1 Corinthians 11
11
1Ago mai i de au, bei dogu ago ange i Klisdo.#1 Co 4.16; Php 3.17
De haoli biho o denga haahine
2Au e tuhi goodou i hiidinga goodou goi manadua huu au aama de daohi mee aagu gu lava i de agoago adu ai goodou.
3Gai au e lodo goodou gi tonu ange bolo de biho o taane go Klisdo, gai de biho o de hine go taane, gai de biho o Klisdo go de Maadua. 4Taane e haolia dono biho e dalodalo ai aabe e basa pelaabisi ai, e dee hagadubu dono biho, ⌊go Klisdo,⌋ 5gai de hine e dalodalo aabe e basa pelaabisi gai e dee haoli dono biho e dee hagadubu de biho, go dono bodu, gai e bei donu ia gu lava i de dahi gi malali dono biho. 6Noo dahi hahine e dee haoli dono biho, gai ia gi duudia dono biho gi podo. Aagai go hiidinga se mee hagadogaa ange gi de hine dau bodu de tuu gi podo aabe go de dahi gi malali dono biho, gai ia gi haolia dono biho. 7Gai taane e dee heohi de haoli dono biho, i hiidinga go ia de hagadulagi aama de mahamaha o de Maadua; gai de hine go de mahamaha o taane.#Gen 1.26-27 8(Go hiidinga taane tee hai mai i de hine, gai go de hine ne hai mai i taane.#Gen 2.18-23 9Taane tee hai i hiidinga o de hine, gai go de hine ne hai i hiidinga o taane.) 10Aalaa hiidinga o de hine e haoli ai laa de biho e hai ai de hagailonga o ssauaa i honga dono biho ange gi denga dangada de langi.
11(Gai tagodo donu, de hine e dee maua i tee dau ange gi taane, gai taane e dee maua i tee dau ange gi de hine i lodo o Tagi Maolunga; 12go hiidinga de hine ne hagahale mai i taane, gai e bei ai hogi, iainei gai taane e haanau mai i daho de hine. Gai mee alodahi ne daamada mai i daho de Maadua.) 13Goodou hagasaelea age muu huu: e heohi de dalodalo ange o de hine gi de Maadua, gai e dee haoli dono biho? 14E aha, tigi hagaago mai gi gidaadeu i mee e hai i de laa tubua, bolo taane e dugua dono biho gi lloa e hagangadi mee donu huu ia, 15gai noo de hine e lloa dono biho, gai e hagamahamaha donu huu ia? Go hiidinga ono ngaangaaulu ne gaavange e haoli ai ia. 16Noo dahi dangada e lodo e hai baasi mai i de mee nei, gai e deai ange donu se dahulinga odaadeu e hai hegau ai, gai e bei ai hogi denga nohoanga dabu o de Maadua.
Taonga Dabu a Tagi Maolunga
(Mat 26.26-29; Mark 14.22-25; Luke 22.14-20)
17Aagai au e dee maua donu i de tuhi goodou i agu mee ga tala adu nei, go hiidinga oodou hagabuni e dee hagadaga ange tanuaa, aagai e hagadaga ange de baubau. 18Gai deenei tahi mee oodou e hai: de masavaa o de nohoanga dabu e hagabuni ai, gai au gu langona bolo e hanu hagabuulinga i oodou magavaa e hagadau hai baasi; gai au e dai hagadonusia donu muna nei. 19Gai e hanu donu hogi dee heloongoi i oodou magavaa; mee nei se hai gi maua ai gi iloo abodonu gilaadeu e hai hegau i de muna abodonu. 20De masavaa oodou e hagabuni ai, gai goodou tee hagabuni donu e gai taonga dabu a Tagi Maolunga. 21Go hiidinga de masavaa oodou e gai ai, gai dahi ma dahi e hagamoolau ga gaimee, e dee tali ange donu dangada ange laa. Deelaa ai, dahi dangada e hiigai gai dahi gu senga. 22E aha! Gu deai oodou hale e gaimee ai ma de unu? Aabe goodou se llodo donu e hagangadi mee de nohoanga dabu o de Maadua, ma de hagadookaa dangada e deai alaadeu mee? Gai aahee ai naa agu muna e hai adu gi goodou? Ga tuhi adu au goodou i de mee nei? E deai, au e dee tuhi adu donu goodou.
23Gai agu muna gu tala adu gi goodou go agu muna donu hogi ne kave mai i daho Tagi Maolunga: de boo o Tagi Maolunga go Iesu ne gaavange ai, gai ia ne poo mai dahi pelaoaa, 24gai ga lava huu i dana hagaahe ange de abodonu, gai ia ga dohidohi, ga hai ange, “Deenei dogu angaanga e gaavange laa i oodou hiidinga. Goodou haia de mee nei e hagamaanadu ai au.” 25Gai ia ne poo mai hogi de ubu, i de lava de gaimee, ga hai ange, “De ubu nei go de hagatoo donu hagaheloongoi hoou e hai i ogu dodo. Goodou hagamau ina de unu i de ubu nei, e hagamaanadu ai au.” #Exo 24.6-8; Jer 31.31-34 26Gai de masavaa naa huu oodou e gai ai de pelaoaa nei ma de unu i de ubu, gai goodou e tala hagadonu de magau o Tagi Maolunga, ga dae ai gi dono ahe mai.
27Deenei ai, be goai e gaina pelaoaa aabe e unu i de ubu a Tagi Maolunga gai ia e dee heohi ange aagena, gai ia e haisala ange donu gi de angaanga ma dodo o Tagi Maolunga. 28Gai tangada gi diiloo iho gi danuaa ono dagodo, gai ia ga gai ai de pelaoaa ma de unu i de ubu nei. 29Gai tangada e gaina ma de unu mee nei gai tigi donu danuaa ange gi dagodo o de angaanga o Klisdo, e hagaduasala donu. 30Deenaa de hiidinga e soa ai naa goodou e baageaa ma de mmagi, gai hanu gu maakau.#11.30 hanu gu maakau: de Beebaa Greek e hai ange hanu gu sseni. 31Aagai noo gidaadeu e hagamodu donu huu odaadeu dagodo, gai gidaadeu e dee hagaduasala. 32Aagai de masavaa a Tagi Maolunga e hagamodu ai odaadeu muna, gai ia e haele gidaadeu gi dee maakau ai gidaadeu madali henua i lalo.
33Deenei ai, ogu daina, de masavaa naa huu oodou e hagabuni ai e gai taonga dabu, gai goodou daalia ange dangada ange laa — 34gai noo dahi dangada e hiigai, gai ia gi gaimee i dono hale — gi dee too ange ai goodou gi de hagaduasala i doodou masavaa e hagabuni ai. Gai dogu masavaa naa huu e dae adu ai, gai au ga tala adu gi goodou dagodo o mee ange laa.
Currently Selected:
1 Corinthians 11: DBD
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
1 Corinthians 11
11
1Ago mai i de au, bei dogu ago ange i Klisdo.#1 Co 4.16; Php 3.17
De haoli biho o denga haahine
2Au e tuhi goodou i hiidinga goodou goi manadua huu au aama de daohi mee aagu gu lava i de agoago adu ai goodou.
3Gai au e lodo goodou gi tonu ange bolo de biho o taane go Klisdo, gai de biho o de hine go taane, gai de biho o Klisdo go de Maadua. 4Taane e haolia dono biho e dalodalo ai aabe e basa pelaabisi ai, e dee hagadubu dono biho, ⌊go Klisdo,⌋ 5gai de hine e dalodalo aabe e basa pelaabisi gai e dee haoli dono biho e dee hagadubu de biho, go dono bodu, gai e bei donu ia gu lava i de dahi gi malali dono biho. 6Noo dahi hahine e dee haoli dono biho, gai ia gi duudia dono biho gi podo. Aagai go hiidinga se mee hagadogaa ange gi de hine dau bodu de tuu gi podo aabe go de dahi gi malali dono biho, gai ia gi haolia dono biho. 7Gai taane e dee heohi de haoli dono biho, i hiidinga go ia de hagadulagi aama de mahamaha o de Maadua; gai de hine go de mahamaha o taane.#Gen 1.26-27 8(Go hiidinga taane tee hai mai i de hine, gai go de hine ne hai mai i taane.#Gen 2.18-23 9Taane tee hai i hiidinga o de hine, gai go de hine ne hai i hiidinga o taane.) 10Aalaa hiidinga o de hine e haoli ai laa de biho e hai ai de hagailonga o ssauaa i honga dono biho ange gi denga dangada de langi.
11(Gai tagodo donu, de hine e dee maua i tee dau ange gi taane, gai taane e dee maua i tee dau ange gi de hine i lodo o Tagi Maolunga; 12go hiidinga de hine ne hagahale mai i taane, gai e bei ai hogi, iainei gai taane e haanau mai i daho de hine. Gai mee alodahi ne daamada mai i daho de Maadua.) 13Goodou hagasaelea age muu huu: e heohi de dalodalo ange o de hine gi de Maadua, gai e dee haoli dono biho? 14E aha, tigi hagaago mai gi gidaadeu i mee e hai i de laa tubua, bolo taane e dugua dono biho gi lloa e hagangadi mee donu huu ia, 15gai noo de hine e lloa dono biho, gai e hagamahamaha donu huu ia? Go hiidinga ono ngaangaaulu ne gaavange e haoli ai ia. 16Noo dahi dangada e lodo e hai baasi mai i de mee nei, gai e deai ange donu se dahulinga odaadeu e hai hegau ai, gai e bei ai hogi denga nohoanga dabu o de Maadua.
Taonga Dabu a Tagi Maolunga
(Mat 26.26-29; Mark 14.22-25; Luke 22.14-20)
17Aagai au e dee maua donu i de tuhi goodou i agu mee ga tala adu nei, go hiidinga oodou hagabuni e dee hagadaga ange tanuaa, aagai e hagadaga ange de baubau. 18Gai deenei tahi mee oodou e hai: de masavaa o de nohoanga dabu e hagabuni ai, gai au gu langona bolo e hanu hagabuulinga i oodou magavaa e hagadau hai baasi; gai au e dai hagadonusia donu muna nei. 19Gai e hanu donu hogi dee heloongoi i oodou magavaa; mee nei se hai gi maua ai gi iloo abodonu gilaadeu e hai hegau i de muna abodonu. 20De masavaa oodou e hagabuni ai, gai goodou tee hagabuni donu e gai taonga dabu a Tagi Maolunga. 21Go hiidinga de masavaa oodou e gai ai, gai dahi ma dahi e hagamoolau ga gaimee, e dee tali ange donu dangada ange laa. Deelaa ai, dahi dangada e hiigai gai dahi gu senga. 22E aha! Gu deai oodou hale e gaimee ai ma de unu? Aabe goodou se llodo donu e hagangadi mee de nohoanga dabu o de Maadua, ma de hagadookaa dangada e deai alaadeu mee? Gai aahee ai naa agu muna e hai adu gi goodou? Ga tuhi adu au goodou i de mee nei? E deai, au e dee tuhi adu donu goodou.
23Gai agu muna gu tala adu gi goodou go agu muna donu hogi ne kave mai i daho Tagi Maolunga: de boo o Tagi Maolunga go Iesu ne gaavange ai, gai ia ne poo mai dahi pelaoaa, 24gai ga lava huu i dana hagaahe ange de abodonu, gai ia ga dohidohi, ga hai ange, “Deenei dogu angaanga e gaavange laa i oodou hiidinga. Goodou haia de mee nei e hagamaanadu ai au.” 25Gai ia ne poo mai hogi de ubu, i de lava de gaimee, ga hai ange, “De ubu nei go de hagatoo donu hagaheloongoi hoou e hai i ogu dodo. Goodou hagamau ina de unu i de ubu nei, e hagamaanadu ai au.” #Exo 24.6-8; Jer 31.31-34 26Gai de masavaa naa huu oodou e gai ai de pelaoaa nei ma de unu i de ubu, gai goodou e tala hagadonu de magau o Tagi Maolunga, ga dae ai gi dono ahe mai.
27Deenei ai, be goai e gaina pelaoaa aabe e unu i de ubu a Tagi Maolunga gai ia e dee heohi ange aagena, gai ia e haisala ange donu gi de angaanga ma dodo o Tagi Maolunga. 28Gai tangada gi diiloo iho gi danuaa ono dagodo, gai ia ga gai ai de pelaoaa ma de unu i de ubu nei. 29Gai tangada e gaina ma de unu mee nei gai tigi donu danuaa ange gi dagodo o de angaanga o Klisdo, e hagaduasala donu. 30Deenaa de hiidinga e soa ai naa goodou e baageaa ma de mmagi, gai hanu gu maakau.#11.30 hanu gu maakau: de Beebaa Greek e hai ange hanu gu sseni. 31Aagai noo gidaadeu e hagamodu donu huu odaadeu dagodo, gai gidaadeu e dee hagaduasala. 32Aagai de masavaa a Tagi Maolunga e hagamodu ai odaadeu muna, gai ia e haele gidaadeu gi dee maakau ai gidaadeu madali henua i lalo.
33Deenei ai, ogu daina, de masavaa naa huu oodou e hagabuni ai e gai taonga dabu, gai goodou daalia ange dangada ange laa — 34gai noo dahi dangada e hiigai, gai ia gi gaimee i dono hale — gi dee too ange ai goodou gi de hagaduasala i doodou masavaa e hagabuni ai. Gai dogu masavaa naa huu e dae adu ai, gai au ga tala adu gi goodou dagodo o mee ange laa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.