Lévinu 2
2
Bale blannu
(Lév 7:9–14)
1Dé mi do a a va léé, ’é Gakelebale ban fɛblele nya, a banfɛ ’é kɛlɛ burupun zima nya; ’é nyɔnɔ zén a va, yé ’é lasikɔrɔpo pa a va. 2É dan da lɛ a nya Balebanzannu Arɔn benu va; burupun zima ’ko lé wo nyɔnɔ zén a va bɛ, Balebanzan é dan a si lɛ bɛ nya do, ’é valé lasikɔrɔpo faa nya, yé é wo kyɛ ble balebanna ta, we seledɔmigifɛ nya. É a balebanfɛblele lé, Gakelebale a gin sié néné, a nya. 3Fɛnu lé woo wo kyɛ blé Gakelebalé lɛ, fɛ ’ko a wo va fɛ plɛplɛ nya; a pɔné lé é vo bɛ, é a Arɔn valé é benu zé nya.
4Dé bii léé, ’é blɛ kɛlɛ Bale lɛ, fɛ lé wa dɔneé ’furu gi, a nya, bé kɛlɛ burupun zima nya. É a lé é kɛlɛ buru kurukuruné lé wa vɔɔan nyɔnɔ nya koo, buru pɛtoropɛtoroné lé woo nyɔnɔ nwɛɛn‐an wo ta koo, wo nya, lé lévɛn ’ka wo va lo.
5Dé ilé balebanfɛblele a buru kurukuruné lé wa vɔ gbɛlɛ gi, a nya, bé kɛlɛ burupun zima lé wa vɔɔ nyɔnɔ nya, a nya, ’té lévɛn ’ka a va lo. 6I dan a bɔi lɛ é kurunu nya, yé i nyɔnɔ zén a ma; Bale lé fɛblele lé.
7Dé ilé balebanfɛblele a buru kurukuruné lé wa ga kɔrané ta, a nya, bé kɛlɛ burupun zima lé wa vɔɔ nyɔnɔ nya, a nya.
8Dé i dan Gakelebale ban lɛ fɛblele ’konu nya, ’i da a nya Balebanzan lɛ, yé ’bɛ é dan a nɔ lɛ balebanna ta. 9Fɛ lé é a lé wa nɔ weseledɔmigifɛ nya, Balebanzan é dan a si lɛ yé é a kyɛ ble balebanna ta. É a balebanfɛblele lé Gakelebale a gin sié néné, a nya. 10Fɛnu lé woo wo kyɛ blé Gakelebale lɛ, fɛ ’ko a wo va fɛ plɛplɛ nya; a pɔné lé é vo bɛ, é a Arɔn valé é benu zé nya.
11Dé ka Gakelebale ban fɛblele?-?nuan nya, té lévɛn é kɛlɛ wo do kpen va lo; fɛblelenu lé ka wo nɔ Gakelebale lɛ wo kyɛblele we ma, dé é a lévɛn nyaoo, dé é a zɔrɔnyɔnɔ nyaoo, dé ’bɛ do a wo va, té ka ’bɛ kyɛ ble Gakelebale lɛ lo. 12Dé ka léé, ka fɛ ’konu nɔ Gakelebale lɛ, ’ka wo nɔ, woo féifɛ vinin no fɛan zo, a zo; naa, té wa nɔ balebanna ta fɛ gin néné nya lo. 13’Ka wɛ pa kalé Bale lé fɛblele faa ma; té kalé Bale banfɛ é vuru wɛ ma lo; é a kalé Bale gi pale do tɔmase nya; ’ka wɛ pa kalé balebanfɛblele faa ma.
14Dé i Gakelebale ban féifɛ vinin nya, ’i ’sanɛnɛ dɛrɛ si, bé séli, yé bé pun dɔ yé bé nɔ féifɛ vinin nya. 15’I nyɔnɔ zén a ma yé ’i lasikɔrɔpo pa a va; féifɛ vinin lé i Bale ban a nya, yee lé. 16Balebanzan é dan ’sanɛnɛ pundɔle valé nyɔnɔ ke si lɛ yé é dan a kyɛ ble lɛ weseledɔmigifɛ nya, ’é valé lasikɔrɔpo faa nya. É a balebanfɛ lé wa kyɛ blé Gakelebale ’lɛ, a nya.
Currently Selected:
Lévinu 2: GOURU
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979
Lévinu 2
2
Bale blannu
(Lév 7:9–14)
1Dé mi do a a va léé, ’é Gakelebale ban fɛblele nya, a banfɛ ’é kɛlɛ burupun zima nya; ’é nyɔnɔ zén a va, yé ’é lasikɔrɔpo pa a va. 2É dan da lɛ a nya Balebanzannu Arɔn benu va; burupun zima ’ko lé wo nyɔnɔ zén a va bɛ, Balebanzan é dan a si lɛ bɛ nya do, ’é valé lasikɔrɔpo faa nya, yé é wo kyɛ ble balebanna ta, we seledɔmigifɛ nya. É a balebanfɛblele lé, Gakelebale a gin sié néné, a nya. 3Fɛnu lé woo wo kyɛ blé Gakelebalé lɛ, fɛ ’ko a wo va fɛ plɛplɛ nya; a pɔné lé é vo bɛ, é a Arɔn valé é benu zé nya.
4Dé bii léé, ’é blɛ kɛlɛ Bale lɛ, fɛ lé wa dɔneé ’furu gi, a nya, bé kɛlɛ burupun zima nya. É a lé é kɛlɛ buru kurukuruné lé wa vɔɔan nyɔnɔ nya koo, buru pɛtoropɛtoroné lé woo nyɔnɔ nwɛɛn‐an wo ta koo, wo nya, lé lévɛn ’ka wo va lo.
5Dé ilé balebanfɛblele a buru kurukuruné lé wa vɔ gbɛlɛ gi, a nya, bé kɛlɛ burupun zima lé wa vɔɔ nyɔnɔ nya, a nya, ’té lévɛn ’ka a va lo. 6I dan a bɔi lɛ é kurunu nya, yé i nyɔnɔ zén a ma; Bale lé fɛblele lé.
7Dé ilé balebanfɛblele a buru kurukuruné lé wa ga kɔrané ta, a nya, bé kɛlɛ burupun zima lé wa vɔɔ nyɔnɔ nya, a nya.
8Dé i dan Gakelebale ban lɛ fɛblele ’konu nya, ’i da a nya Balebanzan lɛ, yé ’bɛ é dan a nɔ lɛ balebanna ta. 9Fɛ lé é a lé wa nɔ weseledɔmigifɛ nya, Balebanzan é dan a si lɛ yé é a kyɛ ble balebanna ta. É a balebanfɛblele lé Gakelebale a gin sié néné, a nya. 10Fɛnu lé woo wo kyɛ blé Gakelebale lɛ, fɛ ’ko a wo va fɛ plɛplɛ nya; a pɔné lé é vo bɛ, é a Arɔn valé é benu zé nya.
11Dé ka Gakelebale ban fɛblele?-?nuan nya, té lévɛn é kɛlɛ wo do kpen va lo; fɛblelenu lé ka wo nɔ Gakelebale lɛ wo kyɛblele we ma, dé é a lévɛn nyaoo, dé é a zɔrɔnyɔnɔ nyaoo, dé ’bɛ do a wo va, té ka ’bɛ kyɛ ble Gakelebale lɛ lo. 12Dé ka léé, ka fɛ ’konu nɔ Gakelebale lɛ, ’ka wo nɔ, woo féifɛ vinin no fɛan zo, a zo; naa, té wa nɔ balebanna ta fɛ gin néné nya lo. 13’Ka wɛ pa kalé Bale lé fɛblele faa ma; té kalé Bale banfɛ é vuru wɛ ma lo; é a kalé Bale gi pale do tɔmase nya; ’ka wɛ pa kalé balebanfɛblele faa ma.
14Dé i Gakelebale ban féifɛ vinin nya, ’i ’sanɛnɛ dɛrɛ si, bé séli, yé bé pun dɔ yé bé nɔ féifɛ vinin nya. 15’I nyɔnɔ zén a ma yé ’i lasikɔrɔpo pa a va; féifɛ vinin lé i Bale ban a nya, yee lé. 16Balebanzan é dan ’sanɛnɛ pundɔle valé nyɔnɔ ke si lɛ yé é dan a kyɛ ble lɛ weseledɔmigifɛ nya, ’é valé lasikɔrɔpo faa nya. É a balebanfɛ lé wa kyɛ blé Gakelebale ’lɛ, a nya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979