Ipenbaring 16
16
Dit 16. Kapitel.
1En ik hjert en gurtem Stem üt di Tempel, di sprok tö di sowen Engeler: Gung hen, en jit di Bekkers van Gottes Wredheid üt üp di Örd.
2En di Jest ging hen, en goat sin Bekker üt üp di Örd; en diär kam en arig en fordarwelik Boldning#16.2 Kedling üp di Mensken, welk dit Markteken van dit Bēst hed, en welk sin Bild önbödigt ha.
3En di taust Engel goat sin Bekker üt ön di See. En hat wåd Blöd üs van Jen, diär ofmurdigt uden es; en alle lewendig Selen ön di See stoarw.
4En di träd Engel goat sin Bekker üt ön di Weterstromer, en ön di Weter-Soaden. En hat wåd Blod.
5En ik hjert di Engel aur di Weteren sien: Herr! dü best rogtfârdig, diär es, en di diär wiär, en di, diär wis skel, dü Hellig, dat dü dit Ordil ütfört hest.
6For ja ha dit Blöd van di Helligen en Profeten forgöten; en dü hest jam Blöd tö drinken iwen, for ja sen dit wert.
7En ik hjert en üder Engel van di Rōkålter sien: Ja, Herr, almagtig Gott, din Gerigt es wårhaftig en rogtfardig.
8En di vjart Engel goat sin Bekker üt ön di Sen. En höm wåd di Magt iwen, di Mensken me Lög tö brennen.
9En di Mensken wåd hit van di gurt Hat; en lästert Gottes Nom, diär Magt hēd aur alle Plagen; en ja bekirt sik#16.9 Weggelassen: ek., om höm di Iär tö iwen.
10En di füfst Engel goat sin Skel üt üp di Trōn van dit Bēst. En sin Rik wåd junk måket, en ja kauet üp jår Tungen voar Pin.
11En ja lästert Gott ön Hemmel aur jar Pin, en aur jår Tündnels. En ja bekirt sik ek van jar Werken.
12En de sogst Engel goat üt sin Bekker aur di gurt Weter-Strom Eufrat; en dit Weter es âpdrügget; omdat di Wei foar di Könninger van Sens-Apgang bereitet ud.
13En ik såg üt di Dråk sin Mul, en üt dit Best sin Raggen, en üt di falsk Profet sin Müd, tri ünrin Geister gungen, alliküs di Podden.
14Hat sen Geister van di Düwel, ja död Teken, en gung üt tö di Könninger üp di Örd, en üp di hile Warld, om jam tö en gurt Slagt tö forsåmelin, üp di almagtig Gott sin gurt Dai.
15Betänk, ik kom üs en Tif. Selig es di, diär wåket, en bewåret sin Kloader, omdat hi ek nåken wandelt, en em sin Skåm ek sjogt.
16En hi hēd jam forsåmelt ön jen Steid, dit hjit üp Hebräisk Harmageddon.
17En di sowenst Engel goat sin Skel üt ön di Logt. En diär ging en gurtem Stem üt di Hemmels Tempel van di Trön üt, di sprok: Hat es sken.
18En diär fölligt Stemmen, Leidslaggen, en Tönderslaggen; en sa en skrekkelk Ördsjilwin, üs er jit nin wessen hed, sönt dat er Mensken üp di Ord wessen ha, sa gurt wiär dit Ördsjilwin.
19En ut di gurt Stad wad tri Dil, en di Heider jar Städer fäl. En om di gurt Stad Babylon wåd er tågt voar Gott, om hör di Bekker#16.19 Kelk. me di Win van Gottes grimmig Törn tö iwen.
20En alle Eilönden flögt, en di Bâriger sen forswünden.
21En en gurt Heilflåg, sentnerswår fäl van Hemmel üp di Mensken; en di Mensken lästert Gott aur di Plåg van di Heils, for di Plåg diärvan es vūlgurt.
Currently Selected:
Ipenbaring 16: NFNT
Highlight
Share
Compare
Copy
Want to have your highlights saved across all your devices? Sign up or sign in
Translated by Peter Michael Clemens (1804-1870)
