Éfez munu 2
2
Kaa si gale va yé kaa béli
(2 Kor 5:17; Kol 3:1–4; Ti 3:3–8)
1É vinin, ka a é gale kalé we sɛrɛlenu valé kalé wenyanénu lé we ma; 2’bɛ bléyi va ’té ka tawoo wo gi, ’té ka tawoo tɛrɛlamunu lé tawobɛ nya, ’té ka tawoo plɛplɛ lé ke la worona, a nwiinzan yɛrama, yee ɛ ke léli lé é ke nyanama pana sin tɔnégiplɛplɛzannu nya, a nya. 3Ko é ziin, ko faa a wo va mi kenu nya é vinin, ’té ko ko dɔbɛ kyɛn lé sɔlɛwe kɛla, yé ko ko dɔbɛ kyɛn valé ko ’wuogibɔrɔlenu lé blibɔmawenu lɛ sɔɔan. Ko dɔbɛ ’ko, é ko kɛlɛ blifliémazannu nya bélé mi pɔnénu zo. 4-5Naa, Kazambale nyanai éé zén‐é é baba yé ko va sɔlɛle a a gi blɛɛn, amalé ko lé ko ke é gale kolé we sɛrɛlenu ma, é ko béli ékeva Krist nya. Kazambale lé zin ma lé é ka si we gi. 6Yé ko a Jézu Krist gi, amalé é ko nwa gale va ékeva a nya, yé é ko nyana ékeva a nya fɛna lorunu na, 7léé, bléyinu lé wo dan bɔ lɛ bɛ, alé zin fua lé a glɛ ’ka lo, ’é a nagɔɔn ’bɛ bléyinu va. É dan a nagɔɔn lɛ wezin lé é a kɛlɛ ko lɛ Jézu gi, ’bɛ nagɔɔnle nya.
8Bale lé zin ma lé é ka si we gi, ka blipale a lɛ we ma, yé we ’ko ’ka si lɛ ka va lo; Kazambale lé blɛ lé. 9Mi ’ka sié we gi é kɛlɛwenu ma monomono lo, té mi do kpen ébo ze vɔ lo we gi. 10Kaa a Kazambale panyanamanu nya, é kaa kɛlɛ Jézu Krist gi, we zinnu lé é wo dɔnama fe é kyɛn, kaalé wo kɛlɛle we gi.
Kaa a mi do nya Krist gi
(Gal 3:28–29; Kol 2:13–14; Ébr 10:19–22)
11Amalé we ’ko sele é dɔ ka gi ma: é vinin ka a bɛn bɛnu nya ka kɔlɛ gi, yé munu lé woo wo laama ganedɔmunu ’té mi wo kɛlɛ a nya wo kɔlɛ ma bɛ, ’té woo ka laan ganedɔlomunu. 12’Bɛ bléyi va, ’té Krist ’ka kazé nya lo; ’té a se ’ka ka lɛ léé, ka nyana Izraɛl lo; blivolɛdére lé Kazambale a fe é gi pale do nya munu va, ’té kazé ’ka a va lo; ’té ka bli ’ka we do lɛ lo; ’té ka a tɛrɛ la dublaa, ’té Kazambale ’ka kalé Bale nya lo. 13Naa, sin, Jézu Krist gi, ka lé ka ke é kyɛn baa, Krist nyɛ ka bié. 14Naa, yee ɛ ke kolé zénle ékeva nya, yé zapale lé ke lɛgɔnɔ fié ’ko méléna bélé gɔrɔ zo, é a zana a gi yé é wo fiénu kɛlɛ mi do nya; 15naa, é bélidɔwe valé a sɔnnénu nyaa ’é kɔlɛ gi, Juifinu valé bɛn bɛnu kɛlɛle mi dɛrɛ nya do kpen yeebozen gi we ma, yé ’bɛ zo lé é wo zén ékeva. 16We lé ke Jézu gi, yee lé ke ’ko: é a a va léé, ’é wo fiénu kɛlɛ kɔlɛ do nya yé é wonu valé Kazambale nana élé yiliblan nya, naa, yiliblan ta lé é zapale nyaa, azama. 17É da zénle ékeva lé we fe lɛ, ka lé ka ke baa, é valé wo lé wo ke é pu, ka faa lɛ; 18naa, alé we ma lé a se a Juifinu lɛ léé, ’wo bié Kazambale sɔnɔ Kazambale Léli nya, yé yee Léli duo nya lé a se a bɛnnu lɛ léé, ’wo bié Kazambale sɔnɔ.
19Bɛwemalé, ka ’ka é dɛrɛ bɛn valé giézannu nya lo, naa, ka a kabo yaa?-?tɛrɛ la, kabo lé Bale lé munu va, kabo lé Bale lé kɔngimunu nya. 20Ka a é dɔle kɔngane lé é ke nwunvɔmunu valé balelayezannu nya, wo ta, yé Jézu Krist bozen ɛ ke kɔnsungɔlɛ nya. 21Kɔnguru faa lé wa dɔ é zima, éé toroan Jézu gi, a kɛlɛle kɔn sauun nya we ma Mizan gi. 22Ka é ziin, ka a Jézu gi, amalé é a ka dɔna ékeva yé ka kɛlɛ kɔn nya yé Kazambale ’é nyana a gi é Léli nya.
Currently Selected:
Éfez munu 2: GOURU
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979
