Ipenbaring 19
19
Dit 19. Kapitel.
1En eter dössen hjert ik en gurtem Stem van en gurt Kär ön Hemmel, di sprok: Halleluja! Seligheid en Pris, en Iär, en Kraft wis üs Herr Gott.
2For wårhaftig en rogtfârdig sen sin Ordile, dat hi di gurt Hur forordilet hēd, welk di Örd me hör Hureri fordârewt hēd, en hēd sin Diners Blöd van hör Hund kråwet.#19.2 wröget.
3En ja sprok dit taust lop: Halleluja! En di Rok geid âp ön alle Ewigheid.
4En di vjur en twundig Olderlid, en di vjur Dirten fal djäl, en bödigt Gott ön, diär üp di Tron set, en sprok: Amen, Halleluja!
5En jen Stem ging üt van di Tron, di said: Lowet üs Gott, alle sin Tinstknegter, en dânen, diär höm fürgte, bid Litj en Gurt.
6En ik hjert en Stem van en gurt Kär, en alliküs en Stem van vul Wetern, en üs en Stem van hart Tönderslaggen, di sprok: Halleluja! For di almagtig Gott hēd dit Rik innommen.
7Let üs blid wis, en üs frügge, en Höm di Iär iw, for dit Lum sin Brödlep es kjemmen, en sin Wüf hēd sik klar måket.
8En hat wåd hör iwen, om rin en blank Lennentjug öntötien; for dit Siden bedüdet di Helligen jar Rogtfardigheid.
9En hi said tö mi: Skriw: Selig sen dânen, welk tö dit Nagtmal van dit Lum sin Brödlep beröpen sen. En hi sprok tö mi, dit sen wårhaftig Urder van Gott.
10En ik fäl djäl voar sin Fet, om höm öntöbödigen. En hi sprok tö mi: Se tö, dat dü dit ek dädst; ik sen din Meknegt, en din Brödhern jår Meknegt, en dânen jår, welk dit Tjügnis van Jesus ha. Bödige Gott on! Mar dit Tjügnis van Jesus es di Geist, om wis voarüt tö sien.#19.10 van di Profeseiing.
11En ik såg di Hemmel ipenmåket, en se hjir, en wit Hingst, en di, welk diärüp set, hjit tru en wårhaftig, hi ordilet, en fört Krig me Geregtigheid.
12En sin Ogen sen üs en Jöldflam, en üp sin Haud sen vul Könnings-Kronen. Hi drog en skrewwen Nom, welk Nemmen moar forstönd, üs hi sallew.
13En wiär öntein me en Kload, wat me Blöd bespränkt wiär, en sin Nom hjit Gottes Urd.
14En höm #19.14 Weggelassen: fölligt. dit Heer ön Hemmel üp wit Hingster, ontein me wit en rin Siden.
15En üt sin Müd ging en skârp Swärt, om di Heiden diärme tö slaen, en hi wel jam regire me en irsen Rod. En di trat di Winpärsküp me di Win van di almagtig Gott sin Törn en Grim.
16En hi hed en Nom skrewwen üp sin Kload, en üp sin Lunken wiär di Nom skrewwen: Könning aur alle Könninger, en Herr aur alle Herren.
17En ik såg en Engel ön di Sen stunen, en hi röp me gurtem Stem, en sprok tö di Vüggeler, welk önder di Hemmel flö: Kom, en forsåmele ju tö di gurt Gott sin Någdert.#19.17 Nagtmål.
18Omdat I dit Flesk van di Könninger, en dit Flēsk van di Oppersten aur düsend, en dit Flesk van di Starken, en dit Flēsk van di Hingster, en van danen, welk diärüp set, en dit Flēsk van alle Frien en Tinstknegter, bid Litjen en Gurten it.
19En ik såg dit Bēst, en di Könninger üp di Örd, en jår Krigsvolken forsåmelt, om tö striden tögen di, diär üp di Hingst sēt, en tögen sin Heer.
20En dit Bēst wåd greppen, en me ditsallew di falsk Profet, diär di Teken död voar höm, dör welk hi dânen, welk dit Markteken önnommen hed van dit Best, en dânen, welk dit Bild van dit Bēst önbödigt. Dös tau wåd biding lewendig ön dit Jöld-Pul smetten, diär me Swåwel brent.
21En di Üdern wåd doadslain me dit Swärt van di, diär üp di Hingst sēt, wat üt sin Müd ging, en alle Vüggeler wad sådigt van jår Flēsk.
Currently Selected:
Ipenbaring 19: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
