Wepélisiananu 46
46
Jakɔb valé élé munu go Éjipiti tɛrɛ la
(WP 26:1–6)
1Izraɛl go é leefɛnu faa nya é lee. É bɔ Bɛɛ‐Sééba yé é ’é ti Izak lé Bale ban ’bɛna. 2Kazambale we fe Izraɛl lɛ nyɛ fla é béli yé é léé: Jakɔb! Jakɔb! Izraɛl lé a lɛ léé: Maa lo. 3Yé Kazambale léé: Maa a Kazambale nya; i ti lé Bale lé maa nya. Té i kana gole ma Éjipiti tɛrɛ la lo, naa, ’bɛna lé maa dan i kɛlɛ lɛ bɛn blɛn nya. 4Maabozen ’é dan go lɛ i va Éjipiti tɛrɛ la. Maabozen é dan i si lɛ ana é ziin, yé Jozɛfu é dan kɛlɛ lɛ ana i gabléyi va.
5Jakɔb si Bɛɛ‐Sééba. Wo ti Jakɔb koo, wolé nénu valé wo nanu koo, Izraɛl benu wo vɔ goronu lé Faraɔn a nɔ wo lɛ wo kɔné sifɛnu nya, wo gi. 6Wo ’wolé trubɛnu si é ziin, ’bɛ valé fuafɛnu lé wa ye Kanaan tɛrɛ la, wo nya. Yé Jakɔb valé élé munu faa go Éjipiti tɛrɛ la. 7É go élé munu faa nya Éjipiti tɛrɛ la; a benu koo, a benu é benu koo, a lunu koo, a benu é lunu koo, wo nya.
8Izraɛl benu lé wo go Éjipiti tɛrɛ la, wo tɔ lé ke ’ko: Jakɔb valé é benu lé. Jakɔb lé né vininzan lé ke Rubɛn nya.
9Rubɛn benu lé ke Énɔk koo, Palu koo, Esrɔn koo, Kaami koo, wo nya; 10Siméɔn benu lé ke Jémuɛl koo, Jamɛn koo, Oad koo, Jakɛn koo, Sosaa koo, ’wo valé Kanaan le be Saul koo, wo nya. 11Lévi benu lé ke Gɛɛsɔn koo, Kéat koo, Mérari koo, wo nya. 12Juda benu lé ke Eɛ koo, Onan koo, Sééla koo, Pérɛs koo, Zérak koo, wo nya; Eɛ valé Onan ga Kanaan tɛrɛ la. Pérɛs benu lé ke Esrɔn valé Amul nya. 13Isakaa benu lé ke Tola koo, Puva koo, Job koo, Simrɔn koo, wo nya. 14Zabulɔn benu lé ke Sérɛd koo, Élɔn koo, Jaléɛl koo, wo nya.
15Léa benu lé é wo yaa Jakɔb lɛ Padan‐Aram, wo valé a lu Dina, wo lé ke bɛ. A benu valé a lunu faa a mi yɔ do wɔlɛ vu ta yaa.
16Gad benu lé ke Sifijɔn koo, Agi koo, Suni koo, Esibɔn koo, Éri koo, Arɔdi koo, Arééli koo, wo nya. 17Azɛɛ benu lé ke Jimina koo, Jisiva koo, Jisivi koo, Béria koo, ’wo valé a lu Séra koo, wo nya. Béria benu lé ke Éébɛɛ valé Malkiɛl nya.
18Zilpa lé Laban a nɔ é lu Léa lɛ, a benu lé é wo yaa Jakɔb lɛ, wo faa lé ke bɛ. Wo faa a mi vu ta suiɛdo.
19Jakɔb na Rasɛl benu lé ke Jozɛfu valé Bɛnjamɛn nya. 20Jozɛfu benu lé é wo yaa Éjipiti tɛrɛ la, wo lé ke Manasé valé Éfraim nya. Onfla balebanzan Poti‐Féra lu Asinat wo yaa Jozɛfu lɛ. 21Bɛnjamɛn benu lé ke Béla koo, Békɛɛ koo, Asibɛl koo, Géra koo, Naaman koo, Éi koo, Rɔs koo, Mupim koo, Upim koo, Aad koo, wo nya.
22Rasɛl benu lé é wo yaa Jakɔb lɛ, wonu lé ke bɛ. Wo faa a mi vu ta ziɛn.
23Dan be lé ke Usim nya.
24Néfitali benu lé ke Jatiséɛl koo, Guni koo, Jésɛɛ koo, Silɛm koo, wo nya.
25Bila lé Laban a nɔ é lu Rasɛl lɛ, a benu lé é wo yaa Jakɔb lɛ, wo faa lé ke bɛ. Wo faa a mi sɔrafié.
26Munu lé, ’wo valé Jakɔb go Éjipiti tɛrɛ la, ’té wo ke alé nénu nya, wo faa a mi yɔ yaa wɔlɛ suiɛdo. Wo ’ka Jakɔb be nanu nɔnɔ lɛ wo va lo. 27Yé Jozɛfu benu a fié, ’té wo ’bɛnu yaa Éjipiti tɛrɛ la. Jakɔb gɔnɔlamunu lé, wo go Éjipiti tɛrɛ la, wo faa a mi yɔ yaa wɔlɛ vu.
28Jakɔb Juda nwunvɔ Jozɛfu va a fele a lɛ we gi léé, ’é a dana Gozɛn. 29Jozɛfu élé goro ganafɛ vɔ goro ma, yé é vɔ a gi yé é go Gozɛn, é ti Izraɛl si lɛ zia. É a ye tɔɔn, é a tuu gyɛ, yé é vɔ a bɔrɔ ma yé é mɔn wuvɔna kaii. 30Izraɛl lé Jozɛfu lɛ léé: Sin, ’an ga ma. Maa i yara ye; i a tan é yuɛma. É nyaa.
31Jozɛfu lé é bwenu valé é ti lé munu lɛ léé: ’Maa go ka dale we zuo fe lɛ Faraɔn lɛ. Maa dan a fe lɛ a lɛ léé, an bwenu valé an ti lé munu si Kanaan tɛrɛ la, yé wo da an va. 32Munu ’ko a trubɛ tabinmunu nya. Wolé nyanama lé ke trubɛ tabinle nya. ’Blanu koo, dirinu koo, fɛ faa lé é ke wo lee koo, wo da a nya. 33Dé Faraɔn ka laa bléyian va, dé é a laa ka lee léé, 34ka panyanama a kaa? ka a fe léma: É sia ko kiéné la bléyi va fɔɔ bléyi ’ko va, ko valé ko tinu, ko a trubɛ tabinmunu nya. Dé ka fe ’bɛ zo, ka dan nyana lɛ Gozɛn tɛrɛ la, naa, trubɛ tabinmunu faa a mi lɛrɛlɛrɛ nya Éjipiti munu yuɛ gi.
Currently Selected:
Wepélisiananu 46: GOURU
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979
Wepélisiananu 46
46
Jakɔb valé élé munu go Éjipiti tɛrɛ la
(WP 26:1–6)
1Izraɛl go é leefɛnu faa nya é lee. É bɔ Bɛɛ‐Sééba yé é ’é ti Izak lé Bale ban ’bɛna. 2Kazambale we fe Izraɛl lɛ nyɛ fla é béli yé é léé: Jakɔb! Jakɔb! Izraɛl lé a lɛ léé: Maa lo. 3Yé Kazambale léé: Maa a Kazambale nya; i ti lé Bale lé maa nya. Té i kana gole ma Éjipiti tɛrɛ la lo, naa, ’bɛna lé maa dan i kɛlɛ lɛ bɛn blɛn nya. 4Maabozen ’é dan go lɛ i va Éjipiti tɛrɛ la. Maabozen é dan i si lɛ ana é ziin, yé Jozɛfu é dan kɛlɛ lɛ ana i gabléyi va.
5Jakɔb si Bɛɛ‐Sééba. Wo ti Jakɔb koo, wolé nénu valé wo nanu koo, Izraɛl benu wo vɔ goronu lé Faraɔn a nɔ wo lɛ wo kɔné sifɛnu nya, wo gi. 6Wo ’wolé trubɛnu si é ziin, ’bɛ valé fuafɛnu lé wa ye Kanaan tɛrɛ la, wo nya. Yé Jakɔb valé élé munu faa go Éjipiti tɛrɛ la. 7É go élé munu faa nya Éjipiti tɛrɛ la; a benu koo, a benu é benu koo, a lunu koo, a benu é lunu koo, wo nya.
8Izraɛl benu lé wo go Éjipiti tɛrɛ la, wo tɔ lé ke ’ko: Jakɔb valé é benu lé. Jakɔb lé né vininzan lé ke Rubɛn nya.
9Rubɛn benu lé ke Énɔk koo, Palu koo, Esrɔn koo, Kaami koo, wo nya; 10Siméɔn benu lé ke Jémuɛl koo, Jamɛn koo, Oad koo, Jakɛn koo, Sosaa koo, ’wo valé Kanaan le be Saul koo, wo nya. 11Lévi benu lé ke Gɛɛsɔn koo, Kéat koo, Mérari koo, wo nya. 12Juda benu lé ke Eɛ koo, Onan koo, Sééla koo, Pérɛs koo, Zérak koo, wo nya; Eɛ valé Onan ga Kanaan tɛrɛ la. Pérɛs benu lé ke Esrɔn valé Amul nya. 13Isakaa benu lé ke Tola koo, Puva koo, Job koo, Simrɔn koo, wo nya. 14Zabulɔn benu lé ke Sérɛd koo, Élɔn koo, Jaléɛl koo, wo nya.
15Léa benu lé é wo yaa Jakɔb lɛ Padan‐Aram, wo valé a lu Dina, wo lé ke bɛ. A benu valé a lunu faa a mi yɔ do wɔlɛ vu ta yaa.
16Gad benu lé ke Sifijɔn koo, Agi koo, Suni koo, Esibɔn koo, Éri koo, Arɔdi koo, Arééli koo, wo nya. 17Azɛɛ benu lé ke Jimina koo, Jisiva koo, Jisivi koo, Béria koo, ’wo valé a lu Séra koo, wo nya. Béria benu lé ke Éébɛɛ valé Malkiɛl nya.
18Zilpa lé Laban a nɔ é lu Léa lɛ, a benu lé é wo yaa Jakɔb lɛ, wo faa lé ke bɛ. Wo faa a mi vu ta suiɛdo.
19Jakɔb na Rasɛl benu lé ke Jozɛfu valé Bɛnjamɛn nya. 20Jozɛfu benu lé é wo yaa Éjipiti tɛrɛ la, wo lé ke Manasé valé Éfraim nya. Onfla balebanzan Poti‐Féra lu Asinat wo yaa Jozɛfu lɛ. 21Bɛnjamɛn benu lé ke Béla koo, Békɛɛ koo, Asibɛl koo, Géra koo, Naaman koo, Éi koo, Rɔs koo, Mupim koo, Upim koo, Aad koo, wo nya.
22Rasɛl benu lé é wo yaa Jakɔb lɛ, wonu lé ke bɛ. Wo faa a mi vu ta ziɛn.
23Dan be lé ke Usim nya.
24Néfitali benu lé ke Jatiséɛl koo, Guni koo, Jésɛɛ koo, Silɛm koo, wo nya.
25Bila lé Laban a nɔ é lu Rasɛl lɛ, a benu lé é wo yaa Jakɔb lɛ, wo faa lé ke bɛ. Wo faa a mi sɔrafié.
26Munu lé, ’wo valé Jakɔb go Éjipiti tɛrɛ la, ’té wo ke alé nénu nya, wo faa a mi yɔ yaa wɔlɛ suiɛdo. Wo ’ka Jakɔb be nanu nɔnɔ lɛ wo va lo. 27Yé Jozɛfu benu a fié, ’té wo ’bɛnu yaa Éjipiti tɛrɛ la. Jakɔb gɔnɔlamunu lé, wo go Éjipiti tɛrɛ la, wo faa a mi yɔ yaa wɔlɛ vu.
28Jakɔb Juda nwunvɔ Jozɛfu va a fele a lɛ we gi léé, ’é a dana Gozɛn. 29Jozɛfu élé goro ganafɛ vɔ goro ma, yé é vɔ a gi yé é go Gozɛn, é ti Izraɛl si lɛ zia. É a ye tɔɔn, é a tuu gyɛ, yé é vɔ a bɔrɔ ma yé é mɔn wuvɔna kaii. 30Izraɛl lé Jozɛfu lɛ léé: Sin, ’an ga ma. Maa i yara ye; i a tan é yuɛma. É nyaa.
31Jozɛfu lé é bwenu valé é ti lé munu lɛ léé: ’Maa go ka dale we zuo fe lɛ Faraɔn lɛ. Maa dan a fe lɛ a lɛ léé, an bwenu valé an ti lé munu si Kanaan tɛrɛ la, yé wo da an va. 32Munu ’ko a trubɛ tabinmunu nya. Wolé nyanama lé ke trubɛ tabinle nya. ’Blanu koo, dirinu koo, fɛ faa lé é ke wo lee koo, wo da a nya. 33Dé Faraɔn ka laa bléyian va, dé é a laa ka lee léé, 34ka panyanama a kaa? ka a fe léma: É sia ko kiéné la bléyi va fɔɔ bléyi ’ko va, ko valé ko tinu, ko a trubɛ tabinmunu nya. Dé ka fe ’bɛ zo, ka dan nyana lɛ Gozɛn tɛrɛ la, naa, trubɛ tabinmunu faa a mi lɛrɛlɛrɛ nya Éjipiti munu yuɛ gi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979