Lévinu 3
3
Bɔvɔ sarakanu
(Lév 7:11–21; 9:18–21)
1Dé mi do a a va léé, ’é bɔvɔ saraka bo Gakelebale lɛ, a we a ’ko zo: Dé é diri nɔ, dé é a a gɔné nyaoo, dé é a a da nyaoo, yee lé we do kpen ’ka a ma lo, ’é yee ɛ nɔ Gakelebale lɛ. 2É dan é bɛ pla lɛ sarakabowi ’wuo la yé é dan a bɔrɔ bo lɛ zén‐ékevasɔkɔn ’léé; yé Balebanzannu, Arɔn benu é dan a nyɛ zén lɛ balebanna ta fɛfaana. 3Bɔvɔ sarakabowi vafɛnu lé wo dan wo kyɛ ble lɛ balebanwi nya Gakelebale ’lɛ, wo lé ke ’ko: a nyɔnɔ lé é séli vɔ a bun‐an ta, ’é valé a nyɔnɔ lé ke a bun‐annu méléna koo, 4a kolimayere fié koo, wo ma nyɔnɔ valé a kolimiligi nyɔnɔ koo, a bli fee blɛn lé wa si a kolimayere sɔnɔ koo, woo lé. 5Arɔn benu é dan ’bɛ kyɛ ble lɛ balebanna ta, balebanwi lé wa kyɛ blé kyɛyili lé wa zén kyɛ ta, a ta, ’bɛ ta loru. Saraka lé wa faa kyɛ blé, ’té Gakelebale a gin sié néné, yee lé.
6Dé mi do bɔvɔ saraka bo Gakelebale lɛ trubɛ nya, dé é a a gɔné nyaoo, dé é a a da nyaoo, yee lé we do kpen ’ka a ma lo, ’é yee ɛ nɔ. 7Dé é saraka bo ’blané nya, ’é da a nya Gakelebale ’lɛ. 8É dan é bɛ pla lɛ sarakabowi ’wuo la, yé é dan a bɔrɔ bo lɛ zén‐ékevasɔkɔn ’lɛ; yé Arɔn benu é dan a nyɛ zén lɛ balebanna ta fɛfaana. 9Bɔvɔ saraka bowi vafɛnu lé wo dan wo kyɛ ble lɛ saraka nya Gakelebale ’lɛ, wo lé ke ’ko: a nyɔnɔ koo, a woli pun faa lé wa so a sowolɛ gi koo, a nyɔnɔ lé é séli vɔ a bun‐an ta valé a nyɔnɔ lé ke a bun‐annu méléna koo, 10a kolimayere fié koo, wo ma nyɔnɔ valé a koligi nyɔnɔ koo, a bli fee blɛn lé wa si a kolimayere sɔnɔ koo, woo lé. 11Balebanzan é dan ’bɛ kyɛ ble lɛ balebanna ta. Fɛblele saraka lé wa kyɛ blé Gakelebale ’lɛ, yee lé.
12Dé alé balebanfɛ a boli nya, ’é da a nya Gakelebale ’lɛ. 13É dan é bɛ pla lɛ sarakawi ’wuo la, yé é dan a bɔrɔ bo lɛ zén‐ékevasɔkɔn ’lɛ; yé Arɔn benu é dan a nyɛ zén lɛ balebanna ta fɛfaana. 14Saraka bowi vafɛnu lé wo dan wo kyɛ ble lɛ saraka nya Gakelebale lɛ, wo lé ke ’ko: a nyɔnɔ lé é séli vɔ a bun‐an ta valé a nyɔnɔ faa lé ke a bun‐annu méléna koo, 15a kolimayere fié koo, wo ma nyɔnɔ valé a kolimiligi nyɔnɔ koo, a bli fee blɛn lé wa si a kolimayere sɔnɔ koo, woo lé. 16Balebanzan é dan ’bɛ kyɛ ble lɛ balebanna ta. A nyɔnɔ faa a fɛblele saraka lé wa kyɛ blé balebanfɛ nya, a nya, ’té Gakelebale a gin sié néné.
17Té ka winyɔnɔ valé é nyɛ ble lo; we ’ko a bélidɔwe lé é ’ka nyaan lo, a nya, ka kulunu zé nya, ka gɔnɔ faa gi.
Currently Selected:
Lévinu 3: GOURU
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979
