Wepélisiananu 45
45
Jozɛfu ébo gɔɔn é bwenu lɛ
(Kw 7:13)
1Jozɛfu ’ka bɔa ébo kunle lɛ ’é zimunu yuɛ va é dɛrɛ lo. Yé é siaa léé: ’Ka munu faa bɔra béera. Mi do kpen ’ka vo lɛ Jozɛfu va lo aan wo, é ’ébo nagɔɔn ’é bwenu lɛ. 2Yé é siaa wuvɔ dére plɛplɛ nya yé Éjipiti munu a ’ma, yé Faraɔn lé kɔngimunu a ’ma.
3Jozɛfu lé é bwenu lɛ léé: Maa a Jozɛfu nya. An ti a é yuɛma é ziin? Naa, é pa a bwenu ma gibɔrɔ blɛn nya yé kwakwa vɔ wo ta, awemalé wo ’ka bɔa we do fele lɛ a lɛ lo. 4Jozɛfu lé é bwenu lɛ léé: ’Ka bié an sɔnɔ. Yé wo bié. Yé é léé: Maa a ka zuané Jozɛfu nya. Maa lé ka an dan munu lee yé wo da an nya Éjipiti tɛrɛ la. 5Kazambale an pa zia ka ’lɛ, ka bélile we gi. Amalé sin, té we ’ko é ’na ka ma lo. Té ka bli fli kabo ma an danle yé wo da an nya ’ko we ma lo. 6Lɔrɔ dɔ tɛrɛ la a lɛɛ fié lo. É vo é ziin lɛɛ soru yé ’savɔle valé ’sagyɛle ’ka dan kɛlɛ lɛ lo. 7Kazambale an pa zia ka ’lɛ, ka vole é yuɛma tɛrɛ la we gi, ka sile we blɛn gi yé ka béli we ma. 8Ka‐an ka an pa zia ’ko lo; naa, Kazambale ɛ kɛlɛ. É an kɛlɛ Faraɔn ti nya; é an kɛlɛ alé kɔngimunu faa zan nya, yé é an kɛlɛ é ziin Éjipiti tɛrɛ faa tere ta gbɔrɔnama nya. 9’Ka go an ti va fiéfié é ziin, yé ’ka fe a lɛ léma: I be Jozɛfu léma: Bale ’é kɛlɛ Éjipiti munu faa zan nya; ’i da ’é va ma; té i mɔn lo. 10I dan nyana lɛ Gozɛn tɛrɛ la; i dan kɛlɛ lɛ ’é sɔnɔ, bii koo, i benu koo, i benu ’é benu koo, ilé ’blanu koo, ilé dirinu koo, fɛnu faa lé ke i lee koo, wo nya. 11Ana mi, é dan fɛblele nɔ lɛ i lɛ; lɔrɔdɔlɛɛ vo é ziin soru, yé ’bɛ zo lé bii koo, ilé kɔngimunu koo, fɛnu faa lé ke i lee koo, ka ’ka dan zamaga wo lɛ lo. 12Ka ye ka yuɛ nya, yé an zuané Bɛnjamɛn a ye ’é yuɛ nya léé, maabozen ɛ ke we fena ka lɛ. 13Fua faa lé maa a ble Éjipiti tɛrɛ la koo, wenu faa lé ka ye ka yuɛ nya koo, ’ka wo zuo fe an ti lɛ. Yé ’ka da an ti nya é kele.
14Yé Jozɛfu é zuané Bɛnjamɛn tuu gyɛ yé é wuvɔ a bɔrɔ ma, yé Bɛnjamɛn ’é wuvɔ a bɔrɔ ma. 15Yé é ’é bwenu faa tuu gyɛ wuvɔle nya. ’Bɛ zuo a bwenu vo glewona a va.
16Jozɛfu bwenu dale glewole sɔɔla Faraɔn lé kɔn gi, yé é sɔ Faraɔn valé é wuomunu lɛ. 17Faraɔn lé Jozɛfu lɛ léé: Bé fe i bwenu lɛ léma: ’wa kɛlɛ ’ko zo ma; ’wo kɔné vɔ wolé winu punu, yé ’wo go Kanaan tɛrɛ la. 18’Wo wo ti valé wo gɔnɔlamunu sia, yé ’wo da an va ma. Fɛ lé ke é zima é mini fɛ pɔnénu faa ta Éjipiti tɛrɛ la, maa dan a nɔ lɛ wo lɛ, yé wo dan Éjipiti tɛrɛ la fɛnyɔnɔzan ble lɛ. 19Bé fe wo lɛ léma: ’wa kɛlɛ ’ko zo ma: ’wo Éjipiti tɛrɛ la goronu si wolé nénu valé wo nanu zé nya ma. ’Wo go ’wo ti si yé wo da ze. 20Té wo bli kyɛ é dɔ fɛnu lé wo vo wo zuo, wolé we ma lo. Fɛ lé é ke é zima é mini fɛ pɔnénu faa ta Éjipiti tɛrɛ la, é dan kɛlɛ lɛ wozé nya.
21Izraɛl benu a kɛlɛ a zo. Jozɛfu goronu nɔ wo lɛ Faraɔn dére ta, yé é zia fɛblele nɔ wo lɛ é ziin. 22Yé é sɔ gi vɔɔ sɔnu nɔ wo lɛ do do, yé é gɔɔli fu sikla wuru do yɔ soru nɔ Bɛnjamɛn lɛ yé é sɔ givɔɔ sɔnu nɔ a lɛ soru. 23Sokofale vu lé Éjipiti tɛrɛ la fɛ zinzinnu ke wo punu koo, sokofaleda vu lé ’sa valé buru valé fɛblele ke wo punu a ti lé zia fɛblele nya koo, Jozɛfu wo pa é ti lɛ zia. 24’Bɛ zuo yé é ’é bwenu yai vɔ yé wo go. Yé é lé wo lɛ léé: Té ka we sia zia lo.
25Wo si é ziin Éjipiti tɛrɛ la, yé wo bɔ Kanaan tɛrɛ la wo ti Jakɔb va. 26Wo lé a lɛ léé: Jozɛfu a é yuɛma tan. Yee ɛ ke é plale Éjipiti tɛrɛ faa nwiin. É dɔ a gi léé, we lé wa fena é ’ka webozen nya lo, bɛwemalé a gi ’ka nana lɛ lo. 27Dére faa lé Jozɛfu a fe wo lɛ, wa zuo fe a lɛ. Goronu lé Jozɛfu wo pa zia a siale we gi, é wo ye. Yé wo ti Jakɔb léli fuu dɔ é ta é ziin, 28yé Izraɛl léé: É nyaa sin. An be Jozɛfu a tan é yuɛma. ’Maa go yé ’maa a ye faa yé an ga.
Currently Selected:
Wepélisiananu 45: GOURU
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979
Wepélisiananu 45
45
Jozɛfu ébo gɔɔn é bwenu lɛ
(Kw 7:13)
1Jozɛfu ’ka bɔa ébo kunle lɛ ’é zimunu yuɛ va é dɛrɛ lo. Yé é siaa léé: ’Ka munu faa bɔra béera. Mi do kpen ’ka vo lɛ Jozɛfu va lo aan wo, é ’ébo nagɔɔn ’é bwenu lɛ. 2Yé é siaa wuvɔ dére plɛplɛ nya yé Éjipiti munu a ’ma, yé Faraɔn lé kɔngimunu a ’ma.
3Jozɛfu lé é bwenu lɛ léé: Maa a Jozɛfu nya. An ti a é yuɛma é ziin? Naa, é pa a bwenu ma gibɔrɔ blɛn nya yé kwakwa vɔ wo ta, awemalé wo ’ka bɔa we do fele lɛ a lɛ lo. 4Jozɛfu lé é bwenu lɛ léé: ’Ka bié an sɔnɔ. Yé wo bié. Yé é léé: Maa a ka zuané Jozɛfu nya. Maa lé ka an dan munu lee yé wo da an nya Éjipiti tɛrɛ la. 5Kazambale an pa zia ka ’lɛ, ka bélile we gi. Amalé sin, té we ’ko é ’na ka ma lo. Té ka bli fli kabo ma an danle yé wo da an nya ’ko we ma lo. 6Lɔrɔ dɔ tɛrɛ la a lɛɛ fié lo. É vo é ziin lɛɛ soru yé ’savɔle valé ’sagyɛle ’ka dan kɛlɛ lɛ lo. 7Kazambale an pa zia ka ’lɛ, ka vole é yuɛma tɛrɛ la we gi, ka sile we blɛn gi yé ka béli we ma. 8Ka‐an ka an pa zia ’ko lo; naa, Kazambale ɛ kɛlɛ. É an kɛlɛ Faraɔn ti nya; é an kɛlɛ alé kɔngimunu faa zan nya, yé é an kɛlɛ é ziin Éjipiti tɛrɛ faa tere ta gbɔrɔnama nya. 9’Ka go an ti va fiéfié é ziin, yé ’ka fe a lɛ léma: I be Jozɛfu léma: Bale ’é kɛlɛ Éjipiti munu faa zan nya; ’i da ’é va ma; té i mɔn lo. 10I dan nyana lɛ Gozɛn tɛrɛ la; i dan kɛlɛ lɛ ’é sɔnɔ, bii koo, i benu koo, i benu ’é benu koo, ilé ’blanu koo, ilé dirinu koo, fɛnu faa lé ke i lee koo, wo nya. 11Ana mi, é dan fɛblele nɔ lɛ i lɛ; lɔrɔdɔlɛɛ vo é ziin soru, yé ’bɛ zo lé bii koo, ilé kɔngimunu koo, fɛnu faa lé ke i lee koo, ka ’ka dan zamaga wo lɛ lo. 12Ka ye ka yuɛ nya, yé an zuané Bɛnjamɛn a ye ’é yuɛ nya léé, maabozen ɛ ke we fena ka lɛ. 13Fua faa lé maa a ble Éjipiti tɛrɛ la koo, wenu faa lé ka ye ka yuɛ nya koo, ’ka wo zuo fe an ti lɛ. Yé ’ka da an ti nya é kele.
14Yé Jozɛfu é zuané Bɛnjamɛn tuu gyɛ yé é wuvɔ a bɔrɔ ma, yé Bɛnjamɛn ’é wuvɔ a bɔrɔ ma. 15Yé é ’é bwenu faa tuu gyɛ wuvɔle nya. ’Bɛ zuo a bwenu vo glewona a va.
16Jozɛfu bwenu dale glewole sɔɔla Faraɔn lé kɔn gi, yé é sɔ Faraɔn valé é wuomunu lɛ. 17Faraɔn lé Jozɛfu lɛ léé: Bé fe i bwenu lɛ léma: ’wa kɛlɛ ’ko zo ma; ’wo kɔné vɔ wolé winu punu, yé ’wo go Kanaan tɛrɛ la. 18’Wo wo ti valé wo gɔnɔlamunu sia, yé ’wo da an va ma. Fɛ lé ke é zima é mini fɛ pɔnénu faa ta Éjipiti tɛrɛ la, maa dan a nɔ lɛ wo lɛ, yé wo dan Éjipiti tɛrɛ la fɛnyɔnɔzan ble lɛ. 19Bé fe wo lɛ léma: ’wa kɛlɛ ’ko zo ma: ’wo Éjipiti tɛrɛ la goronu si wolé nénu valé wo nanu zé nya ma. ’Wo go ’wo ti si yé wo da ze. 20Té wo bli kyɛ é dɔ fɛnu lé wo vo wo zuo, wolé we ma lo. Fɛ lé é ke é zima é mini fɛ pɔnénu faa ta Éjipiti tɛrɛ la, é dan kɛlɛ lɛ wozé nya.
21Izraɛl benu a kɛlɛ a zo. Jozɛfu goronu nɔ wo lɛ Faraɔn dére ta, yé é zia fɛblele nɔ wo lɛ é ziin. 22Yé é sɔ gi vɔɔ sɔnu nɔ wo lɛ do do, yé é gɔɔli fu sikla wuru do yɔ soru nɔ Bɛnjamɛn lɛ yé é sɔ givɔɔ sɔnu nɔ a lɛ soru. 23Sokofale vu lé Éjipiti tɛrɛ la fɛ zinzinnu ke wo punu koo, sokofaleda vu lé ’sa valé buru valé fɛblele ke wo punu a ti lé zia fɛblele nya koo, Jozɛfu wo pa é ti lɛ zia. 24’Bɛ zuo yé é ’é bwenu yai vɔ yé wo go. Yé é lé wo lɛ léé: Té ka we sia zia lo.
25Wo si é ziin Éjipiti tɛrɛ la, yé wo bɔ Kanaan tɛrɛ la wo ti Jakɔb va. 26Wo lé a lɛ léé: Jozɛfu a é yuɛma tan. Yee ɛ ke é plale Éjipiti tɛrɛ faa nwiin. É dɔ a gi léé, we lé wa fena é ’ka webozen nya lo, bɛwemalé a gi ’ka nana lɛ lo. 27Dére faa lé Jozɛfu a fe wo lɛ, wa zuo fe a lɛ. Goronu lé Jozɛfu wo pa zia a siale we gi, é wo ye. Yé wo ti Jakɔb léli fuu dɔ é ta é ziin, 28yé Izraɛl léé: É nyaa sin. An be Jozɛfu a tan é yuɛma. ’Maa go yé ’maa a ye faa yé an ga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979