Lévinu 1
1
Balebanwinu lé wa kyɛ blé
(Lév 6:7–11)
1Gakelebale Moizi laa, yé é we fe a lɛ zén‐ékevasɔkɔn gi yé é léma: 2Bé fe Izraɛl lé nénu lɛ léma: Dé ka va mi do a a va léé, ’é Gakelebale ban, dé diri lé, dé boli lé, dé ’bla lé, ’é yee ɛ nɔ.
3Dé diri lé é dan a nɔ lɛ balebanwi lé wa kyɛ blé, a nya, a gɔné lé, we do kpen ’ka a ma lo, ’é yee ɛ nɔ; é a nɔ zén‐ékevasɔkɔn ’léé, Gakelebale ’lɛ, Gakelebale kɛlɛle a zinzan nya we gi. 4É dan é bɛ pla lɛ balebanwi lé wa kyɛ blé, a ’wuo ta, yé Gakelebale é dan é ban‐ɛn ble lɛ, yé é dan kɛlɛ lɛ alé wenyané ’yibofɛ nya. 5É dan dirigɔnéné bɔrɔ bo lɛ Gakelebale ’lɛ; yé Balebanmunu, Arɔn benu, wo dan a nyɛ nɔ lɛ yé wo dan a zana lɛ balebanna lé ke zén‐ékevasɔkɔn ’léé, a zi. 6Balebanwi lé wa kyɛ blé, é dan a kɔlɛ bo lɛ yé é dan a kini lɛ. 7Balebanzan Arɔn benu wo dan kyɛ sɔn lɛ balebanna ta, yé wo dan kyɛ vɔ lɛ a ’léé. 8Wi kurunu koo, wi ’wuo koo, wi nyɔnɔ koo, Balebanzannu, Arɔn benu, wo dan wo pla lɛ kyɛ ta balebanna ta. 9Wo dan a bun‐annu valé a mɛnnu ma saa lɛ; yé Balebanzan é dan a faa kyɛ ble lɛ balebanna ta. Balebanwi lé; saraka lé wa faa kyɛ blé, ’té Gakelebale a gin sié néné, yee lé.
10Dé ’blané lé é dan a nɔ lɛ, balebanwi lé wa kyɛ blé, a nya, ɛɛ, dé boli lé, a gɔné lé we do kpen ’ka a ma lo, ’é yee ɛ nɔ. 11É dan a bɔrɔ bo lɛ balebanna yirinwana bɛbolazia, Gakelebale ’lɛ, yé Balebanzannu, Arɔn benu wo dan a nyɛ zana lɛ balebanna zi fɛfaana. 12É dan a kini lɛ yé Balebanzan é dan a winu zén lɛ kyɛ ta balebanna, a wi ’wuo valé é nyɔnɔ nya é va. 13Wi bun‐annu koo, a mɛnnu koo, gɔnézan é dan a ma saa lɛ, yé Balebanzan é dan saraka bo lɛ a faa nya, yé é dan a kyɛ ble lɛ balebanna. Balebanwi lé; saraka lé wa kyɛ blé, ’té Gakelebale a gin sié néné, yee lé. 14Dé mi do a miané nɔna Gakelebale lɛ, balebanwi lé wa kyɛ blé, a nya, ’é plala nɔ; dé ’bɛ kaan lo, ’é plawuo sua nɔ. 15Balebanzan é dan saraka bo lɛ miané nya balebanna; é dan a ’wuo so lɛ a ta é sɔné nya, yé é dan a kyɛ ble lɛ yé é dan a nyɛ zén lɛ balebanna san do la. 16É dan miané lao so lɛ yé é dan a kyɛɛ so lɛ a ma, yé é dan wo vuli lɛ balebanna sɔnɔ yirinwanazia, fɛ lé woo kyɛyee zanaan ana, ana. 17É dan a bɛ valé a golɛ so lɛ ékeva, naa, té é a so a ’léé lo; yé Balebanzan é dan miané kyɛ ble lɛ balebanna kyɛ ta loru. Balebanwi lé wa kyɛ blé, yee lé, saraka lé wa faa kyɛ blé, ’té Gakelebale a gin sié néné, yee lé.
Currently Selected:
Lévinu 1: GOURU
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979
Lévinu 1
1
Balebanwinu lé wa kyɛ blé
(Lév 6:7–11)
1Gakelebale Moizi laa, yé é we fe a lɛ zén‐ékevasɔkɔn gi yé é léma: 2Bé fe Izraɛl lé nénu lɛ léma: Dé ka va mi do a a va léé, ’é Gakelebale ban, dé diri lé, dé boli lé, dé ’bla lé, ’é yee ɛ nɔ.
3Dé diri lé é dan a nɔ lɛ balebanwi lé wa kyɛ blé, a nya, a gɔné lé, we do kpen ’ka a ma lo, ’é yee ɛ nɔ; é a nɔ zén‐ékevasɔkɔn ’léé, Gakelebale ’lɛ, Gakelebale kɛlɛle a zinzan nya we gi. 4É dan é bɛ pla lɛ balebanwi lé wa kyɛ blé, a ’wuo ta, yé Gakelebale é dan é ban‐ɛn ble lɛ, yé é dan kɛlɛ lɛ alé wenyané ’yibofɛ nya. 5É dan dirigɔnéné bɔrɔ bo lɛ Gakelebale ’lɛ; yé Balebanmunu, Arɔn benu, wo dan a nyɛ nɔ lɛ yé wo dan a zana lɛ balebanna lé ke zén‐ékevasɔkɔn ’léé, a zi. 6Balebanwi lé wa kyɛ blé, é dan a kɔlɛ bo lɛ yé é dan a kini lɛ. 7Balebanzan Arɔn benu wo dan kyɛ sɔn lɛ balebanna ta, yé wo dan kyɛ vɔ lɛ a ’léé. 8Wi kurunu koo, wi ’wuo koo, wi nyɔnɔ koo, Balebanzannu, Arɔn benu, wo dan wo pla lɛ kyɛ ta balebanna ta. 9Wo dan a bun‐annu valé a mɛnnu ma saa lɛ; yé Balebanzan é dan a faa kyɛ ble lɛ balebanna ta. Balebanwi lé; saraka lé wa faa kyɛ blé, ’té Gakelebale a gin sié néné, yee lé.
10Dé ’blané lé é dan a nɔ lɛ, balebanwi lé wa kyɛ blé, a nya, ɛɛ, dé boli lé, a gɔné lé we do kpen ’ka a ma lo, ’é yee ɛ nɔ. 11É dan a bɔrɔ bo lɛ balebanna yirinwana bɛbolazia, Gakelebale ’lɛ, yé Balebanzannu, Arɔn benu wo dan a nyɛ zana lɛ balebanna zi fɛfaana. 12É dan a kini lɛ yé Balebanzan é dan a winu zén lɛ kyɛ ta balebanna, a wi ’wuo valé é nyɔnɔ nya é va. 13Wi bun‐annu koo, a mɛnnu koo, gɔnézan é dan a ma saa lɛ, yé Balebanzan é dan saraka bo lɛ a faa nya, yé é dan a kyɛ ble lɛ balebanna. Balebanwi lé; saraka lé wa kyɛ blé, ’té Gakelebale a gin sié néné, yee lé. 14Dé mi do a miané nɔna Gakelebale lɛ, balebanwi lé wa kyɛ blé, a nya, ’é plala nɔ; dé ’bɛ kaan lo, ’é plawuo sua nɔ. 15Balebanzan é dan saraka bo lɛ miané nya balebanna; é dan a ’wuo so lɛ a ta é sɔné nya, yé é dan a kyɛ ble lɛ yé é dan a nyɛ zén lɛ balebanna san do la. 16É dan miané lao so lɛ yé é dan a kyɛɛ so lɛ a ma, yé é dan wo vuli lɛ balebanna sɔnɔ yirinwanazia, fɛ lé woo kyɛyee zanaan ana, ana. 17É dan a bɛ valé a golɛ so lɛ ékeva, naa, té é a so a ’léé lo; yé Balebanzan é dan miané kyɛ ble lɛ balebanna kyɛ ta loru. Balebanwi lé wa kyɛ blé, yee lé, saraka lé wa faa kyɛ blé, ’té Gakelebale a gin sié néné, yee lé.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979