Fwile 31
31
Nyanamapazannu sile
(Fw 35:30—36:3; 1 Kor 12:7; Éf 4:11–12)
1Gakelebale we fe Moizi lɛ yé é léé: 2Uru be Uri, ’bɛ be Bɛsaléɛl, Juda bɛngizan, maa a si a va. 3Maa a fan Kazambale Léli koo, gi kinile koo, ’wuoatawe koo, wedɔɔle koo, wo nya, nyanama gɔnɔ faa pale we ma. 4We dɛrɛ kɛlɛle koo, kyan valé gɔɔlifu valé zéné gyɛle koo, 5gɔlɛwezannu lé wa gona wo vɔna fɛ gi, guru vɔle wo ta koo, yili nyaale koo, nyanama gɔnɔ faa pale koo, maa wolé gi kini nɔ a lɛ. 6Yé maa Dan bɛngizan Aisamak be Ooliab nɔ a lɛ a bɔlu do nya. Maa blabozannu faa fan ’wuoatawe nya, fɛnu faa lé maa i bélidɔ, wolé a kɛlɛle we ma, 7zén‐ékevasɔkɔn koo, wenayefɛ pagikɛsu koo, a ta nyanai zén mi ta nyanana koo, sɔkɔn gi nyanamapafɛnu faa koo, 8tablé valé é ma nyanamapafɛnu koo, kyan tegele fintran valé é ma nyanamapafɛnu faa koo, 9balebanna lé woo lasikɔrɔ kyɛ blé a ta koo, balebanna lé woo balebanwi kyɛ blé a ta, é valé é ma nyanamapafɛnu faa koo, ’wolikana valé é péli koo, 10nyanama pa varɔnu koo, Balebanzan Arɔn lé balelasɔnu koo, sɔnu lé Arɔn benu a zén‐é ’wo ta balebannyanama pale we ma koo, 11nyɔnɔ lé wa zén‐é mi ta koo, fɛna sauun lé lasikɔrɔ ginzan koo, woo lé. Bélidɔwe faa lé maa a fe, wo dan a kɛlɛ lɛ ’bɛ zo ’kyɛ.
Flinyi lé we
(Fw 20:8–11; WP 2:1–3; Mi N 15:32–36)
12Gakelebale lé Moizi lɛ léma: 13’Bé fe Izraɛl lé nénu lɛ léé: Té anlé flinyi tawe kɛlɛle é vuru ka ma lo, naa, é a tɔmase nya maa valé ka méléna, maa valé ka kulunu méléna, yé tɔmase ’ko nya lé wo dan a gi dɔɔ lɛ léé, maa a Gakelebale lé, éé ka kɛla sauun, a nya. 14Ka dan flinyi kɛlɛ lɛ, naa, é dan kɛlɛ lɛ kalé yi nyané baba nya. Mi lé é flinyi sɔnné sɛrɛ, wo dan ga dɔ lɛ a nwiin; mi lé é nyanama pa ’bɛ yi la, wo dan a si lɛ Izraɛl va. 15’Ka nyanama pa yi suiɛdo; naa, yi sɔrafiézan a flinyi nya, Gakelebale lé yi lé. Mi lé é nyanama pa flinyi nya, wo dan ga dɔ lɛ a nwiin. 16Izraɛl lé nénu é dan flinyi kɛlɛ lɛ, wo valé ’wo kulunu nya, gipawe lé a glɛ ’ka lo, a nya. 17We ’ko é dan kɛlɛ lɛ tɔmase nya maa valé Izraɛl lé nénu méléna, tɔmase lé éé mɔn‐o lɛɛfaama, a glɛ ’ka lo, a nya; naa, Gakelebale lanu valé tɛrɛ kɛlɛ yi suiɛdo gi, yé a yi sɔrafiézan nya é daan élé nyanama ma yé é flin, azama.
18Gakelebale nyaa aan wo wefele nya Moizi lɛ Sinai gɔ nwiin, é wenayefɛ fié nɔ a lɛ, gɔlɛfén nya, ’té Kazambale sɛbɛ gyɛ wo ta ’é bɛnwɔlɛ nya.
Currently Selected:
Fwile 31: GOURU
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979
