1 Tɛsalɔnik munu 1
1
Weale lé
(Fil 1:3–6; Kol 1:3–8; 1 Ts 2:13–14)
1’Kaa Tɛsalɔnik léglizigimunu lé ka ke Tibale valé Mizan Jézu Krist gi bɛ, ko we ka va. Kazambale ’é zin kɛlɛ ka lɛ yé ’é ka vo drɔɔ ma. Maa Pɔl koo, Silvɛn koo, Timoté koo, ko ɛ ke sɛbɛ ’ko gyɛna ka lɛ.
Tɛsalɔnik munu a munu lé wekɛlɛmazannu nya
2Ko Kazambale bɔ vɔa yifaama ka faa lé we ma, ’té ko bazoroan kalé we ma. 3We lé ka a kɛla kalé blipale we ma koo, nyanama lé ka a paan Kazambale sɔle ka lɛ we ma koo, ka bli a Kaazan Jézu Krist lɛ yifaama fɛan zo koo, wo sele a ko gi bléyi faa ma kaa Ti Bale ’lɛ. 4’Kaa ko bwenu lé ka sɔ Kazambale lɛ é baba, ko a gi dɔɔ léé, Kazambale ka si a va. 5Naa, kolé Wenéné lé ko a fe ka lɛ bɛ, ko ’ka a fe lɛ dére saa nya lo. Ko a fe ka lɛ plɛplɛ koo, Léli Sauun koo, bɔngikiniwe bozen koo, wo nya. Fɛan zo lé ko ke ka méléna, ka ’bɛ gi dɔɔ. 6Yé ka kinin ko valé Mizan zuosonazannu nya. Ka Bale dére nyi si, yé ka nyané ble é baba alé we ma, ’té Léli Sauun éé ka gi nanaan duowo. 7A zo lé ka kɛlɛ Masédɔane valé Akai tɛrɛ la Krétiɛnnu faa lé wekɛlɛmazannu nya. 8Mizan dére si ka va yé é nwɛɛn Masédɔane valé Akai tɛrɛ la, ’bɛ saa kaan lo; munu a gi dɔɔ fɛfaana léé, ka bli a Kazambale lɛ, amalé é ’ka lé, ko ’bɛ fe lo. 9’Bɛna munu a ka tawe fena léé, ko go ka va yé ka ko si é zima yé ka nɔla Kazambale va yé ka sɔn vɔ miyilinu ma, Bale yuɛmale lé é ke Bale bozen nya, a bɔle we gi. 10Yé Bale Be Jézu lé é a nwa gamunu va bɛ, ’té éé ko sié Bale lé bliflile lé é dan da lɛ bɛ, a wuo, ka a a sile la gi lɛbɛnna fɛan zo, wa faa zuo fe ko lɛ.
Currently Selected:
1 Tɛsalɔnik munu 1: GOURU
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979
1 Tɛsalɔnik munu 1
1
Weale lé
(Fil 1:3–6; Kol 1:3–8; 1 Ts 2:13–14)
1’Kaa Tɛsalɔnik léglizigimunu lé ka ke Tibale valé Mizan Jézu Krist gi bɛ, ko we ka va. Kazambale ’é zin kɛlɛ ka lɛ yé ’é ka vo drɔɔ ma. Maa Pɔl koo, Silvɛn koo, Timoté koo, ko ɛ ke sɛbɛ ’ko gyɛna ka lɛ.
Tɛsalɔnik munu a munu lé wekɛlɛmazannu nya
2Ko Kazambale bɔ vɔa yifaama ka faa lé we ma, ’té ko bazoroan kalé we ma. 3We lé ka a kɛla kalé blipale we ma koo, nyanama lé ka a paan Kazambale sɔle ka lɛ we ma koo, ka bli a Kaazan Jézu Krist lɛ yifaama fɛan zo koo, wo sele a ko gi bléyi faa ma kaa Ti Bale ’lɛ. 4’Kaa ko bwenu lé ka sɔ Kazambale lɛ é baba, ko a gi dɔɔ léé, Kazambale ka si a va. 5Naa, kolé Wenéné lé ko a fe ka lɛ bɛ, ko ’ka a fe lɛ dére saa nya lo. Ko a fe ka lɛ plɛplɛ koo, Léli Sauun koo, bɔngikiniwe bozen koo, wo nya. Fɛan zo lé ko ke ka méléna, ka ’bɛ gi dɔɔ. 6Yé ka kinin ko valé Mizan zuosonazannu nya. Ka Bale dére nyi si, yé ka nyané ble é baba alé we ma, ’té Léli Sauun éé ka gi nanaan duowo. 7A zo lé ka kɛlɛ Masédɔane valé Akai tɛrɛ la Krétiɛnnu faa lé wekɛlɛmazannu nya. 8Mizan dére si ka va yé é nwɛɛn Masédɔane valé Akai tɛrɛ la, ’bɛ saa kaan lo; munu a gi dɔɔ fɛfaana léé, ka bli a Kazambale lɛ, amalé é ’ka lé, ko ’bɛ fe lo. 9’Bɛna munu a ka tawe fena léé, ko go ka va yé ka ko si é zima yé ka nɔla Kazambale va yé ka sɔn vɔ miyilinu ma, Bale yuɛmale lé é ke Bale bozen nya, a bɔle we gi. 10Yé Bale Be Jézu lé é a nwa gamunu va bɛ, ’té éé ko sié Bale lé bliflile lé é dan da lɛ bɛ, a wuo, ka a a sile la gi lɛbɛnna fɛan zo, wa faa zuo fe ko lɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique de Cote d'Ivoire 1979