagasaalunga mau, gai tangada ange laa go de hagaieiangi magi, 10gai dahi ne gaavange ssauaa e hai ai mee hagalele mouli, gai dahi go de basa pelaabisi, gai tangada ange laa go de maua i de made dagodo o denga hagadaagangaa hagasaalunga, gai dahi go de basa i denga hagadaagangaa muna, gai dahi go de hagadonu hagadaagangaa muna laa. 11Duuhanga nei alodahi ni hegau mai i daho dahi Hagasaalunga daudahi, go de ia e vaevae ange mee nei gi dahi ma dahi, bei dagodo o dana hilihili.
De angaanga ma ono diba
12Gai e bei dagodo o de angaanga, e dahi donu huu angaanga, aagai e lagolago donu diba o de angaanga daudahi, gai e bei ai hogi dagodo o Klisdo.#Rom 12.4-5 13Gai gidaadeu alodahi ne babudaisi i de Hagasaalunga daudahi e hai ai de angaanga e dahi — e dee hilihili be ni dangada Ssuu aabe ni dangada Greek, be ni dangada hai hegau aabe ni dangada e ilaage — gai gidaadeu alodahi ne kave de Hagasaalunga daudahi.
14Gai de angaanga e dee dahi donu huu diba iai, aagai e lagolago ono diba. 15Gai noo de vae e hagadaba, “Go hiidinga au e dee se lima, deelaa ai, au e dee dau ange gi de angaanga,” muna nei e dee maua i de hai de lima gi dee se diba niio de angaanga. 16Gai noo talinga e hagadaba, “Go hiidinga au e dee se ganomada, deelaa ai, au e dee dau ange gi de angaanga,” muna nei e dee maua donu i de hai talinga gi dee se diba niio de angaanga. 17Noo de angaanga alodahi se ganomada, gai go hee ai naa e hagallongo ai? Noo de angaanga alodahi se dalinga, gai go hee ai naa e hagadungu ai? 18Aagai go de Maadua ne hagatau ina diba alodahi o de angaanga, bei dono hai e lodo ai. 19Gai noo e dahi donu huu diba o de angaanga, gai e maua ai naa donu gi dahi angaanga? 20Gai deenei tagodo: e lagolago diba o de angaanga, aagai e dahi donu huu angaanga.
21De ganomada e dee maua i de hai ange gi de lima, “E deai donu oo haigamaiana mai gi de au!” Gai de biho e dee maua i de hai ange gi de vae, “E deai donu oo haigamaiana mai gi de au!” 22E dee maua donu i de hai mee nei, aagai diba o de angaanga e baageaa laa e haigamaiana donu, 23gai diba o de angaanga adaadeu e maanadu laa bolo e dai deai selaadeu hagadubu, go mee donu adaadeu e kana ange ma e hagadubu. Gai mee o de angaanga e dee tilo danuaa laa, go mee donu adaadeu e tilo gi danuaa. 24Gai mee o de angaanga e tilo danuaa laa, e dee dagodo bee nei. Aagai de Maadua ne hai de angaanga, ga hai gi laumalie de hagadubu o mee e dai deai selaadeu hagadubu, 25gi dee hagadau hai baasi ai mee o de angaanga, aagai gi hagadau bale i olaadeu magavaa. 26Noo dahi diba o de angaanga gu duasala, gai de angaanga alodahi gu duasala; noo dahi diba o de angaanga gu hagadubulia, gai diba alodahi gu malangilangi.
27Goodou go de angaanga donu o Klisdo, gai dahi ma dahi se diba niio dono angaanga. 28Gai de Maadua gu lava i de hili denga duuhanga i lo te nohoanga dabu, tahi go de gau tala, de lua go denga pelaabisi, tolu go de gau agoago, ma de gau e haia mee hagalele mouli, ga lava go gilaadeu e hagaieiangi ina magi, ma gilaadeu e balea ange dangada, ma de gau hagaseesee, aama gilaadeu e pasa i denga hagadaagangaa muna.#Eph 4.11 29E dee go dangada alodahi ni dangada tala. E dee go dangada alodahi ni pelaabisi. E dee go dangada alodahi ni dangada agoago. E dee go dangada alodahi e haia mee hagalele mouli. 30E dee go dangada alodahi ne gaavee tuuhanga o de hagaieiangi magi. E dee go dangada alodahi e pasa i denga hagadaagangaa muna. Gai e dee go dangada alodahi e hagadonu ina muna laa. 31Aagai goodou gi llodo mmao i denga duuhanga e kii ange laa de hagamogomogo.
Aagai au e hagaago adu gi goodou de mee danuaa hugadoo.
Currently Selected:
1 Corinthians 12: DBD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
1 Corinthians 12
12
Duuhanga mai i daho de Hagasaalunga
1Denga daina, dagodo o denga duuhanga mai i daho de Hagasaalunga ⌊Dabu⌋, au e dee lodo goodou gi dee iloo dagodo o mee nei. 2Goodou e iloo bolo doodou masavaa ni Gentile ai, gai goodou ne hagasengalia i denga diinonga e dee maua laa i de pasa. 3Deenei ai, au e lodo goodou gi tonu ange bolo e deai donu se dangada e basa i ssauaa o de Hagasaalunga o de Maadua e hagadaba, “Iesu gu hagamalaia!”, gai e deai hogi se dangada e hagadaba, “Iesu go Tagi Maolunga,” noo ia e dee dagi i daho de Hagasaalunga Dabu.
4E lagolago donu hagadaagangaa duuhanga, aagai e dahi donu huu Hagasaalunga;#Rom 12.6-8 5e lagolago donu hagadaagangaa hegau, aagai Tagi Maolunga e dahi donu huu; 6e lagolago donu hagadaagangaa duuhanga hegau, aagai e dahi donu huu Maadua, e hagahai hegau ina mee nei alodahi i daho dahi ma dahi.
7Gai gu gaavange gi dahi ma dahi dono duuhanga, mai i daho de Hagasaalunga ⌊Dabu⌋ e hagadanuaa ai alodahi. 8De Hagasaalunga ne gaavange gi dahi muna o de heiangi, gai dahi go muna o de iloo mee mai i daho de Hagasaalunga mau, 9gai dahi go de gai mai i daho de Hagasaalunga mau, gai tangada ange laa go de hagaieiangi magi, 10gai dahi ne gaavange ssauaa e hai ai mee hagalele mouli, gai dahi go de basa pelaabisi, gai tangada ange laa go de maua i de made dagodo o denga hagadaagangaa hagasaalunga, gai dahi go de basa i denga hagadaagangaa muna, gai dahi go de hagadonu hagadaagangaa muna laa. 11Duuhanga nei alodahi ni hegau mai i daho dahi Hagasaalunga daudahi, go de ia e vaevae ange mee nei gi dahi ma dahi, bei dagodo o dana hilihili.
De angaanga ma ono diba
12Gai e bei dagodo o de angaanga, e dahi donu huu angaanga, aagai e lagolago donu diba o de angaanga daudahi, gai e bei ai hogi dagodo o Klisdo.#Rom 12.4-5 13Gai gidaadeu alodahi ne babudaisi i de Hagasaalunga daudahi e hai ai de angaanga e dahi — e dee hilihili be ni dangada Ssuu aabe ni dangada Greek, be ni dangada hai hegau aabe ni dangada e ilaage — gai gidaadeu alodahi ne kave de Hagasaalunga daudahi.
14Gai de angaanga e dee dahi donu huu diba iai, aagai e lagolago ono diba. 15Gai noo de vae e hagadaba, “Go hiidinga au e dee se lima, deelaa ai, au e dee dau ange gi de angaanga,” muna nei e dee maua i de hai de lima gi dee se diba niio de angaanga. 16Gai noo talinga e hagadaba, “Go hiidinga au e dee se ganomada, deelaa ai, au e dee dau ange gi de angaanga,” muna nei e dee maua donu i de hai talinga gi dee se diba niio de angaanga. 17Noo de angaanga alodahi se ganomada, gai go hee ai naa e hagallongo ai? Noo de angaanga alodahi se dalinga, gai go hee ai naa e hagadungu ai? 18Aagai go de Maadua ne hagatau ina diba alodahi o de angaanga, bei dono hai e lodo ai. 19Gai noo e dahi donu huu diba o de angaanga, gai e maua ai naa donu gi dahi angaanga? 20Gai deenei tagodo: e lagolago diba o de angaanga, aagai e dahi donu huu angaanga.
21De ganomada e dee maua i de hai ange gi de lima, “E deai donu oo haigamaiana mai gi de au!” Gai de biho e dee maua i de hai ange gi de vae, “E deai donu oo haigamaiana mai gi de au!” 22E dee maua donu i de hai mee nei, aagai diba o de angaanga e baageaa laa e haigamaiana donu, 23gai diba o de angaanga adaadeu e maanadu laa bolo e dai deai selaadeu hagadubu, go mee donu adaadeu e kana ange ma e hagadubu. Gai mee o de angaanga e dee tilo danuaa laa, go mee donu adaadeu e tilo gi danuaa. 24Gai mee o de angaanga e tilo danuaa laa, e dee dagodo bee nei. Aagai de Maadua ne hai de angaanga, ga hai gi laumalie de hagadubu o mee e dai deai selaadeu hagadubu, 25gi dee hagadau hai baasi ai mee o de angaanga, aagai gi hagadau bale i olaadeu magavaa. 26Noo dahi diba o de angaanga gu duasala, gai de angaanga alodahi gu duasala; noo dahi diba o de angaanga gu hagadubulia, gai diba alodahi gu malangilangi.
27Goodou go de angaanga donu o Klisdo, gai dahi ma dahi se diba niio dono angaanga. 28Gai de Maadua gu lava i de hili denga duuhanga i lo te nohoanga dabu, tahi go de gau tala, de lua go denga pelaabisi, tolu go de gau agoago, ma de gau e haia mee hagalele mouli, ga lava go gilaadeu e hagaieiangi ina magi, ma gilaadeu e balea ange dangada, ma de gau hagaseesee, aama gilaadeu e pasa i denga hagadaagangaa muna.#Eph 4.11 29E dee go dangada alodahi ni dangada tala. E dee go dangada alodahi ni pelaabisi. E dee go dangada alodahi ni dangada agoago. E dee go dangada alodahi e haia mee hagalele mouli. 30E dee go dangada alodahi ne gaavee tuuhanga o de hagaieiangi magi. E dee go dangada alodahi e pasa i denga hagadaagangaa muna. Gai e dee go dangada alodahi e hagadonu ina muna laa. 31Aagai goodou gi llodo mmao i denga duuhanga e kii ange laa de hagamogomogo.
Aagai au e hagaago adu gi goodou de mee danuaa hugadoo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.