1 Tɛsalɔnik munu 2
2
Bale va nyanama lé Pɔl a pa wo va
(Kw 20:18–21, 31–35; 2 Kor 6:3–10)
1An bwenu, kabozen a gi dɔɔ léé, ko dale ka va tɔnɔ a. 2Ka a gi dɔɔ léé, ko nyané ble yé wo kle pa ko ta Filip. ’Bɛ zuo Kazambale ko bli ta dɔ plɛplɛ yé ko Kazambale lé Wenéné fe ka lɛ, yé wo nwa guli nya ko ma kiɛre. 3Kolé wefele ’ka vié nya lo. Ko ’ka a fe lɛ fɛyebli nya ko gi lo; é ’ka dabliwe nya lo. 4Naa, Kazambale a ye léé, a yara lé é Wenéné fele bɛ pa ko lee, bɛwemalé ko we fé. Ko ’ka kwa kulina léé, kolé we ’é sɔ munu lɛ lo; naa, Kazambale lé é ko bli gi ginian, ko a a va léé, kolé we ’é sɔ yee ɛ lɛ.
5Ka a gi dɔɔ léé, ko ’ka we fe lɛ ka lɛ blaanépadére nya monomono lo. Ko bli ’ka bɔ lɛ gɔɔli ma monomono lo; Kazambale ɛ ke anayezan nya. 6Ko ’ka ko tɔbɔle nagini lɛ munu va lo, dé é a ka nyaoo, dé é a mi bɛnu nyaoo, ka va lo, dɔlé ’té a se a ko lɛ léé, ko kɛlɛ kɔné nya ka nwiin; ko a Krist lé nwunvɔzannu nya, ’bɛzama. 7Naa, kolé we kɛlɛ ka méléna drɔɔ, bélé né pa le élé nénu paan fɛan zo drɔɔ, a zo. 8Ka wea ko lee é baba, amalé é ’ka sɔ lɛ ko lɛ léé, ko Kazambale lé Wenéné saa nɔ ka lɛ lo, é a lé ko kobozen nɔ ka lɛ ’bɛ ta loru. 9Bwenu, kolé nyanama valé kolé nyanéblele sele a ka gi. Ko Kazambale lé Wenéné fe ka lɛ, yé tu valé é kinile ma ko a nyanama ta, té ko kɛlɛ kɔné nya ka va mi do kpen nwiin lo we ma. 10Ka lé ka bli vo Bale lɛ, ko giébɛ a ka vazia sauun, é a tegele, é a wéiin. Ka a we ’ko nayezannu nya, yé Kazambale a ’bɛ nya é ziin. 11Ka a dɔɔ é ziin léé, né ti é élé nénu paan fɛan zo, ko ka pa a zo. 12Ko we pla ka lɛ, ko ka tɔrɔ paa, yé ko zanté vɔ ka lɛ léé, ’ka tawo Kazambale tɔbɔle yɛrama. É ka laa léé, ’ka go élé fuatɛrɛ la, yé ka fua ble.
13Kazambale dére lé ko a fe ka lɛ bɛ, ka ’ka a ye lɛ munu dére nya lo; ka a ye Kazambale dére ɛ nya. Yee ɛ ke a nya webozen nya. Yé éé nyanama paan ka lé ka bli vo a lɛ, ka gi. Amalé ko a Kazambale bɔ vɔna yifaama. 14Bwenu, Kazambale lé léglizigimunu lé wo ke Jézu Krist gi, ’té wo ke Judé tɛrɛ la bɛ, ka a wo zuosonana. Yé fɛan zo lé Krétiɛn ’konu nyané ble Juifinu lee, a zo duo lé ka é ziin, ka nyané ble kalé tɛrɛlamunu lee. 15Juifinu ’konu ɛ Mizan Jézu valé Balelayemunu gyɛ, wo ɛ nyané pa ko ta. Wo ɛ kɛlɛwe ’ka sɔ lɛ Kazambale lɛ monomono lo; wo ɛ ke munu faa nyanézannu nya. 16Ko a a va léé, ko we fe yolémunu lɛ wo sile we gi we ma, naa, Juifinu tun dɔ kolé wefele gi, yé wo yara pa wolé wenyané kɛlɛle ta fɔɔ yé ’bɛ lɛ sɔɔ. Naa, Kazambale bli fli wo ma.
Wo lɔrɔ Pɔl gyɛ
(2 Kor 7:4–7; Fil 1:8–11; 3 Jn 1:3, 4)
17Bwenu, kaa yuɛ kele namɔn é ke ma, naa, kaa bli a duowo do, ’té ka lɔrɔ éé ko gya yifaama, yé é sɔ ko lɛ léé, é a lé ko ka ye. 18É sɔ ko lɛ léé, ko go ka va. Maa Pɔl boen, maa yi dɔ gɔnɔ fié, naa, Satan tun dɔ kolé we gi. 19Denu lɛ lé ko bli kee? Denu ma lé ko gi nanaa? Denu ɛ ke kolé tɔkoro yémafɛ nyaa? É ’ka ka nya Kaazan Jézu ’lɛ, a dabléyi va loo? 20Yee lé. Ka a kolé tɔ yémafɛ nya, ka ma lé ko gi éé nanaan.
Currently Selected:
1 Tɛsalɔnik munu 2: GOURU
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979
1 Tɛsalɔnik munu 2
2
Bale va nyanama lé Pɔl a pa wo va
(Kw 20:18–21, 31–35; 2 Kor 6:3–10)
1An bwenu, kabozen a gi dɔɔ léé, ko dale ka va tɔnɔ a. 2Ka a gi dɔɔ léé, ko nyané ble yé wo kle pa ko ta Filip. ’Bɛ zuo Kazambale ko bli ta dɔ plɛplɛ yé ko Kazambale lé Wenéné fe ka lɛ, yé wo nwa guli nya ko ma kiɛre. 3Kolé wefele ’ka vié nya lo. Ko ’ka a fe lɛ fɛyebli nya ko gi lo; é ’ka dabliwe nya lo. 4Naa, Kazambale a ye léé, a yara lé é Wenéné fele bɛ pa ko lee, bɛwemalé ko we fé. Ko ’ka kwa kulina léé, kolé we ’é sɔ munu lɛ lo; naa, Kazambale lé é ko bli gi ginian, ko a a va léé, kolé we ’é sɔ yee ɛ lɛ.
5Ka a gi dɔɔ léé, ko ’ka we fe lɛ ka lɛ blaanépadére nya monomono lo. Ko bli ’ka bɔ lɛ gɔɔli ma monomono lo; Kazambale ɛ ke anayezan nya. 6Ko ’ka ko tɔbɔle nagini lɛ munu va lo, dé é a ka nyaoo, dé é a mi bɛnu nyaoo, ka va lo, dɔlé ’té a se a ko lɛ léé, ko kɛlɛ kɔné nya ka nwiin; ko a Krist lé nwunvɔzannu nya, ’bɛzama. 7Naa, kolé we kɛlɛ ka méléna drɔɔ, bélé né pa le élé nénu paan fɛan zo drɔɔ, a zo. 8Ka wea ko lee é baba, amalé é ’ka sɔ lɛ ko lɛ léé, ko Kazambale lé Wenéné saa nɔ ka lɛ lo, é a lé ko kobozen nɔ ka lɛ ’bɛ ta loru. 9Bwenu, kolé nyanama valé kolé nyanéblele sele a ka gi. Ko Kazambale lé Wenéné fe ka lɛ, yé tu valé é kinile ma ko a nyanama ta, té ko kɛlɛ kɔné nya ka va mi do kpen nwiin lo we ma. 10Ka lé ka bli vo Bale lɛ, ko giébɛ a ka vazia sauun, é a tegele, é a wéiin. Ka a we ’ko nayezannu nya, yé Kazambale a ’bɛ nya é ziin. 11Ka a dɔɔ é ziin léé, né ti é élé nénu paan fɛan zo, ko ka pa a zo. 12Ko we pla ka lɛ, ko ka tɔrɔ paa, yé ko zanté vɔ ka lɛ léé, ’ka tawo Kazambale tɔbɔle yɛrama. É ka laa léé, ’ka go élé fuatɛrɛ la, yé ka fua ble.
13Kazambale dére lé ko a fe ka lɛ bɛ, ka ’ka a ye lɛ munu dére nya lo; ka a ye Kazambale dére ɛ nya. Yee ɛ ke a nya webozen nya. Yé éé nyanama paan ka lé ka bli vo a lɛ, ka gi. Amalé ko a Kazambale bɔ vɔna yifaama. 14Bwenu, Kazambale lé léglizigimunu lé wo ke Jézu Krist gi, ’té wo ke Judé tɛrɛ la bɛ, ka a wo zuosonana. Yé fɛan zo lé Krétiɛn ’konu nyané ble Juifinu lee, a zo duo lé ka é ziin, ka nyané ble kalé tɛrɛlamunu lee. 15Juifinu ’konu ɛ Mizan Jézu valé Balelayemunu gyɛ, wo ɛ nyané pa ko ta. Wo ɛ kɛlɛwe ’ka sɔ lɛ Kazambale lɛ monomono lo; wo ɛ ke munu faa nyanézannu nya. 16Ko a a va léé, ko we fe yolémunu lɛ wo sile we gi we ma, naa, Juifinu tun dɔ kolé wefele gi, yé wo yara pa wolé wenyané kɛlɛle ta fɔɔ yé ’bɛ lɛ sɔɔ. Naa, Kazambale bli fli wo ma.
Wo lɔrɔ Pɔl gyɛ
(2 Kor 7:4–7; Fil 1:8–11; 3 Jn 1:3, 4)
17Bwenu, kaa yuɛ kele namɔn é ke ma, naa, kaa bli a duowo do, ’té ka lɔrɔ éé ko gya yifaama, yé é sɔ ko lɛ léé, é a lé ko ka ye. 18É sɔ ko lɛ léé, ko go ka va. Maa Pɔl boen, maa yi dɔ gɔnɔ fié, naa, Satan tun dɔ kolé we gi. 19Denu lɛ lé ko bli kee? Denu ma lé ko gi nanaa? Denu ɛ ke kolé tɔkoro yémafɛ nyaa? É ’ka ka nya Kaazan Jézu ’lɛ, a dabléyi va loo? 20Yee lé. Ka a kolé tɔ yémafɛ nya, ka ma lé ko gi éé nanaan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979